Dhewuteronome 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ngu toneto, u na randa MKOMA, Txizimu txako, ngu yotshe mbilu yako, ngu wotshe moya wako, ni wotshe mtamo wako.

Awe u na ma gondisa ka vanana vako, kambe u na womba-womba ngu ona, u di khalahatshile m'tini kwako, ni kungako u txi tsimbila amu mapfhumbani kwako, ngako u txi otela, ni kungako u txi wuka.

Mapswi awa ni ku leletako nyamsi, ma nave mbiluni kwako.

Engisa awe Israyeli, MKOMA, Txizimu txathu, MKOMA mmweyo dwe.

Kambe u na ma sunga diwokoni kwako kasi kumaha txialakanyiso, ni kuva txikombiso hagari ka maso ako.

Awe u na ma bhala aha ka misasimo ya nyumba yako, ni mu ka matimba ako.”

U na thava MKOMA, Txizimu txako, u txi mkhozela, ni kuxambanya ngu ditina dakwe.

Ngako MKOMA Txizimu txako a txi ku wuletisa ka ditiko di ene a nga thembisa ngu kuxambanya ka vatate vako Abrahamu, Isaake ni Jakobe, ti to a na kuninga, i ku madhoropa a hombe o tshura, aawa u nga mbi ma aka, ka tinyumba ti ti nga tala ni sotshe sa sinene, asi si nga mbi sengeletwa ngu ngawe; sisima si si nga mbi kelwa ngu ngawe; tithembwe ta mivhinya ni miolivha, ayi yi nga mbi phawa ngu ngawe; ngako u txi dya u txi khura. Ti wonele, u si divali MKOMA, a nga kuhumisa ditikoni ka Egipta, ka nyumba ya wukhumbi.

“Ayiya koko, ngu yona milayo ni sileleto ni mithetho, asi MKOMA, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma. Ngu toneto, thava MKOMA, Txizimu txako, kambe vekisa yotshe milayo yakwe, ni sirumo si nyamsi ni ku leletako, awe ni vanana vako, ni mtukulu wako, otshe masiku a kuhanya kwako, kasi ku masiku ako ma na anda.

U na maha ati i ku to lulama, ni ti i ku ta tinene masoni ka MKOMA, kasi ku u na zumbiseka kala kuza u txi wulela ka ditiko da dinene, adi MKOMA a nga thembisa ngu kuxambanya ka vatate vako

Nguko MKOMA, Njizimu txako, atxi txi nga aka hagari kwanu, Njizimu txa txiluse; ngako kuhenya ka MKOMA, Txizimu txako, ku txi vhiluka, ene a nga kufuvisa ha mafuni.

Mi nga khozeleni simwani sizimu, asi si ku hagari ka sizimu sa vathu, vale va mi randelako.

Mi nga dukeni MKOMA, Txizimu txanu, nga kule mi nga m'duka kona Masa.