Dhewuteronome 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Thava tate wako ni mame wako, nga ti MKOMA, Txizimu txako, a nga kuleleta, kasi masiku ako ma na anda ni nawe u na kateka, ka ditiko di MKOMA, Txizimu txako, a no kuninga.

“Mi na tsimbila ngu yotshe nzila yi MKOMA, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

khu na mbi si khozela, kambe khu na mbi si thumela, nguko ani, MKOMA, Txizimu txako, ni Txizimu txa txiluse, atxi txi tsayisako vanana ngu mhaka ya sionho sa vaveleki vawe, kala ka liveleko la wuraru ni la wumune ka vale va ni vengako. Kambe na maha wumbilu ka magumi a mazana a vale va ni randako, ni kuvekisa sirumo sangu.

Awe khu na mbi ti mahela txifananiso txo vatwa, hambi txo fana ni txokari txa si si ku txitimwi nzumani, mwendo hahatshi ha mafuni, mwendo matini hahatshi ka mafu

Khu na mbi va ni simwani sizimu hahanze kwangu.

Khu na mbi khumbuka walo ditina da MKOMA, Txizimu txako, nguko MKOMA kha na mbi leka, asi tsayisi, awule a sakanako ngu ditina dakwe, walo.

Sikwawe, idiku timbilu tawe yotshe mbimo to va ni mapimo o nga toneto, veva ni txithavo, va txi vekisa ngu kusimama sotshe sirumo sangu, va ndi na zumbiseka ta tinene, vona ni vanana vawe, kala kupinduka.

U na vekisa ditshiku da Sabbata u txi di sawulekisa, nga ti a nga ku leletisa tona MKOMA, Txizimu txako.

U nga navele msikati wa muakelani wako, kambe u nga navele nyumba ya muakelani wako, hambi thembwe yakwe, hambi khumbi yakwe ya wamwamna mwendo ya wamsikati, hambi homu yakwe, ni mbongola yakwe, hambi ni txihi tximaha txi lumbako muakelani wako.”

U nga mahe wugango.

U nga lumbete muakelani wako, ngu wufakazi wa makuhu.

U nga daye.

U nga pe.

Alakanya ti to nawe u ti ti khumbi ditikoni ka Egipta, ni ti to MKOMA, Txizimu txako, a ku humisile koneyo ngu dianza da mtamo ni diwoko do guleka. Ngu mhaka ya toneto, MKOMA, Txizimu txako, a ku leletete ti to u vekisa ditshiku da Sabbata.

U na thuma amu ka mtxhanu wa masiku ni dimwedo, u txi maha yotshe mithumo yako. Ditshiku da wutxhanu ni mambidi, i Sabbata ya MKOMA, Txizimu txako; khu na mbi maha ni wawumwewo mthumo, awe ni mwanana wako, wa mfana mwendo wa dihorana, ni khumbi yako, ya wamwamna mwendo ya wamsikati, ni homu yako, ni mbongola yako, ni txihari txokari txako, ni mluveli wu a ku m'tini kwako. Ngu kumaha keto, khumbi yako ya wamwamna mwendo ya wamsikati, va na sikota kuhumula ni vona kufana ni nawe.

“Ani ngani MKOMA, Txizimu txako, ni nga kuhumisa ditikoni ka Egipta, ka nyumba ya wukhumbi.