LAAGE GO 37
37
Kne'ge komrom tayge jag no
1Betsalel kal joñ komrom de koo gasiya. Depaçaçge äe hay nen sañtimeder kis ti äe do äog ti dwee, diy äe nen ngaä sañtimeder do renam ti äe dwee lay. 2AÈ äo' boo biñni de see äe tawa go ne hen ti, nen äil lay nen faale lay, kal äo' boo biñni go ne hen jag deleñleñ äuy. 3AÈ kal joñ boore ma delel delel do äeege naa de boo biñni, kal heer rage go ti coçoç äen wo naa äuy. 4AÈ kal joñ koore ma lamma lamma wo, day kal äo' boo biñni go ne hara ti. 5AÈ kal heer koore ma lamma lamman wo äil boore ma delel delel do äeegen ti jeñ komrom no, ma soëge äe. 6AÈ kal joñ jag komromn de boo biñni de see äe tawa. Depaçaçge äe hay nen ngaä sañtimeder kis ti äe do äog ti dwee, diy äe hay ngaä sañtimeder do renam ti äe dwee. 7AÈ joñ kerubeçeç wo äog de boo biñni ma de tooge, aà wo de lagge ti tawge ti jag komrom ma äog wo no. 8Kerubeçeç go ti tawge ti jag äe äañla lay, go ti tawge ti jag äe äañla lay. AÈ joñ ra mono kerubeçeçn wo go de joñge diñ de jag komromn see keçeç humlum äuy tuseñ. 9Kerubeçeçn hay wo go de blar grañ äaara ti kaykay, hay wo de hul grañ äaara ne jag komrom ti, blam äe hay wo de ngië nen äaara ne kaçaçra ti. Nen kerubeçeçn hay wo de kañge diñ ne jag komromn ti.
Kne'ge table ma laa hole peçeç no
10AÈ joñ tablen de koo gasiya. Depaçaçge äe hay nen ngaä meder boñ, diy äe nen sañtimeder do renam ti dwee, geçeçre äe ciñ nen ngaä sañtimeder do renam ti dwee. 11AÈ äo' boo biñni go ne hen faale de see äe tawa, äo' boo biñni go ne hen faale de see äe tawa, äo' boo biñni go ne hen jag deleñleñ äuy. 12AÈ äo' ëiñëiñ po ti jeñ äe de diy nen ngaä sañtimeder nenma'a, äo' boo biñni go ti jeñ äe deleñleñ äuy. 13AÈ joñ boo biñni delel delel do äeege naa see table no, heer boore ma delel delel do äeegen wo ti coçoç äe ma naa wo no, go ti äaale äen wo naa äuy. 14Boore ma delel delel do äeegen wo go de toçëge see ëiñëiñ ma ti jeñ äe no, day koore ma lamma lamman wo de heerge äil äe ma soë table no. 15AÈ joñ koore ma lamma lamman wo de koo gasiya. Kal äo' boo biñni go ne hara ti, aà hay wo diñ ma soë table no. 16AÀ kal joñ feçeçre maga hay wo ma laage ti tablen mono. Haçaçre äen wo, geëegre äen wo, kobre äen wo, diñ ma kag yii maga aè nduë de äaara sië jag mono. AÈ joñ ra äuy diñ de boo biñni de see äe tawa.
Kne'ge mo ma heer lampa no
17AÈ joñ mo ma heer lampan de boo biñni de see äe tawa. AÀ joñn de boo biñni ma de tooge, äaale äe, koo äe no, huçy äen wo no, horloñ äe ma do le'ge amañden wo no, de fuëgi äen wo äuy wo de jagge jag keçeç. 18Jag do äe ma hiira'n hay wo jag kaçaçra, äañla swa' lay, äañla swa' lay. 19Ti jag do äe boñ mono, huçy äe hay de toçëge ni swa'a, horloñ äe ma do amañde no, de fuëgi äen wo no, aà hay go ti jag do mo ma heer lampa ma renamn wo desen no äuy no. 20See koo mo ma heer lampan mono, huçy äe hay ni naa, de horloñ äaara ma do le'ge amande no. 21Jag do äe ma po wo äog maga laa wo go see mo ma heer lampan hay wo de äod horloñ were. Wer ma la dosen no lay, wer ma la dosen no lay, haçaç go wer äaara hiira' äuy. 22Horloñ äen hay wo go de jag nen äiñ kaçaçra äuy de mo ma heer lampa no. AÀ hay wo äuy de tooge de boo biñni de see tawa. 23AÀ joñ lampa äe ma renamn wo de äogam ma tagge äen wo, de gesaçaçge ma yaçë saçaçge äen wo de boo biñni de see äe tawa. 24Mo ma heer lampan de feçeçre joñre äen wo äuy mo deñ ree wo boo biñni de see äe tawa nen mañ klew do swa'a.
Kne'ge ngeel sië jag ma roë feçeçre foçoçre no
25AÀ joñ ngeel sië jag feçeçre foçoçren de koo gasiya. Depaçaçge äen hay wo go dega'dega' äuy. AÀ ngaä sañtimeder do dwee. Geçeçre äe ciñ nen ngaä meder äoñ. AÀ hay de coçoç ti. 26AÈ äo' boo biñni go de see äe tawa ne hen ti. Ti äe, ti jeñ äen wo, see äe äuy, ti coçoç äen wo. AÀ äo' diñdiñ po go ti äe degarra äuy. 27Ti jag ëiñëiñ äen mo ti' aà heer boo ma delel delel do äeege wer äe äañla äog lay, äañla äog lay. Nen maga koore ma lamma lamman mo heer wo ni ma soëge äe. 28AÈ joñ koore ma lamma lamman wo de koo gasiya, äo' boo biñni go ne hara ti.
29AÈ joñ noo ma kagge ti ma bay ëagn wo de trusa ma foçoçren go yegyege, tay nen äe diñ jar ko joñre trusan wo tu.
Currently Selected:
LAAGE GO 37: TUPB
Highlight
Copy
Compare
Share
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006