LAAGE GO 3
3
1Moyis hay koë horog mani yaa äe Jetro je sië jag ma Madiyañ caw. Ti wurpo se kal fer horogn wo wo nen faale puuli no kay, kal age Horeb, ti huuli mani Baa no. 2Je peele Manwur kal naa nen see äe ne hen nen wuu de yaçaçge yoo liri. Moyis ko nen äe, yoo lirn hay go äuy diñ wuu, day wuun bay roëge äe wa. 3Moyis kal waçaçge ga, ndi kol go de el ma ko mo se maga naa nen see äe kluu mo haç' ëa. Diñ wer may ga lirn bay roëge wa mo ne. 4Manwur wo koge ga aà de kolge ma ko nen mono, Baa kal ëege äe le yoo lir no, day wiin ga: Moyis! Moyis! AÀ kal yiñ jag ga: Ndi la! Baa kal ga: 5Ya' le la wa, ndar taarag ma äaale äon go, werga ngeel maga ndo de oole ni mo deñ aà diñ sir ma bay ëage. 6AÀ kal waçaçge ne hen ni pa ga: Ndi diñ Baa mani pan äo no, Baa ma Abraham, Baa ma Isag, Baa ma Jakobe. Moyis kal yoñ nen äe go, do ga heçeçne hay joñ ne, ga day la se ko Baa go.
7Manwur kal waçaçge ga: Ndi ko mbi bon maga de joñ jar äin wo le Ejipte we, ndi laa mbi ro äaara do jar joñ bon äaaran we lay, 8Ndi ëii le diñ ma yaçaç rage go do jar Ejipte wo. Day diñ maga aà mo ëii wo wo go ti sir sen lam no, ma woge de äaara äi sir ma de ele, sir ma kluu, sir maga noo yoçoçre yuu wo ni de paçaç, ti ngeel maga jar Kanaan wo, jar Hitid wo, jar Amorid wo, jar Feresid wo, jar Hifid wo de jar Yebus wo de lagge ni mono. 9Patala ngarge jag jar Israyel wo wo go haçaç da' mege, day ndi ko joñge coo maga jar Ejipte wo de joñ bon äaara mono. 10Patala see, ndi äo' mo ge wo äiñ Farawoñ, ni ndo kal le go de jar äin wo äi sir Ejipte, jar Israyel wora.
Baa naa nen ëu see äe ne Moyisi
11Moyis raw wii Baa ga: Ndi diñ wose ma woge äiñ Farawoñ, day ma laage le go de jar Israyel wo äi sir Ejipte la? 12Baa raw wiigi äe ga: Ndi yañ de äo. Day fen kañ nen maga kañ ge nen äo ga ndi äo' mo diñ ndi mokay no: De maga ndo laa jar Israyel wo we le go Ejipte no, ni nday goñ ge Baa yañ ti huuli sen mo ka' la no.
13Moyis wii Baa ga: Ndi wo ge see jar Israyel wo so, day ndi wii gi ra so ga Baa mani paçaçre äayn äo' me le see äay. Day aà wii gi wo ndi we ga ëu äe gahaçyla no, ndi waçaçge ne hara gahaçy so la? 14Baa kal wii Moyis ga: Ndi diñ je maga ndi yañ mono. AÀ kal waçaçge pel äe ni pa ga: Je maga aè ëen ga “NDIYAÑ” mono äo' me le see äay diñ se. 15Baa day wii Moyis pa ga: Wii jar Israyel wo do kay nono: Ga Manwuri, Baa mani paçaçre äay wo no, Baa mani Abraham, Baa mani Isag, Baa mani Jakob no, äo' me le see äay. Mokay diñ ëu äi ma tum no, mokay diñ ëu äi maga wer jar maga ndar ge wo le mo sarsar deñ äuy ëe ge wo ndi de äe mono. 16See, wo tay jar kluuri jar Israyel wo, day wii ra ga: Manwuri, Baa mani paçaçre äay wo no, naa nen see äe ne ndi. Baa mani Abraham, Baa mani Isag, Baa mani Jakob no. AÀ waçaç ga: Nday ko mbay decoo we nen äi cwaçy, ndi ko mbi fen maga aè le de joñ nday de äe äi sir Ejipte we. 17Day aà kal waçaçge ga: Ndi joñ ge yañ nen hoo nday le go äi sir Ejipte, ti ngeel maga nday le nen coocoo ni, ma woge de äay ni jar Kanaan wo, jar Hitid wo, jar Amorid wo de jar Feresid wo, jar Hifid wo, jar Yebus wo, ti sir maga paçaç yuu wo de noo yoçoçre ni mono. 18AÀ laa ge wo jag äo yañ, blam äe ndo, jar kluuri ma yoo jar Israyel wo no, nday wo ge äiñ wañ Ejipte, ni nday wiin wee gana: Manwuri, Baa mani jar Hebre wo no, naa nen see äe ne wuuri. Patala haç faage ne wuur maga wuur mo joñ siili seege swa' äi puuli ma woge joñ siëgi jag ne Manwuri, Baa wuur no. 19Ndi yañ mbi de koge ga wañ Ejipte men ge nday rawge gaa, koh eegre po mo rawn ba yaw. 20Ndi coñ ge do äi yañ day ndi mbarge Ejipte yañ de feçeçre mbuëgi ma kluuri maga ndi joñ ge ra yañ ni äe. Blam feçeçre sen wo mono aà menge nday yañ rawge. 21Ndi joñ ge yañ ga jar äon mo ko de el nen jar Ejipte wo. De maga nday le' rawge we no, nday rawge do koë gaè. 22Waçy ma honla äuy mo woge wii teäoole wo de haçaçre boo solay, de boo biñni, de oçoçbe wo do waçy leege äe noga may jar Ejipte maga liñ ni äe, ma lagge ne weere äay wo de mayre äay wo ti. Nday äo' ge coo jar Ejipte wo go na do kay nono.
Currently Selected:
LAAGE GO 3: TUPB
Highlight
Copy
Compare
Share
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006