संत.मत्ती 2
2
पुरूब तरअः गेयानीकु आला हिजोअ
1ईसु आला जनम जाहुदिया रेनअः बाइतुलेम रे, राजा हेरोद बेरा हुयाव ताहिना। होना तयोम गेयानी पुरूब तरअः जिरोसलेम हीःग नेनाकु, 2“जाहुदीकु आली नावाँ जनमाव उनी राजा ओकाःड़े एदानिया? आउर नोःआँ कंहड़ी लअकु, आले हुनी आली इपील के सिरमा रे तुरोः नेल तदियाले, आले हुनी के जो-जोहार लःअय हीःग तनाले।”
3नोःआँ आयुम केते, राजा हेरोद आउर गोटा जिरोसलेम रिनकु घबराव नाकु। 4आउर हुनी जाहुदी होड़कु रिनकु जामे, महापुरोहितकु आउर धरम पुथी सि-सिखावकु के जवार केते, हुंकू के कुली लिकुआय ची “ख्रीस्त आला जनम ओकाःड़े हुयाअः चाही?”
5हुनी उतारा एम लःअय, “जाहुदिया परदेस रेनअः बाइतुलेम रे,” एता लःअय ची आगमजानी नोःआँ रअः बारे रे नोःआँ लिखा तदाय,
6 #
मीका 5:2
“ए बाइतुलेम, जे जहुदा रेनअः राईज रेआ,
आम ओका लकान रे जहुदा रिनकु हाकिमकु तरअः छोटे कनेमेआ,
एता लःअय ची आपे मेसे मियांड अगुवा उडुंग कोआय,
जे ईङ आलकु इसराइल होड़कु रिनी चरवाहा पाड़ी कोआय।”
7आउर हेरोद गेयानीकु के सिड़िःग-सिड़िःग राअः केते, हुंकू के कुली लिकुआय ची इपील इकिन बेरा दिसतार ताहिनाय। 8आउर हुनी नोःआँ कंहड़ी केते हुंकू के बाइतुलेम कुलगोःड लिकुआय, ची “सेन केते हुनी बालेक चेंगा रआ बारे रे, ठीक-ठीक पता लगायपे, आउर हुनी के नमियापे दो ईङ के खभाईर एम पे जेकर से ची ईङ होः सेन केते हुनी के जोहारी-यीङ।”
9हुंकू राजा आला कंहड़ी के आयुम केते सेनोः नाकु, हुंकू जे इपील के तुरोः केनाय के नेल थिलयाकु, हुनी हुंकू तरअः मड़ांग-मड़ांग सेनोः केनाय। आउर जे दुबाःड़े बालेक चेंगा ताहिनाय, होना तेंग रे सोदोर केते तिंगुअ नाय। 10हुंकू, हुनी इपील के नेल केते मुरुक खुस नेनाकु। 11आउर होना ओड़ाअ रे सोदोर केते, हुनी बालेक चेंगा के हुनी आली एंगाते मरियम लोः साँघे नेल लियाकु, आउर हुमकुरिया ऊयुअ केते हुनी के जोहार लियाकु। आउर अपन-अपन थाईलाः खोलाव केते हुनी के सोना, लोबान आउर गंधरस रअः भेंट रकाःब लअकु।
12हुंकू के सपना रे हेरोद दुबाःड़े आलपे रूवाड़ कोअ, मेन केते चेतावन भेटाव ना लःअय, हुंकू एटाअ होरा तरअः अपन राईज सेनोः नाकु।
मिस्र राईज सेनोः
13हुंकू सेनोः तरअः तयोम, परभु आली दूत जोसेफ के सपना रे दिसतार नेनाय, आउर नोकान कंहड़ी लःअय, “बिरिःड मे, बालेक चेंगा आउर हुनी आली आया तेके ईदी केते मिसर राईज नीर जुनोः मे। आउर जब तक ईङ आम के काईंग कंहड़ी जगुत हिनाःड़े ताहिनमे, एता लःअय ची हेरोद गो-गोएःग ची लःअय बालेक चेंगा के ना-नाम वाला एदानिया।”
14जोसेफ बिरिःड नेनाय, आउर हिना निदा बालेक चेंगा आउर हुनी आली आया तेके ईदी केते, मिसर राईज सेनोः नाय। 15#होसे 11:1हुनी हेरोद गोजोः जगुत हिनाःड़े तहिनाय। जेकर से ची आगमजानी आला आहा तरअः, जे परभु कंहड़ी ताही लःअय होना पुरा योअ, “ईङ अपन होपोन के मिसर राईज तरअः राअः लियीङ।”
बालेक कोड़ा चेंगाकु के गो-गोएःग
16जब हेरोद नोःआँ नेल लःअय, ची गेयानीकु ईङ के धोखा एम तदाकु दो मुरुक कायराव नाय। हुनी होड़कु के कुलगोःड केते, आउर गेयानीकु तरअः ठीक-ठीक उदूः लअः बेरा मोताबिक, बाइतुलेम आउर होना आस-पास रिनकु हुंकू जामा कोड़ा चेंगाकु के गोएःग चबाः ची लिकुआय। जे दुई बरीस रिनकु चाहे आउर छोटेकु ताहिनाकु।
17तब येरेमियस आगमजानी आला नोःआँ बचन पुराव नेना,
18 #
जिर 31:15
“रामाह रे मियांड दुख रअः सबद आयुमोः ताना,
आउर भोकराव-भोकराव ईईयाम रेनअः सबद आयुम नेना,
राहेल अपन चेंगाकु लःअय ईयामे केनाकु,
आउर अपन मेःड दाअः के ओके केहोः काकु जोःड चिकुकेना,
एता लःअय ची हुंकू कनिकुआ गोएःग चुकाव थिनाकु।”
नाजरेत रे बसाअ
19हेरोद रअः गोजोः तयोम, परभु आली दूत मिसर राईज रे जोसेफ के सपना रे दिसतार केते, 20नोकान कंहड़ी लःअय, “बिरिःड में, बालेक चेंगा आउर हुनी आली आया तेके ईदी केते, इसराइल राईज सेनोः जुनोः मे, एता लःअय ची हुनी जे बालेक चेंगा आला जीव ईइदी नाम केनाय, हुनी गोएःग नाय।” 21जोसेफ बिरिःड नेनाय आउर बालेक चेंगा आउर हुनी आली आया तेके ईदी केते, इसराइल राईज रे हीःग नेनाय।
22हुनी आयुम लःअय ची अरखेलौस आएंग आली आपाते हेरोद आला ठाँव रे जाहुदिया परदेस रे राईज दाय, हिना लःअय हुनी के होनाःड़े सेनोः लःअय बोर आदा नेना। आउर सपना रे नोःआँ चेतावन नाम केते, गलील राईज रे सेनोः नाय, 23#सं.मर 1:24; सं.लुका 2:39; सं.जोह 1:45होनाःड़े नासरत नुमू सहर रे सेन केते बसाव नाय। “नोःआँ लकान आगमजानीकु आला नोःआँ बचन पुराव नेना, नुई नासरत रिनी कहलाव कोआय।”
ამჟამად არჩეულია:
संत.मत्ती 2: ASR
ხაზგასმა
კოპირება
შედარება
გაზიარება
გსურთ თქვენი ხაზგასმები შენახული იყოს ყველა თქვენს მოწყობილობაზე? დარეგისტრირდით ან შედით
© 2023 NLCI CC BY-NC-ND 4.0