Luka 18
18
Mfano wa muke mgane na mlamuzi
1Amala Yesu kawalongela waluko wake mfano umwe kalonga, vija viilondeka kumpula Mulungu mazua gose bila kulegela. 2Amala kalonga, “Muikae imwe hakala na mlamuzi imwe, kakala bila kumfugamila Mulungu hebu kuwagesa wanhu. 3Muikae iija hakala na muke imwe mgane yakalile yomgendela mlamuzi iyo mala nyingi kuno yompula yolonga, ‘Ngombele mhate chibali cha uhumi kulawa kwa mhasanyi wangu!’ 4Mmazua mengi mlamuzi iyo halondile kumgombela iyo mgane, mbali mchikomelezo mlamuzi kailongela, ‘Hata kama nie simfugamila Mulungu na siwagesa wanhu, 5mbali mgane ino konigaza ng'hani, ivo nomgombela ili yapate chibali cha uhumi. Ama kogendelela kwiza kumwangu mala zose mbaka nolegela kabisa!’”
6Amala Mndewa kalonga, ‘Gatongeni ng'hani gaja gayalongile iyo mlamuzi msede. 7Ivo, Mulungu hodaha kuwagombela waja yawasagule, womlilila misi na chilo yawataze? Ivo, baho iyo kokawa kuwataza? 8Nowalongeleni, iyo kolopola kuwagombela wapate chibali cha uhumi. Hataivo, nie Mwanage Munhu niheza nodivika tumanilo muiisi?”
Mfano wa Mfalisayo na mgoga kodi
9Baho Yesu kawalongela mfano umwe waja wanhu watongile kua wao weli na unovu wa Mulungu, kuno wowazeleu wamwenga. 10“Zua dimwe wanhu waidi waita kumfugamila Mulungu Muikae ya Mulungu, imwe kakala mgoga kodi na imwenga kakala Mfalisayo. 11Ija Falisayo kema kuno yompula Mulungu yolonga mmoyo, ‘Go Mulungu niye nokutogola kwa vija niye sio kama wanhu wamwenga, wanhu weli na wamelo, wavwizi na wagoni, hebu kama ino mgoga kodi. 12Niye mdijuma sija mazua maidi kuno nompula Mulungu na nomlavila fungu dimwe da nhosa mmafungu kumi ga uzenzi wangu.’
13“Mbali ija mgoga kodi kema kutali, na henule meso gake kuulanga mbali kakala yoitoa muimhambaga kwa giogio na kolonga, ‘Go Mulungu nionele bazi nie nili na malozo.’ 14Niye nowalongeleni, “Ija mgoga kodi kabwela ukae yake kuno kalekeseligwa malozo gake. Mbali ija miage halekeseligwe. Kwavija yoinula kohulumusigwa na yotumbala kokwinuligwa.”
Yesu koweng'ha unovu wa Mulungu wana wadodo
Matayo 19:13-15; Maluko 10:13-16
15Wanhu wakala womgalila Yesu wanawadodo yawekile makono gake ili yaweng'he unovu wa Mulungu. Mbali waluko wake viwaonile ivo, wawakomhokela, 16mbali Yesu kawakema waja wana wadodo waite kumwake kalonga, “Walekeni wana wadodo weze kumwangu, seke muwakimile, kwa vija Ufaume wa Mulungu ulinga wanhu kama wao. 17Kweli nowalongeleni, munhu yoyose yolema kuubokela Ufaume wa Mulungu kama mwana mdodo hokwingila ng'o Muufaume Wamulungu.”
Mlongozi mzenzi
Matayo 19:16-30; Maluko 10:17-31
18Amala mlongozi imwe Muyahudi kamuuza Yesu, “Mfundaji uli nawende, choni chinilondeka kusang'hana mbaka mhate ugima ulibule uhelelo?
19Baho Yesu kamwidika, “Habali kong'hema niye munhu nili na wende? “Habule munhu yoyose yali na wende, mbali Mulungu yaiyeka. 20Gweye kozimanya ndagizi za Mulungu, ‘Seke utende ugoni na seke ukome ivija seke wibe na kwa mbuli ya miago seke ulonge uvwizi kwa wanhu, mbali wategeleze tata yako na mami yako.’”
21Nayo kamlongela, “Gago gose nigamanya kulawa hadodo wangu.”
22Yesu viyehulike mbuli izo kamlongela, “Gweye kuhungukiligwa na mbuli imwe. Kule vinhu vako vose ulinavo, amala kawagolele vikumbi muyega baho kokua na mhamba kuulanga amala izo uniwinze. 23Viyehulike mbuli iyo kagwa giogio kwa vija kakala na uzenzi mkulu.
24Yesu viyamonile munhu iyo viyatendile, baho kalonga, “Loleni viili ndala kwa munhu mzenzi kwingila Muufaume wa Mulungu! 25Mbali vibuha ng'hani kwa mnyama ngamia kwingila mdizonzo da sindano kubita mzenzi kwingila Muufaume wa Mulungu.”
26Waja wanhu waulike ulonzi uo wauza, “Kama ndala ivo, yelihi yodaha kuhonyigwa?”
27Yesu kawedika, “Gaja gose hagadahika kwa wanhu, kwa Mulungu godahika.”
28Amala Petulo kamlongela Yesu, “Lola, na cheye chileka vinhu vetu vose chikuwinza gweye.”
29Yesu kalonga,”kweli nowalongeleni, habule hata munhu imwe yailekile kae yake hebu muke wake hebu waukae hebu tata na mami yake hebu wanage kwa mbuli ya Ufaume wa Mulungu 30amala seke yabokele vingi ng'hani chipindi chino na ugima ulibule uhelelo muiisi iyo ikwiza.”
Yesu kolagusa mala ya kadatu mbuli ya ifa yake
Matayo 20:17-19; Maluko 10:32-34
31Yesu kawasola hamgwazo waja waluko wake kumi na waidi na kawalongela, “Chokwela kuita Yelusalemu na chila chinhu chandikigwe na walagusi wa Mulungu kwa mbuli ya Mwana wa munhu chovikila. 32Kwa vija Mwana wa Munhu kogaligwa kwa wamhazi, na womzeha na kumliga na kumtemela mate. 33Nao womtoa mbalati na kumkoma, na mdizua da kadatu kozilibuka.”
34Mbali waluko wake hawazimanyile mbuli izo, kwa vija umanyi wa mbuli izo ufisigwa kumwao, baho hawamanyile choni chilongigwe na Yesu.
Yesu komhonya chipofu mpulaji
Matayo 20:29-34; Maluko 10:46-52
35Yesu viyakalile behi na isi ya Yeliko, munhu imwe chipofu, kakala yakalile mnzila kuno yopula. 36Chipofu iyo viyehulike bumbila da wanhu dobita kauza, “Kuna choni?”
37Wamlongela, “Yesu wa Nazaleti kobita.”
38Baho chipofu iyo kenula dizi kalonga, “Yesu! Mwanage Daudi! unionele bazi! 39Waja wakalile haulongozi hake wamkomhokela ili yanyamale. Mbali hatogole na kongeza kwinula dizi, “Mwanage Daudi! unionele bazi!.”
40Yesu kema na kuwalagiza wamgale kumwake, na viyavikile habehi, Yesu kamuuza,
41“Kolonda nikutendele choni?” Kedika “Mndewa, nolonda nilole.”
42Yesu kamlongela, “Haya ulole! Tumanilo jako dikuhonya.”
43Bahaja kalola na kamuwinza Yesu, na kamwing'ha hewela Mulungu. Na wanhu wose viwaonile mbuli izo, wose wamtogola Mulungu.
Currently Selected:
Luka 18: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Luka 18
18
Mfano wa muke mgane na mlamuzi
1Amala Yesu kawalongela waluko wake mfano umwe kalonga, vija viilondeka kumpula Mulungu mazua gose bila kulegela. 2Amala kalonga, “Muikae imwe hakala na mlamuzi imwe, kakala bila kumfugamila Mulungu hebu kuwagesa wanhu. 3Muikae iija hakala na muke imwe mgane yakalile yomgendela mlamuzi iyo mala nyingi kuno yompula yolonga, ‘Ngombele mhate chibali cha uhumi kulawa kwa mhasanyi wangu!’ 4Mmazua mengi mlamuzi iyo halondile kumgombela iyo mgane, mbali mchikomelezo mlamuzi kailongela, ‘Hata kama nie simfugamila Mulungu na siwagesa wanhu, 5mbali mgane ino konigaza ng'hani, ivo nomgombela ili yapate chibali cha uhumi. Ama kogendelela kwiza kumwangu mala zose mbaka nolegela kabisa!’”
6Amala Mndewa kalonga, ‘Gatongeni ng'hani gaja gayalongile iyo mlamuzi msede. 7Ivo, Mulungu hodaha kuwagombela waja yawasagule, womlilila misi na chilo yawataze? Ivo, baho iyo kokawa kuwataza? 8Nowalongeleni, iyo kolopola kuwagombela wapate chibali cha uhumi. Hataivo, nie Mwanage Munhu niheza nodivika tumanilo muiisi?”
Mfano wa Mfalisayo na mgoga kodi
9Baho Yesu kawalongela mfano umwe waja wanhu watongile kua wao weli na unovu wa Mulungu, kuno wowazeleu wamwenga. 10“Zua dimwe wanhu waidi waita kumfugamila Mulungu Muikae ya Mulungu, imwe kakala mgoga kodi na imwenga kakala Mfalisayo. 11Ija Falisayo kema kuno yompula Mulungu yolonga mmoyo, ‘Go Mulungu niye nokutogola kwa vija niye sio kama wanhu wamwenga, wanhu weli na wamelo, wavwizi na wagoni, hebu kama ino mgoga kodi. 12Niye mdijuma sija mazua maidi kuno nompula Mulungu na nomlavila fungu dimwe da nhosa mmafungu kumi ga uzenzi wangu.’
13“Mbali ija mgoga kodi kema kutali, na henule meso gake kuulanga mbali kakala yoitoa muimhambaga kwa giogio na kolonga, ‘Go Mulungu nionele bazi nie nili na malozo.’ 14Niye nowalongeleni, “Ija mgoga kodi kabwela ukae yake kuno kalekeseligwa malozo gake. Mbali ija miage halekeseligwe. Kwavija yoinula kohulumusigwa na yotumbala kokwinuligwa.”
Yesu koweng'ha unovu wa Mulungu wana wadodo
Matayo 19:13-15; Maluko 10:13-16
15Wanhu wakala womgalila Yesu wanawadodo yawekile makono gake ili yaweng'he unovu wa Mulungu. Mbali waluko wake viwaonile ivo, wawakomhokela, 16mbali Yesu kawakema waja wana wadodo waite kumwake kalonga, “Walekeni wana wadodo weze kumwangu, seke muwakimile, kwa vija Ufaume wa Mulungu ulinga wanhu kama wao. 17Kweli nowalongeleni, munhu yoyose yolema kuubokela Ufaume wa Mulungu kama mwana mdodo hokwingila ng'o Muufaume Wamulungu.”
Mlongozi mzenzi
Matayo 19:16-30; Maluko 10:17-31
18Amala mlongozi imwe Muyahudi kamuuza Yesu, “Mfundaji uli nawende, choni chinilondeka kusang'hana mbaka mhate ugima ulibule uhelelo?
19Baho Yesu kamwidika, “Habali kong'hema niye munhu nili na wende? “Habule munhu yoyose yali na wende, mbali Mulungu yaiyeka. 20Gweye kozimanya ndagizi za Mulungu, ‘Seke utende ugoni na seke ukome ivija seke wibe na kwa mbuli ya miago seke ulonge uvwizi kwa wanhu, mbali wategeleze tata yako na mami yako.’”
21Nayo kamlongela, “Gago gose nigamanya kulawa hadodo wangu.”
22Yesu viyehulike mbuli izo kamlongela, “Gweye kuhungukiligwa na mbuli imwe. Kule vinhu vako vose ulinavo, amala kawagolele vikumbi muyega baho kokua na mhamba kuulanga amala izo uniwinze. 23Viyehulike mbuli iyo kagwa giogio kwa vija kakala na uzenzi mkulu.
24Yesu viyamonile munhu iyo viyatendile, baho kalonga, “Loleni viili ndala kwa munhu mzenzi kwingila Muufaume wa Mulungu! 25Mbali vibuha ng'hani kwa mnyama ngamia kwingila mdizonzo da sindano kubita mzenzi kwingila Muufaume wa Mulungu.”
26Waja wanhu waulike ulonzi uo wauza, “Kama ndala ivo, yelihi yodaha kuhonyigwa?”
27Yesu kawedika, “Gaja gose hagadahika kwa wanhu, kwa Mulungu godahika.”
28Amala Petulo kamlongela Yesu, “Lola, na cheye chileka vinhu vetu vose chikuwinza gweye.”
29Yesu kalonga,”kweli nowalongeleni, habule hata munhu imwe yailekile kae yake hebu muke wake hebu waukae hebu tata na mami yake hebu wanage kwa mbuli ya Ufaume wa Mulungu 30amala seke yabokele vingi ng'hani chipindi chino na ugima ulibule uhelelo muiisi iyo ikwiza.”
Yesu kolagusa mala ya kadatu mbuli ya ifa yake
Matayo 20:17-19; Maluko 10:32-34
31Yesu kawasola hamgwazo waja waluko wake kumi na waidi na kawalongela, “Chokwela kuita Yelusalemu na chila chinhu chandikigwe na walagusi wa Mulungu kwa mbuli ya Mwana wa munhu chovikila. 32Kwa vija Mwana wa Munhu kogaligwa kwa wamhazi, na womzeha na kumliga na kumtemela mate. 33Nao womtoa mbalati na kumkoma, na mdizua da kadatu kozilibuka.”
34Mbali waluko wake hawazimanyile mbuli izo, kwa vija umanyi wa mbuli izo ufisigwa kumwao, baho hawamanyile choni chilongigwe na Yesu.
Yesu komhonya chipofu mpulaji
Matayo 20:29-34; Maluko 10:46-52
35Yesu viyakalile behi na isi ya Yeliko, munhu imwe chipofu, kakala yakalile mnzila kuno yopula. 36Chipofu iyo viyehulike bumbila da wanhu dobita kauza, “Kuna choni?”
37Wamlongela, “Yesu wa Nazaleti kobita.”
38Baho chipofu iyo kenula dizi kalonga, “Yesu! Mwanage Daudi! unionele bazi! 39Waja wakalile haulongozi hake wamkomhokela ili yanyamale. Mbali hatogole na kongeza kwinula dizi, “Mwanage Daudi! unionele bazi!.”
40Yesu kema na kuwalagiza wamgale kumwake, na viyavikile habehi, Yesu kamuuza,
41“Kolonda nikutendele choni?” Kedika “Mndewa, nolonda nilole.”
42Yesu kamlongela, “Haya ulole! Tumanilo jako dikuhonya.”
43Bahaja kalola na kamuwinza Yesu, na kamwing'ha hewela Mulungu. Na wanhu wose viwaonile mbuli izo, wose wamtogola Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.