Потон 24
24
24-тӥ ЛЮКЕТ
1Моисейлы Со шуиз: «Кузё-Инмар доры Ааронэн ӵош туб, озьы ик Надав но Авиуд, Израильлэн тӧроосыз пӧлысь сизьымдон мурт, [Кузё-Инмарлы] кыдёкысен йыбырттэ; 2Моисей огназ гинэ Кузё-Инмарлэн матаз мед мыноз, нош мукетъёсыз матаз медаз лыктэ, калык но соин ӵош медаз тубы».
3Моисей лыктӥз но Кузё-Инмарлэсь вань кылъёссэ, вань законъёссэ калыклы вераз. Вань калык одӥг кылысь-ымысь ответ сётыса шуиз: «Ваньзэ, мар вераз Кузё-Инмар, быдэстомы, [кылзӥськись луомы]».
4Моисей Кузё-Инмарлэсь вань верам кылъёссэ гожтӥз но, ӵукна вазь ик султыса, гурезьлэн улаз курбон сётон инты пуктӥз, израиль выжыослэн лыдзыя дас кык из пуктӥз; 5израиль калык пӧлысь егит пиосты ыстӥз, соос тылын сутӥськись курбонъёс сётӥзы, [Инмарлы] Кузё-Инмарлы тупаса улонлы сӥзьыса, курбонлы ошъёсты вандӥзы. 6Ӝынызэ вирез Моисей кутӥз но чашаосы кисьтӥз, нош ӝыныяз кылем вирын курбон сётон интыез пазяз; 7сӥзён-косонэн книгаез басьтӥз но калыклы шара лыдӟиз, собере соос шуизы: «Ваньзэ, мар вераз Кузё-Инмар, быдэстомы, кылзӥськисесь луомы». 8Моисей вирез басьтӥз но калык вылэ тазьы шуыса пазяз: «Тани та сӥзён-косонлэн вирыз, вань та кылъёс пумысен Кузё-Инмар тӥледын кусып кылдытӥз».
9Собере Моисей, Аарон, Надав, Авиуд но израиль калыклэн сизьымдон тӧроосыз гурезь йылэ тубизы, 10соос Израиль Инмарлэсь [сылон интызэ] адӟизы; Солэн пыд улаз чылк-чылк сапфирлэсь лэсьтэм сылон интылы укшась маке вал, со чылкыт инбамлы укша вал. 11Со израиль калыклэн быръем пиосыз вылэ кизэ ӧз ӝуты: соос Инмарлэсь [интызэ] адӟизы, сиизы, юизы. 12Кузё-Инмар Моисейлы шуиз: «Мон доры гурезь йылэ туб но отын ул; тыныд изпулъёс, соосты дышетон понна гожтэм законме, курон-косонъёсме, сёто». 13Моисей аслаз ужась-тыршисеныз Иисус Навинэн ӵош султӥз, Моисей Инмар гурезе тубиз. 14Тӧроослы шуиз: «Ми дорады берытскытозь татын улэ, тани Аарон но Ор тӥледын огазе кылё; кинлэн кыӵе ужез-юанэз вань, соос доры мед лыктоз». 15Моисей гурезь йылэ тубиз, пилем гурезез ворсаз но, 16Кузё-Инмарлэн пиштӥсь данлыкез Сӥнай гурезез шобыртӥз. Куать нунал ӵоже пилем сое ворсаса возиз, нош сизьыметӥ нуналаз [Кузё-Инмар] пилем пушкысен Моисейлы вазиськиз. 17Израиль пиослэн син азязы гурезь йылын улӥсь Инмарлэн пиштӥсь данлыкез ӝуаса ньылӥсь тыл кадь адӟиськиз. 18Моисей, пилемлэн шораз пырыса, гурезьлэн йылаз вуиз. Моисей гурезь йылын ньыльдон нунал но ньыльдон уй улӥз.
Currently Selected:
Потон 24: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 24
24
24-тӥ ЛЮКЕТ
1Моисейлы Со шуиз: «Кузё-Инмар доры Ааронэн ӵош туб, озьы ик Надав но Авиуд, Израильлэн тӧроосыз пӧлысь сизьымдон мурт, [Кузё-Инмарлы] кыдёкысен йыбырттэ; 2Моисей огназ гинэ Кузё-Инмарлэн матаз мед мыноз, нош мукетъёсыз матаз медаз лыктэ, калык но соин ӵош медаз тубы».
3Моисей лыктӥз но Кузё-Инмарлэсь вань кылъёссэ, вань законъёссэ калыклы вераз. Вань калык одӥг кылысь-ымысь ответ сётыса шуиз: «Ваньзэ, мар вераз Кузё-Инмар, быдэстомы, [кылзӥськись луомы]».
4Моисей Кузё-Инмарлэсь вань верам кылъёссэ гожтӥз но, ӵукна вазь ик султыса, гурезьлэн улаз курбон сётон инты пуктӥз, израиль выжыослэн лыдзыя дас кык из пуктӥз; 5израиль калык пӧлысь егит пиосты ыстӥз, соос тылын сутӥськись курбонъёс сётӥзы, [Инмарлы] Кузё-Инмарлы тупаса улонлы сӥзьыса, курбонлы ошъёсты вандӥзы. 6Ӝынызэ вирез Моисей кутӥз но чашаосы кисьтӥз, нош ӝыныяз кылем вирын курбон сётон интыез пазяз; 7сӥзён-косонэн книгаез басьтӥз но калыклы шара лыдӟиз, собере соос шуизы: «Ваньзэ, мар вераз Кузё-Инмар, быдэстомы, кылзӥськисесь луомы». 8Моисей вирез басьтӥз но калык вылэ тазьы шуыса пазяз: «Тани та сӥзён-косонлэн вирыз, вань та кылъёс пумысен Кузё-Инмар тӥледын кусып кылдытӥз».
9Собере Моисей, Аарон, Надав, Авиуд но израиль калыклэн сизьымдон тӧроосыз гурезь йылэ тубизы, 10соос Израиль Инмарлэсь [сылон интызэ] адӟизы; Солэн пыд улаз чылк-чылк сапфирлэсь лэсьтэм сылон интылы укшась маке вал, со чылкыт инбамлы укша вал. 11Со израиль калыклэн быръем пиосыз вылэ кизэ ӧз ӝуты: соос Инмарлэсь [интызэ] адӟизы, сиизы, юизы. 12Кузё-Инмар Моисейлы шуиз: «Мон доры гурезь йылэ туб но отын ул; тыныд изпулъёс, соосты дышетон понна гожтэм законме, курон-косонъёсме, сёто». 13Моисей аслаз ужась-тыршисеныз Иисус Навинэн ӵош султӥз, Моисей Инмар гурезе тубиз. 14Тӧроослы шуиз: «Ми дорады берытскытозь татын улэ, тани Аарон но Ор тӥледын огазе кылё; кинлэн кыӵе ужез-юанэз вань, соос доры мед лыктоз». 15Моисей гурезь йылэ тубиз, пилем гурезез ворсаз но, 16Кузё-Инмарлэн пиштӥсь данлыкез Сӥнай гурезез шобыртӥз. Куать нунал ӵоже пилем сое ворсаса возиз, нош сизьыметӥ нуналаз [Кузё-Инмар] пилем пушкысен Моисейлы вазиськиз. 17Израиль пиослэн син азязы гурезь йылын улӥсь Инмарлэн пиштӥсь данлыкез ӝуаса ньылӥсь тыл кадь адӟиськиз. 18Моисей, пилемлэн шораз пырыса, гурезьлэн йылаз вуиз. Моисей гурезь йылын ньыльдон нунал но ньыльдон уй улӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016