Потон 23
23
23-тӥ ЛЮКЕТ
1Ӧрекчи кылъёсты пеляд эн поны, сьӧлыклэсь кышкасьтэмлы кидэ эн сёты, – шонертэм ужез шонере поттӥсь эн луы.
2Тросэз шонертэм уж лэсьто ке, тон соослэн урод ужазы эн пыриськы, суд ужъёсты сэрттыкуд-пертчыкуд, тросэз сьӧры мыныса, шонерлыклэсь эн палэнскы; 3куанер адямилы но, со янгыш ке, судын эн дурбасьты.
4Тушмонэдлэсь йыромем ошсэ яке ишаксэ шедьтӥд ке, сое кузёез доры вай; 5секыт ныпъетэзлы чидатэк тушмонэдлэсь пограм ишаксэ адӟид ке, юрттэт сётытэк эн кошкы: ишаклэн тыбыр вылысьтыз ныпъетсэ окты.
6Куанер улӥседлэсь ужзэ судын эскерыку, мыдлань судить эн кар. 7Шонертэм ужлэсь палэнскы, янгыштэм, шонер улӥсь муртэ виыны судить эн кар, уго Мон законлы пумит улӥсез шонере уг поттӥськы. 8Кузьымъёс эн окты, уго кузьымъёс адӟись муртъёсты синтэмесь каро, шонер улӥсьёслэсь ужъёссэс судын мыдланьто.
9Сьӧрлось лыктэм муртэ эн ултӥя, [сое ӝикатыса-ёртыса эн возьы]: сьӧрлось лыктэм муртлэн мар сюлмаз, тӥ тодӥськоды, малы ке шуоно тӥ асьтэос но Египетын сьӧрлось лыктэм калык вал.
10Куать ар ӵоже музъемдэ гыр, кизь но отысь емышсэ окты, 11нош сизьыметӥ араз сое гырытэк, кизьытэк кельты, ас калыкед пӧлысь куанеръёс со вылын кӧтсэс мед тырозы, нош соос бере луд пӧйшуръёс отын кӧтсэс мед тырозы; виноград бакчаеныд но, вӧйпуосыныд но озьы ик кар. 12Куать нунал ӵоже ужъёстэ быдэсъя, нош сизьыметӥ нуналаз шутэтскы, ошед но, ишакед но мед шутэтскозы, ляльчи кышномуртэдлэн пиез но, сьӧрлось лыктэм мурт но мед буйгатскозы.
13Уте-чаклалэ ваньзэ, мае Мон тӥледлы верай, мукет инмаръёслэсь нимзэс буре эн вае; кылыныды-ымыныды соослэсь нимзэс эн поттылэ.
14Ар куспын куинь пол, Мыным сӥзьыса, праздник ортчыты: 15Юмал Нянь Сиён праздникез уть: сизьым нунал ӵоже юмал нянь си, кызьы Мон тонэ косӥ, Авив толэзе пуктэм-косэм дыре, уго со дыре тон Египетысь потӥд; Мон азе буш киын медаз лыктэ; 16араны потон праздникез но уть, кизем бусыяд ужам ужедлэсь нырысь емышъёссэ бичан дырез, арлэн пумаз, бусыысьтыд будэтэм емыштэ утялтэмед бере, емыш бичан праздникез пусйы. 17Ар куспын куинь пол вань пиосмуртъёсыд Кузё-Атай Кузё-Инмаред азе лыктыны кулэ.
18[Тынад азьысьтыд язычникъёсты уллям берам, улон интыдэ паськытатэм берам], Мыным курбонлы ваем пудолэсь вирзэ чырсатыса пыжем нянь вылэ эн кисьты, праздник дыръя Мыным курбонлы ваем пудолэсь кӧйзэ ӵукнаозьлы кельтыны уг яра.
19Музъем вылад нырысь кисьмам-вуэм емышез Инмаредлэн Кузё-Инмарлэн корказ вай.
Кечпиез анаезлэн йӧл пӧлаз эн пӧзьты.
20Тани, Мон тынад азьтӥд [Аслэсьтым] Кылчинме ыстӥсько тонэ сюрес вылын дыръяд утьыны но Мынам тыныд дасям интыям [тонэ] пыртон понна; 21Со азьын астэ чакласа возь, Солэсь верам кылзэ пеляд пон; Солы эн пумитъяськы, малы ке шуоно Со тӥлесьтыд сьӧлыктэс уз кушты, уго Мынам нимы Со пушкын. 22[Мынэсьтым верам кылъёсме санэ поныса улӥд ке, мар ке тыныд верай, сое ваньзэ быдэсъяса улӥд ке, сӥзён-косонме утид ке, соку тӥ дунне вылысь калык выжыос пӧлысь Мынам быръем калыке луоды, уго быдэс музъем – со Мынам; тӥ Мон дорын эксэй священникъёс луоды, святой калык луоды. Та кылъёсты израиль пиослы вера.] Тон Солэсь верам кылъёссэ санэ поныса улӥд ке, мар ке [тыныд] верай, сое ваньзэ быдэсъяса улӥд ке, соку тушмонъёсыдлы тушмон луо, тыныд пумитъяськисьёслы пумитъяськись луо. 23Тынад азьтӥд Мынам Кылчинэ ортчиз ке, тонэ аморрейёс, хеттейёс, ферезейёс, хананейёс, гергесейёс, евенейёс но иевусейёс азе нуиз ке, [тӥляд азьысьтыды] соосты быдто, 24соку соослэн инмаръёссы азе эн йыбыртъя, соослы ужаса-тыршыса эн улы, соослэсь ужъёссэс адӟем эн кары, нош соосты тон пыргыты, юбооссэс куашкаты.
25Инмардылы Кузё-Инмарлы ужаса-тыршыса улэ, соку Со тӥлесьтыд няньдэс но, [винадэс но,] вудэс но бакель кароз; тӥ дорысь висёнъёсты палэнто. 26Соку тынад музъем вылад нуныос дырызлэсь вазь вордӥськыса уз быре, кышноос нылпи вайисьтэмесь уз луэ; улоно нуналъёстэс уг вакчияты, кема улон аръёс сёто. 27Тынад азьтӥд шимес кышкан лэзё, кыӵе гинэ калык доры тон уд вуы, ваньзэс куалекъято, вань тушмонъёсыдлэсь мышсэс тон пала берыкто; 28тынад азьтӥд дуринчиосты лэзё но, тынад азьысьтыд [аморрейёсты,] евейёсты, [иевусейёсты,] хананейёсты, хеттейёсты соос улляса лэзёзы; 29одӥг ар куспын соосты тынад азьысьтыд уг улля – музъем тырттэм медаз кыльы, луд пӧйшуръёс тыныд вормонтэм трос медаз йылэ: 30каллен-каллен тынад азьысьтыд соосты улляло, тынад выжыед йылӥз ке, со музъемез киулад басьтод. 31Горд Кам зарезь дурысен Филистим зарезь дорозь, луоё кыр дуннеысен [быдӟым Евфрат] шур дорозь кунгожъёсыд кыстӥськозы, уго со музъемын улӥсьёсты тӥляд киулады сёто, соку тон ас азьысьтыд соосты улляса лэзёд; 32[соосын эн сураськы,] соосын, соослэн инмаръёсынызы но кусып эн кылдытылы, 33тынад музъем вылад соос улыны кулэ ӧвӧл, Мыным пумит соос тонэ медаз сьӧлыкатэ шуыса, уго тон соослэн инмаръёссылы йыбыртъяса улыны кутскид ке, капканэ сюрод.
Currently Selected:
Потон 23: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 23
23
23-тӥ ЛЮКЕТ
1Ӧрекчи кылъёсты пеляд эн поны, сьӧлыклэсь кышкасьтэмлы кидэ эн сёты, – шонертэм ужез шонере поттӥсь эн луы.
2Тросэз шонертэм уж лэсьто ке, тон соослэн урод ужазы эн пыриськы, суд ужъёсты сэрттыкуд-пертчыкуд, тросэз сьӧры мыныса, шонерлыклэсь эн палэнскы; 3куанер адямилы но, со янгыш ке, судын эн дурбасьты.
4Тушмонэдлэсь йыромем ошсэ яке ишаксэ шедьтӥд ке, сое кузёез доры вай; 5секыт ныпъетэзлы чидатэк тушмонэдлэсь пограм ишаксэ адӟид ке, юрттэт сётытэк эн кошкы: ишаклэн тыбыр вылысьтыз ныпъетсэ окты.
6Куанер улӥседлэсь ужзэ судын эскерыку, мыдлань судить эн кар. 7Шонертэм ужлэсь палэнскы, янгыштэм, шонер улӥсь муртэ виыны судить эн кар, уго Мон законлы пумит улӥсез шонере уг поттӥськы. 8Кузьымъёс эн окты, уго кузьымъёс адӟись муртъёсты синтэмесь каро, шонер улӥсьёслэсь ужъёссэс судын мыдланьто.
9Сьӧрлось лыктэм муртэ эн ултӥя, [сое ӝикатыса-ёртыса эн возьы]: сьӧрлось лыктэм муртлэн мар сюлмаз, тӥ тодӥськоды, малы ке шуоно тӥ асьтэос но Египетын сьӧрлось лыктэм калык вал.
10Куать ар ӵоже музъемдэ гыр, кизь но отысь емышсэ окты, 11нош сизьыметӥ араз сое гырытэк, кизьытэк кельты, ас калыкед пӧлысь куанеръёс со вылын кӧтсэс мед тырозы, нош соос бере луд пӧйшуръёс отын кӧтсэс мед тырозы; виноград бакчаеныд но, вӧйпуосыныд но озьы ик кар. 12Куать нунал ӵоже ужъёстэ быдэсъя, нош сизьыметӥ нуналаз шутэтскы, ошед но, ишакед но мед шутэтскозы, ляльчи кышномуртэдлэн пиез но, сьӧрлось лыктэм мурт но мед буйгатскозы.
13Уте-чаклалэ ваньзэ, мае Мон тӥледлы верай, мукет инмаръёслэсь нимзэс буре эн вае; кылыныды-ымыныды соослэсь нимзэс эн поттылэ.
14Ар куспын куинь пол, Мыным сӥзьыса, праздник ортчыты: 15Юмал Нянь Сиён праздникез уть: сизьым нунал ӵоже юмал нянь си, кызьы Мон тонэ косӥ, Авив толэзе пуктэм-косэм дыре, уго со дыре тон Египетысь потӥд; Мон азе буш киын медаз лыктэ; 16араны потон праздникез но уть, кизем бусыяд ужам ужедлэсь нырысь емышъёссэ бичан дырез, арлэн пумаз, бусыысьтыд будэтэм емыштэ утялтэмед бере, емыш бичан праздникез пусйы. 17Ар куспын куинь пол вань пиосмуртъёсыд Кузё-Атай Кузё-Инмаред азе лыктыны кулэ.
18[Тынад азьысьтыд язычникъёсты уллям берам, улон интыдэ паськытатэм берам], Мыным курбонлы ваем пудолэсь вирзэ чырсатыса пыжем нянь вылэ эн кисьты, праздник дыръя Мыным курбонлы ваем пудолэсь кӧйзэ ӵукнаозьлы кельтыны уг яра.
19Музъем вылад нырысь кисьмам-вуэм емышез Инмаредлэн Кузё-Инмарлэн корказ вай.
Кечпиез анаезлэн йӧл пӧлаз эн пӧзьты.
20Тани, Мон тынад азьтӥд [Аслэсьтым] Кылчинме ыстӥсько тонэ сюрес вылын дыръяд утьыны но Мынам тыныд дасям интыям [тонэ] пыртон понна; 21Со азьын астэ чакласа возь, Солэсь верам кылзэ пеляд пон; Солы эн пумитъяськы, малы ке шуоно Со тӥлесьтыд сьӧлыктэс уз кушты, уго Мынам нимы Со пушкын. 22[Мынэсьтым верам кылъёсме санэ поныса улӥд ке, мар ке тыныд верай, сое ваньзэ быдэсъяса улӥд ке, сӥзён-косонме утид ке, соку тӥ дунне вылысь калык выжыос пӧлысь Мынам быръем калыке луоды, уго быдэс музъем – со Мынам; тӥ Мон дорын эксэй священникъёс луоды, святой калык луоды. Та кылъёсты израиль пиослы вера.] Тон Солэсь верам кылъёссэ санэ поныса улӥд ке, мар ке [тыныд] верай, сое ваньзэ быдэсъяса улӥд ке, соку тушмонъёсыдлы тушмон луо, тыныд пумитъяськисьёслы пумитъяськись луо. 23Тынад азьтӥд Мынам Кылчинэ ортчиз ке, тонэ аморрейёс, хеттейёс, ферезейёс, хананейёс, гергесейёс, евенейёс но иевусейёс азе нуиз ке, [тӥляд азьысьтыды] соосты быдто, 24соку соослэн инмаръёссы азе эн йыбыртъя, соослы ужаса-тыршыса эн улы, соослэсь ужъёссэс адӟем эн кары, нош соосты тон пыргыты, юбооссэс куашкаты.
25Инмардылы Кузё-Инмарлы ужаса-тыршыса улэ, соку Со тӥлесьтыд няньдэс но, [винадэс но,] вудэс но бакель кароз; тӥ дорысь висёнъёсты палэнто. 26Соку тынад музъем вылад нуныос дырызлэсь вазь вордӥськыса уз быре, кышноос нылпи вайисьтэмесь уз луэ; улоно нуналъёстэс уг вакчияты, кема улон аръёс сёто. 27Тынад азьтӥд шимес кышкан лэзё, кыӵе гинэ калык доры тон уд вуы, ваньзэс куалекъято, вань тушмонъёсыдлэсь мышсэс тон пала берыкто; 28тынад азьтӥд дуринчиосты лэзё но, тынад азьысьтыд [аморрейёсты,] евейёсты, [иевусейёсты,] хананейёсты, хеттейёсты соос улляса лэзёзы; 29одӥг ар куспын соосты тынад азьысьтыд уг улля – музъем тырттэм медаз кыльы, луд пӧйшуръёс тыныд вормонтэм трос медаз йылэ: 30каллен-каллен тынад азьысьтыд соосты улляло, тынад выжыед йылӥз ке, со музъемез киулад басьтод. 31Горд Кам зарезь дурысен Филистим зарезь дорозь, луоё кыр дуннеысен [быдӟым Евфрат] шур дорозь кунгожъёсыд кыстӥськозы, уго со музъемын улӥсьёсты тӥляд киулады сёто, соку тон ас азьысьтыд соосты улляса лэзёд; 32[соосын эн сураськы,] соосын, соослэн инмаръёсынызы но кусып эн кылдытылы, 33тынад музъем вылад соос улыны кулэ ӧвӧл, Мыным пумит соос тонэ медаз сьӧлыкатэ шуыса, уго тон соослэн инмаръёссылы йыбыртъяса улыны кутскид ке, капканэ сюрод.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016