Потон 21
21
21-тӥ ЛЮКЕТ
1Тани та законъёсыз тон соослы ивортыны кулэ: 2еврей адямиез аслыд ляльчилы дунэн басьтӥд ке, [тон дорын] куать ар мед ужалоз, нош сизьыметӥяз аре дун тырытэк эрике мед потоз. 3Со огназ ке лыктӥз, огназ ик мед кошкоз; со кышнояськемын ке, соин ӵош кышноез но мед кошкоз; 4нош кузёез солы кышно сётӥз ке, кышноез нуны вайиз ке, пиос яке нылъёс вайиз ке, соку кышноез но, нылпиосыз но кузё доры мед кылёзы, нош со огназ мед кошкоз; 5нош ляльчи шуиз ке: «Кузёме но, кышноме но, нылпиосме но яратӥсько, эрике уг кошкы», – 6соку кузёез сое Инмарлэн судить карон интыяз мед ваёз но ӧс доры яке ӧс янак вӧзы мед султытоз, отысен кузёез солэсь пельзэ пежъянэн пась мед кароз, соку со пырак ӵожелы со доры ляльчие кылёз.
7Кин ке аслэсьтыз нылзэ ляльчилы вузаз ке, соку со кузёез дорысь кошкыны уг ни быгаты, кызьы кошко пиосмурт ляльчиос. 8Нош со ныл кузёезлы ярамон ӧвӧл ке, сое кышнолы со ӧз ке басьты, соку со эрик мед сётоз сое, дун тырыса, эрике лэзьыны; нош мурт калыкъёслы сое вузаны [кузё] уг быгаты, ачиз кулэтэм кариз ке; 9кузё та нылэз пиезлы кышно басьтӥз ке, соку со аслаз нылъёсыныз сое одӥг радын мед возёз; 10кузё аслыз мукет кышно басьтӥз ке, соку со нырысетӥзэ азьло кадь ик сюдыны, дӥсяны кулэ, соин кышноен карт кадь улыны кулэ; 11нош со та куинь ужпумъёсты та ляльчи кышноез понна ӧз ке быдэсты, соку со ляльчилы вузам ныл, дун тырытэк, кошкыны мед быгатоз.
12Кин ке мукет муртэ шуккыса вииз ке, со но виемын луыны кулэ; 13нош виыны малпатэк шуккиз ке, солэн киыз пыр озьы луыны Инмар эрик сётӥз ке, соку [адями виись] ватӥськон инты шедьтыны быгатоз, – тае быдэстыны Мон тӥледлы инты дасяло; 14кин ке матысь муртсэ юромо, кескич амалэн вииз ке, соку [со курбон сётон ӝӧке доры ке но юрттэт утчаны лыктӥз,] сое Мынам курбон сётон ӝӧке дорысь но кутыса виыны сёт.
15Кин ке но атайзэ яке анайзэ шуккиз ке, со виемын луыны кулэ.
16Кин ке [израиль пиос пӧлысь] адямиез лушкаса, [ляльчи карыса] вузаз ке, яке со дорысь лушкам муртэз шедьтӥзы ке, со виемын луыны кулэ.
17Кин ке атайзэ яке анайзэ урод кылын куаретӥз ке, со виемын луыны кулэ.
18Куспазы керетыкузы, одӥгез мукетсэ изэн шуккиз яке киыныз мыжгиз но, со ӧз ке кулы, но валесын кыллёно луиз ке, 19бӧрысь со султыса коркасьтыз боды вылэ пыкиськыса потаны кутскиз ке, соку [сое] шуккись муртэ виыны судэ сётоно ӧвӧл; но вӧсь карем муртэзлэн ужатэк кыллем нуналъёсыз, эмъяськыса улон нуналъёсыз понна со дун тырыны кулэ. 20Кин аслэсьтыз ляльчи пизэ яке ляльчи кышномуртсэ бодыен шуккиз но, соос интыязы ик кулӥзы ке, со мурт вӧсь каремын луыны кулэ. 21Нош соос одӥг яке кык нунал улӥзы на ке, соку сое вӧсь карыны кулэ ӧвӧл ни, уго соос солэн ваньбурез.
22Адямиос жугиськыку, секытэн луэм кышномуртэз шуккизы ке, солэн пушкысьтыз нуныез усиз ке, мукет изъян ӧз ке луы, соку со янгышо муртлэсь пени мед басьтозы, – со кышномуртлэн кузпалыз пени тырыны косӥз ке, та дунэз со адӟисьёс азьын тырыны кулэ; 23нош изъян ке луиз, соку лул понна лул сётэмын мед луоз, 24син понна – син, пинь понна – пинь, ки понна – ки, пыд понна – пыд, 25сутэм-ӵушкам понна – сутыса-ӵушкаса, яра понна яраен, шуккем понна шуккыса пунэмзэ берыктоно.
26Кин ке ляльчиезлэн яке ляльчи кышномуртэзлэн синмаз шуккиз но сое синтэм кельтӥз ке, синмыз понна эрике мед лэзёз; 27ляльчи пиезлэсь яке ляльчи кышномуртэзлэсь шуккыса пиньзэ уськытӥз ке, пиньзылы изъян лэсьтэмез понна соосты эрике мед лэзёз.
28Пиосмуртэз яке кышномуртэз ош лекаса вииз ке, соку ошез изъёсын зӥръяса виёно, нош сӥльзэ сиыны уг яра; ошлэн кузёез янгыш ӧвӧл; 29нош ош лекаськись ке вал толон но, валлян но; та сярысь солэн кузёезлы ивортэмын ке но вал, сое ӧз возьма, нош ош пиосмуртэ яке кышномуртэ вииз, соку ошез изэн лэзьяса виёно, кузёзэ но виёно; 30улэп кылён понна коньдон тырытоно каризы ке, лулыз понна дун мед тыроз, кӧня тырыны косозы. 31Кинлэсь ке пизэ яке нылзэ ош лекаса вииз ке, – та законъя ик тазьы лэсьтыны кулэ. 32Ош ляльчи пиез яке ляльчи нылэз лекаса вииз ке, соослэн кузёзылы куамын азвесь сӥкль тыроно, нош ошез изэн зӥръяса виёно.
33Кин ке но гуэз усьтӥз ке, яке гу гудӟиз но сое ӧз ке шобырты, отчы ош яке ишак усиз ке, 34соку гулэн кузёез дун тырыны кулэ, пудолэн кузёезлы азвесь тырыны кулэ, нош пудолэн шӧйыз аслыз мед луоз.
35Кинлэн ке ошез бускелезлэсь ошсэ виытозяз леказ ке, улэпсэ ошез мед вузалозы но дунзэ шори мед люкозы; вием ошез но шори мед люкозы. 36Ошсы толон но, азьвыл но лекаськись вал шуыса тодо ке вал, нош кузёез [ивортыса вылысь] сое ӧз чакла ке, соку со вием ош понна улэп ошсэ сётыны кулэ, виемез ош солы мед луоз.
Currently Selected:
Потон 21: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 21
21
21-тӥ ЛЮКЕТ
1Тани та законъёсыз тон соослы ивортыны кулэ: 2еврей адямиез аслыд ляльчилы дунэн басьтӥд ке, [тон дорын] куать ар мед ужалоз, нош сизьыметӥяз аре дун тырытэк эрике мед потоз. 3Со огназ ке лыктӥз, огназ ик мед кошкоз; со кышнояськемын ке, соин ӵош кышноез но мед кошкоз; 4нош кузёез солы кышно сётӥз ке, кышноез нуны вайиз ке, пиос яке нылъёс вайиз ке, соку кышноез но, нылпиосыз но кузё доры мед кылёзы, нош со огназ мед кошкоз; 5нош ляльчи шуиз ке: «Кузёме но, кышноме но, нылпиосме но яратӥсько, эрике уг кошкы», – 6соку кузёез сое Инмарлэн судить карон интыяз мед ваёз но ӧс доры яке ӧс янак вӧзы мед султытоз, отысен кузёез солэсь пельзэ пежъянэн пась мед кароз, соку со пырак ӵожелы со доры ляльчие кылёз.
7Кин ке аслэсьтыз нылзэ ляльчилы вузаз ке, соку со кузёез дорысь кошкыны уг ни быгаты, кызьы кошко пиосмурт ляльчиос. 8Нош со ныл кузёезлы ярамон ӧвӧл ке, сое кышнолы со ӧз ке басьты, соку со эрик мед сётоз сое, дун тырыса, эрике лэзьыны; нош мурт калыкъёслы сое вузаны [кузё] уг быгаты, ачиз кулэтэм кариз ке; 9кузё та нылэз пиезлы кышно басьтӥз ке, соку со аслаз нылъёсыныз сое одӥг радын мед возёз; 10кузё аслыз мукет кышно басьтӥз ке, соку со нырысетӥзэ азьло кадь ик сюдыны, дӥсяны кулэ, соин кышноен карт кадь улыны кулэ; 11нош со та куинь ужпумъёсты та ляльчи кышноез понна ӧз ке быдэсты, соку со ляльчилы вузам ныл, дун тырытэк, кошкыны мед быгатоз.
12Кин ке мукет муртэ шуккыса вииз ке, со но виемын луыны кулэ; 13нош виыны малпатэк шуккиз ке, солэн киыз пыр озьы луыны Инмар эрик сётӥз ке, соку [адями виись] ватӥськон инты шедьтыны быгатоз, – тае быдэстыны Мон тӥледлы инты дасяло; 14кин ке матысь муртсэ юромо, кескич амалэн вииз ке, соку [со курбон сётон ӝӧке доры ке но юрттэт утчаны лыктӥз,] сое Мынам курбон сётон ӝӧке дорысь но кутыса виыны сёт.
15Кин ке но атайзэ яке анайзэ шуккиз ке, со виемын луыны кулэ.
16Кин ке [израиль пиос пӧлысь] адямиез лушкаса, [ляльчи карыса] вузаз ке, яке со дорысь лушкам муртэз шедьтӥзы ке, со виемын луыны кулэ.
17Кин ке атайзэ яке анайзэ урод кылын куаретӥз ке, со виемын луыны кулэ.
18Куспазы керетыкузы, одӥгез мукетсэ изэн шуккиз яке киыныз мыжгиз но, со ӧз ке кулы, но валесын кыллёно луиз ке, 19бӧрысь со султыса коркасьтыз боды вылэ пыкиськыса потаны кутскиз ке, соку [сое] шуккись муртэ виыны судэ сётоно ӧвӧл; но вӧсь карем муртэзлэн ужатэк кыллем нуналъёсыз, эмъяськыса улон нуналъёсыз понна со дун тырыны кулэ. 20Кин аслэсьтыз ляльчи пизэ яке ляльчи кышномуртсэ бодыен шуккиз но, соос интыязы ик кулӥзы ке, со мурт вӧсь каремын луыны кулэ. 21Нош соос одӥг яке кык нунал улӥзы на ке, соку сое вӧсь карыны кулэ ӧвӧл ни, уго соос солэн ваньбурез.
22Адямиос жугиськыку, секытэн луэм кышномуртэз шуккизы ке, солэн пушкысьтыз нуныез усиз ке, мукет изъян ӧз ке луы, соку со янгышо муртлэсь пени мед басьтозы, – со кышномуртлэн кузпалыз пени тырыны косӥз ке, та дунэз со адӟисьёс азьын тырыны кулэ; 23нош изъян ке луиз, соку лул понна лул сётэмын мед луоз, 24син понна – син, пинь понна – пинь, ки понна – ки, пыд понна – пыд, 25сутэм-ӵушкам понна – сутыса-ӵушкаса, яра понна яраен, шуккем понна шуккыса пунэмзэ берыктоно.
26Кин ке ляльчиезлэн яке ляльчи кышномуртэзлэн синмаз шуккиз но сое синтэм кельтӥз ке, синмыз понна эрике мед лэзёз; 27ляльчи пиезлэсь яке ляльчи кышномуртэзлэсь шуккыса пиньзэ уськытӥз ке, пиньзылы изъян лэсьтэмез понна соосты эрике мед лэзёз.
28Пиосмуртэз яке кышномуртэз ош лекаса вииз ке, соку ошез изъёсын зӥръяса виёно, нош сӥльзэ сиыны уг яра; ошлэн кузёез янгыш ӧвӧл; 29нош ош лекаськись ке вал толон но, валлян но; та сярысь солэн кузёезлы ивортэмын ке но вал, сое ӧз возьма, нош ош пиосмуртэ яке кышномуртэ вииз, соку ошез изэн лэзьяса виёно, кузёзэ но виёно; 30улэп кылён понна коньдон тырытоно каризы ке, лулыз понна дун мед тыроз, кӧня тырыны косозы. 31Кинлэсь ке пизэ яке нылзэ ош лекаса вииз ке, – та законъя ик тазьы лэсьтыны кулэ. 32Ош ляльчи пиез яке ляльчи нылэз лекаса вииз ке, соослэн кузёзылы куамын азвесь сӥкль тыроно, нош ошез изэн зӥръяса виёно.
33Кин ке но гуэз усьтӥз ке, яке гу гудӟиз но сое ӧз ке шобырты, отчы ош яке ишак усиз ке, 34соку гулэн кузёез дун тырыны кулэ, пудолэн кузёезлы азвесь тырыны кулэ, нош пудолэн шӧйыз аслыз мед луоз.
35Кинлэн ке ошез бускелезлэсь ошсэ виытозяз леказ ке, улэпсэ ошез мед вузалозы но дунзэ шори мед люкозы; вием ошез но шори мед люкозы. 36Ошсы толон но, азьвыл но лекаськись вал шуыса тодо ке вал, нош кузёез [ивортыса вылысь] сое ӧз чакла ке, соку со вием ош понна улэп ошсэ сётыны кулэ, виемез ош солы мед луоз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016