Потон 20
20
20-тӥ ЛЮКЕТ
1Соку Инмар [Моисейлы] вань та кылъёсты вераз:
2«Мон – Кузё-Инмар, тынад Инмаред, Египет музъемысь, ляльчиын улон коркась, тонэ Поттӥсь; 3Мынам азям тынад мукет инмаръёсыд медаз луэ.
4Аслыд сульдэр-идол эн лэсьты; мар вань вылӥын – инмын, мар вань улӥын – музъем вылын, мар вань музъемлэн улӥяз – вуын, соослэсь туссэс-суредзэс аслыд эн лэсьты; 5соослы эн йыбыртъя, соослы ужаса-тыршыса эн улы, уго Мон тынад Инмаред Кузё-Инмар, кылэз юн юась Инмар, атайёслэн янгышъёссы-сьӧлыкъёссы понна соослэсь нылпиоссэс, Монэ адӟонтэм карисьёсты, куинетӥ, ньылетӥ ёзозь-выжыозь вӧсь карисько, 6Монэ яратӥсьёслы, Мынэсьтым курон-косонъёсме быдэсъясьёслы сюрс выжыозь Аслэсьтым гажан-жалянме возьматӥсько.
7Инмаредлэсь Кузё-Инмарлэсь нимзэ юнме эн вера, уго Кузё-Инмар Солэсь нимзэ юнме верась муртэ вӧсь карытэк уз кельты.
8Суббота нуналэз тодад возь, дун-чылкыт ул со нуналэ; 9куать нунал ужа, [со дыре] вань ужъёстэ лэсьты, 10нош сизьыметӥзэ – суббота нуналэз – Инмаредлы Кузё-Инмарлы сӥзь: со нуналэ номыр но эн ужа тон ачид но, пиед но, нылыд но, ляльчиед но, ляльчи кышномуртэд но, [ошед но, ишакед но, нокудӥз] пудоед но, тынад коркад улӥсь сьӧрлось лыктэм мурт но; 11уго куать нунал куспын Кузё-Инмар инэз но музъемез, зарезез но мар соос пушкын вань, ваньзэ кылдытӥз, нош сизьыметӥяз нуналэ шутэтскиз; соин ик Кузё-Инмар суббота нуналэз бакель кариз, сое святой нунал кариз.
12Атайдэ но, анайдэ но сӥлы кар, – [тыныд умой мед луоз,] музъем вылын кема мед улод; та музъемез тыныд Инмаред Кузё-Инмар сётэ.
13Эн виы.
14Азон-калгон сьӧлыке эн пыры.
15Эн лушкаськы.
16Мукет мурт вылэ ӧвӧлзэ вань карыса эн вера.
17Муртлэсь корказэ аслыд кулэ эн кары; муртлэсь кышнозэ но, [солэсь бусызэ но,] солэсь ляльчизэ но, солэсь ляльчи кышномуртсэ но, солэсь ошсэ но, солэсь ишаксэ но, [солэсь нокыӵе пудозэ но] – маиз вань, солэсь номырзэ но аслыд кулэ эн кары».
18Вань калык адӟиз гудыръямез, чилекъямез, ӵындӥсь гурезез, кылӥз гумы куараез; тае адӟыса, [вань] калык берлане чигназ, палэнэ султыса сылӥз. 19Моисейлы шуизы: «Тон милемын вераськы, ми кылзомы, милемын Инмар медаз вераськы, ми медам кулэ». 20Соку Моисей калыклы шуиз: «Эн кышкалэ; Инмар [тӥ доры] лыктӥз тӥледыз эскерон-чаклан понна, Солэсь кышканэн мед улоды, сьӧлыкаса медад улэ». 21[Вань] калык палэнын сылӥз, нош Моисей Инмар пала, тём пеймыт азе вамыштӥз.
22Кузё-Инмар Моисейлы шуиз: «Тазьы шу [Иаковлэн выжыезлы,] израиль пиослы [иворты]: тӥ адӟиды, кызьы инмысен Мон Тӥледын вераськи; 23Мон азе азвесь инмаръёсты яке зарни инмаръёсты эн лэсьтэ, асьтэлы эн лэсьтэ: 24Мыным сюйлэсь курбон сётон инты лэсьты, отын тылын сутӥськись курбонъёстэ сёт, тупаса улонлы сӥзем курбонъёстэ сёт – ыжъёстэ, ошъёстэ; кытчы гинэ Аслэсьтым нимме тодытыны инты уг сёты, Мон тон доры лыкто но тонэ бакель каро; 25нош Мыным курбон сётон инты изъёслэсь ке лэсьтӥд, вӧлэм изъёслэсь эн лэсьты, уго из борды вӧлон пуртэныд йӧтӥськид ке, соосты сапталод; 26курбон сётон интые тубатъёс вылтӥ эн тубы, гольык интыед медаз адӟиськы шуыса».
Currently Selected:
Потон 20: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 20
20
20-тӥ ЛЮКЕТ
1Соку Инмар [Моисейлы] вань та кылъёсты вераз:
2«Мон – Кузё-Инмар, тынад Инмаред, Египет музъемысь, ляльчиын улон коркась, тонэ Поттӥсь; 3Мынам азям тынад мукет инмаръёсыд медаз луэ.
4Аслыд сульдэр-идол эн лэсьты; мар вань вылӥын – инмын, мар вань улӥын – музъем вылын, мар вань музъемлэн улӥяз – вуын, соослэсь туссэс-суредзэс аслыд эн лэсьты; 5соослы эн йыбыртъя, соослы ужаса-тыршыса эн улы, уго Мон тынад Инмаред Кузё-Инмар, кылэз юн юась Инмар, атайёслэн янгышъёссы-сьӧлыкъёссы понна соослэсь нылпиоссэс, Монэ адӟонтэм карисьёсты, куинетӥ, ньылетӥ ёзозь-выжыозь вӧсь карисько, 6Монэ яратӥсьёслы, Мынэсьтым курон-косонъёсме быдэсъясьёслы сюрс выжыозь Аслэсьтым гажан-жалянме возьматӥсько.
7Инмаредлэсь Кузё-Инмарлэсь нимзэ юнме эн вера, уго Кузё-Инмар Солэсь нимзэ юнме верась муртэ вӧсь карытэк уз кельты.
8Суббота нуналэз тодад возь, дун-чылкыт ул со нуналэ; 9куать нунал ужа, [со дыре] вань ужъёстэ лэсьты, 10нош сизьыметӥзэ – суббота нуналэз – Инмаредлы Кузё-Инмарлы сӥзь: со нуналэ номыр но эн ужа тон ачид но, пиед но, нылыд но, ляльчиед но, ляльчи кышномуртэд но, [ошед но, ишакед но, нокудӥз] пудоед но, тынад коркад улӥсь сьӧрлось лыктэм мурт но; 11уго куать нунал куспын Кузё-Инмар инэз но музъемез, зарезез но мар соос пушкын вань, ваньзэ кылдытӥз, нош сизьыметӥяз нуналэ шутэтскиз; соин ик Кузё-Инмар суббота нуналэз бакель кариз, сое святой нунал кариз.
12Атайдэ но, анайдэ но сӥлы кар, – [тыныд умой мед луоз,] музъем вылын кема мед улод; та музъемез тыныд Инмаред Кузё-Инмар сётэ.
13Эн виы.
14Азон-калгон сьӧлыке эн пыры.
15Эн лушкаськы.
16Мукет мурт вылэ ӧвӧлзэ вань карыса эн вера.
17Муртлэсь корказэ аслыд кулэ эн кары; муртлэсь кышнозэ но, [солэсь бусызэ но,] солэсь ляльчизэ но, солэсь ляльчи кышномуртсэ но, солэсь ошсэ но, солэсь ишаксэ но, [солэсь нокыӵе пудозэ но] – маиз вань, солэсь номырзэ но аслыд кулэ эн кары».
18Вань калык адӟиз гудыръямез, чилекъямез, ӵындӥсь гурезез, кылӥз гумы куараез; тае адӟыса, [вань] калык берлане чигназ, палэнэ султыса сылӥз. 19Моисейлы шуизы: «Тон милемын вераськы, ми кылзомы, милемын Инмар медаз вераськы, ми медам кулэ». 20Соку Моисей калыклы шуиз: «Эн кышкалэ; Инмар [тӥ доры] лыктӥз тӥледыз эскерон-чаклан понна, Солэсь кышканэн мед улоды, сьӧлыкаса медад улэ». 21[Вань] калык палэнын сылӥз, нош Моисей Инмар пала, тём пеймыт азе вамыштӥз.
22Кузё-Инмар Моисейлы шуиз: «Тазьы шу [Иаковлэн выжыезлы,] израиль пиослы [иворты]: тӥ адӟиды, кызьы инмысен Мон Тӥледын вераськи; 23Мон азе азвесь инмаръёсты яке зарни инмаръёсты эн лэсьтэ, асьтэлы эн лэсьтэ: 24Мыным сюйлэсь курбон сётон инты лэсьты, отын тылын сутӥськись курбонъёстэ сёт, тупаса улонлы сӥзем курбонъёстэ сёт – ыжъёстэ, ошъёстэ; кытчы гинэ Аслэсьтым нимме тодытыны инты уг сёты, Мон тон доры лыкто но тонэ бакель каро; 25нош Мыным курбон сётон инты изъёслэсь ке лэсьтӥд, вӧлэм изъёслэсь эн лэсьты, уго из борды вӧлон пуртэныд йӧтӥськид ке, соосты сапталод; 26курбон сётон интые тубатъёс вылтӥ эн тубы, гольык интыед медаз адӟиськы шуыса».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016