MÁI 8
8
Jísu i mɔ́ɔ nuu bíh̃iw̃aa laawɔ́ni
(Máfiyu 15:32-39)
1Naa laa lówah̃u múl̃ɔ, faŋa yambɔ́ɔ́lɔngɔ veka yatɛ́ngɔ i ɣɛi lá mba. Kɛ́ sífaa mɛɛní fíli áá ɣɛ́i na tɔɔ́ mɛ, kɛ Jísu i volú yélaitii tólinga, i ɣɛ ti w̃a, 2“Nungái sítii maaw̃áánu lɔɔ sóu, bɔw̃álale, tí kɛ́nga náa mbéi ngáá foló sáángɔ aáva ŋani fíli aa ti yaá tɔ́ɔ mɛ. 3Ná ngáá tí lɔ́ve ti láitii su ngáá ndɔlɛ, taá vúw̃a peleí h̃u, sífaa ti lɛ́ingaa ti gúlangɔ ỹandáá góóh̃a ma.”
4Kɛ polú yélaitii tí ngóó yápotenga, ti ɣɛ́ ma, “Kɛ míl̃inda lɔ́ maá mɛ́ɛ́ni hɔ́lɔ na tevémbai sí h̃u áá kúlaɣɛ a maá faŋa walaí sí laawɔ́ la?”
5Kɛ i volú yélaitii mɔ́ɔ́ninga, i ɣɛ ti w̃a, “Bilé búsa nɔ́nɛngɔ lɔ́ í wú yáa?”
Nátii tí ngoo yápoteni, ti ɣɛ́ ma, “Bilé búsa ngɔ́felangɔ.”
6Kɛ Jísu i ndengá faŋaí w̃a ngáá ti héi ndɔwɔlɔ́i wa. Kɛ i bilé búsa ngɔ́felangɔi yeɣénga, í sɛ́ɣɛɛ gula Ngalá ma, í tí yalé ngále su, í tí he volú yélaitii ngéya ngáá tí fé nungáitii ngéya, aáva ngimɔ́ɔ́ tí kɛ́ni. 7Nyɛɛ guló gulo lɛingáá i ɣɛi ti yaá múl̃ɔ, kɛ Jísu í mɔ́ɔ sɛ́ɣɛɛ gulaá Ngalá ma nyɛí nátii fááw̃a, í tí he volú yélaitii ngéya ngáá ti ná bɛ́lɛ kɔ́lɛ wɔlɛ́ nungáitii mba. 8Nungáitii tí laaỹɛ́ni, í kúlaɣɛ ngáá ti ye. Ná naa í ɣɛ́i kpɛ́ɛ́, Jísu volú yélaitii tí mataitii ngátɛni mba í gúlani pólu, í kámbali ngwála wala ngɔ́felangɔ laahé. 9Nungái sítii tí ndaaỹɛ́ngi wóni ti ɣɛ́i ngáá nuu tásu nááningɔ. Jísu i nungái nátii tɔvení náa ti láitii su, 10aáva í víli keléngi h̃u taá polú yélaitii, tí li tataí sí h̃u taá tolí ngáá Damɔnúta.
Falósiai ti Jísu w̃ɔɔniní ngáá í káámaa haa ɣɛ
(Máfiyu 16:1-4)
11Júsuai sítii taa ɣɛ́ ti w̃a Falósiai tí liiní Jísu yelé ngáá tí suugɔvɔ́. Kɛ tí ndengá ma ngáa í káámaa haí tá ɣɛ ná, sí ɔ́ɔ́ ngákɛ kpál̃au ngáá kɛ Ngalá tɔ́ í tɔ́vengɔ. 12Kɛ Jísu i lɛɛh̃únga púúhaa, i ɣɛ ta, “Ndeeníí le sí h̃úú yéteyangi h̃uu yélaitii táá káámaa haa ŋál̃a w̃ɔ́ɔ́ni? Kɛ́ ngí tɔɔỹái le wú w̃á, ngɛ́i káámaa haa fíli kɛ́ wú yɛ́.” 13Kɛ i ti longá ná í yángaima keléngi h̃u, í pɛlɛ liimá njɛ walái góóɣaka vékai w̃áá véle.
Jísu i volú yélaitii ndaahíni
(Máfiyu 16:5-12)
14Jísu volú yélaitii pa ti lééw̃ani taá bilé fíli ngéɣeni, kɛ léi bíle búsa yiláángi í ɣɛ́i ti yaá kélengi h̃u. 15Kɛ Jísu i ndengá tí w̃a, i ɣɛ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii í ngáá Júsuai sítii taa ɣɛ́ ti w̃a Falósiai ti ndái ɛ́ɣɛ Masangí Hɛ́lɔdi ndái.”
16Kɛ Jísu volú yélaitii ti yɛ́pɛnga ỹɔw̃ɔ́ ỹɔ́w̃ɔ yéle, ti ɣɛ́ ta, “I sí léngɔ bɔw̃álale, maá vaangɔ́ ngáá bilé fíli.”
17Jísu va i ɣɛi kɔlɔ́ sí ti ɣɛ́i taá nde, faalɔ, i ti w̃ɔ́ɔ́nini, i ɣɛ ta, “Ndeénii le wáá yɛ́pɛ ỹɔw̃ɔ́ ỹɔ́w̃ɔ yéle ngáá sí le nɔ́ɔ wáá váángɔ ngáá bilé? Háá waa háá wɔ́i nɛ́ɛ́ faa ỹɛ́ni wɔ́ɔ́ ngátɔ mba kpɛ́? Baa wú gí maitii ngasáángɔɔ lé nɛ́nɛ kpɛ́? 18Baa ngaah̃úi lɔ wú wa kɛ́ wɔ́i ỹánda lɔ? Ná vólu, ngolí i wú wú mba kɛ́ wɔ́i faa ỹɛ́ni? Baa wɔ́i gísei ma 19ná h̃u ngí bilé búsa ndɔ́ɔ́lungɔitii ngalé ngáleni su nuu tásu ndɔ́ɔ́lungɔitii tí mɛni? Ngi w̃átaitii wú ngátɛni mba ngáá ngi gúla poluí, kambáli nɔ́ɔ́nɛngɔ lɔ í ndaahéni?”
Polú yélaitii tí ngoo yápoteni, ti ɣɛ́ ma, “I ɣɛi púú maah̃úú féle.”
20Í mɔ́ɔ́ ɣɛ ti w̃a, “Ná vólu, ná ngí bilé búsa ngɔ́felangɔitii ngalé ngáleni su nuu tásu nááningɔitii ti mɛ, ngi w̃átaitii wú ngátɛni mba ngáá ngi gúla poluí, kambáli nɔ́nɛngɔ lɔ í ndaahéni?”
Nátii tí ngoo yápoteni, ti ɣɛ́ ma, “I ɣɛi wɔféla.”
21Kɛ i ti w̃ɔ́ɔ́ninga, i ɣɛ ti w̃a, “Wɔ́i nɛ́ɛ́ faa ỹɛ́ni wɔ́ɔ́ ngatɔ́ mba kpɛ́?”
Jísu i mbole h̃íỹɛndopo yiláá mbáloni Bɛsééda
22Ná Jísuni ngaa polú yélaitii ti lííni Bɛsééda taa h̃u, nungáá lɛingáá tí vááni ngáá mbole w̃ɔ́ɔ yílaa Jísu yelé, tí maanɛ́ɛ́nɛ ngáá í lúba mba kɛinɔɔ́ í wálo. 23Kɛ Jísu i mbole w̃ɔ́i hóunga tokoí wa, í gúla lá taí wa. Ná Jísu í laayɛ́i vuní siỹɛndópoi yaah̃ú, í loko vɛ́lɛi ma. Kɛ í loko híɣenga ma í mɔ́ɔ́ni, i ɣɛ ma, “Yá lɔ́ɔ ŋani fíli tɔ́?”
24Kɛ siỹɛndópoi i ỹandái belénga, i ɣɛ Jísu w̃a, “Nyá lɔ́ɔ núngaitii tɔ tíwaa lɔ́ve tɔvé, kɛ́ ti gúlangɔɔ lé ngáá ngulú ɣɛ́ kíli.”
25Kɛ Jísu i mɔɔ loko vɛ́lɛnga siỹɛndópoi yaah̃ú, kɛ ngaah̃úitii maa í wongá tí waló. I ɣɛi náa áá ỹandá lɔ kpál̃au. 26Kɛ Jísu i ɣɛa siỹɛndópoi w̃a, “Lí nɛ́nɛ í vɛ́lɛ la ndɔɔwu h̃ú.”
Pítɛ líi h̃u hái kɔwɔ́ato Jísu wa
(Máfiyu 16:13-20; Lúu 9:18-21)
27Folo yílaa, Jísuni ngaa polú yélaitii ti ɣɛ́i taa lí taítii su tataí sí h̃uubéla taá naa lolí ngáá Sɛsɛ́liya Félepa. Ná ti ɣɛ́i taa lí, kɛ Jísu i volú yélaitii mɔɔningá, i ɣɛ ti w̃a, “Nungáitii ti ɣɛ́ ele wáá ngáá ngé?”
28Kɛ nátii tí ngóó yápotenga, ti ɣɛ́ ma, “Ti lɛ́ingaa ti ɣɛ́ Nguya Wo Mɔ́i Njɔú wáá ngáá í ye, ti lɛ́ingaa ti ɣɛ́ Iláija waa ngáá í ye, ti lɛ́ingaa va ti ɣɛ́ Ngalá ndaa háá lé mbélai ti tá waa nɔ́ɔ ngáá í ye.”
29Kɛ Jísu i ti w̃ɔ́ɔ́ninga múl̃ɔ, i ɣɛ ti w̃a, “Kɛ́ wáá vá náa, wú ɣɛ́ ele wáá ngáá ngé?”
Kɛ Pítɛ i ngoo yápotenga, i ɣɛ ma, “Yá lɔ yí ngáá Ngalángi Lókolo Mbá W̃ɔ́i ngumaawóngi hááw̃a.”
30Kɛ́ Jísu i ti laahíni ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.
Jísu i yɛpɛní ngi w̃áánɔw̃ɔi wa taa saalaí
(Máfiyu 16:21-28; Lúu 9:22-27)
31Kɛ Jísu i pɛlɛngá múl̃ɔ volú yélaitii kalambóma, i ɣɛi áá ɣɛ́ ti w̃a, “Kɛ nuí síí w̃ɔ́i taa ɣɛ́ ma Nuu Búsa Goo H̃ú Loí í máánɔw̃ɔ bíh̃i bih̃i ngeɣé faa bíh̃iw̃aa h̃u. Aáva kele ɣelé mbélaitii ɛ́ɣɛ Ngala sááɣa gula mbélai ti wútuwɔaitii ɛ́ɣɛ kaamɔítiini Ngala sávai hááw̃a taá bééle mba. Ná vólu, tí páa, kɛ́ ná foló félengɔ áá gúla su sawa kélei w̃a Ngalá ngaa mbuyoɣé sái h̃u.” 32Ná Jísu í fái sí yakɛ́ni kpál̃au ti yaá, kɛ Pítɛ i Jísu lolínga naa góóɣaka w̃á í pɛ́lɛ kpɛmá nda. 33Kɛ́ ná Jísu í vóteni í vólu yélaa vekaítii kpéleni, i kpɛní Pítɛ la, i ɣɛ ma, “Hiɣe kpéla, Setána! Nuu búsa vélei lɔ́ yáá gisíya la, kɛ́ yáá gísiyama ngáá Ngalángi ndá vélei.”
34Kɛ Jísu i faŋaí lólinga ɛ́ɣɛ polú yélaitii, i ɣɛ ti w̃a, “Ná nuu fíli áá ɣɛ́ lói í ɣɛ́ ngáá pólu w̃ɔ́ɔ́, kɛ í gíkula bɔwɔ́ h̃u, í w̃aahéi wo ngáá i há fááw̃a, í tó mbá. 35Sífaa nuí fíli áá ɣɛ́ lói í bɔwɔ́ lɛɛh̃úi w̃ááɣawo, aa waláma. Kɛ́ nuí fíli áá bɔ́wɔ lɛɛh̃úi gúla kɛlɛ́ma nyá fááw̃a ɛ́ɣɛ Ngalángi gééla woo vandaí hááw̃a, maa w̃ɔ́i aa ndɛ́ɛ́h̃ui gítei w̃aahɔ́lɔ.” 36Jísu í mɔ́ɔ́ ɣɛ ta, “Ndeé lɔ áá ɣɛ́ ngáá kulasuunúmai nuí síí w̃ɔ́i haaw̃a áá ndɔ́wɔlɔi sí kpɛ́lɛɛ mááhɔlɔ ngáá ngi ndá kɛ́ í wála ndɛɛh̃uu gítei w̃a? 37Ndeé lɔ nuu áá fe kɛinɔɔ́ i ndɛɛh̃uu gítei w̃aahɔ́lɔ volú?” 38Í mɔ́ɔ́ ɣɛ ta, “Ná nuu fíli áá wúfe ngáá ní hái ɛ́ɣɛ ndáá wói Ngalá kɔ́lɔ tála ɛ́ɣɛ faa ỹɔ́u yéteyangi sí h̃u, ná Nuu Búsa Goo H̃ú Loí, áá vá ngi Kɛ́ɛ́ɣɛ yákpa maanɛɛnɛɛngí h̃u taá ngí hɛ́ɛ́ma w̃álekaitii, aa wufe ngáá maa w̃ɔ́i bɛ́lɛ ngi hái.”
Currently Selected:
MÁI 8: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000
MÁI 8
8
Jísu i mɔ́ɔ nuu bíh̃iw̃aa laawɔ́ni
(Máfiyu 15:32-39)
1Naa laa lówah̃u múl̃ɔ, faŋa yambɔ́ɔ́lɔngɔ veka yatɛ́ngɔ i ɣɛi lá mba. Kɛ́ sífaa mɛɛní fíli áá ɣɛ́i na tɔɔ́ mɛ, kɛ Jísu i volú yélaitii tólinga, i ɣɛ ti w̃a, 2“Nungái sítii maaw̃áánu lɔɔ sóu, bɔw̃álale, tí kɛ́nga náa mbéi ngáá foló sáángɔ aáva ŋani fíli aa ti yaá tɔ́ɔ mɛ. 3Ná ngáá tí lɔ́ve ti láitii su ngáá ndɔlɛ, taá vúw̃a peleí h̃u, sífaa ti lɛ́ingaa ti gúlangɔ ỹandáá góóh̃a ma.”
4Kɛ polú yélaitii tí ngóó yápotenga, ti ɣɛ́ ma, “Kɛ míl̃inda lɔ́ maá mɛ́ɛ́ni hɔ́lɔ na tevémbai sí h̃u áá kúlaɣɛ a maá faŋa walaí sí laawɔ́ la?”
5Kɛ i volú yélaitii mɔ́ɔ́ninga, i ɣɛ ti w̃a, “Bilé búsa nɔ́nɛngɔ lɔ́ í wú yáa?”
Nátii tí ngoo yápoteni, ti ɣɛ́ ma, “Bilé búsa ngɔ́felangɔ.”
6Kɛ Jísu i ndengá faŋaí w̃a ngáá ti héi ndɔwɔlɔ́i wa. Kɛ i bilé búsa ngɔ́felangɔi yeɣénga, í sɛ́ɣɛɛ gula Ngalá ma, í tí yalé ngále su, í tí he volú yélaitii ngéya ngáá tí fé nungáitii ngéya, aáva ngimɔ́ɔ́ tí kɛ́ni. 7Nyɛɛ guló gulo lɛingáá i ɣɛi ti yaá múl̃ɔ, kɛ Jísu í mɔ́ɔ sɛ́ɣɛɛ gulaá Ngalá ma nyɛí nátii fááw̃a, í tí he volú yélaitii ngéya ngáá ti ná bɛ́lɛ kɔ́lɛ wɔlɛ́ nungáitii mba. 8Nungáitii tí laaỹɛ́ni, í kúlaɣɛ ngáá ti ye. Ná naa í ɣɛ́i kpɛ́ɛ́, Jísu volú yélaitii tí mataitii ngátɛni mba í gúlani pólu, í kámbali ngwála wala ngɔ́felangɔ laahé. 9Nungái sítii tí ndaaỹɛ́ngi wóni ti ɣɛ́i ngáá nuu tásu nááningɔ. Jísu i nungái nátii tɔvení náa ti láitii su, 10aáva í víli keléngi h̃u taá polú yélaitii, tí li tataí sí h̃u taá tolí ngáá Damɔnúta.
Falósiai ti Jísu w̃ɔɔniní ngáá í káámaa haa ɣɛ
(Máfiyu 16:1-4)
11Júsuai sítii taa ɣɛ́ ti w̃a Falósiai tí liiní Jísu yelé ngáá tí suugɔvɔ́. Kɛ tí ndengá ma ngáa í káámaa haí tá ɣɛ ná, sí ɔ́ɔ́ ngákɛ kpál̃au ngáá kɛ Ngalá tɔ́ í tɔ́vengɔ. 12Kɛ Jísu i lɛɛh̃únga púúhaa, i ɣɛ ta, “Ndeeníí le sí h̃úú yéteyangi h̃uu yélaitii táá káámaa haa ŋál̃a w̃ɔ́ɔ́ni? Kɛ́ ngí tɔɔỹái le wú w̃á, ngɛ́i káámaa haa fíli kɛ́ wú yɛ́.” 13Kɛ i ti longá ná í yángaima keléngi h̃u, í pɛlɛ liimá njɛ walái góóɣaka vékai w̃áá véle.
Jísu i volú yélaitii ndaahíni
(Máfiyu 16:5-12)
14Jísu volú yélaitii pa ti lééw̃ani taá bilé fíli ngéɣeni, kɛ léi bíle búsa yiláángi í ɣɛ́i ti yaá kélengi h̃u. 15Kɛ Jísu i ndengá tí w̃a, i ɣɛ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii í ngáá Júsuai sítii taa ɣɛ́ ti w̃a Falósiai ti ndái ɛ́ɣɛ Masangí Hɛ́lɔdi ndái.”
16Kɛ Jísu volú yélaitii ti yɛ́pɛnga ỹɔw̃ɔ́ ỹɔ́w̃ɔ yéle, ti ɣɛ́ ta, “I sí léngɔ bɔw̃álale, maá vaangɔ́ ngáá bilé fíli.”
17Jísu va i ɣɛi kɔlɔ́ sí ti ɣɛ́i taá nde, faalɔ, i ti w̃ɔ́ɔ́nini, i ɣɛ ta, “Ndeénii le wáá yɛ́pɛ ỹɔw̃ɔ́ ỹɔ́w̃ɔ yéle ngáá sí le nɔ́ɔ wáá váángɔ ngáá bilé? Háá waa háá wɔ́i nɛ́ɛ́ faa ỹɛ́ni wɔ́ɔ́ ngátɔ mba kpɛ́? Baa wú gí maitii ngasáángɔɔ lé nɛ́nɛ kpɛ́? 18Baa ngaah̃úi lɔ wú wa kɛ́ wɔ́i ỹánda lɔ? Ná vólu, ngolí i wú wú mba kɛ́ wɔ́i faa ỹɛ́ni? Baa wɔ́i gísei ma 19ná h̃u ngí bilé búsa ndɔ́ɔ́lungɔitii ngalé ngáleni su nuu tásu ndɔ́ɔ́lungɔitii tí mɛni? Ngi w̃átaitii wú ngátɛni mba ngáá ngi gúla poluí, kambáli nɔ́ɔ́nɛngɔ lɔ í ndaahéni?”
Polú yélaitii tí ngoo yápoteni, ti ɣɛ́ ma, “I ɣɛi púú maah̃úú féle.”
20Í mɔ́ɔ́ ɣɛ ti w̃a, “Ná vólu, ná ngí bilé búsa ngɔ́felangɔitii ngalé ngáleni su nuu tásu nááningɔitii ti mɛ, ngi w̃átaitii wú ngátɛni mba ngáá ngi gúla poluí, kambáli nɔ́nɛngɔ lɔ í ndaahéni?”
Nátii tí ngoo yápoteni, ti ɣɛ́ ma, “I ɣɛi wɔféla.”
21Kɛ i ti w̃ɔ́ɔ́ninga, i ɣɛ ti w̃a, “Wɔ́i nɛ́ɛ́ faa ỹɛ́ni wɔ́ɔ́ ngatɔ́ mba kpɛ́?”
Jísu i mbole h̃íỹɛndopo yiláá mbáloni Bɛsééda
22Ná Jísuni ngaa polú yélaitii ti lííni Bɛsééda taa h̃u, nungáá lɛingáá tí vááni ngáá mbole w̃ɔ́ɔ yílaa Jísu yelé, tí maanɛ́ɛ́nɛ ngáá í lúba mba kɛinɔɔ́ í wálo. 23Kɛ Jísu i mbole w̃ɔ́i hóunga tokoí wa, í gúla lá taí wa. Ná Jísu í laayɛ́i vuní siỹɛndópoi yaah̃ú, í loko vɛ́lɛi ma. Kɛ í loko híɣenga ma í mɔ́ɔ́ni, i ɣɛ ma, “Yá lɔ́ɔ ŋani fíli tɔ́?”
24Kɛ siỹɛndópoi i ỹandái belénga, i ɣɛ Jísu w̃a, “Nyá lɔ́ɔ núngaitii tɔ tíwaa lɔ́ve tɔvé, kɛ́ ti gúlangɔɔ lé ngáá ngulú ɣɛ́ kíli.”
25Kɛ Jísu i mɔɔ loko vɛ́lɛnga siỹɛndópoi yaah̃ú, kɛ ngaah̃úitii maa í wongá tí waló. I ɣɛi náa áá ỹandá lɔ kpál̃au. 26Kɛ Jísu i ɣɛa siỹɛndópoi w̃a, “Lí nɛ́nɛ í vɛ́lɛ la ndɔɔwu h̃ú.”
Pítɛ líi h̃u hái kɔwɔ́ato Jísu wa
(Máfiyu 16:13-20; Lúu 9:18-21)
27Folo yílaa, Jísuni ngaa polú yélaitii ti ɣɛ́i taa lí taítii su tataí sí h̃uubéla taá naa lolí ngáá Sɛsɛ́liya Félepa. Ná ti ɣɛ́i taa lí, kɛ Jísu i volú yélaitii mɔɔningá, i ɣɛ ti w̃a, “Nungáitii ti ɣɛ́ ele wáá ngáá ngé?”
28Kɛ nátii tí ngóó yápotenga, ti ɣɛ́ ma, “Ti lɛ́ingaa ti ɣɛ́ Nguya Wo Mɔ́i Njɔú wáá ngáá í ye, ti lɛ́ingaa ti ɣɛ́ Iláija waa ngáá í ye, ti lɛ́ingaa va ti ɣɛ́ Ngalá ndaa háá lé mbélai ti tá waa nɔ́ɔ ngáá í ye.”
29Kɛ Jísu i ti w̃ɔ́ɔ́ninga múl̃ɔ, i ɣɛ ti w̃a, “Kɛ́ wáá vá náa, wú ɣɛ́ ele wáá ngáá ngé?”
Kɛ Pítɛ i ngoo yápotenga, i ɣɛ ma, “Yá lɔ yí ngáá Ngalángi Lókolo Mbá W̃ɔ́i ngumaawóngi hááw̃a.”
30Kɛ́ Jísu i ti laahíni ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.
Jísu i yɛpɛní ngi w̃áánɔw̃ɔi wa taa saalaí
(Máfiyu 16:21-28; Lúu 9:22-27)
31Kɛ Jísu i pɛlɛngá múl̃ɔ volú yélaitii kalambóma, i ɣɛi áá ɣɛ́ ti w̃a, “Kɛ nuí síí w̃ɔ́i taa ɣɛ́ ma Nuu Búsa Goo H̃ú Loí í máánɔw̃ɔ bíh̃i bih̃i ngeɣé faa bíh̃iw̃aa h̃u. Aáva kele ɣelé mbélaitii ɛ́ɣɛ Ngala sááɣa gula mbélai ti wútuwɔaitii ɛ́ɣɛ kaamɔítiini Ngala sávai hááw̃a taá bééle mba. Ná vólu, tí páa, kɛ́ ná foló félengɔ áá gúla su sawa kélei w̃a Ngalá ngaa mbuyoɣé sái h̃u.” 32Ná Jísu í fái sí yakɛ́ni kpál̃au ti yaá, kɛ Pítɛ i Jísu lolínga naa góóɣaka w̃á í pɛ́lɛ kpɛmá nda. 33Kɛ́ ná Jísu í vóteni í vólu yélaa vekaítii kpéleni, i kpɛní Pítɛ la, i ɣɛ ma, “Hiɣe kpéla, Setána! Nuu búsa vélei lɔ́ yáá gisíya la, kɛ́ yáá gísiyama ngáá Ngalángi ndá vélei.”
34Kɛ Jísu i faŋaí lólinga ɛ́ɣɛ polú yélaitii, i ɣɛ ti w̃a, “Ná nuu fíli áá ɣɛ́ lói í ɣɛ́ ngáá pólu w̃ɔ́ɔ́, kɛ í gíkula bɔwɔ́ h̃u, í w̃aahéi wo ngáá i há fááw̃a, í tó mbá. 35Sífaa nuí fíli áá ɣɛ́ lói í bɔwɔ́ lɛɛh̃úi w̃ááɣawo, aa waláma. Kɛ́ nuí fíli áá bɔ́wɔ lɛɛh̃úi gúla kɛlɛ́ma nyá fááw̃a ɛ́ɣɛ Ngalángi gééla woo vandaí hááw̃a, maa w̃ɔ́i aa ndɛ́ɛ́h̃ui gítei w̃aahɔ́lɔ.” 36Jísu í mɔ́ɔ́ ɣɛ ta, “Ndeé lɔ áá ɣɛ́ ngáá kulasuunúmai nuí síí w̃ɔ́i haaw̃a áá ndɔ́wɔlɔi sí kpɛ́lɛɛ mááhɔlɔ ngáá ngi ndá kɛ́ í wála ndɛɛh̃uu gítei w̃a? 37Ndeé lɔ nuu áá fe kɛinɔɔ́ i ndɛɛh̃uu gítei w̃aahɔ́lɔ volú?” 38Í mɔ́ɔ́ ɣɛ ta, “Ná nuu fíli áá wúfe ngáá ní hái ɛ́ɣɛ ndáá wói Ngalá kɔ́lɔ tála ɛ́ɣɛ faa ỹɔ́u yéteyangi sí h̃u, ná Nuu Búsa Goo H̃ú Loí, áá vá ngi Kɛ́ɛ́ɣɛ yákpa maanɛɛnɛɛngí h̃u taá ngí hɛ́ɛ́ma w̃álekaitii, aa wufe ngáá maa w̃ɔ́i bɛ́lɛ ngi hái.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000