MÁI 7
7
Jísu i yɛpɛí kɔwɔ́ato wɔ́lɔ wɔ́lɔma gálambongi wa
(Máfiyu 15:1-9)
1I ɣɛi ngáá hɔ́wɔ ta, Júsuai sítii taa ɣɛ́ ti w̃a Falósiai ɛ́ɣɛ kaamɔítii Ngala sávai hááw̃a ti ɣɛ́i gulaní Jɛlúsɛl̃ɛ taa walái h̃u, tí w̃áákpɔ mba mbéi Jísu í ɣɛ́i na. 2Kɛ ti Jísu volú yélaitii tɛingáá lɔ́nga táá laaỹɛ́ ngáá yaá bɔníngɔ. Ná wáá ngáá taá yaa wúyani kíya kule í ɣɛ́i ti w̃a tí kɛ p̃ɛ́ɛ́ tɔ́ɔ́ ɣɛ́a laaỹɛ́. 3Júsuaitii kpɛ́lɛɛ ná wáá ngáá, Falósiaitii ɛ́ɣɛ Júsu vekaítii tɛ́i belé laaỹɛ́ kɛ tɔ́ɔ yaa wúya kɛ kíya ti káwalani tí ndéni ti w̃a ngáá ti ɣɛ́ táa kɛ. 4Ná Falósiaitii tɔ́ɔ gúla ndɔwɔ́i h̃u, tɛ́i beé laaỹɛ́ kɛ tɔ́ɔ yaa wúya. Ná vólu, faa vékaa bih̃íw̃aani ti ɣɛ́i na tɔ́ɔ kɛ sí ti káwalani tí ndéni ti w̃a ngáá ti ɣɛ́ táa kɛ. Ná wáá ngáá, kíya kule í ɣɛ́i ti w̃a ti ndaaỹɛ nyáákaitii maaw̃úỹa ɛ́ɣɛ peetiitii nguyándai.
5Faalɔ, Falósiaitii ɛ́ɣɛ kaamɔítii Ngala sávai hááw̃a ti Jísu w̃ɔɔniní, ti ɣɛ́ ma, “Ndeénii le í vólu yélaitii taa híyama ngáá a mu káwalani ti volú hái, ngáá tíwaa laaỹɛ́ taa yaa wúyangɔ kíya kule í ti w̃a tí kɛ?”
6Jísu i ti woo yápoteni, i ɣɛ ti w̃a, “Ngalá ndaa háá le mɔ́i Aisáya ndái i ɣɛi pele w̃a ná Ngalá ngí ngoí sítii ndéni ma ngáá í nde kɔwɔ́ato wú wá wɛ́i wú ngáá Ngala fáá la mbélaitii yaah̃ú kɛ́ aa wú líí h̃u. Ná wáá ngáá, sí Aisáya í pɔ́nɛni, í ɣɛ́i ta,
‘Nungái sítii taá wufe má laa wóó h̃u,
kɛ́ ti liítii maa gooh̃ángɔɔ lé mbá.
7Kulasuunúma aa ti yɛ fɛ́lindai h̃u,
bɔw̃álale, taá ɣɛ taá nuu búsa hávai ɣɛ́ ngáá nungáitii kíya kpéiŋ áá ɣɛ́ ngáá ní háva!’ ”
8Jísu í mɔ́ɔ́ ɣɛ ti w̃a, “Wú híɣengɔ Ngala sávaitii polú, wú hítɛ nuu búsa hávaitii polú.”
9Í mɔ́ɔ́ ɣɛ ti w̃a, “Wáá híɣe Ngala sávai vólu ngáá kele ɣelé kɛinɔɔ́ wú hítɛ wu maa gélei vólu. 10Muusé i ndení, i ɣɛ ta, ‘Wufe í kɛ́ɛ́ɣɛ w̃a taa í njée’ aáva ‘Nuí fíli áá ngóo ỹɔ́u le kɔwɔ́ato ngi kɛ́ɛ́ɣɛ ɔɔ ngi njéé wa, kɛ tí maa w̃ɔ́i váa.’ 11Kɛ́ wáá wú gálambongi wo ngáá ná nuu fíli áá ŋani hɔ́lɔ ngáá ɔ́ɔ́ bɔ́ la ngi kɛ́ɛ́ɣɛ ɔɔ ngi njéé wa, kɛ́ i ɣɛ ta ‘Ngí Ngála kuulónga náá la kílii’, 12aa ngáá maagúle ngáá ɔ́ɔ́ wúfe ngi kɛ́ɛ́ɣɛ w̃a ɔɔ ngi njéé w̃a ná wáá ngáá, ná áá fé ti yaá sífaa, i Ngalá kuulónga náa lá. 13Náá hááw̃a, kɛ wú híɣe veléi lɔ Ngala sávai vólu kɛinɔɔ́ wú hítɛ wu maa gálambongi vólu. Aáva faa bíh̃iw̃aa lɔ́ na wáá kɛ kíya nɔ́ɔ́ ná í na.”
Faí sítii taá nuu ɣɛ́ ngáá kpaló mba w̃ɔ́ɔ́
(Máfiyu 15:10-20)
14Kɛ Jísu i mɔɔ faŋaí lólinga yéle, i ɣɛ ti w̃a, “Sí ngáá nde a wolílo ma wú kpɛ́lɛɛ kpɛ́lɛɛ wú ngátɔ mba. 15Ŋani fíli aa na nuu áá mɛ áá nuu ɣɛ́ ngáá kpaló mba w̃ɔ́ɔ́ Ngala fɛ́lindai h̃u. Kɛ́ sí áá gúla nuu líí h̃u, aá lɔ áá núu ɣɛ́ ngáá kpaló mba w̃ɔ́ɔ́ Ngala fɛ́lindai h̃u. [ 16Nuí fíli faa ỹɛ́ni ngóli áá ɣɛ́ ngu mba, í fái sí yéɣe ngáá hɛmbɛ́ fíli.]”
17Ná Jísu í fáŋai lóni í lii pɛlɛ́i wu, polú yélaitii tí mɔ́ɔ́nii kɔwɔ́ato faanɛ́ɛ́ngi sí wa. 18Kɛ Jísu i ti w̃ɔ́ɔ́ninga, i ɣɛ ti w̃a, “Wɔ́i faa yátɔ mba baa? Wáá suuwɔlɔ́ ngáá kɛ ŋani fíli aa na nuu áá mɛ áá maa w̃ɔ́ɔ́ ɣɛ ngáá kpaló mbá w̃ɔ́ɔ́ Ngala fɛ́li fááw̃a? 19Bɔw̃álale sí nuí áá mɛ ɛi li ndií h̃u, kɛ́ aa li koo ya laáva í mɔ́ɔ́ gulá kóó ya.” Ná Jísu í ngói sí léni, ná lɔ́ í ngákɛni kpál̃au ngáá kɛ mɛɛníi kpɛ́lɛɛ pangɔ́ɔ́ lé mɛ́ fááw̃a.
20Kɛ́ Jísu i ndií ngú ma ngáá laa wóó, i ɣɛ ta, “Kɛ́ sí áá gúla nuí líí h̃u, aá lɔ áá kɛ ngáá kpaló mba w̃ɔ́ɔ́ Ngala fɛ́li fááw̃a. 21Sífaa, ndií h̃uu lɔ́ kisíya ỹɔ́i áá gúla na sí áá kɛ ngáá háwu í nuu váa, í kɔ́lɔsiya mbó, í ŋúỹa wó, 22í núngaa yáa wɔ́li mɔní ɣɛ́, í túva velé ỹɔ́u wo, í nungáá vɛ́lɛ, í tóloma gúla, í maaboo ngoo le kɔwɔ́ato nungáá véka wa, í suuwɔɔlɔ́ gúla, ɛ́ɣɛ í kútɔ túva wo. 23Faa ỹɔ́i sítii kpɛ́lɛɛ taá gula nuu líí h̃u, tí kɛ ngáa kpaló mba w̃ɔ́ɔ́ Ngala fɛ́li fááw̃a.”
Ndangí í ɣɛ́i nyah̃ápoi h̃u
(Máfiyu 15:21-28)
24Jísu i gulaní náa maa ỹándai wá, í lí taa walái ná h̃u taa tolí ngáá Táya maa látai h̃u, í lɛ pɛlɛ́i wu kɛ́ aa ɣɛi loí nuu fíli ɔ́ɔ́ ɣɛ́ faa wɔ́lɔ mba. Kɛ́ ná fíli sú, maa ɛ́i belé lɔɔwú. 25Aá ɣéle p̃ɛ́ɛ́, nyah̃ápoi sí ỹína nyɔí í ɣɛ́i ngi ỹáh̃alou loí vólu, ná nɔ́ɔ léi í Jísu w̃aa woo ỹɛ́nini, i liiní, í lá Jísu yɛ. 26Gilísi woí lɔ nyah̃ápoi sí ɔ́ɔ́ nde. Nungái sítii taa ɣɛ́ ti w̃a Júsuaitii, nyah̃ápoi sí aa ɣɛi ngáá ti tá. Kɛ́ tí ndéni tataí sí h̃u tɔ́ɔ́ tolí ngáá Fɔnísiya, í tataí sí h̃u taa tolí ngáá Síliya. Nyah̃ápoi sí i Jísu w̃aanɛ́ɛ́nɛni, i ɣɛ ma, “Ỹína nyɔí leve kái ní ỹáh̃aloi volú.”
27Kɛ́ Jísu i nyah̃ápoi woo yápoteni, i ɣɛ ma, “Bɛlɛ́ lɛ́ɛ ndopóaitii tí laaỹɛ́ hése ngáá sí kínɛi ti longɔ́ lá, sífaa maa áá nɛ́ɛ́ni nuu ɔ́ɔ́ ndopóaitii ti ỹɛ́ɛ́ni yéɣe ɔ́ɔ́ píli kékeaitii mbɛ.”
28Nyah̃ápoi i Jísu woo yápoteni, i ɣɛ ma, “Tɔɔỹaá le, Kawálai, kɛ́ kékeaitii kele tɔ taa ɣɛ́ téévei wu, taá ndopóaitii ti lááỹɛɛni búlu kpúlungi ỹɛ.”
29Kɛ Jísu i ɣɛa nyah̃ápoi w̃a, “Ná yí ngoo yapóte táálii sí hénga, ỹína nyɔí i lévenga í ỹáh̃aloi vólu. Faalɔ, lí náa.”
30Nyah̃ápoi i liiní náa ngi vɛ́lɛ la. Í ngí lói w̃áále lááni mbeteí ya, aáva ỹína nyɔí i ɣɛi náa levéni polú.
Jísu i bóbo h̃íỹɛndopo yiláá mbáloni
31Kɛ Jísu i gulangá taa walái sí taá tolí ngáá Táya maa látai h̃uu wa, í lí í lɔ́ve taa walái sí h̃uu w̃á taa tolí ngáá Sáidɔ, í lí í lɔ́ve Taa Púúngɔ Látai h̃uu w̃á, í lí Galéli Yɛ Walaí la. 32Naa lɔ nungáá lɛingáá ti vááni na ngáá siỹɛ́ ngílaa Jísu yelé. Ngolí h̃úi hítɛngɔ ngá, aáva múl̃ɔ ɛ́i belé bɔɔlɔ́. Ti Jísu w̃aanɛ́ɛ́nɛni ngáá í lóko vɛ́lɛ siỹɛndópoi w̃a kɛinɔɔ́ í wálo. 33Kɛ Jísu i lahiyánga ma ngáá siỹɛndópoi ná, í híɣe lá faŋaí lííwaa. Kɛ i loko beɣáitii mbálaa siỹɛndópoi wóliitii su, í laa yɛ́i vu, í lúba siỹɛndópoi nɛɛngí wa. 34Ná vólu, í wúnga séi ngeleí ya, í lɛɛh̃ú púúhaa, i ɣɛ siỹɛndópoi w̃a, “Ɛ́fata,” ngi híí woí h̃u ná wuí wáá ngáá, “Bɛlɛ́ ndáini ngaa ngolí h̃úitii ti wó!”
35Ngamá nɔ́ɔ, kɛ siỹɛndópoi wolí h̃úitii ti ɣɛ́a kpál̃au, ndaa h̃ú í levé, í pɛlɛ yɛpɛmá ngáá pangɔ́. 36Jísu i ndení nungáitii ma ngáá tálaa nde nuu fíli má. Kɛ́ kíya bɛ́lɛ í ndení tí w̃a ká ká, ná fíli sú, ti ɣɛ́i nɔ́ɔ taá maa woo híya. 37Nungáitii kpɛ́lɛɛ pá ti gindáá vílingɔ i ɣɛi lá ngwala, táá ɣɛ́ ta, “I faítii kpɛ́lɛɛ kɛ́nga vaní. I kɛngá ngáá háwu sítii ti wolí h̃úitii sítɛngɔ nga tíwaa faa ỹɛní, ná vólu, bóboaitii tíwaa yɛ́pɛ!”
Currently Selected:
MÁI 7: KNNT
Highlight
Share
Copy

Want to have your highlights saved across all your devices? Sign up or sign in
Bandi New Testament © Bible Society in Liberia, 2000
MÁI 7
7
Jísu i yɛpɛí kɔwɔ́ato wɔ́lɔ wɔ́lɔma gálambongi wa
(Máfiyu 15:1-9)
1I ɣɛi ngáá hɔ́wɔ ta, Júsuai sítii taa ɣɛ́ ti w̃a Falósiai ɛ́ɣɛ kaamɔítii Ngala sávai hááw̃a ti ɣɛ́i gulaní Jɛlúsɛl̃ɛ taa walái h̃u, tí w̃áákpɔ mba mbéi Jísu í ɣɛ́i na. 2Kɛ ti Jísu volú yélaitii tɛingáá lɔ́nga táá laaỹɛ́ ngáá yaá bɔníngɔ. Ná wáá ngáá taá yaa wúyani kíya kule í ɣɛ́i ti w̃a tí kɛ p̃ɛ́ɛ́ tɔ́ɔ́ ɣɛ́a laaỹɛ́. 3Júsuaitii kpɛ́lɛɛ ná wáá ngáá, Falósiaitii ɛ́ɣɛ Júsu vekaítii tɛ́i belé laaỹɛ́ kɛ tɔ́ɔ yaa wúya kɛ kíya ti káwalani tí ndéni ti w̃a ngáá ti ɣɛ́ táa kɛ. 4Ná Falósiaitii tɔ́ɔ gúla ndɔwɔ́i h̃u, tɛ́i beé laaỹɛ́ kɛ tɔ́ɔ yaa wúya. Ná vólu, faa vékaa bih̃íw̃aani ti ɣɛ́i na tɔ́ɔ kɛ sí ti káwalani tí ndéni ti w̃a ngáá ti ɣɛ́ táa kɛ. Ná wáá ngáá, kíya kule í ɣɛ́i ti w̃a ti ndaaỹɛ nyáákaitii maaw̃úỹa ɛ́ɣɛ peetiitii nguyándai.
5Faalɔ, Falósiaitii ɛ́ɣɛ kaamɔítii Ngala sávai hááw̃a ti Jísu w̃ɔɔniní, ti ɣɛ́ ma, “Ndeénii le í vólu yélaitii taa híyama ngáá a mu káwalani ti volú hái, ngáá tíwaa laaỹɛ́ taa yaa wúyangɔ kíya kule í ti w̃a tí kɛ?”
6Jísu i ti woo yápoteni, i ɣɛ ti w̃a, “Ngalá ndaa háá le mɔ́i Aisáya ndái i ɣɛi pele w̃a ná Ngalá ngí ngoí sítii ndéni ma ngáá í nde kɔwɔ́ato wú wá wɛ́i wú ngáá Ngala fáá la mbélaitii yaah̃ú kɛ́ aa wú líí h̃u. Ná wáá ngáá, sí Aisáya í pɔ́nɛni, í ɣɛ́i ta,
‘Nungái sítii taá wufe má laa wóó h̃u,
kɛ́ ti liítii maa gooh̃ángɔɔ lé mbá.
7Kulasuunúma aa ti yɛ fɛ́lindai h̃u,
bɔw̃álale, taá ɣɛ taá nuu búsa hávai ɣɛ́ ngáá nungáitii kíya kpéiŋ áá ɣɛ́ ngáá ní háva!’ ”
8Jísu í mɔ́ɔ́ ɣɛ ti w̃a, “Wú híɣengɔ Ngala sávaitii polú, wú hítɛ nuu búsa hávaitii polú.”
9Í mɔ́ɔ́ ɣɛ ti w̃a, “Wáá híɣe Ngala sávai vólu ngáá kele ɣelé kɛinɔɔ́ wú hítɛ wu maa gélei vólu. 10Muusé i ndení, i ɣɛ ta, ‘Wufe í kɛ́ɛ́ɣɛ w̃a taa í njée’ aáva ‘Nuí fíli áá ngóo ỹɔ́u le kɔwɔ́ato ngi kɛ́ɛ́ɣɛ ɔɔ ngi njéé wa, kɛ tí maa w̃ɔ́i váa.’ 11Kɛ́ wáá wú gálambongi wo ngáá ná nuu fíli áá ŋani hɔ́lɔ ngáá ɔ́ɔ́ bɔ́ la ngi kɛ́ɛ́ɣɛ ɔɔ ngi njéé wa, kɛ́ i ɣɛ ta ‘Ngí Ngála kuulónga náá la kílii’, 12aa ngáá maagúle ngáá ɔ́ɔ́ wúfe ngi kɛ́ɛ́ɣɛ w̃a ɔɔ ngi njéé w̃a ná wáá ngáá, ná áá fé ti yaá sífaa, i Ngalá kuulónga náa lá. 13Náá hááw̃a, kɛ wú híɣe veléi lɔ Ngala sávai vólu kɛinɔɔ́ wú hítɛ wu maa gálambongi vólu. Aáva faa bíh̃iw̃aa lɔ́ na wáá kɛ kíya nɔ́ɔ́ ná í na.”
Faí sítii taá nuu ɣɛ́ ngáá kpaló mba w̃ɔ́ɔ́
(Máfiyu 15:10-20)
14Kɛ Jísu i mɔɔ faŋaí lólinga yéle, i ɣɛ ti w̃a, “Sí ngáá nde a wolílo ma wú kpɛ́lɛɛ kpɛ́lɛɛ wú ngátɔ mba. 15Ŋani fíli aa na nuu áá mɛ áá nuu ɣɛ́ ngáá kpaló mba w̃ɔ́ɔ́ Ngala fɛ́lindai h̃u. Kɛ́ sí áá gúla nuu líí h̃u, aá lɔ áá núu ɣɛ́ ngáá kpaló mba w̃ɔ́ɔ́ Ngala fɛ́lindai h̃u. [ 16Nuí fíli faa ỹɛ́ni ngóli áá ɣɛ́ ngu mba, í fái sí yéɣe ngáá hɛmbɛ́ fíli.]”
17Ná Jísu í fáŋai lóni í lii pɛlɛ́i wu, polú yélaitii tí mɔ́ɔ́nii kɔwɔ́ato faanɛ́ɛ́ngi sí wa. 18Kɛ Jísu i ti w̃ɔ́ɔ́ninga, i ɣɛ ti w̃a, “Wɔ́i faa yátɔ mba baa? Wáá suuwɔlɔ́ ngáá kɛ ŋani fíli aa na nuu áá mɛ áá maa w̃ɔ́ɔ́ ɣɛ ngáá kpaló mbá w̃ɔ́ɔ́ Ngala fɛ́li fááw̃a? 19Bɔw̃álale sí nuí áá mɛ ɛi li ndií h̃u, kɛ́ aa li koo ya laáva í mɔ́ɔ́ gulá kóó ya.” Ná Jísu í ngói sí léni, ná lɔ́ í ngákɛni kpál̃au ngáá kɛ mɛɛníi kpɛ́lɛɛ pangɔ́ɔ́ lé mɛ́ fááw̃a.
20Kɛ́ Jísu i ndií ngú ma ngáá laa wóó, i ɣɛ ta, “Kɛ́ sí áá gúla nuí líí h̃u, aá lɔ áá kɛ ngáá kpaló mba w̃ɔ́ɔ́ Ngala fɛ́li fááw̃a. 21Sífaa, ndií h̃uu lɔ́ kisíya ỹɔ́i áá gúla na sí áá kɛ ngáá háwu í nuu váa, í kɔ́lɔsiya mbó, í ŋúỹa wó, 22í núngaa yáa wɔ́li mɔní ɣɛ́, í túva velé ỹɔ́u wo, í nungáá vɛ́lɛ, í tóloma gúla, í maaboo ngoo le kɔwɔ́ato nungáá véka wa, í suuwɔɔlɔ́ gúla, ɛ́ɣɛ í kútɔ túva wo. 23Faa ỹɔ́i sítii kpɛ́lɛɛ taá gula nuu líí h̃u, tí kɛ ngáa kpaló mba w̃ɔ́ɔ́ Ngala fɛ́li fááw̃a.”
Ndangí í ɣɛ́i nyah̃ápoi h̃u
(Máfiyu 15:21-28)
24Jísu i gulaní náa maa ỹándai wá, í lí taa walái ná h̃u taa tolí ngáá Táya maa látai h̃u, í lɛ pɛlɛ́i wu kɛ́ aa ɣɛi loí nuu fíli ɔ́ɔ́ ɣɛ́ faa wɔ́lɔ mba. Kɛ́ ná fíli sú, maa ɛ́i belé lɔɔwú. 25Aá ɣéle p̃ɛ́ɛ́, nyah̃ápoi sí ỹína nyɔí í ɣɛ́i ngi ỹáh̃alou loí vólu, ná nɔ́ɔ léi í Jísu w̃aa woo ỹɛ́nini, i liiní, í lá Jísu yɛ. 26Gilísi woí lɔ nyah̃ápoi sí ɔ́ɔ́ nde. Nungái sítii taa ɣɛ́ ti w̃a Júsuaitii, nyah̃ápoi sí aa ɣɛi ngáá ti tá. Kɛ́ tí ndéni tataí sí h̃u tɔ́ɔ́ tolí ngáá Fɔnísiya, í tataí sí h̃u taa tolí ngáá Síliya. Nyah̃ápoi sí i Jísu w̃aanɛ́ɛ́nɛni, i ɣɛ ma, “Ỹína nyɔí leve kái ní ỹáh̃aloi volú.”
27Kɛ́ Jísu i nyah̃ápoi woo yápoteni, i ɣɛ ma, “Bɛlɛ́ lɛ́ɛ ndopóaitii tí laaỹɛ́ hése ngáá sí kínɛi ti longɔ́ lá, sífaa maa áá nɛ́ɛ́ni nuu ɔ́ɔ́ ndopóaitii ti ỹɛ́ɛ́ni yéɣe ɔ́ɔ́ píli kékeaitii mbɛ.”
28Nyah̃ápoi i Jísu woo yápoteni, i ɣɛ ma, “Tɔɔỹaá le, Kawálai, kɛ́ kékeaitii kele tɔ taa ɣɛ́ téévei wu, taá ndopóaitii ti lááỹɛɛni búlu kpúlungi ỹɛ.”
29Kɛ Jísu i ɣɛa nyah̃ápoi w̃a, “Ná yí ngoo yapóte táálii sí hénga, ỹína nyɔí i lévenga í ỹáh̃aloi vólu. Faalɔ, lí náa.”
30Nyah̃ápoi i liiní náa ngi vɛ́lɛ la. Í ngí lói w̃áále lááni mbeteí ya, aáva ỹína nyɔí i ɣɛi náa levéni polú.
Jísu i bóbo h̃íỹɛndopo yiláá mbáloni
31Kɛ Jísu i gulangá taa walái sí taá tolí ngáá Táya maa látai h̃uu wa, í lí í lɔ́ve taa walái sí h̃uu w̃á taa tolí ngáá Sáidɔ, í lí í lɔ́ve Taa Púúngɔ Látai h̃uu w̃á, í lí Galéli Yɛ Walaí la. 32Naa lɔ nungáá lɛingáá ti vááni na ngáá siỹɛ́ ngílaa Jísu yelé. Ngolí h̃úi hítɛngɔ ngá, aáva múl̃ɔ ɛ́i belé bɔɔlɔ́. Ti Jísu w̃aanɛ́ɛ́nɛni ngáá í lóko vɛ́lɛ siỹɛndópoi w̃a kɛinɔɔ́ í wálo. 33Kɛ Jísu i lahiyánga ma ngáá siỹɛndópoi ná, í híɣe lá faŋaí lííwaa. Kɛ i loko beɣáitii mbálaa siỹɛndópoi wóliitii su, í laa yɛ́i vu, í lúba siỹɛndópoi nɛɛngí wa. 34Ná vólu, í wúnga séi ngeleí ya, í lɛɛh̃ú púúhaa, i ɣɛ siỹɛndópoi w̃a, “Ɛ́fata,” ngi híí woí h̃u ná wuí wáá ngáá, “Bɛlɛ́ ndáini ngaa ngolí h̃úitii ti wó!”
35Ngamá nɔ́ɔ, kɛ siỹɛndópoi wolí h̃úitii ti ɣɛ́a kpál̃au, ndaa h̃ú í levé, í pɛlɛ yɛpɛmá ngáá pangɔ́. 36Jísu i ndení nungáitii ma ngáá tálaa nde nuu fíli má. Kɛ́ kíya bɛ́lɛ í ndení tí w̃a ká ká, ná fíli sú, ti ɣɛ́i nɔ́ɔ taá maa woo híya. 37Nungáitii kpɛ́lɛɛ pá ti gindáá vílingɔ i ɣɛi lá ngwala, táá ɣɛ́ ta, “I faítii kpɛ́lɛɛ kɛ́nga vaní. I kɛngá ngáá háwu sítii ti wolí h̃úitii sítɛngɔ nga tíwaa faa ỹɛní, ná vólu, bóboaitii tíwaa yɛ́pɛ!”
Currently Selected:
:
Highlight
Share
Copy

Want to have your highlights saved across all your devices? Sign up or sign in
Bandi New Testament © Bible Society in Liberia, 2000