Popular Bible Verses from ROMA 5

Share

Tapi Kristus mate asum kita perdosa denga! Arah e Dibata enggo encidahken keleng ateNa man banta.

Pengarapenta enda labo erbahanca kita kecewa, sabap Dibata enggo ncurcurken kekelengenNa ku bas pusuhta arah Kesah Si Badia. IA me pemere Dibata man banta.

Janah labo terjeng je saja, tapi megah pe siakap i bas kiniseranta, sabap sieteh maka arah kiniseran turah saber ate. I bas saber ateta e teridah maka kita enggo menang i bas pengujin, janah erkiteken kita enggo menang i bas pengujin, lit pengarapenta.

Erkiteken kita enggo rembak ras Dibata erkiteken kinitekenta, e maka kita nggeluh i bas perdamen ras Dibata arah Tuhanta Jesus Kristus. Jesus Kristus me si maba kita bengket ku bas lias ate Dibata erkiteken kinitekenta. Janah i bas lias ate Dibata e me kita nggeluh dingen ringan. Dage meriah ukurta sabap lit pengarapenta maka kita ikut dat bagin i bas kemulian Dibata.

Sabap asum kita kote denga, mate Kristus i bas paksa si payo, man gunanta kalak si jahat.

Dage tangkas kal man banta maka kita enggo rembak ras Dibata erkiteken Jesus Kristus enggo engkorbanken diriNa seh mate; tentu terlebih-lebih pe kita terkelin i bas pernembeh ate Dibata nari arah IA.

Janah bagi kerina manusia jadi kalak perdosa erkiteken kinilapatuhen si sekalak jelma e, bage me pe kerina manusia iperembak ras Dibata erkiteken kepatuhen sekalak jelma si deban, e me Jesus Kristus.

Janah labo e saja, tapi meriah pe ukurta dingen sipuji Dibata erkiteken Tuhanta Jesus Kristus si enggo mperiahken kita ras Dibata.