Popular Bible Verses from ROMA 4

Share

La ia sangsi, janah kinitekenna nandangi padan si ibereken Dibata la surut; kinitekenna erbahanca ia reh gegehna, seh maka ia tetap muji Dibata. Tek ia maka ngasup nge Dibata nehken kai si enggo ipadankenNa.

bagi lit tersurat i bas Pustaka Si Badia, “Enggo Kutetapken kam jadi bapa nterem bangsa.” Alu bage padan e enggo sah i lebe-lebe Dibata, Dibata si iteki Abraham, sabap IA me si erbahanca kalak si enggo mate nggeluh mulihi dingen si njadiken si la lit jadi lit alu kataNa.

IendeskenNa Jesus ku bas kematen erkiteken kesalahen-kesalahenta, jenari ipegeluhNa mulihi gelah kita iperembak ras IA.

Aminna gia la lit arapen, tapi Abraham tetap erkiniteken dingen erpengarapen maka ia jadi “bapa melala bangsa”, bagi lit tersurat i bas Pustaka Si Badia, “Bagi buena bintang i langit bage me pagi buena kesusurenndu.”

Padan Dibata man Abraham, e me erpalasken kiniteken, janah kai si ipadankenNa e, tuhu-tuhu tangkas pemere Dibata, janah esah pe man kerina kesusuren Abraham. Labo saja man kalak si ndalanken Undang-undang, tapi pe man kalak si erkiniteken bagi Abraham. Sabap Abraham me bapanta kerina

“Ketuahen kalak si enggo ialemi Dibata salahna si enggo itanemken Dibata dosa-dosana. Ketuahen kalak si la iperkiraken Dibata dosa-dosana.”

Sabap i bas Pustaka Si Badia lit tersurat, “Abraham tek man Dibata, janah kinitekenna e iperkiraken Dibata jadi dalan guna ngerembakken Abraham kempak diriNa.”