मती 1
1
ईसु रेन बोंसकु
(लूका 3:23–38)
1अबराहम रिई खंदान दाऊद, दाऊद रिई खंदान ईसु मसी, उनी रेन पुरखाकु रआ लुतूम नियां लेकाःआ। 2अबराहम रिई होपोन हेरेल इसहाक, इसहाक रिई होपोन हेरेल जाकूब, जाकूब रिई होपोन हेरेल जहुदा अरो उनी रेन बोयहाकु तहिकेनाकु; 3जहुदा रेन होपोन हेरेल फिरिस अरो जोरह। (उनकिन रिई एंगातेः रआ लुतूम तामार तहिकेना।) फिरिस रिई होपोन हेरेल हिसरोन अरो हिसरोन रिई होपोन हेरेल एराम। 4एराम रिई होपोन हेरेल अमिनादाब, अमिनादाब रिई होपोन हेरेल नहसोन अरो नहसोन रिई होपोन हेरेल सलमोन। 5सलमोन अरो रहाब रिई होपोन हेरेल बोवाज, बोवाज अरो रुत रेन होपोन हेरेल ओबेद अरो ओबेद रिई होपोन हेरेल इसाय, 6#2 राजा 24:14,15; 2 इति 36:10; जिरमि 27:20अरो इसाय रिई होपोन हेरेल दाऊद राजा तहिकेनाय।
दाऊद रिई होपोन हेरेल सुलेमान उनी एरा एते जनम अगुवेताय जे पहिल उरियाह रिई एरा तेः तहिकेनाय। 7सुलेमान रिई होपोन हेरेल रहबाम, रहबाम रिई होपोन हेरेल अबियाह अरो अबियाह रिई होपोन हेरेल आसा। 8आसा रिई होपोन हेरेल यहोसाफत, यहोसाफत रिई होपोन हेरेल योराम अरो योराम रिई होपोन हेरेल उजियाह। 9उजियाह रिई होपोन हेरेल जोताम, जोताम रिई होपोन हेरेल आहाज अरो आहाज रिई होपोन हेरेल हिजिकिया। 10अरो हिजिकिया रिई होपोन हेरेल मनसे अरो मनसे रिई होपोन हेरेल आमोस अरो आमोस रिई होपोन हेरेल जोसियाह। 11अरो जहुदिकु के बंदी बाय केते बेबिलोन इदी घरीक रे जोसियाह रिई होपोन हेरेल जकुनियाह अरो उनी रेन बोयहा जनम अगुवेताकु।
12जहुदिकु के बंदी बाय केते बेबिलोन इदी तयोम, जकुनियाह रिई होपोन हेरेल सालतिएल अरो सालतिएल रिई होपोन हेरेल जरुबाबेल। 13जरुबाबेल रिई होपोन हेरेल अबिहुद, अबिहुद रिई होपोन हेरेल इलयाकिम अरो इलयाकिम रिई होपोन हेरेल अजोर। 14अजोर रिई होपोन हेरेल सदोक, सदोक रिई होपोन हेरेल अखिम अरो अखिम रिई होपोन हेरेल इलिहुद। 15इलिहुद रिई होपोन हेरेल इलियाजार, इलियाजार रिई होपोन हेरेल मतान अरो मतान रिई होपोन हेरेल जाकूब। 16जाकूब रिई होपोन हेरेल जुसूफ, जे मरियम रिई हेरेल तेः तहिकेनाय अरो मरियम एते ईसु, जे मसी मेताय कनाकु जनामेनाय।
17नियां लेका अबराहम एते दाऊद तक चोवदो पिड़ही होय्येनाकु अरो दाऊद एते बेबिलोन रे बंदी समेय तक चोवदो पिड़ही अरो लेबिलोन रे बंदी समेय एते लेयकेते मसी रआ जनम तक चोवदो पिड़ही होय्येनाकु।
ईसु मसी रआ जनम
(लूका 1:26–38; 2:1–7)
18 #
लूका 1:27
ईसु मसी रआ जनम नियां लेका एते होय्येना जोब उनी रिई एंगातेः मरियम रआ सुतबन्धावनी जुसूफ लोः होय केना, दो उनकिन रआ बपलाः एते पहिल गी, उनी पबितर रावा रआ सोमोर्थ एते भारी होड़मो केनाय। 19जुसूफ मिहोर धरमी मनवा तहिकेनाय, उनी के बदनाम कराव काय चहाः केनाय; इनाते उनी के हपे-हपे तिगी बागी कथिर बिचार एताय। 20जोब उनी नुवां गानाम ता सोंचाः केनगियाय, रिगी परभु रिई सोवारागदूत उनी के कुकमु रे नेल इरी केते गामवादेयाय, “ए जुसूफ! दाऊद रिई बोंस, आम अपन एरा मरियम के अपन ठिनुः अगु कथिर ओलोम बोरोया। चिलिमेनचि उनी भारी होड़मो रेयाय जे पबितर रावा रआ सोमोर्थ एते हेनाःआं। 21#लूका 1:31उनी मरियम कोरा होपोन जनामियाय, अरो आम उनी रआ लुतूम ईसु दोहोयमी, चिलिमेनचि उनी अपन होरकु के उनकु रआ पाप एते बनचाव कुवाय।”
22नुवां सुबिन इनाते होय्येना चि जे बचन परभु ता परमेसर सोझ एते नधनी वनकु रआ दोवासते गाम लाःआय उना पुराःका, 23#जसा 7:14नेलपे, “मिहोर डिड़ा कुरी भारी होड़मो नो:ओय अरो मिहोर कोरा होपोन जनामियाय, अरो उनी रआ लुतूम इमानुवेल दोहो नो:ओ” (जेकर ओरोथ हेके, “परमेसर अबु लोः हेनाया”)।
24तोब जुसूफ गितीच एते बिरीत केते, परभु रिई दूत रआ हुकूम रआ मोताबिक, अपन एरा के अपन ठिनुः अगुएदेयाय। 25#लूका 2:21मगर जोब उनी कोरा होपोन के काय जनम लेदेयाय तोब तक उनी लोः काय गितिच केनाय। अरो जुसूफ ता उनी रआ लुतूम ईसु दोहोवेताय।
Attualmente Selezionati:
मती 1: BIY
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023 NLCI CC BY-NC-ND 4.0