ROMA 4
4
I Burahima mewali pandiri
4:1-12
1Ane ewanceʼe ewambeʼimo da tapantoʼo kono i Burahima, tau piamota setu? Ewambeʼi podede ngkatuwua? 2Ane kono powia mampapopuʼu Sira ndatarima i mPue Ala, ewa sambaʼa tau anu mampakawongko raya i mPue Ala, ane ewanceʼe da reʼe yau jayanya Sira da mekiunde. Paikanya Sira bareʼe mekiunde ri suara mPue Ala. 3#Pal. 15:6, Gal. 3:6 Lau ndaʼuki ri Sura Magali, “I Burahima meaya ri Pue Ala, pai ua peayanya seʼe Sira ndatarima i mPue Ala ewa sambaʼa tau anu mampakawongko raya i mPue Ala.” 4Tau anu motetala inceʼe anu da mantarima gaji, pai gajinya seʼe banya pombai ngkabongo, paikanya inceʼe lawi sili lengenya. 5Paikanya reʼe tau anu bareʼe mampekeni-kenika pompari-mparinya ngkalionya; pai siʼa mampeondaka ri Pue Ala anu mampatongawa tau masalaa teosumo ungka ri hukunya ua aya ndaya ntau setu painaka i Pue Ala mantarima tau seʼe ewa tau anu mampakawongko raya i mPue Ala. 6Ewanceʼe seʼe woʼu parata ndaya i Daudi; painaka natoʼo, morasimo tau anu ndatarima i mPue Ala ewa sambaʼa tau anu mampakawongko raya i mPue Ala, maka bareʼemo ndakitanaka i mPue Ala waʼa mpowianya. Natoʼo i Mokole Daudi,
7 #
Pol. 32:1-2
“Morasimo tau anu bareʼemo ndakitanaka i mPue Ala waʼa ncalaanya,
pai waʼa ncalaanya roomo ndadayo i mPue Ala.
8Morasimo tau anu bareʼemo ndapepalisi i mPue Ala waʼa ncalaanya!”
9Ara pau setu podo da tila ntau anu malulu songka mpopasuna? Bara da mewali woʼu tila ntau anu bareʼe malulu songka mpopasuna? Bara da tila ntau anu bareʼe ndasuna woʼu? Roomo kupesindiuka mangantoʼo i Burahima ndatarima i mPue Ala ewa sambaʼa tau anu mampakawongko raya i mPue Ala, ua i Burahima meayamo ri Pue Ala. 10Mewali, impia pampatongawa i mPue Ala inceʼe? Ri kabareʼepanya bara ri karoonya i Burahima ndasuna? Kamonconya ri kabareʼepanya Sira ndasuna banya ri karoonya ndasuna Sira. 11#Pal. 17:10 Ripurinya ndasuna Sira, pai popasuna setu mewali sambaʼa petondoni ka-Siranya sambaʼa tau anu mampakawongko raya mPue Ala ua peayanya ri Pue Ala. Sira ndatarima i mPue Ala ri kabareʼepanya ndalulu ada mpopasuna. Pai i Burahima mewali papa ri tila mpeaya ndaya ri pura-pura tau anu meaya ri Pue Ala, inceʼe puʼunya ndatarima i mPue Ala ewa sambaʼa tau anu mampakawongko raya i mPue mau bareʼepa nalulu ntau seʼe ada mpopasuna. 12I Burahima woʼu mewali papa ri waʼa ntau anu malulu ada mpopasuna. Sira mewali papa ntau seʼe banya ua palulu ntau seʼe ada mpopasuna, paikanya ua napokono ntau tuwu ri peaya ri Pue Ala, ewa i Burahima ri kabareʼepanya nalulu ada mpopasuna.
Janji mPue Ala tila ntau meaya
4:13-25
13 #
Pal. 17:4-6, 22:17-18, Gal. 3:29 I Pue Ala mojanji ri Burahima pai waʼa mulinya, lino seʼe da napotumpu i Burahima. Pojanji i mPue Ala ewanceʼe banya ua palulu i Burahima waʼa mpadika agama nto Yahudi, paikanya ua Sira meaya ri Pue Ala painaka ndatarima ewa sambaʼa tau anu mampakawongko raya i mPue Ala. 14#Gal. 3:18 Maka ane podo waʼa ntau anu meaya malulu padika agama nto Yahudi anu da mampotumpu janji mPue Ala, bareʼemo moyowe peaya ri Pue Ala, bareʼe kobangani janji mPue Ala. 15Waʼa mpadika agama nto Yahudi mampareʼe popahuku i mPue Ala. Paikanya ane bereʼe padika bareʼe woʼu da reʼe peewa.
16 #
Gal. 3:7
Mewali janji i mPue Ala mopuʼu ungka ri peaya ntau. Inceʼe mewali sambaʼa pekekeni ri pura-pura muli i Burahima, janji setu ndawai ngkabongo i mPue Ala; banya podo ri tau seʼe anu mepoʼinaya ri padika agama nto Yahudi, paikanya tila ntau seʼe anu meaya ri Pue Ala ewa i Burahima meaya ri Sira. Maka i Burahima papa ri peaya ndayata kita pura-pura. 17#Pal. 17:5 Maka ewaseʼi pantoʼo i mPue Ala ri Burahima, “Kupapewalimo siko papa ri maria banca.” Ewanceʼemo pawai i mPue Ala janji ri Burahima. Pai i Burahima meaya ri Sira. Sira Pue anu mampapembangu tau mate; Siramo Pue Ala anu mauja pau ndatoʼo mewalimo pura-puranya. 18#Pal. 15:5 I Burahima tuwu ri pampomata-mata pai ri peayanya, mau bareʼepa nakita anu napomata-mata seʼe. Inceʼemo puʼunya Sira mewali papa ri maria banca. Ewa anu ndaʼuki ri Sura Magali, “Mulimu da maʼai kasondonya.” 19#Pal. 17:17 Naincani i Burahima ri tempo setu siʼa bareʼemo da momuli, maka siʼa matuʼamo mosumo saatu ntaʼu tinuwunya; seʼi rongonya ri Sara tamana. Mau ewanceʼe peaya ndaya i Burahima bereʼe kakuranya. 20Todo meaya siʼa bareʼe kanuʼu-nuʼu rayanya ri janji i mPue Ala. Peaya ndayanya mampakaroso siʼa painaka naunde-unde i Pue Ala. 21Yonto kojo paayanya i Pue Ala sangaya-ngaya da mabangani pojanji-A. 22Inceʼemo painaka siʼa ndatarima ewa sambaʼa tau mampakawongko raya i mPue Ala. 23Pau anu mantoʼo, “Ndatarima ewa sambaʼa tau anu mampakawongko raya i mPue Ala” teʼuki banya podo da tila i Burahima, 24paikanya tilata woʼu. Kita woʼu ndatarimamo ewa tau anu mampakawongko raya i mPue Ala, ua peaya ri Pue Ala anu mampatuwu muni Pueta i Yesu ungka ri kapate. 25#Yes. 53:4-5 I Yesu ndapepombaika ndapepate ua waʼa ncalaata, nepa ndapatuwu muni i mPue Ala tila ngkasimadagota pai i Pue Ala.
Attualmente Selezionati:
ROMA 4: LAIPMF
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi