Nɛra Kura 7
7
Israel nomonome saraha kwaa ne Tɛnte Dea bala
1Mosis aa tonɛ Korowii Tɛnte Dea la ne kwaa aa lɔ o bini toma bwa la, o fuɡe noo yɔɔ a ta a do ɡoroŋ dɛ kpɔ do Korowii nɔn ta. O berɔ ɛ ɡɛ kon baa dɛ ɛ saraha o ta ne o koŋkwaa bwa ta, dɛ kpɔa do Korowii nɔn ta a ɛ o kwa. 2Asɛ Israel deene fi dɛ anɛ nomonome la ba fa aa lee ba le ba deene ne lolanar bini ba kure nɛra la ɛ sarahare. 3Ba kpɔ kwaa aa dɔ tɔre baa taɡa kɛŋɔ torɔɡore anumɛl, ne nabala baa fɔɡa fi dɛ anɛ ba tɛ Korowii. Nomoa bɛlbwa ba nabal beŋkpoŋ ne, asɛ ba bini banɛ bɛlbwa berɛ pɛ ba kwaa aa do kɛŋɔ torɔɡore la beŋkpoŋ ne, dɛ kpɔ ba tɛ Korowii o Tɛnte Dea la sie.
4Belaa Korowii ŋɔ Mosis be ja ŋɔ, 5“Lɛ kwaa baa kpɔ ba ɛ toma n Dea Cheremibɔr bela la. Kpɔa tɛ Lewi dea tena la, ɡɛ ba bini bɛlbwa toma aa doa.”
6Asɛ Mosis lɛ kwaa la bwa, dɛ kpɔ tɛ Lewi dea tena la. 7O kpɔ kwaa aa do kɛŋɔ torɔɡore anɛ, ne nabala anaarɛ tɛ Gɛsɔn dea tena, dɛ le ɡɛ ba toma aa doa. 8Dɛ kpɔ kwaa aa do kɛŋɔ torɔɡo la anaarɛ ne nabala anuatoro tɛ Merari dea tena, dɛ le ɡɛ ba toma aa doa. Sɔfo Arɔn bibaa Itamaa ba sitɔɔ. 9Kɛ Mosis ta Kohat dea tena te tɛɛ, dɛkalkɛŋɔ kwaa aa do ɡoroŋ la, anee ba kpɔ do ba nɔn ta, baa dawa vam.
10Baa fuɡe noo do kon baa dɛ ɛ saraha o ta o do ɡoroŋ tonɛ la, nomonome la kpɔ ba sarahare ba saraha kon la sie, dɛ kpɔ saraha kwaa la do men Korowii nɔn ta o ɛ n kon. 11Dɛ Korowii fa ŋɔ Mosis be ŋɔ, “Tɔpere bɛlbwa ɡel nomonome la kpɔ kwaa baa kpɔ tɛ men Korowii la beŋkpoŋa beŋkpoŋa, dɛ́ kpɔ kon baa dɛ ɛ saraha o ta la do n nɔn ta ó ɛ n kon.”
12Naate waa kpɔ o saraha kwaa ba tɔpere waa tɔ sie laanee Aminadab bibaa Naasɔn waa le Juda dea.
13O saraha kwaa ɛ suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 14ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 15ne nabale beŋkpoŋ ne pebal beŋkpoŋ, dɛ pebale beŋkpoŋ aa di benanyoa bá kpɔ ɛ saraha baa dɛ fuah, 16ne bombal beŋkpoŋ bá kpɔ ɛ wechɔɡa kpɔe dɛ kɛ saraha, 17ne nabala anɛ baa fɔɡa, ne pebala anue ne bombala anue, dɛ pebali anue a bɛlbwa aa di benanyoa, bá kpɔ ɛ deŋnesɔɔhna saraha. A nɔɔ ɛ Aminadab bibaa Naasɔn saraha kwaa waa ba ane.
18Tɔɔ a pera nɛɛ la, Suar bibaa Nɛtanɛlee kpɔ o kwaa ba, Isaaka dea o le dɛ ɛ ba sitɔɔ.
19Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 20ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 21ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 22ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 23ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Suar bibaa Nɛtanɛl saraha kwaa waa ba a ne.
24Tɔpetooro wee la, Hɛlɔn bibaa Eliabee kpɔ o kwaa ba. Sebulon deaa o le dɛ ɛ ba sitɔɔ.
25O ɡe saraha kwaa ɛ, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 26ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 27ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 28ne bombal beŋkpoŋ bá kpɔ ɛ wechɔɡa kpɔe dɛ kɛ saraha, 29ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Hɛlɔn bibaa Eliab saraha kwaa waa ba a ne.
30Tɔpenaarɛ wee la, Sɛdor bibaa Elisurii kpɔ o kwaa ba. Rubin deaa o le dɛ ɛ ba sitɔɔ.
31Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 32ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 33ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 34ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 35ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Sɛdor bibaa Elisur saraha kwaa waa ba a ne.
36Tɔpenue wee, Surisadai bibaa Sɛlomeɛlee kpɔ o kwaa ba. Simeon deaa o le dɛ ɛ ba sitɔɔ. 37Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 38ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 39ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 40ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 41ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Surisadai bibaa Sɛlomeɛl saraha kwaa waa ba a ne.
42Tɔpenumɛl wee, Dewɛl bibaa Eliasaf kpɔ o kwaa ba. Gad deaa o le dɛ ɛ ba sitɔɔ.
43Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 44ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 45ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 46ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 47ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Dewɛl bie Eliasaf kwaa waa kpɔa ba.
48Tɔpenuanɛ wee la, Amihud bibaa Elisamaa kpɔ o kwaa ba. Efrem deaa o le dɛ ɛ ba sitɔɔ.
49Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 50ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 51ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 52ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 53ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Amihud bibaa Elisama kwaa waa kpɔa ba.
54Tɔpenuatoro wee la, Pedasur bibaa Gamaleɛlee kpɔ o kwaa ba. Manasɛ deaa o le dɛ ɛ ba sitɔɔ.
55Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 56ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 57ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 58ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 59ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Pedasur bibaa Gamaleɛl kwaa waa kpɔa ba.
60Tɔpenuanaarɛ wee la, Gedeɔne bibaa Abidanee kpɔ o kwaa be. Bɛnjamen dea o le dɛ ɛ ba sitɔɔ.
61Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 62ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 63ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 64ne bombal beŋkpoŋ ba kpɔ ɛ wechɔɡa kpɔe dɛ ɛ saraha, 65ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Gedeɔne bibaa Abidan kwaa waa kpɔa ba.
66Tɔperafi ta la Amisadai bibaa Ahiesaa kpɔ o kwaa ba. O le Dan dea dɛ ɛ ba sitɔɔ.
67Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 68ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 69ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 70ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 71ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Amisadai bibaa Ahiesa kwaa waa kpɔa ba.
72Tɔpera fi dɛ beŋkpoŋ wee la, Okran bibaa Paɡiel kpɔ o kwaa ba. Aasa dea o le dɛ ɛ ba sitɔɔ. 73Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 74ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 75ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 76ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 77ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Okran bibaa Paɡiel kwaa waa kpɔa ba.
78Tɔpera fi dɛ anɛ wee la, Enan bibaa Ahira kpɔ o kwaa ba. Naftale deaa o le dɛ ɛ ba sitɔɔ. 79Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha, 80ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu, 81ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah, 82ne bombal beŋkpoŋ bá kpɔ ɛ wechɔɡa kpɔe dɛ ɛ saraha, 83ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Enan bibaa Ahira kwaa waa kpɔa ba.
84Kwaa Israel tena nomonome la aa kpɔa ɛ saraha saŋ la baa kpɔ noo yɔɔ saraha kon la ta dɛ kpɔ do Korowii nɔn ta laanee teŋa nɔ, suuɡapoŋa tafolabɔtɔre fi dɛ anɛ, ne suuɡapoŋa loɡa baa do nee a bini dɛ ɛ dɛɛ merɛ fi dɛ anɛ, dɛ suuɡaswɛm loɡa fi dɛ anɛ. 85Suuɡapoŋa tafolabɔtɔre la bɛlbwa tɔɡre lɔ suuɡapoŋa lafa fifraatoro, ne suuɡapoŋa loɡa baa do nee a bini dɛ ɛ dɛɛ merɛ la bɛlbwa tɔɡre lɔ suuɡapoŋa fifraanuanɛ. Dɛ he kpɔ suuɡapoŋa kwaa la bwa tɔɡre pɛ aa, a lɔ suuɡapoŋa kaɡboŋa anɛ lafraanaarɛ, ɡɛ baa maɡa bil men Korowii Dea bela. 86Suuɡaswɛm loɡa baa do a dela daawiile baa dɛ fuah tɔɡre lɔ suuɡaswɛm fi, ɡɛ baa maɡa bil men Korowii Dea bela. Dɛ he lɔ ɡɛ loɡa la bwa tɔɡre pɛ aa, a lɔ suuɡaswɛm lafa fifraanɛ. 87Kondɛɛra baa kpɔa ka kpo ɛ saraha baa dɛ fuah la bwa lɔ nabali fi dɛ anɛ, ne pebala fi dɛ anɛ, dɛ pebali fi dɛ anɛ a bɛlbwa aa di benanyoa ne mea saraha baa kpɔa ja a ta. Bombala fi dɛ anɛ ɡee ba kpɔ ɛ wechɔɡa kpɔe dɛ kɛ saraha. 88Kondɛɛra baa kpɔa ka ɛ deŋnesɔɔhna saraha la ɡe lɔ nae fifraanɛ dɛ anaarɛ, ne pebala fifraanumɛl ne bombala fifraanumɛl, dɛ pebali fifraanumɛl a bɛlbwa aa di benanyoa. A ɡɛ kwaa nɔɔ ba kpɔ tɛ, dɛ kpɔ saraha kon baa fuɡe noo yɔɔro la do men Korowii nɔn ta.
89Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.#Kaa 25:18-22
Attualmente Selezionati:
Nɛra Kura 7: mzw
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.