I Versetti Biblici più popolari da Kalát 3

Kúúkɔ́, Kilíis maátap inséésítényí káásɔ ó pusíó ɛ́ɛ́ utúáŋɔn kí nyɔmɔ yoóloninée káásɔ́ á kati kuwóónyosi pikotíe; inséésítényí mɛɛlɛ́ ikuanɛn wɔ, Támbákɛ́ɛ waatútɔ́ɔn inyɔmɔ yaasɔ́, waatúúkɛn Kilíise; Ó pusíó ɛ́ɛ́ púnyɛ puɔ́ŋɔ́ ɛ́ɛ́: «Mɔɔnd pámaátɔ́ŋ wɔ́ á putɛ́ nyɛ ɔnyɔmɔ́n.»

Pátikápá páand kueye ɛ́ɛ́ eŋétépí u Yúútɛn ewe, eŋétépí utiányípá Yúútɛn ewe, kiɔ́lí ekie ewe tipá kiɔ́lí; ɛnúmɛndɔ́ ewe akáandɔ́ ewe; Ɛ́ kuɛ́nyɛl ɛ́ɛ́ é Yésus Kilíis panɔ́ peem nunyɛ púmoómíe.

Panɔ́ nukanyɛɛ́ pé Kilíis nunyɛ meeyín má Ápilaháam; nukanyi na niap á maándá maatámb Támbák maákɛn pɔ́ indán ɛ́ɛ́ weényéeki pɔ.

Yésus Kilíis mɛɛ́l nɔ ɛ́ɛ́ pá kati Pɛyúútɛnɛ pányáátapɛ́ɛ pia kɔ́kɔ́ɔ́p maandá kitikit me peseé Tambák maákɛ́n Ápilaháamɛ indan ɛ́ɛ́ weényéeki wɔ, túond túpia anakáánɛ́, ó pipíóndínyí ɔtɛ́m, Emfúnukufúúmɛ Támbák maák índan ɛ́ɛ́ weényéeki.

Kúúkɔ́ púnyɛɛ́ kémuémue ɛ́ɛ́, tɛ mɔɔnd utipá pakupá indɛ́ndɛnɛ ke eŋis ya Támbák ó pusíó ɛ́ɛ́ woówóónyosi pikotí, aná púnyɛɛ́ puɔ́ŋɔ́ ɛ́ɛ́: mɔɔnd unyɛɛ́ indɛ́ndɛnɛ ke eŋis ya Támbák, ó pusíó ɛ́ɛ́ Támbák nyɛ pipíóndínyí ɔtɛ́m píɛ́yɛ́, ɔ́ɔ́nyísɔt.