I Versetti Biblici più popolari da မၢတ်ႈထႄႇ 5

ၵူၼ်း​ႁဝ်း​ၼႆႉ တႆႈ​ဝၢၼ်ႇ​ၽႆး​တဵၼ်း​သေ​လႄႈ ဢဝ်​ႁူမ်ႇ​ဝႆႉ​ၵႃႈ​တႂ်ႈ​ပဵတ်ႈ​ဢမ်ႇ​ၸႂ်ႈ။ ၼင်ႇ​ႁိုဝ်​ၵူၼ်း​ႁိူၼ်း​ၵူၼ်း​ယေး​တင်း​သဵင်ႈ​တင်း​လူင် တၵ်း​လႆႈ​ႁၼ်​ဢၼ်​လႅင်း​မၼ်း​ၸိုင်၊ ယၢမ်ႈ​ဢဝ်​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​တႆႈ​ၽႆး​ဢေႃႈ။- ပိူင်​လဵဝ်​ၵၼ်၊ ၼင်ႇ​ႁိုဝ်​ပိူၼ်ႈ​တၵ်း​ႁၼ်​တၢင်း​ၵမ်​တၢင်း​ၵျၢင်ႉ​သူ ဢၼ်​လီ​ၼၼ်ႉ​လႄႈ ယွင်ႈ​ယေႃး​ပေႃႈ​သူ ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ၸိုင်၊ ႁႂ်ႈ​ဢၼ်​လႅင်း​သူ​လႅင်း​ပႃႈ​ၼႃႈ​ပိူၼ်ႈ​တႃႉ။

သူ​ပဵၼ်​ဢၼ်​လႅင်း​လေႃးၵႃႉ​ၼႆႉ​ဢေႃႈ။ ဝဵင်း​ဢၼ်​တႄႇ​ဝႆႉ​ၵႃႈ​ၼိူဝ်​ပၢႆ​ၸိၵ်း​လွႆ​ၸိုင် ဢမ်ႇ​လပ်ႉ​ဝႆႉ​လႆႈ။

ၶဝ်​ၸိူဝ်း​ဢၼ် ႁူဝ်​ၸႂ်​ၶၢဝ်​ၸၢင်ႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ႁၼ်​ၽြႃး​ပဵၼ်​ၸဝ်ႈ​ဢေႃႈ။

ၶဝ်​ၸိူဝ်း​ဢၼ် ဢိုပ်း​ယၢၵ်ႈ​တွင်ႉ​မႆႈ​ပႃႇရမီႇ တၢင်း​သိုဝ်ႈ​တေႃႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ႁွတ်ႈ​တၢင်း​ဢၼ် လိူင်ႇ​ၸႂ်​ဢေႃႈ။

ၵဝ်​ပိင်း​ၺၢပ်ႈ​ၸမ်ႉ၊ ႁၵ်ႉ​ရၢၼ်ႇ​သူႇ​သူ​တႃႉ။ သူး​တွင်း​ပုၼ်ႈ​ၶဝ်​ၸိူဝ်း​ဢၼ်​ယႃႉ​ယူၵ်ႉ​သူ​ၼၼ်ႉ​တႃႉ။

ၶဝ်​ၸိူဝ်း​ဢၼ် ႁူဝ်​ၸႂ်​ၶျႃး​တႅမ်ႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မိူင်း​ၵၢင်​ႁၢဝ်​ၸဝ်ႈ​ပဵၼ်​မိူင်း​ၶဝ်​ၼၼ်ႉ​ဢေႃႈ။

ၶဝ်​ၸိူဝ်း​ဢၼ်​ႁႂ်ႈ​တၢင်း​ဢၼ်​ပိူၼ်ႈ​တၢင်ႇ​ၵေႃႉ​ၽိတ်း​ၵၼ် ယဵၼ်​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​တၵ်း​ၶၢမ်ႇ​တၢင်း​ႁွင်ႉ​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။

ၶဝ်​ၸိူဝ်း​ဢၼ်​ႁူဝ်​ၸႂ်​ဢမ်ႇ​သႃႇ​လႄႈ မႆႈ​ၸႂ်​ၶီ​ၸႂ်​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ႁွတ်ႈ​တၢင်း​ဢၼ်​သၢၵ်ႈ​သႃႇ​ဢေႃႈ။

ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး ၵွပ်ႈ​ပိူဝ်ႈ​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ မိူင်း​ၵၢင်​ႁၢဝ်​ၸဝ်ႈ​ပဵၼ်​မိူင်း​ၶဝ်​ၼၼ်ႉ​ဢေႃႈ။

ၶဝ်​ၸိူဝ်း​ဢၼ်​ၸၢင်ႈ​ႁၵ်ႉ​ဢဵတ်း​လူ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ တၵ်း​ၶၢမ်ႇ​တၢင်း​ဢၼ် ႁၵ်ႉ​ဢဵတ်း​လူ​ဢေႃႈ။

ၵွပ်ႈ​ပိူဝ်ႈ​ၵဝ်​ၼႆႉ​လႄႈ မိူဝ်ႈ​ဢၼ်​ပိူၼ်ႈ​သႄႉ​သွမ်း ၼိၵ်ႈ​ၸၢၵ်ႈ​ငႅၼ်း​သႄး​သူ​လႄႈ တၢင်ႇ​ဢပႅတ်ႈ​ၵူႈ​ၸိူဝ်ႉ​ၵူႈ​ပိူင် ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ​တီႈ​သူ​ၼၼ်ႉ​ၸိုင်၊ သူ​မီး​မင်ႇၵလႃႇ​ဢေႃႈ။- သိူဝ်း​ၸူမ်း​မူၼ်ႈ​ပျေႃႇ​တႃႉ။ လွင်ႈ​မၼ်း​ၸမ်ႉ ဢၵျူဝ်း​သူ​ယႂ်ႇ​ၼႃႇ ၵႃႈ​ၼႂ်း​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ၶဝ်​ၼၼ်ႉ ၼိၵ်ႈ​ၸၢၵ်ႈ​ငႅၼ်း​သႄး ပရေႃးၽႅတ်ႈ ဢၼ်​ပေႃႇ​မႃး​ဢွၼ်​တၢင်း​သူ​တင်း​လၢႆ​ၼၼ်ႉ မိူၼ်​ၸိူဝ်ႉ​ၼင်ႇ​ၼႆ​ယဝ်ႉ။

ၶဝ်​ၸိူဝ်း​ဢၼ် ႁူဝ်​ၸႂ်​ၼိမ်​သိမ်ႇ​ဢူၼ်ႈ​ဢွၼ်ႇ​ၼၼ်ႉ မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၶဝ်​ၼၼ်ႉ​တၵ်း​ၶၢမ်ႇ ဢမူၺ်ႇ​မိူင်း​ၸဝ်ႈ​ဢေႃႈ။

သူ​ပဵၼ်​ၵိူဝ်​လေႃးၵႃႉ​ၼႆႉ​ဢေႃႈ။ ၵိူဝ်​ၸမ်ႉ၊ ပေႃး​ဢၼ်​ၸဵမ်း​မၼ်း​ႁၢႆ​ၵႂႃႇ​ၸိုင်၊ တၵ်း​ၶိုၼ်း​လႆႈ​ဢၼ်​ၸဵမ်း​မၼ်း​ၸိူဝ်ႉ​ၼင်ႇ​ႁိုဝ်။ လိူဝ်​သေ​တၢင်း​ဢၼ်​ထိမ်ႈ​ပႅတ်ႈ​ၵႃႈ​ၼွၵ်ႈ​လႄႈ ပိူၼ်ႈ​ယဵပ်ႇ​ပိူၼ်ႈ​ၶၢမ်ႈ​ၼၼ်ႉ၊ ဢမ်ႇ​ပွင်ႇ​လွင်ႈ​ၵႃႈ​သင်​သေ​ဢိတ်း။

ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ဢၼ် ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ၸေး​ၸုမ်ႇ​ၼၼ်ႉ၊ သူ​ၵေႃႈ ၸေး​ၸုမ်ႇ​တႃႉ။

ၵႂၢမ်း​မႂ်း​ၸမ်ႉ၊ ဢၼ်​ၸႂ်ႈ​ၼၼ်ႉ​ၸိုင် ႁႂ်ႈ​ပဵၼ်​ဢၼ်​ၸႂ်ႈ​တႃႉ။ ဢၼ်​ဢမ်ႇ​ၸႂ်ႈ​ၼၼ်ႉ​ၸိုင် ႁႂ်ႈ​ပဵၼ်​ဢၼ်​ဢမ်ႇ​ၸႂ်ႈ​တႃႉ။ ၵႂၢမ်း​ဢၼ်​လိူဝ်​ပႅၼ်​သေ​ၼႆႉ​ၸမ်ႉ၊ ၸၢပ်ႈ​သႅင်ႇ​ၵၼ်​တင်း လွင်ႈ​တၢင်း​ဢၼ်​ဢမ်ႇ​လီ​ဢေႃႈ။

သူ​လႆႈ​ငိၼ်း​လွင်ႈ​ဢၼ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ မၢၵ်ႇ​တႃ​ပုၼ်ႈ​မၢၵ်ႇ​တႃ​လႄႈ​သင်၊ ၶဵဝ်ႈ​ပုၼ်ႈ​ၶဵဝ်ႈ​လႄႈ​သင်၊ တၵ်း​လႆႈ​ၶၢမ်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​ယဝ်ႉ။- ၵဝ်​ပိင်း​ၺၢပ်ႈ​ၸမ်ႉ၊ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​ၵေႃႉ​ဢၼ်​ဢမ်ႇ​လီ​ၼၼ်ႉ။ ပေႃး​ပိူၼ်ႈ​တူပ်း​ၵႅမ်ႈ​မႂ်း​ၽၢၵ်ႇ​ၼိုင်ႈ​ၸိုင်၊ ဝၢႆႇ​ပၼ်​ၵႅမ်ႈ​မႂ်း​ၽၢၵ်ႇ​ၼိုင်ႈ​ထႅင်ႈ​လူး​ၵွၼ်ႇ​တႃႉ။

ပေႃး​မၢၵ်ႇ​တႃ​ၶွၼ်​ၶႂႃ​မႂ်း ႁႂ်ႈ​ၽိတ်း​ပိူင်ႈ​ၸိုင်၊ ၶွၵ်း​ဢွၵ်ႇ​ပႅတ်ႈ​သေ​တႃႉ။ တၢင်း​ဢၼ် ဢၢင်ႇ​ၵႃႇ​ဢၼ်​ၼိုင်ႈ​လူႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ တၢင်း​ဢၼ် တူၵ်း​ငရၢႆး​တင်း​တူဝ်​ဢေႃႈ။- မိူၼ်​ၵၼ် ပေႃး​မိုဝ်း​ၶွၼ်​ၶႂႃ​ႁႂ်ႈ​မႂ်း ၽိတ်း​ပိူင်ႈ​ၸိုင်၊ တႅပ်း​ပႅတ်ႈ​သေ​တႃႉ။ ဢၢင်ႇ​ၵႃႇ​ဢၼ်​ၼိုင်ႈ​လူႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ​တူၵ်း​ငရၢႆး​တင်း​တူဝ်​ဢေႃႈ။