I Versetti Biblici più popolari da မၢတ်ႈထႄႇ 11

သူ​ၸိူဝ်း​ဢၼ်​ယၢပ်ႇ​ၸႂ်​လႄႈ ၶူဝ်း​ၼၵ်း​ၼႃႇ​တင်း​သဵင်ႈ​တင်း​လူင်​ၶဝ်​ဢိူၺ်း၊ မႃး​တီႈ​ၵဝ်​တႃႉ။ ၵဝ်​တၵ်း​ပၼ်​ၵတ်း​ယဵၼ်​ၶျၢမ်း​သႃႇ​ဢေႃႈ။

ဢဝ်​ၵၢၼ်း​ၵဝ်​တၢင်ႇ​သေ​လႄႈ​ႁၢပ်ႇ​တႃႉ။ ၶၢမ်ႇ​ဢဝ်​ၼႄး​တီႈ​ၵဝ်​တႃႉ။ ၵဝ်​မီး​ၸႂ်​ဢၼ်​ၼိမ်​သိမ်ႇ​ၶျႃး​တႅမ်ႇ​ဢေႃႈ။ ႁူဝ်​ၸႂ်​သူ​တၵ်း​လႆႈ​တၢင်း​ဢၼ်​သၢၵ်ႈ​သႃႇ​ဢေႃႈ။

လွင်ႈ​မၼ်း​ၸမ်ႉ ၵၢၼ်း​ၵဝ်​ၼႆႉ ႁၢပ်ႇ​ငၢႆႈ​ဢေႃႈ။ ၶူဝ်း​ၵဝ်​ၼႆႉ​ၵေႃႈ​မဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ပေႃႈ​ၵဝ်​ၼၼ်ႉ ဢဝ်​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​တီႈ​ၵဝ်​ယဝ်ႉ။ လိူဝ်​သေ​ၸဝ်ႈ​ပေႃႈ​ၼၼ်ႉ၊ ၽူႈ​လႂ်​ဢမ်ႇ​ႁူႉ​လုၵ်ႈ​ၸဝ်ႈ။ လိူဝ်​သေ​လုၵ်ႈ​ၸဝ်ႈ ဢိၵ်ႇ​တင်း​ၵေႃႉ​ဢၼ်​လုၵ်ႈ​ၸဝ်ႈ​မီး​ဢလူဝ်ႇ​ၶႂ်ႈ​ၽုၺ်ႇ​ဢွၵ်ႇ​ၼႄ​ပျႃး​ၼၼ်ႉ၊ ၽူႈ​လႂ်​ဢမ်ႇ​ႁူႉ​ပေႃႈ​ၸဝ်ႈ။

ယေႇသူႉ ​ၵေႃႈ ၶိုၼ်း​လၢတ်ႈ​ဝႃႈ၊ သူ​ၵႂႃႇ​လႄႈ လဝ်ႊ​လၢတ်ႈ​တီႈ​ ယူဝ်းႁၢၼ်ႇ ၵႃႈ​ဢၼ်​သူ​လႆႈ​ငိၼ်း၊ ၵႃႈ​ဢၼ်​သူ​လႆႈ​ႁၼ်​တင်း​လၢႆ​ၼႆႉ​တႃႉ။- ၶဝ်​ၸိူဝ်း​ဢၼ်​တႃ​မွတ်ႇ​ၼၼ်ႉ လႆႈ​ႁၼ်​မႃး​ဢေႃႈ။ ၶဝ်​ၸိူဝ်း​ဢၼ်​တိၼ်​လူႉ​ၼၼ်ႉ​လႆႈ​ပႆ​တၢင်း​ၵႂႃႇ​ဢေႃႈ။ ၶဝ်​ၸိူဝ်း​ဢၼ်​ပဵၼ်​တုတ်ႈ​ၼၼ်ႉ လႆႈ​ႁွတ်ႈ​တၢင်း​ဢၼ်​မူတ်း​သႂ်​ဢေႃႈ။ ၶဝ်​ၸိူဝ်း​ဢၼ်​ႁူ​ၼူၵ်ႇ​ၼၼ်ႉ လႆႈ​ငိၼ်း​မႃး​ဢေႃႈ။ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ လႆႈ​ႁွတ်ႈ​ထိုင်​တၢင်း​ဢၼ်​လုၵ်ႉ​ၶိုၼ်း​ဢေႃႈ။ ၶဝ်​ၸိူဝ်း​ဢၼ်​ၽၢၼ်​ၼၼ်ႉ​ၵေႃႈ လႆႈ​ငိၼ်း​သတၢင်း​သိူဝ်း​ပျေႃႇ​ဢေႃႈ။

ၵေႃႉ​ဢၼ်​မီး​ႁူ​ဢၼ်​လီ​ငိၼ်း​ၼၼ်ႉ​ၸမ်ႉ၊ ႁႂ်ႈ​ငိၼ်း​တႃႉ။