I Versetti Biblici più popolari da လံာ်ယၡါယၤ 40

ပှၤလၢအဂံၢ်စၢ်ဘါစၢ်တဖၣ်ဒီးပှၤလၢတၢ်ဘှံးအသးတဖၣ်န့ၣ်အဝဲ ဟ့ၣ်ဆူၣ်ထီၣ်အဂံၢ်အဘါလီၤ.

ပှၤလၢအသးစၢ်တဖၣ်ဒၣ်လဲာ်အဂံၢ်အဘါလီၤစၢ်ဝဲလီၤ. ပှၤပိာ်ခွါသးစၢ်တဖၣ်အဂံၢ်အဘါလၢာ်ကွံာ်ဝဲသ့လီၤ. မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

မ့ၢ်လီၤ. နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံး လီၤဘဲဝဲလီၤ. မ့မ့ၢ်ပကစၢ်ယွၤအကလုၢ်အိၣ်ဂၢၢ်ဆိးကျၢၤဝဲလီၤထူလီၤယိာ် လီၤ.”

အန့ၣ်ဒီး, ယွၤအလၤကပီၤကဘၣ်တၢ်လီၣ်ဖျါထီၣ်အီၤ, ဒီးကယဲၢ်ပှၤဟီၣ်ခိၣ်ဖိခဲလၢာ်ကထံၣ်ဘၣ်အီၤလီၤ. ယွၤအနီၢ်ကစၢ်ဒၣ်ဝဲအၢၣ်လီၤတ့ၢ်တၢ်အံၤလီၤ.”

မၤပှဲၤတၢ်တြီၤခဲလၢာ် ဒီးမၤပၢၤကစၢၢ်ခဲလၢာ်တက့ၢ်. တၢ်လူၢ်တဖၣ်ကကဲထီၣ်ပျီတဘ့ၣ် ဒီးထံကီၢ်လၢအထီၣ်ကူလီၤယၢၣ်အံၤကဘၣ်တၢ်မၤဘျ့ မၤပၢၤအီၤန့ၣ်လီၤ.

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

ကွၢ်ထီၣ်တၢ်ဆူမူခိၣ်တက့ၢ်. ဆၣ်လၢနထံၣ်တဖၣ်န့ၣ်မတၤတ့လီၤပာ်လီၤအီၤလဲၣ်. မ့ၢ်ဒၣ်ပှၤတဂၤလၢအဆှၢထီၣ်အဝဲသ့ၣ်ဒ်သုးမုၢ်တဖုအသိးန့ၣ် လီၤ. ဆၣ်အိၣ်ပှဲၤဖျၢၣ်န့ၣ်အဝဲသ့ၣ်ညါဝဲ ဒီးကိးအီၤလၢအမံၤစုာ်စုာ်လီၤ. အစိအကမီၤဒိၣ်ဝဲတုၤဒၣ်လဲာ် လၢအကျါထဲတဖျၢၣ်ဧိၤန့ၣ်လီၤမၢ်တစုစုဧါ.

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

တၢ်အကလုၢ်ကိးထီၣ်ဝဲ, “တဲဖျါတၢ်ကစီၣ်တမံၤတက့ၢ်.” ယသံကွၢ်, “ယကဘၣ်တဲဖျါတၢ်ကစီၣ်မနုၤလဲၣ်.” “တဲဖျါလၢပှၤဟီၣ်ခိၣ်ဖိခဲလၢာ်လီၤဂာ်ဒီးနီၣ်ဧိၤမံၤဧိၤလီၤ. တခီၣ်ယံာ်ထဲသိးဒီးဖီအမံၤတဖၣ်ဒၣ်လဲာ်ဘၣ်လီၤ. နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံးလီၤဘီဝဲ ဖဲယွၤဆှၢလီၤကလံၤအူတၢ်လၢအဝဲသ့ၣ်အဖီခိၣ်န့ၣ်လီၤ. ပှၤဂီၢ်မုၢ်တအိၣ်ကၢအိၣ်ခိးအါန့ၢ်နီၣ်ဧိၤမံၤဧိၤဘၣ်.

ယွၤပၢဘၣ်တၢ်ခဲလၢာ်ကစၢ်ဟဲဝဲလၢကပၢတၢ်ဒီး အစိကမီၤ, ဒီးကဟဲကိးဃုာ်ဒီးအီၤပှၤဂီၢ်မုၢ်လၢအမၤပူၤဖျဲးတ့ၢ်ဝဲတဖၣ်လီၤ.

“မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ. တၢ်လၢယွၤကဘၣ်မၤဒ်အံၤဒ်နုၤန့ၣ်မ့ၢ်မတၤတဂၤ တဲအီၤသ့န့ၣ်လဲၣ်. မ့ၢ်မတၤသိၣ်လိအီၤမ့ၢ်ဂ့ၤ, ဟ့ၣ်ကူၣ်ဟ့ၣ်ဖးအီၤမ့ၢ်ဂ့ၤသ့ဝဲ တဂၤလဲၣ်. ဒ်သိးအဝဲကသ့ၣ်ညါ, ကနၢၢ်ပၢၢ်, ဒီးကမၤလိန့ၢ်တၢ်လၢကဘၣ်မၤတၢ်ဒ်လဲၣ်ဒ်လဲၣ်အဂီၢ်န့ၣ်မ့ၢ်ကစၢ် ယွၤကူၣ်လိာ်တၢ်ဒီးမတၤတဂၤလဲၣ်.