I Versetti Biblici più popolari da Abarooma 3

olwohuba abaandu boosi bamala ohwonoona, mani bali eyale muno neende oluyaali lwa Nasaae. Nae ohubitira mu siyaanwa sy'embabaasi cha Nasaae sihwabereswa buhaya, abaandu boosi baholwa abaluungifu neende Nasaae ohubitira mu Kristo Yesu, obanunula mu byonoono byaabwe.

Olwohuba Nasaae ahola abaandu ohuba abaluungifu ohubitira mu fukiirira yaabwe mu Yesu Kristo. Nasaae aholaanga sino eyiri abo boosi abafukiirira mu Kristo, olwohuba yibulao engabuhana yoosi

Kristo Yesu niye yi Nasaae yataao ohuba esiyaanwa simalao esyonoono ohubitira mu hufwa hwae, eyiri abo boosi abamufukiiriramo. Nasaae yahola atyo ohweekesa obuluungifu bwae, olwohuba hale, mu hwesimiirisa hwae koti Nasaae, haba siyadeebaanga hu byonoono byaabwe. Nae mu biha bya bulaanu, yehaliirisa ebyonoono byaabwe, mani hwaanyale ohweekesa obuluungifu bwae. Mu ngeri yino Nasaae yeyekesa omweene koti lwali omuluungifu haandi koti lwahola buli muundu yeesi ofukiirira mu Kristo yaaba omuluungifu.

Olwohuba abulao omuundu yeesi oli omuluungifu mu moni wa Nasaae hulw'ohwooseresa bi malako ka Musa kadaha; bi malako kahola nibyo ohubonesa abaandu koti abahola-mbi.

Koti lu ebyandiiko byoolerefu biboola biti: “Abulao omuundu muluungifu kata mulala, abulao omuundu mukesi oba owiinamira Nasaae. Boosi batula hu Nasaae; boosi badoondobana; boosi alala abulao ohola esiluungifu, kata mulala yeeng'ene.

Mani humaliirisa nihuboola huti, omuundu aholwa yaaba omuluungifu neende Nasaae ohubitira muhufukiirira hwoong'ene, nae ataali mu hwooseresa bi malako ka Musa kadaha.

Haba daawe, esyo haba sisinyalihana kata nabudiidi! Nasaae ahoyere ohuba owadyeeri kata neende buli muundu yaahaba omubacha. Koti lu byandiiko byoolerefu biboola biti, “Ohoyere weyekese ohuba omuluungifu mu nomanoma yao; ohoyere ohuhira omusaango kwao n'oyaaswa.”