I Versetti Biblici più popolari da Mateo 6

Apan labaw sa tanan, paharia ninyo ang Dios ug pagkinabuhi kamo uyon sa iyang kabubut-on ug ang ubang mga butang ihatag ra niya kaninyo.

Busa ayaw kabalak-i ang mosunod nga adlaw kay may kaugalingon kining suliran. Ayaw na pun-i ang suliran sa matag adlaw.

“Tungod niini sultihan ko kamo: ayaw kabalaka unsay inyong kan-on ug imnon aron kamo mabuhi o sa inyong ibisti. Dili ba mas bililhon pa man ang kinabuhi kay sa pagkaon ug ang lawas kay sa bisti?

Apan kon mag-ampo ka, sulod ngadto sa imong kuwarto unya sirhi ang pultahan ug pag-ampo ngadto sa imong Amahan nga dili makita. Ug gantihan ka sa imong Amahan nga nagtan-aw sa imong gibuhat sa tago.

Busa, ingna hinuon niini pag-ampo: ‘Amahan namo nga anaa sa langit, balaanon ang imong ngalan; maghari ka kanamo ug tumanon ang imong pagbuot dinhi sa yuta sama nga gituman kini didto sa langit.

Ihatag kanamo ang pagkaon nga among gikinahanglan karong adlawa

ug pasayloa kami sa among mga sala sama nga kami nagpasaylo sa mga nakasala kanamo.

Ayaw kami itugyan sa pagsulay; luwasa hinuon kami gikan sa daotan. [Kay imo ang gingharian, ang gahom ug ang himaya hangtod sa kahangtoran.]’

“Kay kon inyong pasayloon ang nakasala kaninyo, pasayloon usab kamo sa inyong Amahan nga atua sa langit.

Tan-awa ang mga langgam: wala sila magpugas ug mag-ani aron ilang tigumon sa kamalig. Apan giatiman sila sa inyong Amahan nga atua sa langit! Dili ba mas bililhon pa man kamo kay sa mga langgam?

“Ayaw kamo pagtigom ug mga bahandi alang sa inyong kaugalingon dinhi sa yuta kay tay-an lamang kini ug kutkuton sa anay o kawaton usab sa mga kawatan. Pagtigom hinuon ug mga bahandi alang sa inyong kaugalingon didto sa langit diin walay taya ug anay nga makakutkot niini ug walay mga kawatan nga makakawat niini kay hain gani ang inyong bahandi atua usab didto ang inyong kasingkasing.

“Dili mahimo nga ang usa ka tawo magpaulipon sa duha ka agalon kay mahitabo gayod nga iyang dumtan ang usa ug ang usa iyang higugmaon o unongan niya ang usa ug ang usa iyang tamayon. Dili kamo makapaulipon sa Dios ug sa salapi.

Kon gibistihan sa Dios ang mga balili nga buhi karon apan sa sunod adlaw sunogon ra, kamo pa kahay dili bistihan? Pagkagamay ninyog pagtuo!

Kon pananglit motabang ka sa usa ka tawong kabos, tabangi siya sa paagi nga bisan gani ang labing suod kanimo dili masayod niini. Himoa kini sa tago ug ang imong Amahan nga nagtan-aw sa imong gibuhat moganti kanimo.

“Matngoni nga dili ninyo ipasundayag ang inyong mga maayong buhat. Kon ingnon ninyo niana, dili kamo makadawat ug ganti gikan sa inyong Amahan nga atua sa langit.

“Sa inyong pagpuasa ayaw ipakita nga nagsubo kamo sama sa gibuhat sa mga tigpakaaron-ingnon. Gipasundayag nila ang gutom nilang panagway aron mailhan gayod nga nagpuasa sila. Sultihan ko kamo nga nakadawat na sila sa ilang ganti. Kon magpuasa ka, panghilam-os ug panudlay aron walay mahibalo nga nagpuasa ka gawas sa imong Amahan nga dili makita kinsa nagtan-aw sa imong gibuhat sa tago. Ug gantihan ka niya.