I Versetti Biblici più popolari da Mateo 13

Ug ang binhi nga napugas didto sa maayong yuta sama sa mga tawo nga nakadungog ug nakasabot sa mensahe. Mamunga silag tag-100, ang uban tag-60 ug ang uban tag-30.”

Ug ang binhi nga nahulog sa dapit sa mga tunokon nga sagbot sama sa mga tawo nga nakadungog sa mensahe. Apan ang mga kabalaka bahin niining kinabuhia ug ang gugma alang sa mga bahandi mipatigbabaw kay sa mensahe ug dili sila makabunga.

Kadtong nakadungog sa mensahe mahitungod sa gingharian apan wala makasabot niini adtoon sa Yawa ug sakmiton gikan kaniya ang mga binhi nga napugas diha sa iyang kasingkasing. Sama niini ang binhi nga nahulog didto sa agianan.

Ang binhi nga nahulog sa yutang batoon sama sa mga tawo nga malipayong midawat sa mensahe sa pagkadungog nila niini. Apan wala kini makagamot diha kanila busa dili sila molahutay. Sa pag-abot sa mga kalisdanan ug mga paglutos tungod sa mensahe, mobiya dayon sila.

“Ang paghari sa Dios sama sa usa ka bahandi nga gilubong didto sa usa ka uma. Hikalotan kini sa usa ka tawo apan iya kining gitabonan pag-usab. Hilabihan niyang lipaya ug tungod niini milakaw siya ug iyang gibaligya ang tanan niyang katigayonan ug unya mibalik siya ug iyang gipalit ang uma.

Ug ang uban nahulog sa maayong yuta ug namunga. May namunga ug balig 100 ka pilo kay sa natanom, ang uban balig 60 ka pilo ug ang uban balig 30 ka pilo.”

Pasagdi ninyo nga ang trigo ug ang mga sagbot magdungag tubo hangtod sa ting-ani kay ingnon ko ra unya ang mga tig-ani: Ibta ninyo pag-una ang mga sagbot, bugkosa kini ug ilabay ngadto sa kalayo. Apan tigoma ang trigo ug hiposa didto sa akong kamalig.’ ”