I Versetti Biblici più popolari da Salmos 37

Condividi

Tócháha̱, xraxinkaoan Itꞌéni Díos la jehe chꞌan tsjajon chꞌan kaín ti nkehe a̱ntsí tjinkaoan.

Tjanchehé Itꞌéni Díos tsjinki̱tsa ti nti̱a tsꞌájia. Kaín a̱sán tinkachónkia Díos, la jehe chꞌan tsjinki̱tsa chꞌan ti jaha.

Chrokjuakꞌe chrókuihín ti nkehe tsondáchro Díos la chrókóxakuanhya kixin Díos mé tsjinki̱tsa ti jaha. Chrókónínkákonhña kixin ichꞌe chojni ti nkehe jínahña.

Méxra̱ tinkachónkia Itꞌéni Díos la ichꞌe ti nkehe jína. Jaha jína tjakꞌe chjasintajni, la ti̱toéhya ti nkehe chaxín.

Itꞌéni Díos mé tꞌe̱to̱an chꞌan nkexrín tsꞌaji ti chojni jína, ti chaxín tꞌikon Díos kixin jína tjejó sin. A̱ndá ti tsꞌitsínka ti nkexro a, la tsíto̱ehya ntahó, kixin Itꞌéni Díos tsotsé itja ti nkexro a.

Díos sinchekꞌinkaséña ti nkehe jína tjechꞌe éxi ijnko xrohi, la ti nkehe ndoá ichꞌe la éxi chonkíxin xi̱kaha imá tsꞌinkaséña.

Chrokui̱to̱hé ti kjuanínkaon, chrókjui̱nchekꞌitjáña tíha. Tónínkákonhña kixin ti tso̱nínkaoan la a̱ntsí tsꞌixin kjuanínkaon.

Jeheni kꞌuéndasoáni, ndá ijie ó tádani, la kꞌuíkonhñani kixin Díos kuíto̱he ti chojni jína, la ti sin kꞌuaxrjeníxin sin la kꞌuájihya sin kjuanchakꞌá sin nio̱tja̱ sinie sin.

Tónínkákonhña kixin ti chojni ixri ti nti̱a nduáhya la ko tóchji̱no̱xiánhña ti nkehe ichꞌe ti chojni jínahña