I Versetti Biblici più popolari da Salmos 18

Condividi

Jaha mé tꞌayakonhéni la tjínki̱tsani la ko nchekaáni. Díos kuènténi, jaha mé ti ixro̱ ijié kjuákꞌemáxini kixin tsaáni, la ko jaha mé tjínki̱tsani kixin kohya nkehe tso̱heni. Jaha mé chonta kjuachaxin si̱nchekaáni. Jaha mé kjuákꞌemáxini kixin ti kjuachaxin ijié chonta.

Ti nti̱a kuènté Itꞌéni Díos la imá ndoá; la ko ti nkehe ndáchro chꞌan la chaxín tsoxiteyá. Tꞌayakohen chꞌan ti nkexro tinkáchónki ti jehe chꞌan.

Itꞌéni Díos, jaha ti tsꞌayéhé kjuasáya, kixin jaha si̱nchekaáni la tsjachahya ti sin nínkaon sinchekꞌitjáña ti jeheni.

Imá kóxakoheni, ndá kꞌuéye̱he̱ni Itꞌéni Díos, kꞌuéye̱he̱ni ti Díos kuènténi la kuíhin chꞌan ti itjen chꞌan nkaya nka̱jní. ¡Ti kꞌóyakoni mé kuíhin chꞌan!

Jaha, Itꞌéni Díos, nchekꞌákjen ti lámpara kuènténi. Jaha, Itꞌéni, nchekꞌinkaséña ti sítie itjeni.

Ti Díos i mé tjajon fuerza. Jehe chꞌan mé tjajon chꞌan ijnko nti̱a ndoá.

Itꞌéni Díos mé tjechón, ¡kjuasáye chꞌan kixin tjinki̱tsa chꞌan ti jeheni! ¡Ti Itꞌéni imá tꞌe̱to̱an mé tsaáxini!