I Versetti Biblici più popolari da Salmos 103

Kaín a̱séni chrókjuikosáyeheni Itꞌéni Díos. Chrokꞌuitjáñehñani ninkehó ti ixra̱ kjuíchꞌe chꞌan kixin kjuínki̱tsa chꞌan ti jeheni.

Kixin Díos mé tꞌóxika kaín ti ijie̱ tjasini, la ko tsja̱tse̱n chꞌan kaín ti kjuatjoté chóntani. Díos mé sinchekaá a̱séni kixin chrókꞌuitsínkayáhyani ti tòye̱ chrókꞌuenxíni. Kjuasáye Díos kixin tjue̱he chꞌan ti jeheni la ko kui̱konoéhe̱ chꞌan ti jeheni. Díos la kaín nkehe jína kjuajon chꞌan. Jehe chꞌan tjajon chꞌan fuerza ni̱xin tsochóntani éxi ti fuerza chónta ti kotjua̱nhnko.

Kaín a̱séni chrókjuikosáyeheni Itꞌéni Díos. Chrokjuikosáyexíni ti ihni̱é chꞌan.

Éxi ijnko itꞌé xjan ti̱konoéhe̱ ti xje̱en mé xi̱kaha Itꞌéni Díos la ti̱konoéhe̱ ti sin tjikosáyehe ti jehe chꞌan.

Éxi kjínxi̱n ti tji̱to̱xi̱n ña̱o la ko ti tjiatóxin ña̱o mé xi̱kaha ti kjínxi̱n kuíto̱he Díos ti ijie̱ kjuasini.

*Itꞌéni Díos la imá jína la ko ti̱konoéhe̱ chꞌan chojni. Tjokahya tónínkaon Díos, imá tjue̱he chꞌan kaín chojni.

Kjuínchekjasótehya Díos ti jeheni kixin ti ijie̱ kjuasini chrókjuasótexíni. Éxi ti noixín ti nka̱jní xi̱kaha tjue̱he Díos ti sin tjikosáyehe ti jehe chꞌan.

Díos itjen nka̱jní, la ntiha tꞌe̱to̱an chꞌan. Jehe chꞌan mé Ìnché kaín ti nkehe siín.