I Versetti Biblici più popolari da Afisusuyi 2

Shekwoyi nu na zhin yi, yi ze anya n yi ku ze n saiye nyi, woi gayi wye-wyeyi dna n Kristi Yesu. Tunyi n sapa nu n wa zhin shiri ye, ntu ge ya bma azaje zhin dna n wye-wyeyi ye, n yi la bwa nyi.

Ntu n wo alheri ɓo ala fye gni, n tu gefya ga Kristi gaiciya, gaiciya ga n kwo nyi kwo to zhin efye nya nu n, kwo zhin Shekwoyi cauta nu n wa ga fye. Gni-gni to zhin lada, ntu ɓemana zhin ɓo nun, n ya zhin n ntu cenu, zaho-zahoi to kunce lo a sawo ami da cen.

Ama Shekwoyi n sun-sun gye mwa, wa yeyi n mwa. Kwo da yake, yi ɓei fi-fiyi n zafun, akni zun yi ntu eyi alaifi ɓo, wa ga yi eyi a wye-wyei n jesun esanu n wo ɓei la Kristi kala n efi, ntu n wo ye-ye ɓo nu yi ku gni-gni bwa.

Wa kuyi kala n vingwo fi n mwa-mwa n gnisun n Kristi yi. Aba n yi sase n gnisun n woi n eshe mi, ntu nya ɓo n Yesu Kristi ɓei zhin nyi.

Nsaiye fye to zhin a zhiɓei nu n Shekwoyi aban, kwo a zhiɓei n; eshen, ama fye zhin Shekwoyi apuwa da nu, Shekwoyi-kni aɓi, fye zhin Shekwoyi puwa azanu, n gnisun n a Yesu viyi ajei. Fye gni agni kpe n sayi n nyakun goro manayi nu, atnu-tnuyi n na nabiyi. Nyakun bwakwonu kuta ho, Yesu Kristi nu n wohin tukwo yi.