Teḛ-Raga 15:23-25

Deḛ teḛ Mara: nɛ d’askəm kai mán gə́ Mara lé el mbata mán neelé to mán kad hərm. Gelee gə́ nee ɓa deḛ d’unda ne ri loo neelé lə Mara. Dəwje lé jém ta d’im ne rɔ dee dɔ Moyis’g pana: See mán ɗi ɓa j’a kai wa. Moyis no̰ gə́ rɔ Njesigənea̰’g, ndá Njesigənea̰ tɔjee ŋgəw kag aree ila dan mán’g ndá mán lé tel kul. Lée gə́ neelé ɓa Njesigənea̰ ar dəwje godndiaje keneŋ ləm, gə ndukunje ləa ləm tɔ, lé gə́ neelé ɓa yeḛ aḭ meḛ dee keneŋ tɔ.