خُروج 7:32-8

وَ فِي الْبَكَانْ دَا، اللّٰهْ قَالْ لِمُوسَى: «قُمّ أَنْزِلْ أَشَانْ شَعَبَكْ الْإِنْتَ مَرَقْتُهُمْ مِنْ بَلَدْ مَصِرْ تَلَّفَوْا خَلَاصْ. وَ عَجَلَةْ كَيْ بَسْ طَلَقَوْا الدَّرِبْ الْأَنَا أَمَرْتُهُمْ بَيَّهْ وَ صَنَعَوْا لَيْهُمْ صَنَمْ هَنَا عِجِلْ وَ سَجَدَوْا قِدَّامَهْ. وَ قَدَّمَوْا لَيَّهْ ضَحَايَا وَ قَالَوْا: ‹يَا بَنِي إِسْرَائِيلْ، الصَّنَمْ دَا بَسْ إِلٰـهْكُو الْمَرَقَاكُو مِنْ بَلَدْ مَصِرْ!›»