Luka 24
24
Okuyimbooka kwa Yesu
(Mat 28:1-10; Mak 16:1-8; Yok 20:1-10)
1Omu kibbambya wa kiro ekikwekeera omu wiiki, abakali nibatwala ebyabuwoowo byebaateekaniize, oku mbi. 2Baayajirye eibbaale erikinga embi niligalanzuliibwe okuluga oku mulyango gwa mbi. 3Nibaingiire, tibaayajiryemu mulambo gwa Mukama waiswe oYesu. 4Nibaali bawuniikiriire, amangu ago abasaiza babiri abazwaire engoye ezikuseryaserya ni babeemeera oku rubaju. 5Olwa kutuntura okwingi, abacaala ni bainamya emitwe, abasaiza ni babakoba, “Lwaki mukutooleerya omuntu omwomi omu bafu? 6Ani talowo; ayimbookere! Mwizukire bye yabakobere nacaali naanywe e Galiraaya: 7Yabakobere ati, ‘OMwana wa Muntu ateekwa okuweebwayo omu mikono gyʼabantu abalina ebibbi okumwita nibakumubamba oku musaalaba era ayimbooke ekiro ekyakasatu.’” 8Ale abakali ni baizukira ebigambo byamwe.
9Abakali nibaireyo okuzwa oku mbi, ni basubiira abeegesebwa eikumi nomwei, nʼabandi boona. 10Abakali bani baali oMalyamu Magudaleena, oYowaana, nʼoMalyamu omawa Yakobo, nʼabandi abaali nabo. Bani nibo baasubiriire abakwenda. 11Baitu abakwenda tibaikiriize bigambo bya bakali, kubba byali nkʼebya bumburamu. 12OPeetero, nikwo okwimukiramu, nʼairuka nʼayaba oku mbi. Niyasungereiryemu, nʼabona engoye za liiri mwebaamuzingire niziri awo oku ntando zeereere. Niyamaare nʼairayo e waamwe, nakwewuunya ebintu ebibbairewo.
OYesu akubonekera abeegesebwa ababiri
(Mak 16:12-13)
13Ekiro ekyo, abantu babiri okwabo abaakobeirwe abakali badi, baali bakwaba omu kyalo ekyetebwa Emawusi, ekilomita nkʼeikumi nemwei okuzwa e Yerusaalemu, 14ni babaza oku bintu ebyabbairewo. 15Nibaali bakubaza oYesu omwenyenere nʼabeyimbyaku nʼatambula nabo; 16Baitu amaiso gaabwe ni gaswekebwaku ni batamweteja.
17OYesu nʼababuulya, “Bikiki bye mukubaza nimukutambula?” Ni beemeera nibaizwire obujune. 18Omwei oku bo, ayetebwa oKulyopa nikwo okubuulya, “Niiwe mugenyi wenkai omu Yerusaalemu atamaite bigambo ebibbairewo ebiro bini?”
19Nʼababuulya ati, “Bigambo ki?” Ni bamwiramu,
“Ebibbairewo oku Yesu owa Nazaaleesi.” “Yaali mulangi wa maani omu bigambo nʼomubikolwa omu maiso ga Kanca nʼabantu. 20Abakabona abakulu nʼabakama baamuwaireyo okusaarwa ogwa kufa, era ni bamubamba oku musaalaba; 21iswe twali nitumaite nti niye akwiza okubba omucunguli wa Isirairi; baitu ati ebiro bisatu ebyakaire ebyo nibimaare okubbawo. 22Nʼabamwei oku bakali ba mwiswe abaikiriza batuwuniikiriirye nibaakeire omu kibbambya okwaba oku mbi 23ni bataajaayo mulambo gwamwe. Abakali abo baizire ni batukobera nti baabonekeirwe abamalaika, abaabakobere nti mwomi. 24Abataayi baiswe baayabire oku mbi ni bayaja nkʼabakali kyebaakobere nimwo kiri, baitu Ye tibaamuboine.”
25OYesu nikwo okubakoba, “Ka muli badoma, era abalwawo okwikiriza abalangi byebaabakobere! 26OKurisito tiyaali wakubanza okubonaabona leke aingire omu kitiinisya kyamwe?” 27Nʼatandikira omu bitabo bya Musa nʼebya balangi nakunyonyola ebyamubazirweku.
28Nibaigereire oku kyalo kyebaayabangamu, oYesu nʼatambula nkʼakweyongerayo, 29baitu bo ni bamwesengeerya bati, “Raara naiswe, eisana liri ampi okugwa” Nʼaikiriza nʼayaba nabo eka.
30Nibaali bakulya, nʼakwata omugaati, niyeebalya oKanca, nʼagwendamu, nʼabaweerya, 31obwo amaiso gaabwe ni gaiguka, ni bamulingaasira, nʼairate nʼababulaku. 32Bo nikwo okubaza, “Weza! Nikyo twakwatiirwe enkaraituma niyaali akutusoboora omu byawandiikiibwe, omu nzira?”
33Omu kaire ako, ni baimuka, ni bairayo e Yerusaalemu. Nibayaja abeegesebwa eikumi nomwei nʼabantu abandi nibakumbaine 34nibakukoba bati, “Kya mazima oMukama waiswe ayimbookere era abonekeire oSimooni.” 35Obwo ababiri ni babakobera ebyabbairewo omu muwanda, nʼengeri gyebaamwetejerye niyayenderemu omugaati.
OYesu akubonekera abeegesebwa baamwe eikumi nʼomwei
(Mat 28:16-20; Mak 16:14-18; Yok 20:19-23; Bik 1:6-8)
36Nibaali bacaabaza okwebyo, oYesu omwenyenere nʼabeemeera akati nʼabakoba ati, “Emirembe gibbe naanywe.”
37Beerindukire ni batiina muno: nibakulowooza nti, baboine muzumu. 38Ye nʼabakoba, “Lwaki mutiinire, era lwaki mutakwikiriza omu mitima gyanywe? 39Mubone emikono gyange nʼamagulu gange. Ninje omwenyenere! Munkwateku mubone; omuzumu tigubba na mubiri gonze amagumba, nka nje byendi nabyo.”
40Niyamaare okubakobera bini nʼabalanga emikono gyamwe nʼamagulu gaamwe. 41Bo olwa kusemereerwa okwingi nʼokwewuunya ni bataikiriza. Ye nababuulya, “Ani mulinawo ekyakulya kyona?” 42Ni bamuweerya ekitundu kya ncwi ekitalike 43era nakirya nibamulolereire.
OYesu akulaga abakwenda baamwe
44Nʼabakoba, “Kini nikyo nʼabakobere nincaali naanywe: Buli kintu ekyampandiikiibweku omu mateeka ga Musa, abalangi nʼomu Zabbuli kiteekwa okwikiira.”
45Obwo nʼaswekula amagezi gaabwe leke beeteje ebyawandiikiibwe. 46Nʼabakoba ati, “Kini nimwo kyawandiikiibwe kiti, oKurisito ateekwa okubonaabona, okufa nʼokuyimbooka ekiro kyakasatu, 47era okwenenya nʼokusaasirwa ebibbi kulilangiriirwa omu manga goona omwibara lyange, nokutandikira omu Yerusaalemu. 48Nywe muli bajuurwa ba bigambo bini. 49Nkwaba okubasindikira oMwoyo Akwera oitewange gweyaragaanisirye; baitu mubbe omu kibuga okwikya oMwoyo oyo naliiza okuzwa omwiguru nʼabaizulya amaani.”
OYesu akutwalibwa omwiguru
(Mak 16:19-20; Bik 1:9-11)
50OYesu ni yeebembera abeegesebwa baamwe nʼabatwala omu makiizi ga Bbesaniya, nʼagolola emikono nʼabaweerya omukisa. 51Niyaali acabaweerya omukisa, nʼabazwaku, nʼatwalibwa omwiguru. 52Obwo ni bamuramya era ni bairayo e Yerusaalemu omu kusemereerwa okwingi. 53Baitu ebiro byona ni baabanga omwiramyo, ni bakuwaisya oKanca.
Valið núna:
Luka 24: RUULI-NYALA
Áherslumerki
Deildu
Afrita
Want to have your highlights saved across all your devices? Sign up or sign in
Luka 24
24
Okuyimbooka kwa Yesu
(Mat 28:1-10; Mak 16:1-8; Yok 20:1-10)
1Omu kibbambya wa kiro ekikwekeera omu wiiki, abakali nibatwala ebyabuwoowo byebaateekaniize, oku mbi. 2Baayajirye eibbaale erikinga embi niligalanzuliibwe okuluga oku mulyango gwa mbi. 3Nibaingiire, tibaayajiryemu mulambo gwa Mukama waiswe oYesu. 4Nibaali bawuniikiriire, amangu ago abasaiza babiri abazwaire engoye ezikuseryaserya ni babeemeera oku rubaju. 5Olwa kutuntura okwingi, abacaala ni bainamya emitwe, abasaiza ni babakoba, “Lwaki mukutooleerya omuntu omwomi omu bafu? 6Ani talowo; ayimbookere! Mwizukire bye yabakobere nacaali naanywe e Galiraaya: 7Yabakobere ati, ‘OMwana wa Muntu ateekwa okuweebwayo omu mikono gyʼabantu abalina ebibbi okumwita nibakumubamba oku musaalaba era ayimbooke ekiro ekyakasatu.’” 8Ale abakali ni baizukira ebigambo byamwe.
9Abakali nibaireyo okuzwa oku mbi, ni basubiira abeegesebwa eikumi nomwei, nʼabandi boona. 10Abakali bani baali oMalyamu Magudaleena, oYowaana, nʼoMalyamu omawa Yakobo, nʼabandi abaali nabo. Bani nibo baasubiriire abakwenda. 11Baitu abakwenda tibaikiriize bigambo bya bakali, kubba byali nkʼebya bumburamu. 12OPeetero, nikwo okwimukiramu, nʼairuka nʼayaba oku mbi. Niyasungereiryemu, nʼabona engoye za liiri mwebaamuzingire niziri awo oku ntando zeereere. Niyamaare nʼairayo e waamwe, nakwewuunya ebintu ebibbairewo.
OYesu akubonekera abeegesebwa ababiri
(Mak 16:12-13)
13Ekiro ekyo, abantu babiri okwabo abaakobeirwe abakali badi, baali bakwaba omu kyalo ekyetebwa Emawusi, ekilomita nkʼeikumi nemwei okuzwa e Yerusaalemu, 14ni babaza oku bintu ebyabbairewo. 15Nibaali bakubaza oYesu omwenyenere nʼabeyimbyaku nʼatambula nabo; 16Baitu amaiso gaabwe ni gaswekebwaku ni batamweteja.
17OYesu nʼababuulya, “Bikiki bye mukubaza nimukutambula?” Ni beemeera nibaizwire obujune. 18Omwei oku bo, ayetebwa oKulyopa nikwo okubuulya, “Niiwe mugenyi wenkai omu Yerusaalemu atamaite bigambo ebibbairewo ebiro bini?”
19Nʼababuulya ati, “Bigambo ki?” Ni bamwiramu,
“Ebibbairewo oku Yesu owa Nazaaleesi.” “Yaali mulangi wa maani omu bigambo nʼomubikolwa omu maiso ga Kanca nʼabantu. 20Abakabona abakulu nʼabakama baamuwaireyo okusaarwa ogwa kufa, era ni bamubamba oku musaalaba; 21iswe twali nitumaite nti niye akwiza okubba omucunguli wa Isirairi; baitu ati ebiro bisatu ebyakaire ebyo nibimaare okubbawo. 22Nʼabamwei oku bakali ba mwiswe abaikiriza batuwuniikiriirye nibaakeire omu kibbambya okwaba oku mbi 23ni bataajaayo mulambo gwamwe. Abakali abo baizire ni batukobera nti baabonekeirwe abamalaika, abaabakobere nti mwomi. 24Abataayi baiswe baayabire oku mbi ni bayaja nkʼabakali kyebaakobere nimwo kiri, baitu Ye tibaamuboine.”
25OYesu nikwo okubakoba, “Ka muli badoma, era abalwawo okwikiriza abalangi byebaabakobere! 26OKurisito tiyaali wakubanza okubonaabona leke aingire omu kitiinisya kyamwe?” 27Nʼatandikira omu bitabo bya Musa nʼebya balangi nakunyonyola ebyamubazirweku.
28Nibaigereire oku kyalo kyebaayabangamu, oYesu nʼatambula nkʼakweyongerayo, 29baitu bo ni bamwesengeerya bati, “Raara naiswe, eisana liri ampi okugwa” Nʼaikiriza nʼayaba nabo eka.
30Nibaali bakulya, nʼakwata omugaati, niyeebalya oKanca, nʼagwendamu, nʼabaweerya, 31obwo amaiso gaabwe ni gaiguka, ni bamulingaasira, nʼairate nʼababulaku. 32Bo nikwo okubaza, “Weza! Nikyo twakwatiirwe enkaraituma niyaali akutusoboora omu byawandiikiibwe, omu nzira?”
33Omu kaire ako, ni baimuka, ni bairayo e Yerusaalemu. Nibayaja abeegesebwa eikumi nomwei nʼabantu abandi nibakumbaine 34nibakukoba bati, “Kya mazima oMukama waiswe ayimbookere era abonekeire oSimooni.” 35Obwo ababiri ni babakobera ebyabbairewo omu muwanda, nʼengeri gyebaamwetejerye niyayenderemu omugaati.
OYesu akubonekera abeegesebwa baamwe eikumi nʼomwei
(Mat 28:16-20; Mak 16:14-18; Yok 20:19-23; Bik 1:6-8)
36Nibaali bacaabaza okwebyo, oYesu omwenyenere nʼabeemeera akati nʼabakoba ati, “Emirembe gibbe naanywe.”
37Beerindukire ni batiina muno: nibakulowooza nti, baboine muzumu. 38Ye nʼabakoba, “Lwaki mutiinire, era lwaki mutakwikiriza omu mitima gyanywe? 39Mubone emikono gyange nʼamagulu gange. Ninje omwenyenere! Munkwateku mubone; omuzumu tigubba na mubiri gonze amagumba, nka nje byendi nabyo.”
40Niyamaare okubakobera bini nʼabalanga emikono gyamwe nʼamagulu gaamwe. 41Bo olwa kusemereerwa okwingi nʼokwewuunya ni bataikiriza. Ye nababuulya, “Ani mulinawo ekyakulya kyona?” 42Ni bamuweerya ekitundu kya ncwi ekitalike 43era nakirya nibamulolereire.
OYesu akulaga abakwenda baamwe
44Nʼabakoba, “Kini nikyo nʼabakobere nincaali naanywe: Buli kintu ekyampandiikiibweku omu mateeka ga Musa, abalangi nʼomu Zabbuli kiteekwa okwikiira.”
45Obwo nʼaswekula amagezi gaabwe leke beeteje ebyawandiikiibwe. 46Nʼabakoba ati, “Kini nimwo kyawandiikiibwe kiti, oKurisito ateekwa okubonaabona, okufa nʼokuyimbooka ekiro kyakasatu, 47era okwenenya nʼokusaasirwa ebibbi kulilangiriirwa omu manga goona omwibara lyange, nokutandikira omu Yerusaalemu. 48Nywe muli bajuurwa ba bigambo bini. 49Nkwaba okubasindikira oMwoyo Akwera oitewange gweyaragaanisirye; baitu mubbe omu kibuga okwikya oMwoyo oyo naliiza okuzwa omwiguru nʼabaizulya amaani.”
OYesu akutwalibwa omwiguru
(Mak 16:19-20; Bik 1:9-11)
50OYesu ni yeebembera abeegesebwa baamwe nʼabatwala omu makiizi ga Bbesaniya, nʼagolola emikono nʼabaweerya omukisa. 51Niyaali acabaweerya omukisa, nʼabazwaku, nʼatwalibwa omwiguru. 52Obwo ni bamuramya era ni bairayo e Yerusaalemu omu kusemereerwa okwingi. 53Baitu ebiro byona ni baabanga omwiramyo, ni bakuwaisya oKanca.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in