ܡܓܰܠܝܘܢ ܕܠܘܩܐ 20
20
ܗ̄ܽܘ ܫܽܘܠܛܳܢܳܐ ܕܝܶܫܽܘܥ ܘܺܗ̄ܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ
ܡܬܝ 21:23‐27؛ ܡܪܩܘܣ 11:27‐33
1ܘ݄ܒܚܰܕ̱ ܡܰܢ̱ ܝّܰܘܡ̈ܶܐ، ܘܗܺܝّܶܗ ܟܡܰܘܠ݄ܦ ܠܽܗ̄ܘ ܥܰܡܳܐ ܒܽܗ̄ܘ ܗܰܝܟܠܳܐ ܘܟ݄ܡܣܰܒ݄ܪ، ܩܰܝܺܝܡܺܝ ܐܰܥܠܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܣّܳܦܪ̈ܶܐ ܥܰܡ ܗ̄ܰܩّܰܫ̈ܶܐ، 2ܘܐܡ݄ܪّܰܗ ܠܶܗ: ”ܐܡܰܪ ܠܰܢ: ܒܰܐܝܢܰܐ ܫܽܘܠܛܳܢܳܐ ܗܰܢܺܝ ܟܣܰܝܡܰܬ؟ ܘܡܰܢܝܳܐ ܗܰܘܳܐ ܕܗܽܒ̥ ܠܶܗ ܠܳܟ̥ ܗ̄ܽܘ ܫܽܘܠܛܳܢܰܢܳܐ؟“ 3ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܘܳܐܢܳܐ ܣܬܶܝ ܓ݄ܡܫܰܐܶܠ ܐ̱ܢܳܐ ܠܟ̥ܽܘ ܫܽܘܐܳܠܳܐ، ܘܐܡܰܪܽܘ ܠܺܝ: 4ܗ̄ܺܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ ܡܺܗ̄ܝ ܫܡܰܝܳܐ ܗ̄ܘܰܐ ܐܰܘ ܡܰܗ̄ܢ ܢܳܫ̈ܶܐ؟“ 5ܘܗ݄ܢّܶܝ ܡܳܫܓ̥ܳܠܺܝ ܗ̄ܘܰܘ̱ ܥܰܡ ܚܕ̥ܳܕ̥̈ܶܐ ܘ݄ܐܡّܺܪ̱ܝ ܗ̄ܘܰܘ̱: ”ܕ݄ܐܡّܺܪ̱ܝܢܰܐ ܡܺܗ̄ܝ ܫܡܰܝܳܐ، ܓܕܳܐܡܰܪ ܠܰܢ: ܘ݄ܠܡ݄ܢ ܠܳܐ ܡܗܰܝܡܰܢܟ̥ܽܘ ܐܶܒܶܗ؟ 6ܘܶܐܢ ܕ݄ܐܡّܺܪ̱ܝܢܰܐ ܡܰܗ̄ܢ ܢܳܫ̈ܶܐ، ܓܪܳܓܰܡ ܠܰܢ ܗ̄ܽܘ ܥܰܡܳܐ ܟܽܘܠܶܗ. ܡܺܐܝܕ̥ܶܗ ܕܟ݄ܡܗܰܝܡܢܺܝ ܕܝܽܘܚܰܢܳܢ ܢܒܺܝܳܐ ܝܳܐ.“ 7ܘܐܡ݄ܪّܰܗ ܠܶܗ: ”ܠ݄ܐ ܟ݄ܐܕ̥ܥܺܝܢܰܐ ܡܰܐܝܟܳܐ ܝܳܐ.“ 8ܘܐܡ݄ܪ ܠܰܗ ܠّܶܗ ܝܶܫܽܘܥ: ”ܘܠܳܐ ܐܳܢܳܐ ܟܳܐܡܰܪ ܐ̱ܢܳܐ ܠܟ̥ܽܘ ܒܰܐܝܢܰܐ ܫܽܘܠܛܳܢܳܐ ܟܣܳܝܰܡ ܐ̱ܢܳܐ ܗܰܢܺܝ.“
ܗ̄ܽܘ ܡܰܬ̥ܠܳܐ ܕܰܦّܰܠܳܚ̈ܶܐ ܩ̈ܰܛܳܠܶܐ
ܡܬܝ 21:33‐46؛ ܡܪܩܘܣ 12:1‐12
9ܘ݄ܡܫܰܪܶܐ ܠܶܗ ܕܳܐܡ݄ܪ ܠܽܗ̄ܘ ܥܰܡܳܐ ܗ̄ܽܘ ܡܰܬ̥ܠܰܢܳܐ: ”ܚܰܕ̱ ܓܰܒ̥ܪܳܐ ܢܨܽܒ̥ ܠܶܗ ܟܰܪܡܳܐ، ܘܡܰܙܒܰܛ ܠܶܗ ܠܦܰܠܳܚ̈ܶܐ ܘܰܐܙّܶܗ ܪܰܚ݄ܩ ܙܰܒܢܳܐ ܝܰܪܺܝܟ̥ܳܐ. 10ܘܒܽܗ̄ܘ ܙܰܒܢܳܐ (ܕܰܦّܺܐܪ̈ܶܐ)، ܡܫܰܕܰܪ ܠܶܗ ܚܰܕ̱ ܡܰܢ̱ ܓܪ̈ܶܝܥܰܝܕ̥ܶܗ ܠܓܰܒ ܗ̄ܰܦّܰܠܳܚ̈ܶܐ ܕܳܗ̄ܒ݄ܢ ܠܶܗ ܡܰܢ̱ ܦّܺܐܪ̈ܶܐ ܕܽܗ̄ܘ ܟܰܪܡܳܐ. ܐܶܠܳܐ ܗ̄ܰܦّܰܠܳܚ̈ܶܐ ܡܚܰܠّܰܗ ܠܶܗ ܘ݄ܡܫܰܕܰܪّܶܗ ܣܦܺܝܩܳܐ. 11ܘܕܰܥ݄ܪ ܡܫܰܕܰܪ ܠܶܗ ܓܪܶܝܥܳܐ ܚܪܶܢܳܐ، ܘܗ݄ܢّܶܝ ܠܰܗ̄ܢܳܐ ܣܬܶܝ ܡܚܰܠّܰܗ ܠܶܗ ܘ݄ܡܨܰܥܰܪّܰܗ ܠܶܗ ܘ݄ܡܫܰܕܰܪّܶܗ ܣܦܺܝܩܳܐ. 12ܘܕܰܥ݄ܪ ܡܫܰܕܰܪ ܠܶܗ (ܓܪܶܝܥܳܐ) ܕܰܬܠܳܬ̥ܳܐ، ܘܗ݄ܢّܶܝ ܠܰܗ̄ܘܳܐ ܣܬܶܝ ܨܠ݄ܦّܶܗ ܘܡܰܘܦܰܩّܶܗ. 13ܘܽܗ̄ܘ ܡܳܪܳܐ ܕܽܗ̄ܘ ܟܰܪܡܳܐ ܐܡ݄ܪ ܠܶܗ: ܡ݄ܢ ܣܳܝܰܡ ܐ̱ܢܳܐ؟ ܓ݄ܡܫܰܕܰܪ ܐ̱ܢܳܐ ܗ̄ܽܘ ܐܰܒܪܰܝܕ̥ܺܝ ܗ̄ܽܘ ܚܰܒܺܝܒܳܐ، ܟܺܝܬ ܕܚܳܙ݄ܢ ܠܶܗ ܘܡܺܝܢܰܟܦܺܝ. 14ܘܺܗ̄ܝ ܢܰܩܠܐ ܕ݄ܚܙܰܠّܶܗ ܗ̄ܰܦّܰܠܳܚ̈ܶܐ، ܐ݄ܡّܺܪ̱ܝ ܗ̄ܘܰܘ̱ ܠܪ̈ܽܘܚܰܝّܶܗ: ܗܰܢܳܐ ܝܳܐ ܗ̄ܽܘ ܝܳܪܬ̥ܳܐ، ܬܳܟ̥ܽܘ ܩ݄ܛܠܺܝܢܰܐ ܠܶܗ ܘ݄ܓܕܽܗ̄ܘܝܳܐ ܠܰܢ ܗ̄ܺܝ ܝܳܪܬ̥ܽܘܬ̥ܳܐ. 15ܘܡܰܘܦܰܩّܶܗ ܠܰܪܒ̥ܰܠ ܡܽܗ̄ܘ ܟܰܪܡܳܐ ܘ݄ܩܛ݄ܠّܶܗ. ܗܰܢ ܢܰܩܠܐ ܡ݄ܢ ܓ݄ܕܣܳܝ݄ܡ ܐܰܒّܶܗ ܗ̄ܽܘ ܡܳܪܳܐ ܕܽܗ̄ܘ ܟܰܪܡܳܐ؟ 16ܓܕܳܐܬ̥ܶܐ ܘܓ݄ܡܣܰܟ݄ܪ (ܩܳܛ݄ܠ) ܠܰܦّܰܠܳܚ̈ܰܢ݄ܟ ܘ݄ܓܕܳܗ̄ܒܶܐ ܗ̄ܽܘ ܟܰܪܡܳܐ ܠ݄ܚܪ̈ܶܢܶܐ.“ ܘܺܗ̄ܝ ܢܰܩܠܐ ܕܫܰܡܺܝܥܺܝ ܐܡ݄ܪّܶܗ: ”(ܐܰܠܳܗܳܐ) ܠܳܐ ܣܳܝ݄ܡ ܠܰܗ.“ 17ܘܗܺܝّܶܗ ܚ݄ܪ ܠܶܗ ܐܰܒّܶܗ ܘܐܡ݄ܪ ܠܶܗ: ”ܘܡ݄ܢܝܳܐ ܗܰܝܳܐ ܕ݄ܟܬ̥ܺܝܒ̥ܳܐ: ܗ̄ܺܝ ܟܶܐܦܳܐ ܕܠܳܐ ܡܰܩ݄ܒܠܰܠّܶܗ ܗ̄ܰܒّܰܢܳܝ̈ܶܐ ܗܺܝّܰܗ ܗܰܘܝܳܐ ܠܪܺܝܫܰܗ ܕܺܗ̄ܝ ܩܽܘܪܢܺܝܬ̥ܳܐ؟ 18ܘܟܽܘܠ ܚܰܕ̱ ܕܢܳܦ݄ܠ ܥܰܠ ܗ̄ܺܝ ܟܶܐܦܰܝܳܐ ܓܡ݄ܬܒ̥݄ܪ، ܘ݄ܕܗܺܝّܰܗ ܢ݄ܦܠܳܐ ܐܰܥܠܶܗ ܓܛܳܚܢܳܐ ܠܶܗ ܘܣ݄ܚܢܳܐ ܠܶܗ.“ 19ܘܰܐܒܺܝܥܺܝ ܗ̄ܘܰܘ̱ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܣّܳܦܪ̈ܶܐ ܕܨܰܝܕܺܝ ܠܶܗ ܒܺܗ̄ܝ ܫܳܥܬ̥ܰܝܕ̥ܰܗ ܘܙܰܝܺܝܥܺܝ ܡܽܗ̄ܘ ܥܰܡܳܐ، ܥܰܠ ܕܰܐܕ̥ܺܝܥܺܝ ܕܰܐܥܠܰܝّܶܗ ܐܡ݄ܪ ܠܶܗ ܗ̄ܽܘ ܡܰܬ̥ܠܰܢܳܐ.
ܕܩܶܣܰܪ ܠܩܶܣܰܪ ܘܕܰܐܠܳܗܳܐ ܠܰܐܠܳܗܳܐ
ܡܬܝ 22:15‐22؛ ܡܪܩܘܣ 12:13‐17
20ܘ݄ܡܫܰܕܰܪّܶܗ ܠܓܰܒܶܗ ܓܳܫܽܘ̈ܫܶܐ ܕܡܰܚܘ݄ܢ ܪܽܘܚܰܝّܶܗ ܙܰܕ̈ܺܝܩܶܐ (ܛܳܒ̥̈ܶܐ) ܠܰܫܰܢ ܕܨܰܝܕܺܝ ܠܶܗ ܒܡܶܠܬ̥ܳܐ ܘܡܰܫܠܡܺܝ ܠܶܗ ܠܽܗ̄ܘ ܕܰܝܳܢܳܐ، ܘܠܽܗ̄ܘ ܫܽܘܠܛܳܢܳܐ ܕܽܗ̄ܘ ܫܰܠܺܝܛܳܐ. 21ܘ݄ܡܫܰܐܶܠّܶܗ ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܟ݄ܐܕ̥ܥܺܝܢܰܐ ܕ݄ܬܪܺܝܨܳܐ ܟܡ݄ܫܓ̥ܳܠܰܬ ܘܡܰܘܠܦܰܬ، ܘܠܰܝ̱ܬ ܗ̄ܰܬ ܒܬܰܪܬܶܝ ܦ̈ܳܬ̥ܳܬ̥ܳܐ، ܘܒܽܗ̄ܘ ܫܪܳܪܳܐ ܗ̄ܽܘ ܕܰܪܒܳܐ ܕܰܐܠܳܗܳܐ ܟܡܰܘܠܦܰܬ. 22ܟܳܗ̄ܘܶܐ ܕܳܗ̄ܒܺܝܢܰܐ ܟܣܶܦܪܺܝܫܳܐ ܠܩܶܣܰܪ ܐܰܘ ܠܳܐ؟“ 23ܘܗܺܝّܶܗ ܐܰܕ̥݄ܥ ܗ̄ܺܝ ܢܟ̥ܺܝܠܽܘܬܰܬّ̥ܶܗ، ܘܐܡ݄ܪ ܠܶܗ: ”ܡ݄ܢܝܳܐ ܕܟ݄ܡܢܰܣܺܝܬܽܘ ܠܺܝ؟ 24ܡܰܚܘܰܝܽܘ ܠܺܝ ܕܺܝܢܳܪܳܐ! ܕܡܰܢܝܳܐ ܗ̄ܺܝ ܨܽܘܪܬܳܐ ܘܺܗ̄ܝ ܟܬ̥ܰܒ̥ܬܳܐ ܕܶܐܒܶܗ؟“ ܘܗ݄ܢّܶܝ ܐܡ݄ܪّܶܗ ܕܩܶܣܰܪ. 25ܝܶܫܽܘܥ ܐܡ݄ܪ ܠܰܗ ܠّܶܗ: ”ܗܰܢ ܢܰܩܠܐ ܗܰܒ̥ܽܘ ܗ̄ܽܘ ܡܶܕܶܐ ܕܩܶܣܰܪ ܠܩܶܣܰܪ، ܘܕܰܐܠܳܗܳܐ ܠܰܐܠܳܗܳܐ.“ 26ܘܠܳܐ ܩܰܕܺܝܪܺܝ ܕܨܰܝܕܺܝ ܐܰܥܠܶܗ ܡܶܠܬ̥ܳܐ ܩ݄ܕ̱ܡ ܗ̄ܽܘ ܥܰܡܳܐ. ܘ݄ܡܕܰܘܡܪܺܝ ܡܽܗ̄ܘ ܡܰܐܡܪܰܝܕ̥ܶܗ، ܘܟܰܠ݄ܢ (ܘܠܳܐ ܡܬܰܢܰܠّܶܗ).
ܗ̄ܺܝ ܩܝܰܡܬܳܐ ܕܰܡّܺܝ̈ܬ̥ܶܐ
ܡܬܝ 22:23‐33؛ ܡܪܩܘܣ 12:18‐27
27ܘ݄ܡܩܰܪܰܒّ̥ܶܗ ܢܳܫ̈ܶܐ ܡܰܢ̱ ܙّܰܕ̈ܽܘܩܳܝܶܐ، ܗܰܢ݄ܟ ܕܟ݄ܐܡّܺܪ̱ܝ ܕܠܰܝܬ ܩܝܰܡܬܳܐ، ܘ݄ܡܫܰܐܰܠّܰܗ ܠܶܗ، 28ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܡܽܘܫܶܐ ܟܬ̥ܽܒ̥ ܠܶܗ ܠܰܢ: ܕܶܐܢ ܢܳܫܳܐ ܕܡܳܝ݄ܬ̥ ܐܰܚܽܘܢܶܗ ܕܟ݄ܬ ܠܶܗ ܐܰܢ̱ܬ̥ܬܳܐ ܘܠܰܝ̱ܬ ܠܶܗ ܐܰܒܢ̈ܶܐ ܡܶܢܰܗ، ܛܪܳܐ ܗ̄ܽܘ ܐܰܚܽܘܢܳܐ ܡܳܝ݄ܕ ܗ̄ܺܝ ܐܰܢ̱ܬ̥ܬܳܐ ܘܡܰܩ݄ܡ ܙܰܪܳܥܳܐ ܠܽܗ̄ܘ ܐܰܚܽܘܢܳܐ. 29ܘܟ݄ܬ ܗ̄ܘܰܐ ܫܰܒ̥ܥܳܐ ܐܰܚ̈ܽܘܢܳܢܶܐ، ܗ̄ܽܘ ܩܰܕ̱ܡܳܝܳܐ ܡ݄ܕ ܠܶܗ ܐܰܢ̱ܬ̥ܬܳܐ ܘܡܰܝ݄ܬ̥ ܕܠܳܐ ܐܰܒܢ̈ܶܐ. 30ܘܡܺܝܕܳܐ ܠܶܗ ܗ̄ܽܘ ܐܰܚܽܘܢܳܐ ܕܰܬܪܶܝ ܐܰܢ̱ܬ̥ܬܳܐ ܐܶܠܶܗ، ܘܗܰܢܳܐ ܣܬܶܝ ܡܰܝ݄ܬ̥ ܕܠܳܐ ܐܰܒܢ̈ܶܐ. 31ܘܕܰܬܠܳܬ̥ܳܐ ܣܬܶܝ ܡܺܝܕܳܐ ܠܶܗ، ܘܗܰܘܟ̥ܰܐ ܣܬܶܝ ܗ̄ܰܫّܰܒ̥ܥܳܬ̥ܰܝّܶܗ، ܘܡܰܝܺܝܬ̥ܺܝ ܘܠܳܐ ܛܪܰܠّܶܗ ܐܰܒܢ̈ܶܐ. 32ܘܒܺܗ̄ܝ ܚܰܪܰܝܬܳܐ، ܗ̄ܺܝ ܐܰܢ̱ܬ̥ܬܳܐ ܣܬܶܝ ܡܰܝܺܝܬ̥ܳܐ. 33ܗܰܢ ܢܰܩܠܐ ܒܺܗ̄ܝ ܩܝܰܡܬܳܐ، ܠܰܐܝܢܰܐ ܡ݄ܢّܶܗ ܓܕܽܗ̄ܘܝܳܐ ܐܰܢ̱ܬ̥ܬܳܐ؟ ܡܺܐܝܕ̥ܶܗ ܕܰܫّܰܒ̥ܥܳܐ ܡܺܝܕܰܠّܶܗ؟“ 34ܝܶܫܽܘܥ ܐܡ݄ܪ ܠܰܗ ܠّܶܗ: ”ܗ̄ܰܢ ܐܰܒܢ̈ܶܐ ܕܽܗ̄ܘ ܥܳܠܡܰܢܳܐ ܟܡܰܝܕܺܝ ܢܶܫ̈ܶܐ ܘܢܶܫ̈ܶܐ ܟܳܗ̄ܘ݄ܢ ܠܓܰܒ̥ܪ̈ܶܐ. 35ܐܶܠܳܐ ܗܰܢ݄ܟ ܕܫܰܘ݄ܢ ܠܽܗ̄ܘ ܥܳܠܡܰܘܳܐ، ܘܠܺܗ̄ܝ ܩܝܰܡܬܳܐ ܕ݄ܡܒܰܝܢ ܗ̄ܰܡّܺܝ̈ܬ̥ܶܐ، ܠ݄ܐ ܟܡܰܝܕܺܝ ܢܶܫ̈ܶܐ ܘܠܳܐ ܗ̄ܰܢ ܢܶܫ̈ܶܐ ܟܳܗ̄ܘ݄ܢ ܠܓܰܒ̥ܪ̈ܶܐ. 36ܘܠܳܐ ܢܰܩܠܐ ܚܪܶܬܳܐ ܟ݄ܒّܶܗ ܕܡܰܝܬ̥ܺܝ، ܥܰܠ ܕܟ݄ܬܢܶܝ ܐܟ̥ ܕܰܡّܰܠܰܐܟ̥̈ܶܐ ܘܰܗ̄ܢ ܐܰܒܢ̈ܶܐ ܕܰܐܠܳܗܳܐ ܢܶܝ، ܡܺܐܝܕ̥ܶܗ ܕܗܰܘ݄ܢ ܗ̄ܰܢ ܐܰܒܢ̈ܶܐ ܕܺܗ̄ܝ ܩܝܰܡܬܳܐ. 37ܘ݄ܕܩܰܝܡܺܝ ܗ̄ܰܡّܺܝ̈ܬ̥ܶܐ، ܡܽܘܫܶܐ ܣܬܶܝ ܡܰܚܘܶܐ ܠܶܗ، ܕܟ݄ܪ ܠܶܗ ܒܽܗ̄ܘ ܣܰܠܽܘܢܳܐ ܟܳܐܡ݄ܪ: ܡܳܪܝܳܐ ܐܰܠܳܗܳܐ ܕܰܐܒܪܳܗܳܡ ܘܰܐܠܳܗܳܐ ܕܺܐܝܣܚܳܩ ܘܰܐܠܳܗܳܐ ܕܝܰܥܩܽܘܒ. 38ܘܰܐܠܳܗܳܐ ܠܰܝ̱ܬ ܝܳܐ ܕܰܡّܺܝ̈ܬ̥ܶܐ ܐܶܠܳܐ ܕܰܚّܰܝ̈ܶܐ ܝܳܐ، ܡܺܐܝܕ̥ܶܗ ܕܟܽܘܠّܶܗ ܚܰܝ̈ܶܐ ܢܶܝ ܓܰܒܶܗ.“ 39ܘܢܳܫ̈ܶܐ ܡܰܢ̱ ܣّܳܦܪ̈ܶܐ ܡܰܕܥܰܪّܶܗ ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܫܰܦܺܝܪܳܐ ܟ݄ܐܡّܰܪ̱ܬ.“ 40ܘܢܰܩܠܐ ܚܪܶܬܳܐ ܠܳܐ ܡܰܩܘܰܠّܶܗ ܦܳܬ̥ܰܝّܶܗ ܕ݄ܡܫܰܐܺܠܺܝ ܠܶܗ ܥܰܠ ܡܶܕܶܐ.
ܝܶܫܽܘܥ ܗ̄ܽܘ ܐܰܒܪܳܐ ܕܕܰܘܺܝܕ̥ ܝܳܐ ܘܽܗ̄ܘ ܡܳܪܰܝܕ̥ܶܗ
ܡܬܝ 22:41‐46؛ ܡܪܩܘܣ 12:35‐37
41ܘܐܡ݄ܪ ܠܰܗ ܠّܶܗ: ”ܐܰܝܕܰܪܒܳܐ ܗ̄ܰܣّܳܦܪ̈ܶܐ ܟ݄ܐܡّܺܪ̱ܝ ܥܰܠ ܡܫܺܝܚܳܐ ܕܟ݄ܬ ܝܳܐ ܗ̄ܽܘ ܐܰܒܪܳܐ ܕܕܰܘܺܝܕ̥؟ 42ܘܗܺܝّܶܗ ܕܰܘܺܝܕ̥ ܐܡ݄ܪ ܠܶܗ ܒܽܗ̄ܘ ܟܬ̥ܳܒ̥ܳܐ ܕܰܡّܰܙܡܽܘܪ̈ܶܐ: ܡܳܪܝܳܐ ܐܡ݄ܪ ܠܶܗ ܠܽܗ̄ܘ ܡܳܪܰܝܕ̥ܺܝ، ܝܺܬܰܒ̥ ܡܽܗ̄ܘ ܝܰܡܺܝܢܰܝܕ̥ܺܝ، 43ܗܳܠ ܕܡܰܚ݄ܬ ܐ̱ܢܳܐ ܗ̄ܰܒܥܶܠܕ̈ܒܳܒܰܝܕ̥ܳܟ̥ ܬܰܚܬ ܪ̈ܰܓ̥ܠܳܬ̥ܳܟ̥. 44ܗܰܢ ܢܰܩܠܐ ܐܶܢ ܕܰܘܺܝܕ̥ ܟܩܳܪܶܐ ܠܶܗ ’ܡܳܪܰܝܕ̥ܺܝ‘، ܐܰܝܕܰܪܒܳܐ (ܡܫܺܝܚܳܐ) ܗ̄ܽܘ ܐܰܒܪܰܝܕ̥ܶܗ ܝܳܐ؟“
ܡ݄ܙܕܰܗܶܪܽܘ ܡܰܢ̱ ܣّܳܦܪ̈ܶܐ
ܡܬܝ 23:1‐36؛ ܡܪܩܘܣ 12:38‐40؛ ܠܘܩܐ 11:37‐54
45ܘܺܗ̄ܝ ܢܰܩܠܐ ܕܟܽܘܠܶܗ ܗ̄ܽܘ ܥܰܡܳܐ ܫܳܡܰܥ ܗ̄ܘܰܐ، ܐܡ݄ܪ ܠܶܗ ܠܰܬّܰܠܡܺܝܕ̥̈ܰܝܕ̥ܶܗ: 46”ܡܰܒܶܗܽܘ ܡܰܢ̱ ܣّܳܦܪ̈ܶܐ ܕܟ݄ܐܒܥܺܝ ܡܗܰܠܟ̥ܺܝ ܒ݄ܠܒܽܘܫ̈ܶܐ ܫܰܦܺܝܪ̈ܶܐ، ܘܪ݄ܚܡܺܝ ܫܠܳܡܳܐ ܒܰܫّܽܘܩ̈ܶܐ، ܘܽܗ̄ܘ ܝܬܳܒ̥ܳܐ ܒܺܗ̄ܝ ܩܰܕ̱ܡܰܝܬܳܐ ܒܰܟܢܽܘܫ̈ܳܬ̥ܳܐ، ܘܒܽܗ̄ܘ ܪܺܝܫܳܐ ܒܰܚܫ̈ܰܡܝܳܬ̥ܳܐ. 47ܗܰܢ݄ܟ ܕ݄ܟܡܰܘܪܟ̥ܺܝ ܗ̄ܰܨܠܰܘ̈ܳܬ̥ܰܬّ̥ܶܗ ܠܰܫܰܢ ܕܳܐܟ̥ܠܺܝ ܗ̄ܰܒّܳܬ̈ܶܐ ܕܰܗ̄ܢ ܐܰܪ̈ܡܠܳܬ̥ܳܐ. ܗܰܢܺܝ ܓܡܰܝܕܺܝ ܕܺܝܢܳܐ ܙ݄ܕ ܩܰܫܝܳܐ.“
Valið núna:
ܡܓܰܠܝܘܢ ܕܠܘܩܐ 20: ܟܬܒܐ
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܠܘܩܐ 20
20
ܗ̄ܽܘ ܫܽܘܠܛܳܢܳܐ ܕܝܶܫܽܘܥ ܘܺܗ̄ܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ
ܡܬܝ 21:23‐27؛ ܡܪܩܘܣ 11:27‐33
1ܘ݄ܒܚܰܕ̱ ܡܰܢ̱ ܝّܰܘܡ̈ܶܐ، ܘܗܺܝّܶܗ ܟܡܰܘܠ݄ܦ ܠܽܗ̄ܘ ܥܰܡܳܐ ܒܽܗ̄ܘ ܗܰܝܟܠܳܐ ܘܟ݄ܡܣܰܒ݄ܪ، ܩܰܝܺܝܡܺܝ ܐܰܥܠܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܣّܳܦܪ̈ܶܐ ܥܰܡ ܗ̄ܰܩّܰܫ̈ܶܐ، 2ܘܐܡ݄ܪّܰܗ ܠܶܗ: ”ܐܡܰܪ ܠܰܢ: ܒܰܐܝܢܰܐ ܫܽܘܠܛܳܢܳܐ ܗܰܢܺܝ ܟܣܰܝܡܰܬ؟ ܘܡܰܢܝܳܐ ܗܰܘܳܐ ܕܗܽܒ̥ ܠܶܗ ܠܳܟ̥ ܗ̄ܽܘ ܫܽܘܠܛܳܢܰܢܳܐ؟“ 3ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܘܳܐܢܳܐ ܣܬܶܝ ܓ݄ܡܫܰܐܶܠ ܐ̱ܢܳܐ ܠܟ̥ܽܘ ܫܽܘܐܳܠܳܐ، ܘܐܡܰܪܽܘ ܠܺܝ: 4ܗ̄ܺܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ ܡܺܗ̄ܝ ܫܡܰܝܳܐ ܗ̄ܘܰܐ ܐܰܘ ܡܰܗ̄ܢ ܢܳܫ̈ܶܐ؟“ 5ܘܗ݄ܢّܶܝ ܡܳܫܓ̥ܳܠܺܝ ܗ̄ܘܰܘ̱ ܥܰܡ ܚܕ̥ܳܕ̥̈ܶܐ ܘ݄ܐܡّܺܪ̱ܝ ܗ̄ܘܰܘ̱: ”ܕ݄ܐܡّܺܪ̱ܝܢܰܐ ܡܺܗ̄ܝ ܫܡܰܝܳܐ، ܓܕܳܐܡܰܪ ܠܰܢ: ܘ݄ܠܡ݄ܢ ܠܳܐ ܡܗܰܝܡܰܢܟ̥ܽܘ ܐܶܒܶܗ؟ 6ܘܶܐܢ ܕ݄ܐܡّܺܪ̱ܝܢܰܐ ܡܰܗ̄ܢ ܢܳܫ̈ܶܐ، ܓܪܳܓܰܡ ܠܰܢ ܗ̄ܽܘ ܥܰܡܳܐ ܟܽܘܠܶܗ. ܡܺܐܝܕ̥ܶܗ ܕܟ݄ܡܗܰܝܡܢܺܝ ܕܝܽܘܚܰܢܳܢ ܢܒܺܝܳܐ ܝܳܐ.“ 7ܘܐܡ݄ܪّܰܗ ܠܶܗ: ”ܠ݄ܐ ܟ݄ܐܕ̥ܥܺܝܢܰܐ ܡܰܐܝܟܳܐ ܝܳܐ.“ 8ܘܐܡ݄ܪ ܠܰܗ ܠّܶܗ ܝܶܫܽܘܥ: ”ܘܠܳܐ ܐܳܢܳܐ ܟܳܐܡܰܪ ܐ̱ܢܳܐ ܠܟ̥ܽܘ ܒܰܐܝܢܰܐ ܫܽܘܠܛܳܢܳܐ ܟܣܳܝܰܡ ܐ̱ܢܳܐ ܗܰܢܺܝ.“
ܗ̄ܽܘ ܡܰܬ̥ܠܳܐ ܕܰܦّܰܠܳܚ̈ܶܐ ܩ̈ܰܛܳܠܶܐ
ܡܬܝ 21:33‐46؛ ܡܪܩܘܣ 12:1‐12
9ܘ݄ܡܫܰܪܶܐ ܠܶܗ ܕܳܐܡ݄ܪ ܠܽܗ̄ܘ ܥܰܡܳܐ ܗ̄ܽܘ ܡܰܬ̥ܠܰܢܳܐ: ”ܚܰܕ̱ ܓܰܒ̥ܪܳܐ ܢܨܽܒ̥ ܠܶܗ ܟܰܪܡܳܐ، ܘܡܰܙܒܰܛ ܠܶܗ ܠܦܰܠܳܚ̈ܶܐ ܘܰܐܙّܶܗ ܪܰܚ݄ܩ ܙܰܒܢܳܐ ܝܰܪܺܝܟ̥ܳܐ. 10ܘܒܽܗ̄ܘ ܙܰܒܢܳܐ (ܕܰܦّܺܐܪ̈ܶܐ)، ܡܫܰܕܰܪ ܠܶܗ ܚܰܕ̱ ܡܰܢ̱ ܓܪ̈ܶܝܥܰܝܕ̥ܶܗ ܠܓܰܒ ܗ̄ܰܦّܰܠܳܚ̈ܶܐ ܕܳܗ̄ܒ݄ܢ ܠܶܗ ܡܰܢ̱ ܦّܺܐܪ̈ܶܐ ܕܽܗ̄ܘ ܟܰܪܡܳܐ. ܐܶܠܳܐ ܗ̄ܰܦّܰܠܳܚ̈ܶܐ ܡܚܰܠّܰܗ ܠܶܗ ܘ݄ܡܫܰܕܰܪّܶܗ ܣܦܺܝܩܳܐ. 11ܘܕܰܥ݄ܪ ܡܫܰܕܰܪ ܠܶܗ ܓܪܶܝܥܳܐ ܚܪܶܢܳܐ، ܘܗ݄ܢّܶܝ ܠܰܗ̄ܢܳܐ ܣܬܶܝ ܡܚܰܠّܰܗ ܠܶܗ ܘ݄ܡܨܰܥܰܪّܰܗ ܠܶܗ ܘ݄ܡܫܰܕܰܪّܶܗ ܣܦܺܝܩܳܐ. 12ܘܕܰܥ݄ܪ ܡܫܰܕܰܪ ܠܶܗ (ܓܪܶܝܥܳܐ) ܕܰܬܠܳܬ̥ܳܐ، ܘܗ݄ܢّܶܝ ܠܰܗ̄ܘܳܐ ܣܬܶܝ ܨܠ݄ܦّܶܗ ܘܡܰܘܦܰܩّܶܗ. 13ܘܽܗ̄ܘ ܡܳܪܳܐ ܕܽܗ̄ܘ ܟܰܪܡܳܐ ܐܡ݄ܪ ܠܶܗ: ܡ݄ܢ ܣܳܝܰܡ ܐ̱ܢܳܐ؟ ܓ݄ܡܫܰܕܰܪ ܐ̱ܢܳܐ ܗ̄ܽܘ ܐܰܒܪܰܝܕ̥ܺܝ ܗ̄ܽܘ ܚܰܒܺܝܒܳܐ، ܟܺܝܬ ܕܚܳܙ݄ܢ ܠܶܗ ܘܡܺܝܢܰܟܦܺܝ. 14ܘܺܗ̄ܝ ܢܰܩܠܐ ܕ݄ܚܙܰܠّܶܗ ܗ̄ܰܦّܰܠܳܚ̈ܶܐ، ܐ݄ܡّܺܪ̱ܝ ܗ̄ܘܰܘ̱ ܠܪ̈ܽܘܚܰܝّܶܗ: ܗܰܢܳܐ ܝܳܐ ܗ̄ܽܘ ܝܳܪܬ̥ܳܐ، ܬܳܟ̥ܽܘ ܩ݄ܛܠܺܝܢܰܐ ܠܶܗ ܘ݄ܓܕܽܗ̄ܘܝܳܐ ܠܰܢ ܗ̄ܺܝ ܝܳܪܬ̥ܽܘܬ̥ܳܐ. 15ܘܡܰܘܦܰܩّܶܗ ܠܰܪܒ̥ܰܠ ܡܽܗ̄ܘ ܟܰܪܡܳܐ ܘ݄ܩܛ݄ܠّܶܗ. ܗܰܢ ܢܰܩܠܐ ܡ݄ܢ ܓ݄ܕܣܳܝ݄ܡ ܐܰܒّܶܗ ܗ̄ܽܘ ܡܳܪܳܐ ܕܽܗ̄ܘ ܟܰܪܡܳܐ؟ 16ܓܕܳܐܬ̥ܶܐ ܘܓ݄ܡܣܰܟ݄ܪ (ܩܳܛ݄ܠ) ܠܰܦّܰܠܳܚ̈ܰܢ݄ܟ ܘ݄ܓܕܳܗ̄ܒܶܐ ܗ̄ܽܘ ܟܰܪܡܳܐ ܠ݄ܚܪ̈ܶܢܶܐ.“ ܘܺܗ̄ܝ ܢܰܩܠܐ ܕܫܰܡܺܝܥܺܝ ܐܡ݄ܪّܶܗ: ”(ܐܰܠܳܗܳܐ) ܠܳܐ ܣܳܝ݄ܡ ܠܰܗ.“ 17ܘܗܺܝّܶܗ ܚ݄ܪ ܠܶܗ ܐܰܒّܶܗ ܘܐܡ݄ܪ ܠܶܗ: ”ܘܡ݄ܢܝܳܐ ܗܰܝܳܐ ܕ݄ܟܬ̥ܺܝܒ̥ܳܐ: ܗ̄ܺܝ ܟܶܐܦܳܐ ܕܠܳܐ ܡܰܩ݄ܒܠܰܠّܶܗ ܗ̄ܰܒّܰܢܳܝ̈ܶܐ ܗܺܝّܰܗ ܗܰܘܝܳܐ ܠܪܺܝܫܰܗ ܕܺܗ̄ܝ ܩܽܘܪܢܺܝܬ̥ܳܐ؟ 18ܘܟܽܘܠ ܚܰܕ̱ ܕܢܳܦ݄ܠ ܥܰܠ ܗ̄ܺܝ ܟܶܐܦܰܝܳܐ ܓܡ݄ܬܒ̥݄ܪ، ܘ݄ܕܗܺܝّܰܗ ܢ݄ܦܠܳܐ ܐܰܥܠܶܗ ܓܛܳܚܢܳܐ ܠܶܗ ܘܣ݄ܚܢܳܐ ܠܶܗ.“ 19ܘܰܐܒܺܝܥܺܝ ܗ̄ܘܰܘ̱ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܣّܳܦܪ̈ܶܐ ܕܨܰܝܕܺܝ ܠܶܗ ܒܺܗ̄ܝ ܫܳܥܬ̥ܰܝܕ̥ܰܗ ܘܙܰܝܺܝܥܺܝ ܡܽܗ̄ܘ ܥܰܡܳܐ، ܥܰܠ ܕܰܐܕ̥ܺܝܥܺܝ ܕܰܐܥܠܰܝّܶܗ ܐܡ݄ܪ ܠܶܗ ܗ̄ܽܘ ܡܰܬ̥ܠܰܢܳܐ.
ܕܩܶܣܰܪ ܠܩܶܣܰܪ ܘܕܰܐܠܳܗܳܐ ܠܰܐܠܳܗܳܐ
ܡܬܝ 22:15‐22؛ ܡܪܩܘܣ 12:13‐17
20ܘ݄ܡܫܰܕܰܪّܶܗ ܠܓܰܒܶܗ ܓܳܫܽܘ̈ܫܶܐ ܕܡܰܚܘ݄ܢ ܪܽܘܚܰܝّܶܗ ܙܰܕ̈ܺܝܩܶܐ (ܛܳܒ̥̈ܶܐ) ܠܰܫܰܢ ܕܨܰܝܕܺܝ ܠܶܗ ܒܡܶܠܬ̥ܳܐ ܘܡܰܫܠܡܺܝ ܠܶܗ ܠܽܗ̄ܘ ܕܰܝܳܢܳܐ، ܘܠܽܗ̄ܘ ܫܽܘܠܛܳܢܳܐ ܕܽܗ̄ܘ ܫܰܠܺܝܛܳܐ. 21ܘ݄ܡܫܰܐܶܠّܶܗ ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܟ݄ܐܕ̥ܥܺܝܢܰܐ ܕ݄ܬܪܺܝܨܳܐ ܟܡ݄ܫܓ̥ܳܠܰܬ ܘܡܰܘܠܦܰܬ، ܘܠܰܝ̱ܬ ܗ̄ܰܬ ܒܬܰܪܬܶܝ ܦ̈ܳܬ̥ܳܬ̥ܳܐ، ܘܒܽܗ̄ܘ ܫܪܳܪܳܐ ܗ̄ܽܘ ܕܰܪܒܳܐ ܕܰܐܠܳܗܳܐ ܟܡܰܘܠܦܰܬ. 22ܟܳܗ̄ܘܶܐ ܕܳܗ̄ܒܺܝܢܰܐ ܟܣܶܦܪܺܝܫܳܐ ܠܩܶܣܰܪ ܐܰܘ ܠܳܐ؟“ 23ܘܗܺܝّܶܗ ܐܰܕ̥݄ܥ ܗ̄ܺܝ ܢܟ̥ܺܝܠܽܘܬܰܬّ̥ܶܗ، ܘܐܡ݄ܪ ܠܶܗ: ”ܡ݄ܢܝܳܐ ܕܟ݄ܡܢܰܣܺܝܬܽܘ ܠܺܝ؟ 24ܡܰܚܘܰܝܽܘ ܠܺܝ ܕܺܝܢܳܪܳܐ! ܕܡܰܢܝܳܐ ܗ̄ܺܝ ܨܽܘܪܬܳܐ ܘܺܗ̄ܝ ܟܬ̥ܰܒ̥ܬܳܐ ܕܶܐܒܶܗ؟“ ܘܗ݄ܢّܶܝ ܐܡ݄ܪّܶܗ ܕܩܶܣܰܪ. 25ܝܶܫܽܘܥ ܐܡ݄ܪ ܠܰܗ ܠّܶܗ: ”ܗܰܢ ܢܰܩܠܐ ܗܰܒ̥ܽܘ ܗ̄ܽܘ ܡܶܕܶܐ ܕܩܶܣܰܪ ܠܩܶܣܰܪ، ܘܕܰܐܠܳܗܳܐ ܠܰܐܠܳܗܳܐ.“ 26ܘܠܳܐ ܩܰܕܺܝܪܺܝ ܕܨܰܝܕܺܝ ܐܰܥܠܶܗ ܡܶܠܬ̥ܳܐ ܩ݄ܕ̱ܡ ܗ̄ܽܘ ܥܰܡܳܐ. ܘ݄ܡܕܰܘܡܪܺܝ ܡܽܗ̄ܘ ܡܰܐܡܪܰܝܕ̥ܶܗ، ܘܟܰܠ݄ܢ (ܘܠܳܐ ܡܬܰܢܰܠّܶܗ).
ܗ̄ܺܝ ܩܝܰܡܬܳܐ ܕܰܡّܺܝ̈ܬ̥ܶܐ
ܡܬܝ 22:23‐33؛ ܡܪܩܘܣ 12:18‐27
27ܘ݄ܡܩܰܪܰܒّ̥ܶܗ ܢܳܫ̈ܶܐ ܡܰܢ̱ ܙّܰܕ̈ܽܘܩܳܝܶܐ، ܗܰܢ݄ܟ ܕܟ݄ܐܡّܺܪ̱ܝ ܕܠܰܝܬ ܩܝܰܡܬܳܐ، ܘ݄ܡܫܰܐܰܠّܰܗ ܠܶܗ، 28ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܡܽܘܫܶܐ ܟܬ̥ܽܒ̥ ܠܶܗ ܠܰܢ: ܕܶܐܢ ܢܳܫܳܐ ܕܡܳܝ݄ܬ̥ ܐܰܚܽܘܢܶܗ ܕܟ݄ܬ ܠܶܗ ܐܰܢ̱ܬ̥ܬܳܐ ܘܠܰܝ̱ܬ ܠܶܗ ܐܰܒܢ̈ܶܐ ܡܶܢܰܗ، ܛܪܳܐ ܗ̄ܽܘ ܐܰܚܽܘܢܳܐ ܡܳܝ݄ܕ ܗ̄ܺܝ ܐܰܢ̱ܬ̥ܬܳܐ ܘܡܰܩ݄ܡ ܙܰܪܳܥܳܐ ܠܽܗ̄ܘ ܐܰܚܽܘܢܳܐ. 29ܘܟ݄ܬ ܗ̄ܘܰܐ ܫܰܒ̥ܥܳܐ ܐܰܚ̈ܽܘܢܳܢܶܐ، ܗ̄ܽܘ ܩܰܕ̱ܡܳܝܳܐ ܡ݄ܕ ܠܶܗ ܐܰܢ̱ܬ̥ܬܳܐ ܘܡܰܝ݄ܬ̥ ܕܠܳܐ ܐܰܒܢ̈ܶܐ. 30ܘܡܺܝܕܳܐ ܠܶܗ ܗ̄ܽܘ ܐܰܚܽܘܢܳܐ ܕܰܬܪܶܝ ܐܰܢ̱ܬ̥ܬܳܐ ܐܶܠܶܗ، ܘܗܰܢܳܐ ܣܬܶܝ ܡܰܝ݄ܬ̥ ܕܠܳܐ ܐܰܒܢ̈ܶܐ. 31ܘܕܰܬܠܳܬ̥ܳܐ ܣܬܶܝ ܡܺܝܕܳܐ ܠܶܗ، ܘܗܰܘܟ̥ܰܐ ܣܬܶܝ ܗ̄ܰܫّܰܒ̥ܥܳܬ̥ܰܝّܶܗ، ܘܡܰܝܺܝܬ̥ܺܝ ܘܠܳܐ ܛܪܰܠّܶܗ ܐܰܒܢ̈ܶܐ. 32ܘܒܺܗ̄ܝ ܚܰܪܰܝܬܳܐ، ܗ̄ܺܝ ܐܰܢ̱ܬ̥ܬܳܐ ܣܬܶܝ ܡܰܝܺܝܬ̥ܳܐ. 33ܗܰܢ ܢܰܩܠܐ ܒܺܗ̄ܝ ܩܝܰܡܬܳܐ، ܠܰܐܝܢܰܐ ܡ݄ܢّܶܗ ܓܕܽܗ̄ܘܝܳܐ ܐܰܢ̱ܬ̥ܬܳܐ؟ ܡܺܐܝܕ̥ܶܗ ܕܰܫّܰܒ̥ܥܳܐ ܡܺܝܕܰܠّܶܗ؟“ 34ܝܶܫܽܘܥ ܐܡ݄ܪ ܠܰܗ ܠّܶܗ: ”ܗ̄ܰܢ ܐܰܒܢ̈ܶܐ ܕܽܗ̄ܘ ܥܳܠܡܰܢܳܐ ܟܡܰܝܕܺܝ ܢܶܫ̈ܶܐ ܘܢܶܫ̈ܶܐ ܟܳܗ̄ܘ݄ܢ ܠܓܰܒ̥ܪ̈ܶܐ. 35ܐܶܠܳܐ ܗܰܢ݄ܟ ܕܫܰܘ݄ܢ ܠܽܗ̄ܘ ܥܳܠܡܰܘܳܐ، ܘܠܺܗ̄ܝ ܩܝܰܡܬܳܐ ܕ݄ܡܒܰܝܢ ܗ̄ܰܡّܺܝ̈ܬ̥ܶܐ، ܠ݄ܐ ܟܡܰܝܕܺܝ ܢܶܫ̈ܶܐ ܘܠܳܐ ܗ̄ܰܢ ܢܶܫ̈ܶܐ ܟܳܗ̄ܘ݄ܢ ܠܓܰܒ̥ܪ̈ܶܐ. 36ܘܠܳܐ ܢܰܩܠܐ ܚܪܶܬܳܐ ܟ݄ܒّܶܗ ܕܡܰܝܬ̥ܺܝ، ܥܰܠ ܕܟ݄ܬܢܶܝ ܐܟ̥ ܕܰܡّܰܠܰܐܟ̥̈ܶܐ ܘܰܗ̄ܢ ܐܰܒܢ̈ܶܐ ܕܰܐܠܳܗܳܐ ܢܶܝ، ܡܺܐܝܕ̥ܶܗ ܕܗܰܘ݄ܢ ܗ̄ܰܢ ܐܰܒܢ̈ܶܐ ܕܺܗ̄ܝ ܩܝܰܡܬܳܐ. 37ܘ݄ܕܩܰܝܡܺܝ ܗ̄ܰܡّܺܝ̈ܬ̥ܶܐ، ܡܽܘܫܶܐ ܣܬܶܝ ܡܰܚܘܶܐ ܠܶܗ، ܕܟ݄ܪ ܠܶܗ ܒܽܗ̄ܘ ܣܰܠܽܘܢܳܐ ܟܳܐܡ݄ܪ: ܡܳܪܝܳܐ ܐܰܠܳܗܳܐ ܕܰܐܒܪܳܗܳܡ ܘܰܐܠܳܗܳܐ ܕܺܐܝܣܚܳܩ ܘܰܐܠܳܗܳܐ ܕܝܰܥܩܽܘܒ. 38ܘܰܐܠܳܗܳܐ ܠܰܝ̱ܬ ܝܳܐ ܕܰܡّܺܝ̈ܬ̥ܶܐ ܐܶܠܳܐ ܕܰܚّܰܝ̈ܶܐ ܝܳܐ، ܡܺܐܝܕ̥ܶܗ ܕܟܽܘܠّܶܗ ܚܰܝ̈ܶܐ ܢܶܝ ܓܰܒܶܗ.“ 39ܘܢܳܫ̈ܶܐ ܡܰܢ̱ ܣّܳܦܪ̈ܶܐ ܡܰܕܥܰܪّܶܗ ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܫܰܦܺܝܪܳܐ ܟ݄ܐܡّܰܪ̱ܬ.“ 40ܘܢܰܩܠܐ ܚܪܶܬܳܐ ܠܳܐ ܡܰܩܘܰܠّܶܗ ܦܳܬ̥ܰܝّܶܗ ܕ݄ܡܫܰܐܺܠܺܝ ܠܶܗ ܥܰܠ ܡܶܕܶܐ.
ܝܶܫܽܘܥ ܗ̄ܽܘ ܐܰܒܪܳܐ ܕܕܰܘܺܝܕ̥ ܝܳܐ ܘܽܗ̄ܘ ܡܳܪܰܝܕ̥ܶܗ
ܡܬܝ 22:41‐46؛ ܡܪܩܘܣ 12:35‐37
41ܘܐܡ݄ܪ ܠܰܗ ܠّܶܗ: ”ܐܰܝܕܰܪܒܳܐ ܗ̄ܰܣّܳܦܪ̈ܶܐ ܟ݄ܐܡّܺܪ̱ܝ ܥܰܠ ܡܫܺܝܚܳܐ ܕܟ݄ܬ ܝܳܐ ܗ̄ܽܘ ܐܰܒܪܳܐ ܕܕܰܘܺܝܕ̥؟ 42ܘܗܺܝّܶܗ ܕܰܘܺܝܕ̥ ܐܡ݄ܪ ܠܶܗ ܒܽܗ̄ܘ ܟܬ̥ܳܒ̥ܳܐ ܕܰܡّܰܙܡܽܘܪ̈ܶܐ: ܡܳܪܝܳܐ ܐܡ݄ܪ ܠܶܗ ܠܽܗ̄ܘ ܡܳܪܰܝܕ̥ܺܝ، ܝܺܬܰܒ̥ ܡܽܗ̄ܘ ܝܰܡܺܝܢܰܝܕ̥ܺܝ، 43ܗܳܠ ܕܡܰܚ݄ܬ ܐ̱ܢܳܐ ܗ̄ܰܒܥܶܠܕ̈ܒܳܒܰܝܕ̥ܳܟ̥ ܬܰܚܬ ܪ̈ܰܓ̥ܠܳܬ̥ܳܟ̥. 44ܗܰܢ ܢܰܩܠܐ ܐܶܢ ܕܰܘܺܝܕ̥ ܟܩܳܪܶܐ ܠܶܗ ’ܡܳܪܰܝܕ̥ܺܝ‘، ܐܰܝܕܰܪܒܳܐ (ܡܫܺܝܚܳܐ) ܗ̄ܽܘ ܐܰܒܪܰܝܕ̥ܶܗ ܝܳܐ؟“
ܡ݄ܙܕܰܗܶܪܽܘ ܡܰܢ̱ ܣّܳܦܪ̈ܶܐ
ܡܬܝ 23:1‐36؛ ܡܪܩܘܣ 12:38‐40؛ ܠܘܩܐ 11:37‐54
45ܘܺܗ̄ܝ ܢܰܩܠܐ ܕܟܽܘܠܶܗ ܗ̄ܽܘ ܥܰܡܳܐ ܫܳܡܰܥ ܗ̄ܘܰܐ، ܐܡ݄ܪ ܠܶܗ ܠܰܬّܰܠܡܺܝܕ̥̈ܰܝܕ̥ܶܗ: 46”ܡܰܒܶܗܽܘ ܡܰܢ̱ ܣّܳܦܪ̈ܶܐ ܕܟ݄ܐܒܥܺܝ ܡܗܰܠܟ̥ܺܝ ܒ݄ܠܒܽܘܫ̈ܶܐ ܫܰܦܺܝܪ̈ܶܐ، ܘܪ݄ܚܡܺܝ ܫܠܳܡܳܐ ܒܰܫّܽܘܩ̈ܶܐ، ܘܽܗ̄ܘ ܝܬܳܒ̥ܳܐ ܒܺܗ̄ܝ ܩܰܕ̱ܡܰܝܬܳܐ ܒܰܟܢܽܘܫ̈ܳܬ̥ܳܐ، ܘܒܽܗ̄ܘ ܪܺܝܫܳܐ ܒܰܚܫ̈ܰܡܝܳܬ̥ܳܐ. 47ܗܰܢ݄ܟ ܕ݄ܟܡܰܘܪܟ̥ܺܝ ܗ̄ܰܨܠܰܘ̈ܳܬ̥ܰܬّ̥ܶܗ ܠܰܫܰܢ ܕܳܐܟ̥ܠܺܝ ܗ̄ܰܒّܳܬ̈ܶܐ ܕܰܗ̄ܢ ܐܰܪ̈ܡܠܳܬ̥ܳܐ. ܗܰܢܺܝ ܓܡܰܝܕܺܝ ܕܺܝܢܳܐ ܙ݄ܕ ܩܰܫܝܳܐ.“
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation