ܡܓܰܠܝܘܢ ܕܝܘܚܢܢ 3
3
ܡܰܘܠܳܕܳܐ ܚܰܕ̱ܬ̥ܳܐ ܕܡܰܢ̱ ܡّܰܝ̈ܶܐ ܘܡܺܗ̄ܝ ܪܽܘܚܳܐ
1ܘܟ݄ܬ ܗ̄ܘܰܐ ܬܰܡܳܐ ܚܰܕ̱ ܓܰܒ̥ܪܳܐ ܡܰܢ̱ ܦܪ̈ܺܝܫܶܐ، ܐ݄ܫܡܶܗ ܢܺܝܩܳܕܺܡܳܘܣ، ܪܺܝܫܳܐ ܕܰܝّܽܘܕ̥̈ܳܝܶܐ. 2ܗܰܢܳܐ ܐܰܬ̥ܺܝ ܓܰܒ ܝܶܫܽܘܥ ܒܠܰܠܝܳܐ، ܘܐܡ݄ܪ ܠܶܗ ܠܶܗ: ”ܡܰܠܦܳܢܳܐ، ܟܳܐܕ̥ܥܺܝܢܰܐ ܕܡܰܢ̱ ܐܠܳܗܳܐ ܡܫܰܕܪܰܬ ܡܰܠܦܳܢܳܐ، ܥܰܠ ܕܢܳܫܳܐ ܠܰܝܒܶܗ ܣܳܝ݄ܡ ܗ̄ܰܢ ܐ݄ܬ̥ܘ̈ܳܬ̥ܰܢܺܝ ܕܗܰܬ ܟܣܰܝܡܰܬ ܕܠܳܐ ܗ̄ܘܶܐ ܐܰܠܳܗܳܐ ܐܰܥܡܶܗ.“ 3ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܕܶܐܢ ܢܳܫܳܐ ܠܳܐ ܡܺܝܬܰܘܠ݄ܕ̥ ܡܽܗ̄ܘ ܪܺܝܫܳܐ ܠܰܝܒܶܗ ܕܚܳܙܶܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ.“ 4ܟܳܐܡܰܪ ܠܶܗ ܢܺܝܩܳܕܺܡܳܘܣ: ”ܐܰܝܕܰܪܒܳܐ ܓܰܒ̥ܪܳܐ ܣܳܒ̥ܳܐ ܟܺܝܒܶܗ ܕܡܺܝܬܰܘܠ݄ܕ̥؟ ܩܰܝ ܟܺܝܒܶܗ ܢܰܩܠܐ ܚܪܶܬܳܐ ܠܟܰܪܣܰܗ ܕܺܗ̄ܝ ܐܶܡܳܐ ܕܬܰܪܬܶܝ ܟܳܪ̈ܶܐ ܕܥܳܒ݄ܪ ܘܡܺܝܬܰܘܠ݄ܕ̥؟“ 5ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܕܶܐܢ ܢܳܫܳܐ ܠܳܐ ܡܺܝܬܰܘܠ݄ܕ̥ ܡܰܢ̱ ܡّܰܝ̈ܶܐ ܘܡܺܗ̄ܝ ܪܽܘܚܳܐ ܠܰܝܒܶܗ ܕܥܳܒ݄ܪ ܠܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ. 6ܗ̄ܽܘ ܡܶܕܶܐ ܕܡܰܘܠ݄ܕ̥ (ܕ݄ܡܬܰܘܠ݄ܕ̥) ܡܽܗ̄ܘ ܒܰܣܪܳܐ ܒܰܣܪܳܐ ܝܳܐ، ܘܽܗ̄ܘ ܡܶܕܶܐ ܕܡܰܘܠ݄ܕ̥ (ܕ݄ܡܬܰܘܠ݄ܕ̥) ܡܺܗ̄ܝ ܪܽܘܚܳܐ، ܪܽܘܚܳܐ ܝܳܐ. 7ܠܳܐ ܡܺܝܕܰܘܡܪܰܬ ܕܐܡ݄ܪ ܠܺܝ ܠܳܟ̥ ܕܟܳܐܒܰܥܟ̥ܽܘ ܕܡܺܝܬܰܘܠܕ̥ܺܝܬܽܘ ܡܽܗ̄ܘ ܪܺܝܫܳܐ. 8ܗ̄ܺܝ ܗܰܘܰܐ ܟܡ݄ܚܝܳܐ ܒܺܗ̄ܝ ܕܽܘܟܬ̥ܳܐ ܕܟܳܐܒܥܳܐ، ܘܩܳܠܰܗ ܟܫܳܡܥܰܬ، ܐܶܠܳܐ ܠܳܐ ܟܳܐܕ̥ܥܰܬ ܡܰܐܝܟܳܐ ܟܳܐܬ̥ܝܳܐ ܘܠܰܐܝܟܳܐ ܟ݄ܐܙّܰܗ. ܗܰܘܟ̥ܰܐ ܝܳܐ ܟܽܘܠ ܢܳܫܳܐ ܕܡܺܝܬܰܘܠ݄ܕ̥ ܡܺܗ̄ܝ ܪܽܘܚܳܐ.“
9ܡܰܕܥܰܪ ܠܶܗ ܢܺܝܩܳܕܺܡܳܘܣ ܘܐܡ݄ܪ ܠܶܗ ܠܶܗ: ”ܐܰܝܕܰܪܒܳܐ ܟ݄ܒّܶܗ ܗܰܢܺܝ ܕܳܗ̄ܘ݄ܢ؟“ 10ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܗܰܬ ܗ̄ܽܘ ܡܰܠܦܳܢܳܐ ܕܺܐܝܣܪܳܐܶܝܠ، ܘܗܰܢܺܝ ܠ݄ܐ ܟ݄ܐܕ̥ܥܰܬ! 11ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܗ̄ܽܘ ܡܶܕܶܐ ܕܟܳܐܕ̥ܥܺܝܢܰܐ ܟܡ݄ܫܓ̥ܳܠܺܝܢܰܐ، ܘܽܗ̄ܘ ܡܶܕܶܐ ܕ݄ܚܙܶܐ ܠܰܢ ܟܣܳܗܕܺܝܢܰܐ، ܘܺܗ̄ܝ ܣܳܗܕܽܘܬ̥ܰܝܕ̥ܰܢ ܠ݄ܐ ܟܡܰܩܒܠܺܝܬܽܘ. 12ܐܶܢ ܥܰܠ ܗܰܢܺܝ ܕܒܺܗ̄ܝ ܐܰܪܥܳܐ ܐܡ݄ܪ ܠܺܝ ܠܟ̥ܽܘ ܘܠ݄ܐ ܟ݄ܡܗܰܝܡܢܺܝܬܽܘ، ܐܰܝܕܰܪܒܳܐ ܓ݄ܡܗܰܝܡܢܺܝܬܽܘ ܠܺܝ ܐܶܢ ܕܳܐܡܰܪ ܐ̱ܢܳܐ ܠܟ̥ܽܘ ܥܰܠ ܗܰܢܺܝ ܕܒܺܗ̄ܝ ܫܡܰܝܳܐ؟ 13ܘܠܳܐ ܢܳܫܳܐ ܣܰܠ݄ܩ ܠܺܗ̄ܝ ܫܡܰܝܳܐ، ܐܶܠܳܐ ܗܰܘܳܐ ܕܢܰܚ݄ܬ ܡܺܗ̄ܝ ܫܡܰܝܳܐ، ܐܰܒܪܶܗ ܕܢܳܫܳܐ ܗܰܘܳܐ ܕܟ݄ܬ ܝܳܐ ܒܺܗ̄ܝ ܫܡܰܝܳܐ.
14ܘܒܶܗ ܐܰܝܕܰܪܒܳܐ ܡܰܥܠܶܐ ܠܶܗ ܡܽܘܫܶܐ ܗ̄ܺܝ ܟܽܘܪܦܳܐ ܒܽܗ̄ܘ ܡܰܕ̥ܒܪܳܐ، ܗܰܘܟ̥ܰܐ ܓܡܺܝܬܰܥܠܶܐ ܐܰܒܪܶܗ ܕܢܳܫܳܐ. 15ܕܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ ܠ݄ܐ ܟܡܺܝܣܰܟ݄ܪ (ܘܡܳܝ݄ܬ̥)، ܐܶܠܳܐ ܓܕܳܗ̄ܘ݄ܢ ܠܶܗ ܚܰܝ̈ܶܐ ܕ݄ܠܥܳܠܰܡ. 16ܡܺܐܝܕ̥ܶܗ ܕܗܰܩܰܐ ܐܰܠܳܗܳܐ ܪܚ݄ܡ ܠܶܗ ܗ̄ܽܘ ܥܳܠܡܳܐ ܗܳܠ ܕܳܗ̄ܒܶܐ ܗ̄ܽܘ ܐܰܒܪܰܝܕ̥ܶܗ ܗ̄ܽܘ ܝܺܚܺܝܕ̥ܳܝܳܐ، ܕܟܽܘܠ ܕ݄ܡܗܰܝܡ݄ܢ ܐܶܒܶܗ ܠ݄ܐ ܓܡܺܝܣܰܟ݄ܪ (ܘܡܳܝ݄ܬ̥)، ܐܶܠܳܐ ܓܕܳܗ̄ܘ݄ܢ ܠܶܗ ܚܰܝ̈ܶܐ ܕ݄ܠܥܳܠܰܡ. 17ܠܳܐ ܡܫܰܕܰܪ ܠܶܗ ܐܰܠܳܗܳܐ ܗ̄ܽܘ ܐܰܒܪܰܝܕ̥ܶܗ ܠܽܗ̄ܘ ܥܳܠܡܳܐ ܕܕܳܝ݄ܢ ܗ̄ܽܘ ܥܳܠܡܳܐ، ܐܶܠܳܐ ܕܚܳܝܶܐ ܗ̄ܽܘ ܥܳܠܡܳܐ ܒܺܐܝܕ̥ܶܗ. 18ܡܰܢ ܕ݄ܡܗܰܝܡ݄ܢ ܐܶܒܶܗ ܠ݄ܐ ܟܡܺܝܕ݄ܢ (ܟܡ݄ܚܟ݄ܡ)، ܘܡܰܢ ܕܠܳܐ ܡܗܰܝܡ݄ܢ ܟܰܐܠܶܗ ܡܶܢ̱ ܙܰܒܢܳܐ ܕܺܝܢ (ܚܟܺܝܡ ܐܰܥܠܶܗ)، ܥܰܠ ܕܠܳܐ ܡܗܰܝܡܰܢ ܠܶܗ ܒ݄ܐܫܡܶܗ ܕܽܗ̄ܘ ܝܺܚܺܝܕ̥ܳܝܳܐ، ܗ̄ܽܘ ܐܰܒܪܳܐ ܕܰܐܠܳܗܳܐ. 19ܘܗܰܢܳܐ ܝܳܐ ܗ̄ܽܘ ܕܺܝܢܳܐ: ܗ̄ܽܘ ܢܽܘܗܪܳܐ ܐܰܬ̥ܺܝ ܠܽܗ̄ܘ ܥܳܠܡܳܐ، ܘܰܗ̄ܢ ܢܳܫ̈ܶܐ ܪܚ݄ܡّܶܗ ܗ̄ܽܘ ܚܶܫܟ̥ܳܐ ܙ݄ܕ ܡܽܗ̄ܘ ܢܽܘܗܪܳܐ، ܥܰܠ ܕܰܥܒܳܕ̈ܰܬ̥ܰܬ̥ܶܗ ܒܺܝܫ̈ܶܐ ܗ̄ܘܰܝܢܶܝ. 20ܡܺܐܝܕ̥ܶܗ ܕܟܽܘܠ ܚܰܕ̱ ܕ݄ܟܣܳܝ݄ܡ ܒܺܝܫ̈ܳܬ̥ܳܐ ܟ݄ܡܥܰܢ݄ܬ ܡܽܗ̄ܘ ܢܽܘܗܪܳܐ، ܘܠܳܐ ܟܳܐܬ̥ܶܐ ܠܽܗ̄ܘ ܢܽܘܗܪܳܐ ܕܠܳܐ ܡ݄ܓܠ݄ܢ ܗ̄ܰܥّܰܝܒ̈ܶܐ ܕܰܥܒܳܕ̥̈ܰܝܕ̥ܶܗ. 21ܐܶܠܳܐ ܗܰܘܳܐ ܕ݄ܟܣܳܝ݄ܡ ܗ̄ܽܘ ܫܪܳܪܳܐ، ܟܳܐܬ̥ܶܐ ܓܰܒ ܗ̄ܽܘ ܢܽܘܗܪܳܐ ܕܡܺܝܕ̥ܳܥܺܝ ܕܰܥܒܳܕ̥̈ܰܝܕ̥ܶܗ ܡܰܢ̱ ܐܠܳܗܳܐ ܢܶܝ.“
ܗ̄ܺܝ ܣܳܗܕܽܘܬ̥ܳܐ ܕܰܬܠ݄ܬ̥ ܕܝܽܘܚܰܢܳܢ
ܗܰܘܳܐ ܕܰܐܬ̥ܺܝ ܡܶܢ ܠܰܠܥ݄ܠ ܠܰܠܥ݄ܠ ܡܶܢ̱ ܟܽܘܠ ܝܳܐ
22ܒ݄ܬ̥݄ܪ ܡܰܗ̄ܢܺܝ، ܐܰܬ̥ܺܝ ܝܶܫܽܘܥ ܘܰܬّܰܠܡܺܝܕ̥̈ܰܝܕ̥ܶܗ ܠܰܐܪܥܳܐ ܕܺܝܗܽܘܕ̥، ܘܬܰܡܳܐ ܟܳܪܰܟ̥ ܗ̄ܘܰܐ ܐܰܥܡܰܝّܶܗ ܘܡܰܥܡܰܕ̥ ܗ̄ܘܰܐ. 23ܘܝܽܘܚܰܢܳܢ ܣܬܶܝ ܡܰܥܡܰܕ̥ ܗ̄ܘܰܐ ܒܥܺܝܢ ܝܘ̇ܢ، ܕܥܰܠ ܗ̄ܽܘ ܓܰܒܳܐ ܕܫܳܠܺܝܡ، ܥܰܠ ܕܟ݄ܬ ܗ̄ܘܰܐ ܬܰܡܳܐ ܡܰܝ̈ܶܐ ܓ̥ܰܠܰܒܶܐ، ܘܳܐܬ̥݄ܢ ܘܥܳܡܕܺܝ ܗ̄ܘܰܘ̱. 24ܘܝܽܘܚܰܢܳܢ ܗܶܫ ܠܳܐ ܢܰܦ݄ܠ ܗ̄ܘܰܐ ܒܽܗ̄ܘ ܚܒܽܘܫܝܳܐ. 25ܘܗܰܘܺܝ ܗ̄ܘܰܐ ܡܰܐܡܪܳܐ ܘܬܶܢܳܝܳܐ ܠܚܰܕ̱ ܡܰܢ̱ ܬّܰܠܡܺܝܕ̥̈ܶܐ ܕܝܽܘܚܰܢܳܢ ܥܰܡ ܚܰܕ̱ ܝܽܘܕ̥ܳܝܳܐ ܥܰܠ ܗ̄ܽܘ ܬܶܫܺܝܓ̥ܳܐ. 26ܘܰܐܬ̥݄ܢ ܓܰܒ ܝܽܘܚܰܢܳܢ ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܗܰܘܳܐ ܕܟ݄ܬ ܗ̄ܘܰܐ ܐܰܥܡܳܟ̥ ܒܽܗ̄ܘ ܓܰܒܳܐ ܚܪܶܢܳܐ ܕܝܽܘܪܕܢܳܢ، ܕܗܰܬ ܣܗ݄ܕ ܠܳܟ̥ ܐܰܥܠܶܗ، ܟܰܐܠܶܗ ܗܺܝّܶܗ ܣܬܶܝ ܟܡܰܥܡ݄ܕ̥، ܘܓ̥ܰܠܰܒܶܐ ܟܳܐܬ̥݄ܢ ܠܓܰܒܶܗ.“ 27ܡܰܕܥܰܪ ܠܶܗ ܝܽܘܚܰܢܳܢ ܘܐܡ݄ܪ ܠܰܗ ܠّܶܗ: ”ܢܳܫܳܐ، ܡܶܩ݄ܕ̱ܡ ܪܽܘܚܶܗ، ܠܰܝܒܶܗ ܡܳܝ݄ܕ ܡܶܕܶܐ ܕܠܳܐ ܡܺܝܬܰܗܒ̥ܶܐ ܠܶܗ ܡܺܗ̄ܝ ܫܡܰܝܳܐ. 28ܗܰܬܽܘ ܟܣܳܗܕܺܝܬܽܘ ܠܺܝ ܕܐܡ݄ܪ ܠܺܝ: ܐܳܢܳܐ ܠܰܝ̱ܬ ܐ̱ܢܳܐ ܡܫܺܝܚܳܐ، ܐܶܠܳܐ ܫܠܺܝܚܳܐ ܐ̱ܢܳܐ ܕܩܰܕ̱ܡܽܘܬ̥ܶܗ. 29ܡܰܢ ܕܟ݄ܬ ܠܶܗ ܟܰܠܳܐ ܗܺܝّܶܗ ܝܳܐ ܗ̄ܽܘ ܚܰܬ̥ܢܳܐ. ܘܽܗ̄ܘ ܪܳܚܡܳܐ ܕܽܗ̄ܘ ܚܰܬ̥ܢܳܐ، ܗܰܘܳܐ ܕ݄ܟܟܳܠܶܐ ܥܰܡ ܓܰܒܶܗ ܘ݄ܟܡܰܨ݄ܬ̥ ܐܰܥܠܶܗ، ܦܨܺܝܚܽܘܬ̥ܳܐ ܪܰܒܬ̥ܳܐ ܟܡ݄ܦܨ݄ܚ ܠܩܳܠܶܗ ܕܽܗ̄ܘ ܚܰܬ̥ܢܳܐ. ܡܰܗ̄ܘܟ̥ܰܐ ܗܰܬ̥ܶܐ ܝܳܐ ܗ̄ܺܝ ܦܨܺܝܚܽܘܬ̥ܰܝܕ̥ܺܝ، ܟܰܐܠܰܗ ܡܰܠܝܳܐ (ܘܟܰܡܺܝܠܳܐ). 30ܗܰܘܳܐ ܟܠܳܙ݄ܡ ܕܝܳܪܽܒ̥، ܘܳܐܢܳܐ ܕܢܳܩܰܨ ܐ̱ܢܳܐ. 31ܡܺܐܝܕ̥ܶܗ ܕܗܰܘܳܐ ܕܰܐܬ̥ܺܝ ܡܶܢ̱ ܠܰܠܥ݄ܠ، ܠܰܠܥ݄ܠ ܡܶܢ̱ ܟܽܘܠ ܝܳܐ. ܘܗܰܘܳܐ ܕܟ݄ܬ ܝܳܐ ܡܺܗ̄ܝ ܐܰܪܥܳܐ، ܡܺܗ̄ܝ ܐܰܪܥܳܐ ܝܳܐ، ܘܡܺܗ̄ܝ ܐܰܪܥܳܐ ܟܡ݄ܫܓ̥݄ܠ. ܐܶܠܳܐ ܗܰܘܳܐ ܕܰܐܬ̥ܺܝ ܡܺܗ̄ܝ ܫܡܰܝܳܐ، ܠܰܠܥ݄ܠ ܡܶܢ̱ ܟܽܘܠ ܝܳܐ. 32ܘܽܗ̄ܘ ܡܶܕܶܐ ܕ݄ܚܙܶܐ ܠܶܗ ܘܫܰܡ݄ܥ ܟܣܳܗ݄ܕ، ܘܢܳܫܳܐ ܠ݄ܐ ܟܡܰܩܒ݄ܠ ܗ̄ܺܝ ܣܳܗܕܽܘܬ̥ܰܝܕ̥ܶܗ. 33ܘܗܰܘܳܐ ܕܡܰܩܒܶܠ ܠܶܗ ܗ̄ܺܝ ܣܳܗܕܽܘܬ̥ܰܝܕ̥ܶܗ، ܚܬ̥݄ܡ ܠܶܗ (ܘܡܰܘܕܶܐ ܠܶܗ): ܕܰܐܠܳܗܳܐ ܫܰܪܺܝܪܳܐ ܝܳܐ. 34ܘܰܐܝܢܰܐ ܕܰܐܠܳܗܳܐ ܡܫܰܕܰܪ ܠܶܗ، ܗ̄ܰܡّܰܐܡܪ̈ܶܐ ܕܰܐܠܳܗܳܐ ܟܡ݄ܫܓ̥݄ܠ، ܡܺܐܝܕ̥ܶܗ ܕܰܐܠܳܗܳܐ ܠܳܐ ܒܽܗ̄ܘ ܟܰܝܠܳܐ ܗܽܒ̥ ܠܶܗ ܗ̄ܺܝ ܪܽܘܚܳܐ. 35ܗ̄ܽܘ ܐܰܒܳܐ ܟܪܳܚ݄ܡ ܗ̄ܽܘ ܐܰܒܪܳܐ، ܘܟܽܘܠ ܡܶܕܶܐ ܗܽܒ̥ ܠܶܗ (ܘܡܰܚܰܬ ܠܶܗ) ܒܺܐܝܕ̥ܶܗ. 36ܡܰܢ ܕ݄ܡܗܰܝܡ݄ܢ ܒܽܗ̄ܘ ܐܰܒܪܳܐ، ܟ݄ܬ ܠܶܗ ܚܰܝ̈ܶܐ ܕ݄ܠܥܳܠܰܡ، ܘܡܰܢ ܕܠ݄ܐ ܟܫܳܡ݄ܥ ܠܽܗ̄ܘ ܐܰܒܪܳܐ ܠ݄ܐ ܟܚܳܙܶܐ ܚܰܝ̈ܶܐ، ܐܶܠܳܐ ܗ̄ܽܘ ܪܽܘܓ̥ܙܳܐ ܕܰܐܠܳܗܳܐ ܓܦܳܝ݄ܫ ܐܰܥܠܶܗ.“
Valið núna:
ܡܓܰܠܝܘܢ ܕܝܘܚܢܢ 3: ܟܬܒܐ
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 3
3
ܡܰܘܠܳܕܳܐ ܚܰܕ̱ܬ̥ܳܐ ܕܡܰܢ̱ ܡّܰܝ̈ܶܐ ܘܡܺܗ̄ܝ ܪܽܘܚܳܐ
1ܘܟ݄ܬ ܗ̄ܘܰܐ ܬܰܡܳܐ ܚܰܕ̱ ܓܰܒ̥ܪܳܐ ܡܰܢ̱ ܦܪ̈ܺܝܫܶܐ، ܐ݄ܫܡܶܗ ܢܺܝܩܳܕܺܡܳܘܣ، ܪܺܝܫܳܐ ܕܰܝّܽܘܕ̥̈ܳܝܶܐ. 2ܗܰܢܳܐ ܐܰܬ̥ܺܝ ܓܰܒ ܝܶܫܽܘܥ ܒܠܰܠܝܳܐ، ܘܐܡ݄ܪ ܠܶܗ ܠܶܗ: ”ܡܰܠܦܳܢܳܐ، ܟܳܐܕ̥ܥܺܝܢܰܐ ܕܡܰܢ̱ ܐܠܳܗܳܐ ܡܫܰܕܪܰܬ ܡܰܠܦܳܢܳܐ، ܥܰܠ ܕܢܳܫܳܐ ܠܰܝܒܶܗ ܣܳܝ݄ܡ ܗ̄ܰܢ ܐ݄ܬ̥ܘ̈ܳܬ̥ܰܢܺܝ ܕܗܰܬ ܟܣܰܝܡܰܬ ܕܠܳܐ ܗ̄ܘܶܐ ܐܰܠܳܗܳܐ ܐܰܥܡܶܗ.“ 3ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܕܶܐܢ ܢܳܫܳܐ ܠܳܐ ܡܺܝܬܰܘܠ݄ܕ̥ ܡܽܗ̄ܘ ܪܺܝܫܳܐ ܠܰܝܒܶܗ ܕܚܳܙܶܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ.“ 4ܟܳܐܡܰܪ ܠܶܗ ܢܺܝܩܳܕܺܡܳܘܣ: ”ܐܰܝܕܰܪܒܳܐ ܓܰܒ̥ܪܳܐ ܣܳܒ̥ܳܐ ܟܺܝܒܶܗ ܕܡܺܝܬܰܘܠ݄ܕ̥؟ ܩܰܝ ܟܺܝܒܶܗ ܢܰܩܠܐ ܚܪܶܬܳܐ ܠܟܰܪܣܰܗ ܕܺܗ̄ܝ ܐܶܡܳܐ ܕܬܰܪܬܶܝ ܟܳܪ̈ܶܐ ܕܥܳܒ݄ܪ ܘܡܺܝܬܰܘܠ݄ܕ̥؟“ 5ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܕܶܐܢ ܢܳܫܳܐ ܠܳܐ ܡܺܝܬܰܘܠ݄ܕ̥ ܡܰܢ̱ ܡّܰܝ̈ܶܐ ܘܡܺܗ̄ܝ ܪܽܘܚܳܐ ܠܰܝܒܶܗ ܕܥܳܒ݄ܪ ܠܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ. 6ܗ̄ܽܘ ܡܶܕܶܐ ܕܡܰܘܠ݄ܕ̥ (ܕ݄ܡܬܰܘܠ݄ܕ̥) ܡܽܗ̄ܘ ܒܰܣܪܳܐ ܒܰܣܪܳܐ ܝܳܐ، ܘܽܗ̄ܘ ܡܶܕܶܐ ܕܡܰܘܠ݄ܕ̥ (ܕ݄ܡܬܰܘܠ݄ܕ̥) ܡܺܗ̄ܝ ܪܽܘܚܳܐ، ܪܽܘܚܳܐ ܝܳܐ. 7ܠܳܐ ܡܺܝܕܰܘܡܪܰܬ ܕܐܡ݄ܪ ܠܺܝ ܠܳܟ̥ ܕܟܳܐܒܰܥܟ̥ܽܘ ܕܡܺܝܬܰܘܠܕ̥ܺܝܬܽܘ ܡܽܗ̄ܘ ܪܺܝܫܳܐ. 8ܗ̄ܺܝ ܗܰܘܰܐ ܟܡ݄ܚܝܳܐ ܒܺܗ̄ܝ ܕܽܘܟܬ̥ܳܐ ܕܟܳܐܒܥܳܐ، ܘܩܳܠܰܗ ܟܫܳܡܥܰܬ، ܐܶܠܳܐ ܠܳܐ ܟܳܐܕ̥ܥܰܬ ܡܰܐܝܟܳܐ ܟܳܐܬ̥ܝܳܐ ܘܠܰܐܝܟܳܐ ܟ݄ܐܙّܰܗ. ܗܰܘܟ̥ܰܐ ܝܳܐ ܟܽܘܠ ܢܳܫܳܐ ܕܡܺܝܬܰܘܠ݄ܕ̥ ܡܺܗ̄ܝ ܪܽܘܚܳܐ.“
9ܡܰܕܥܰܪ ܠܶܗ ܢܺܝܩܳܕܺܡܳܘܣ ܘܐܡ݄ܪ ܠܶܗ ܠܶܗ: ”ܐܰܝܕܰܪܒܳܐ ܟ݄ܒّܶܗ ܗܰܢܺܝ ܕܳܗ̄ܘ݄ܢ؟“ 10ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܗܰܬ ܗ̄ܽܘ ܡܰܠܦܳܢܳܐ ܕܺܐܝܣܪܳܐܶܝܠ، ܘܗܰܢܺܝ ܠ݄ܐ ܟ݄ܐܕ̥ܥܰܬ! 11ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܗ̄ܽܘ ܡܶܕܶܐ ܕܟܳܐܕ̥ܥܺܝܢܰܐ ܟܡ݄ܫܓ̥ܳܠܺܝܢܰܐ، ܘܽܗ̄ܘ ܡܶܕܶܐ ܕ݄ܚܙܶܐ ܠܰܢ ܟܣܳܗܕܺܝܢܰܐ، ܘܺܗ̄ܝ ܣܳܗܕܽܘܬ̥ܰܝܕ̥ܰܢ ܠ݄ܐ ܟܡܰܩܒܠܺܝܬܽܘ. 12ܐܶܢ ܥܰܠ ܗܰܢܺܝ ܕܒܺܗ̄ܝ ܐܰܪܥܳܐ ܐܡ݄ܪ ܠܺܝ ܠܟ̥ܽܘ ܘܠ݄ܐ ܟ݄ܡܗܰܝܡܢܺܝܬܽܘ، ܐܰܝܕܰܪܒܳܐ ܓ݄ܡܗܰܝܡܢܺܝܬܽܘ ܠܺܝ ܐܶܢ ܕܳܐܡܰܪ ܐ̱ܢܳܐ ܠܟ̥ܽܘ ܥܰܠ ܗܰܢܺܝ ܕܒܺܗ̄ܝ ܫܡܰܝܳܐ؟ 13ܘܠܳܐ ܢܳܫܳܐ ܣܰܠ݄ܩ ܠܺܗ̄ܝ ܫܡܰܝܳܐ، ܐܶܠܳܐ ܗܰܘܳܐ ܕܢܰܚ݄ܬ ܡܺܗ̄ܝ ܫܡܰܝܳܐ، ܐܰܒܪܶܗ ܕܢܳܫܳܐ ܗܰܘܳܐ ܕܟ݄ܬ ܝܳܐ ܒܺܗ̄ܝ ܫܡܰܝܳܐ.
14ܘܒܶܗ ܐܰܝܕܰܪܒܳܐ ܡܰܥܠܶܐ ܠܶܗ ܡܽܘܫܶܐ ܗ̄ܺܝ ܟܽܘܪܦܳܐ ܒܽܗ̄ܘ ܡܰܕ̥ܒܪܳܐ، ܗܰܘܟ̥ܰܐ ܓܡܺܝܬܰܥܠܶܐ ܐܰܒܪܶܗ ܕܢܳܫܳܐ. 15ܕܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ ܠ݄ܐ ܟܡܺܝܣܰܟ݄ܪ (ܘܡܳܝ݄ܬ̥)، ܐܶܠܳܐ ܓܕܳܗ̄ܘ݄ܢ ܠܶܗ ܚܰܝ̈ܶܐ ܕ݄ܠܥܳܠܰܡ. 16ܡܺܐܝܕ̥ܶܗ ܕܗܰܩܰܐ ܐܰܠܳܗܳܐ ܪܚ݄ܡ ܠܶܗ ܗ̄ܽܘ ܥܳܠܡܳܐ ܗܳܠ ܕܳܗ̄ܒܶܐ ܗ̄ܽܘ ܐܰܒܪܰܝܕ̥ܶܗ ܗ̄ܽܘ ܝܺܚܺܝܕ̥ܳܝܳܐ، ܕܟܽܘܠ ܕ݄ܡܗܰܝܡ݄ܢ ܐܶܒܶܗ ܠ݄ܐ ܓܡܺܝܣܰܟ݄ܪ (ܘܡܳܝ݄ܬ̥)، ܐܶܠܳܐ ܓܕܳܗ̄ܘ݄ܢ ܠܶܗ ܚܰܝ̈ܶܐ ܕ݄ܠܥܳܠܰܡ. 17ܠܳܐ ܡܫܰܕܰܪ ܠܶܗ ܐܰܠܳܗܳܐ ܗ̄ܽܘ ܐܰܒܪܰܝܕ̥ܶܗ ܠܽܗ̄ܘ ܥܳܠܡܳܐ ܕܕܳܝ݄ܢ ܗ̄ܽܘ ܥܳܠܡܳܐ، ܐܶܠܳܐ ܕܚܳܝܶܐ ܗ̄ܽܘ ܥܳܠܡܳܐ ܒܺܐܝܕ̥ܶܗ. 18ܡܰܢ ܕ݄ܡܗܰܝܡ݄ܢ ܐܶܒܶܗ ܠ݄ܐ ܟܡܺܝܕ݄ܢ (ܟܡ݄ܚܟ݄ܡ)، ܘܡܰܢ ܕܠܳܐ ܡܗܰܝܡ݄ܢ ܟܰܐܠܶܗ ܡܶܢ̱ ܙܰܒܢܳܐ ܕܺܝܢ (ܚܟܺܝܡ ܐܰܥܠܶܗ)، ܥܰܠ ܕܠܳܐ ܡܗܰܝܡܰܢ ܠܶܗ ܒ݄ܐܫܡܶܗ ܕܽܗ̄ܘ ܝܺܚܺܝܕ̥ܳܝܳܐ، ܗ̄ܽܘ ܐܰܒܪܳܐ ܕܰܐܠܳܗܳܐ. 19ܘܗܰܢܳܐ ܝܳܐ ܗ̄ܽܘ ܕܺܝܢܳܐ: ܗ̄ܽܘ ܢܽܘܗܪܳܐ ܐܰܬ̥ܺܝ ܠܽܗ̄ܘ ܥܳܠܡܳܐ، ܘܰܗ̄ܢ ܢܳܫ̈ܶܐ ܪܚ݄ܡّܶܗ ܗ̄ܽܘ ܚܶܫܟ̥ܳܐ ܙ݄ܕ ܡܽܗ̄ܘ ܢܽܘܗܪܳܐ، ܥܰܠ ܕܰܥܒܳܕ̈ܰܬ̥ܰܬ̥ܶܗ ܒܺܝܫ̈ܶܐ ܗ̄ܘܰܝܢܶܝ. 20ܡܺܐܝܕ̥ܶܗ ܕܟܽܘܠ ܚܰܕ̱ ܕ݄ܟܣܳܝ݄ܡ ܒܺܝܫ̈ܳܬ̥ܳܐ ܟ݄ܡܥܰܢ݄ܬ ܡܽܗ̄ܘ ܢܽܘܗܪܳܐ، ܘܠܳܐ ܟܳܐܬ̥ܶܐ ܠܽܗ̄ܘ ܢܽܘܗܪܳܐ ܕܠܳܐ ܡ݄ܓܠ݄ܢ ܗ̄ܰܥّܰܝܒ̈ܶܐ ܕܰܥܒܳܕ̥̈ܰܝܕ̥ܶܗ. 21ܐܶܠܳܐ ܗܰܘܳܐ ܕ݄ܟܣܳܝ݄ܡ ܗ̄ܽܘ ܫܪܳܪܳܐ، ܟܳܐܬ̥ܶܐ ܓܰܒ ܗ̄ܽܘ ܢܽܘܗܪܳܐ ܕܡܺܝܕ̥ܳܥܺܝ ܕܰܥܒܳܕ̥̈ܰܝܕ̥ܶܗ ܡܰܢ̱ ܐܠܳܗܳܐ ܢܶܝ.“
ܗ̄ܺܝ ܣܳܗܕܽܘܬ̥ܳܐ ܕܰܬܠ݄ܬ̥ ܕܝܽܘܚܰܢܳܢ
ܗܰܘܳܐ ܕܰܐܬ̥ܺܝ ܡܶܢ ܠܰܠܥ݄ܠ ܠܰܠܥ݄ܠ ܡܶܢ̱ ܟܽܘܠ ܝܳܐ
22ܒ݄ܬ̥݄ܪ ܡܰܗ̄ܢܺܝ، ܐܰܬ̥ܺܝ ܝܶܫܽܘܥ ܘܰܬّܰܠܡܺܝܕ̥̈ܰܝܕ̥ܶܗ ܠܰܐܪܥܳܐ ܕܺܝܗܽܘܕ̥، ܘܬܰܡܳܐ ܟܳܪܰܟ̥ ܗ̄ܘܰܐ ܐܰܥܡܰܝّܶܗ ܘܡܰܥܡܰܕ̥ ܗ̄ܘܰܐ. 23ܘܝܽܘܚܰܢܳܢ ܣܬܶܝ ܡܰܥܡܰܕ̥ ܗ̄ܘܰܐ ܒܥܺܝܢ ܝܘ̇ܢ، ܕܥܰܠ ܗ̄ܽܘ ܓܰܒܳܐ ܕܫܳܠܺܝܡ، ܥܰܠ ܕܟ݄ܬ ܗ̄ܘܰܐ ܬܰܡܳܐ ܡܰܝ̈ܶܐ ܓ̥ܰܠܰܒܶܐ، ܘܳܐܬ̥݄ܢ ܘܥܳܡܕܺܝ ܗ̄ܘܰܘ̱. 24ܘܝܽܘܚܰܢܳܢ ܗܶܫ ܠܳܐ ܢܰܦ݄ܠ ܗ̄ܘܰܐ ܒܽܗ̄ܘ ܚܒܽܘܫܝܳܐ. 25ܘܗܰܘܺܝ ܗ̄ܘܰܐ ܡܰܐܡܪܳܐ ܘܬܶܢܳܝܳܐ ܠܚܰܕ̱ ܡܰܢ̱ ܬّܰܠܡܺܝܕ̥̈ܶܐ ܕܝܽܘܚܰܢܳܢ ܥܰܡ ܚܰܕ̱ ܝܽܘܕ̥ܳܝܳܐ ܥܰܠ ܗ̄ܽܘ ܬܶܫܺܝܓ̥ܳܐ. 26ܘܰܐܬ̥݄ܢ ܓܰܒ ܝܽܘܚܰܢܳܢ ܘܐܡ݄ܪّܰܗ ܠܶܗ: ”ܡܰܠܦܳܢܳܐ، ܗܰܘܳܐ ܕܟ݄ܬ ܗ̄ܘܰܐ ܐܰܥܡܳܟ̥ ܒܽܗ̄ܘ ܓܰܒܳܐ ܚܪܶܢܳܐ ܕܝܽܘܪܕܢܳܢ، ܕܗܰܬ ܣܗ݄ܕ ܠܳܟ̥ ܐܰܥܠܶܗ، ܟܰܐܠܶܗ ܗܺܝّܶܗ ܣܬܶܝ ܟܡܰܥܡ݄ܕ̥، ܘܓ̥ܰܠܰܒܶܐ ܟܳܐܬ̥݄ܢ ܠܓܰܒܶܗ.“ 27ܡܰܕܥܰܪ ܠܶܗ ܝܽܘܚܰܢܳܢ ܘܐܡ݄ܪ ܠܰܗ ܠّܶܗ: ”ܢܳܫܳܐ، ܡܶܩ݄ܕ̱ܡ ܪܽܘܚܶܗ، ܠܰܝܒܶܗ ܡܳܝ݄ܕ ܡܶܕܶܐ ܕܠܳܐ ܡܺܝܬܰܗܒ̥ܶܐ ܠܶܗ ܡܺܗ̄ܝ ܫܡܰܝܳܐ. 28ܗܰܬܽܘ ܟܣܳܗܕܺܝܬܽܘ ܠܺܝ ܕܐܡ݄ܪ ܠܺܝ: ܐܳܢܳܐ ܠܰܝ̱ܬ ܐ̱ܢܳܐ ܡܫܺܝܚܳܐ، ܐܶܠܳܐ ܫܠܺܝܚܳܐ ܐ̱ܢܳܐ ܕܩܰܕ̱ܡܽܘܬ̥ܶܗ. 29ܡܰܢ ܕܟ݄ܬ ܠܶܗ ܟܰܠܳܐ ܗܺܝّܶܗ ܝܳܐ ܗ̄ܽܘ ܚܰܬ̥ܢܳܐ. ܘܽܗ̄ܘ ܪܳܚܡܳܐ ܕܽܗ̄ܘ ܚܰܬ̥ܢܳܐ، ܗܰܘܳܐ ܕ݄ܟܟܳܠܶܐ ܥܰܡ ܓܰܒܶܗ ܘ݄ܟܡܰܨ݄ܬ̥ ܐܰܥܠܶܗ، ܦܨܺܝܚܽܘܬ̥ܳܐ ܪܰܒܬ̥ܳܐ ܟܡ݄ܦܨ݄ܚ ܠܩܳܠܶܗ ܕܽܗ̄ܘ ܚܰܬ̥ܢܳܐ. ܡܰܗ̄ܘܟ̥ܰܐ ܗܰܬ̥ܶܐ ܝܳܐ ܗ̄ܺܝ ܦܨܺܝܚܽܘܬ̥ܰܝܕ̥ܺܝ، ܟܰܐܠܰܗ ܡܰܠܝܳܐ (ܘܟܰܡܺܝܠܳܐ). 30ܗܰܘܳܐ ܟܠܳܙ݄ܡ ܕܝܳܪܽܒ̥، ܘܳܐܢܳܐ ܕܢܳܩܰܨ ܐ̱ܢܳܐ. 31ܡܺܐܝܕ̥ܶܗ ܕܗܰܘܳܐ ܕܰܐܬ̥ܺܝ ܡܶܢ̱ ܠܰܠܥ݄ܠ، ܠܰܠܥ݄ܠ ܡܶܢ̱ ܟܽܘܠ ܝܳܐ. ܘܗܰܘܳܐ ܕܟ݄ܬ ܝܳܐ ܡܺܗ̄ܝ ܐܰܪܥܳܐ، ܡܺܗ̄ܝ ܐܰܪܥܳܐ ܝܳܐ، ܘܡܺܗ̄ܝ ܐܰܪܥܳܐ ܟܡ݄ܫܓ̥݄ܠ. ܐܶܠܳܐ ܗܰܘܳܐ ܕܰܐܬ̥ܺܝ ܡܺܗ̄ܝ ܫܡܰܝܳܐ، ܠܰܠܥ݄ܠ ܡܶܢ̱ ܟܽܘܠ ܝܳܐ. 32ܘܽܗ̄ܘ ܡܶܕܶܐ ܕ݄ܚܙܶܐ ܠܶܗ ܘܫܰܡ݄ܥ ܟܣܳܗ݄ܕ، ܘܢܳܫܳܐ ܠ݄ܐ ܟܡܰܩܒ݄ܠ ܗ̄ܺܝ ܣܳܗܕܽܘܬ̥ܰܝܕ̥ܶܗ. 33ܘܗܰܘܳܐ ܕܡܰܩܒܶܠ ܠܶܗ ܗ̄ܺܝ ܣܳܗܕܽܘܬ̥ܰܝܕ̥ܶܗ، ܚܬ̥݄ܡ ܠܶܗ (ܘܡܰܘܕܶܐ ܠܶܗ): ܕܰܐܠܳܗܳܐ ܫܰܪܺܝܪܳܐ ܝܳܐ. 34ܘܰܐܝܢܰܐ ܕܰܐܠܳܗܳܐ ܡܫܰܕܰܪ ܠܶܗ، ܗ̄ܰܡّܰܐܡܪ̈ܶܐ ܕܰܐܠܳܗܳܐ ܟܡ݄ܫܓ̥݄ܠ، ܡܺܐܝܕ̥ܶܗ ܕܰܐܠܳܗܳܐ ܠܳܐ ܒܽܗ̄ܘ ܟܰܝܠܳܐ ܗܽܒ̥ ܠܶܗ ܗ̄ܺܝ ܪܽܘܚܳܐ. 35ܗ̄ܽܘ ܐܰܒܳܐ ܟܪܳܚ݄ܡ ܗ̄ܽܘ ܐܰܒܪܳܐ، ܘܟܽܘܠ ܡܶܕܶܐ ܗܽܒ̥ ܠܶܗ (ܘܡܰܚܰܬ ܠܶܗ) ܒܺܐܝܕ̥ܶܗ. 36ܡܰܢ ܕ݄ܡܗܰܝܡ݄ܢ ܒܽܗ̄ܘ ܐܰܒܪܳܐ، ܟ݄ܬ ܠܶܗ ܚܰܝ̈ܶܐ ܕ݄ܠܥܳܠܰܡ، ܘܡܰܢ ܕܠ݄ܐ ܟܫܳܡ݄ܥ ܠܽܗ̄ܘ ܐܰܒܪܳܐ ܠ݄ܐ ܟܚܳܙܶܐ ܚܰܝ̈ܶܐ، ܐܶܠܳܐ ܗ̄ܽܘ ܪܽܘܓ̥ܙܳܐ ܕܰܐܠܳܗܳܐ ܓܦܳܝ݄ܫ ܐܰܥܠܶܗ.“
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation