ܣܶܦܪܳܐ ܕ݄ܒܪܺܝܬ̥ܳܐ 22
22
1ܘܗܰܘܺܝ ܡܶܢ̱ ܒ݄ܬ̥݄ܪ ܗ̄ܰܡّܰܐܡܪ̈ܰܢܺܝ، ܐܰܠܳܗܳܐ ܡܢܰܣܶܐ ܠܶܗ ܠܰܐܒܪܳܗܳܡ ܘܐܡ݄ܪ ܠܶܗ ܠܶܗ: ”ܐܰܒܪܳܗܳܡ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“ 2ܘܐܡ݄ܪ ܠܶܗ ܠܶܗ: ”ܡܘ̇ܕ ܠܽܗ̄ܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܕܟܳܪܳܚܡܰܬ، ܐܺܝܣܚܳܩ، ܘܙܳܠܳܟ̥ ܠܺܗ̄ܝ ܐܰܪܥܳܐ ܕܰܗ̄ܢ ܐܳܡܽܘܪ̈ܳܝܶܐ، ܘܡܰܣܠܶܩܶܗ ܬܰܡܳܐ ܥܠܳܬ̥ܳܐ (ܩܽܘܪܒܳܢܳܐ) ܥܰܠ ܚܰܕ̱ ܡܰܢ̱ ܛّܽܘܪ̈ܳܢܶܐ ܕܳܐܡܰܪ ܐ̱ܢܳܐ ܠܳܟ̥.“ 3ܘ݄ܒܨܰܦܪܳܐ ܩܶܕܰܡܬܳܐ ܩܰܝ݄ܡ ܐܰܒܪܳܗܳܡ، ܘܡܰܛܥܰܢ ܠܶܗ ܥܰܠ ܗ̄ܽܘ ܚܡܳܪܰܝܕ̥ܶܗ، ܘܡ݄ܕ ܠܶܗ ܠܰܬܪܶܝ ܓܪ̈ܶܝܥܰܝܕ̥ܶܗ ܐܰܥܡܶܗ ܘܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ. ܘ݄ܩܛ݄ܥ ܠܶܗ ܩܰܝܣ̈ܶܐ ܠܺܗ̄ܝ ܥܠܳܬ̥ܳܐ. ܘܩܰܝ݄ܡ ܐܰܙّܶܗ ܠܽܗ̄ܘ ܐܰܬ̥ܪܳܐ ܕܐܡ݄ܪ ܠܶܗ ܠܶܗ ܐܰܠܳܗܳܐ. 4ܘܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܡܰܥܠܶܐ ܠܶܗ ܐܰܒܪܳܗܳܡ ܥܰܝܢ̈ܳܬ̥ܶܗ ܘ݄ܚܙܶܐ ܠܶܗ ܗ̄ܽܘ ܐܰܬ̥ܪܰܘܳܐ ܡܶܢ̱ ܪܽܘܚܩܳܐ. 5ܘܐܡ݄ܪ ܠܶܗ ܠܰܓܪ̈ܶܝܥܰܝܕ̥ܶܗ: ”ܦܽܘܫܽܘ ܗܰܪܟܶܐ ܓܰܒ ܗ̄ܽܘ ܚܡܳܪܳܐ، ܘܳܐܢܳܐ ܘܽܗ̄ܘ ܛܰܠܝܳܐ ܓܕ݄ܐܙّܰܢ ܗ݄ܠ ܬܰܡܳܐ ܗܳܐ، ܓܣܳܓ̥ܕܺܝܢܰܐ ܘ݄ܓܕܳܥܪܺܝܢܰܐ ܠܣܺܝܕܰܝܟ̥ܽܘ.“ 6ܘܡ݄ܕ ܠܶܗ ܐܰܒܪܳܗܳܡ ܩܰܝܣ̈ܶܐ ܠܺܗ̄ܝ ܥܠܳܬ̥ܳܐ ܘܡܰܛܥܢܺܝ ܠܶܗ ܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ، ܘܡ݄ܕ ܠܶܗ ܒܺܐܝܕ̥ܶܗ ܢܽܘܪܳܐ ܘ݄ܣܟܺܝܢܳܐ. ܘܰܐܙّ݄ܢ ܗ̄ܰܬܪܶܝ ܥܰܡ ܚܕ̥ܳܕ̥̈ܶܐ. 7ܘܐܡ݄ܪ ܠܶܗ ܐܺܝܣܚܳܩ ܠܰܐܒܪܳܗܳܡ ܗ̄ܽܘ ܒܰܒܳܐ: ”ܒܰܒܳܐ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ ܐܰܒܪܺܝ.“ ܘܐܡ݄ܪ ܠܶܗ ܠܶܗ: ”ܟܰܐܠܰܗ ܗ̄ܺܝ ܢܽܘܪܳܐ ܘܰܩّܰܝܣ̈ܶܐ، ܐܰܝܟܳܐ ܝܳܐ ܗ̄ܽܘ ܦܰܪܳܐ ܠܺܗ̄ܝ ܥܠܳܬ̥ܳܐ؟“ 8ܘܐܡ݄ܪ ܠܶܗ ܐܰܒܪܳܗܳܡ: ”ܐܰܠܳܗܳܐ ܓܚܳܙܶܐ ܠܶܗ ܦܰܪܳܐ ܠܺܗ̄ܝ ܥܠܳܬ̥ܳܐ، ܝܰܐ ܐܰܒܪܺܝ.“ ܘܰܐܙّ݄ܢ ܗ̄ܰܬܪܶܝ ܥܰܡ ܚܕ̥ܳܕ̥̈ܶܐ.
9ܘܰܐܬ̥݄ܢ ܠܽܗ̄ܘ ܐܰܬ̥ܪܳܐ ܕܐܡ݄ܪ ܠܶܗ ܠܶܗ ܐܰܠܳܗܳܐ. ܘ݄ܒܢܶܐ ܠܶܗ ܬܰܡܳܐ ܐܰܒܪܳܗܳܡ ܡܰܕ̥݄ܒܚܳܐ. ܘܡܰܚ݄ܬ ܠܶܗ ܗ̄ܰܩّܰܝܣ̈ܶܐ ܘܡܰܐܣ݄ܪ ܠܶܗ ܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ. ܘܡܰܚ݄ܬ ܠܶܗ ܥܰܠ ܗ̄ܽܘ ܡܰܕ̥݄ܒܚܳܐ ܠܰܠܥ݄ܠ ܡܰܢ̱ ܩّܰܝܣ̈ܶܐ. 10ܘ݄ܦܫ݄ܛ ܠܶܗ ܐܰܒܪܳܗܳܡ ܐܺܝܕ̥ܶܗ، ܘܡ݄ܕ ܠܶܗ ܗ̄ܺܝ ܣܟܺܝܢܳܐ ܕܢܳܚ݄ܪ ܗ̄ܽܘ ܐܰܒܪܳܐ. 11ܘܽܗ̄ܘ ܡܰܠܰܐܟ̥ܳܐ ܕܰܐܠܳܗܳܐ ܡܺܗ̄ܝ ܫܡܰܝܳܐ ܩܪܶܐ ܠܶܗ ܐܰܥܠܶܗ، ܘܐܡ݄ܪ ܠܶܗ: ”ܐܰܒܪܳܗܳܡ ܐܰܒܪܳܗܳܡ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“ 12ܘܐܡ݄ܪ ܠܶܗ ܠܶܗ: ”ܠܳܐ ܡܰܘܫܛܰܬ ܐܺܝܕ̥ܳܟ̥ ܥܰܠ ܗ̄ܽܘ ܛܰܠܝܳܐ، ܘܠܳܐ ܣܰܝܡܰܬ ܠܶܗ ܡܶܕܶܐ، ܥܰܠ ܕ݄ܐܥܕܳܐ ܡܰܘܕ̥ܰܥ ܠܳܟ̥ ܕܙܰܝܳܥܳܐ ܗܰܬ ܕܰܐܠܳܗܳܐ، ܕܠܳܐ ܡܰܟܠܶܐ ܠܳܟ̥ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܡܶܢܺܝ.“ 13ܘܡܰܥܠܶܐ ܠܶܗ ܐܰܒܪܳܗܳܡ ܥܰܝܢ̈ܳܬ̥ܶܗ ܘ݄ܚܙܶܐ ܠܶܗ ܟܰܐܠܶܗ ܟܰܒܫܳܐ ܚܰܕ̱ ܡܰܐܣܪܳܐ ܒܦܰܓܳܐ ܕܺܐܝܠܳܢܳܐ ܒܩܰܪ̈ܢܰܝܕ̥ܶܗ. ܘܰܐܙّܶܗ ܐܰܒܪܳܗܳܡ ܘܡ݄ܕ ܠܶܗ ܠܽܗ̄ܘ ܟܰܒܫܳܐ ܘܡܰܣܠܰܩ ܠܶܗ ܥܠܳܬ̥ܳܐ ܡܶܢ̱ ܚܠܳܦ ܕܽܗ̄ܘ ܐܰܒܪܰܝܕ̥ܶܗ. 14ܘ݄ܩܪܶܐ ܠܶܗ ܐܰܒܪܳܗܳܡ ܐ݄ܫܡܰܗ ܕܽܗ̄ܘ ܐܰܬ̥ܪܰܘܳܐ: ”ܡܳܪܝܳܐ ܟܚܳܙܶܐ.“ ܘܗ݄ܠ ܠܰܐܕܝܰܘܡܰܐ ܐܡܺܝܪ ܒܽܗ̄ܘ ܛܽܘܪܰܢܳܐ ܡܳܪܝܳܐ ܟܚܳܙܶܐ. 15ܘ݄ܩܪܶܐ ܠܶܗ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ ܠܰܐܒܪܳܗܳܡ ܠܺܗ̄ܝ ܢܰܩܠܐ ܕܰܬّܰܪܬܶܝ ܡܺܗ̄ܝ ܫܡܰܝܳܐ، 16ܘܐܡ݄ܪ ܠܶܗ: ”ܐܶܒܺܝ ܝܺܡܶܐ ܠܺܝ، ܟܳܐܡ݄ܪ ܡܳܪܝܳܐ، ܡܶܢ̱ ܚܠܳܦ ܕܣ݄ܡ ܠܳܟ̥ ܗ̄ܽܘ ܡܶܕܰܢܳܐ، ܘܠܳܐ ܡܰܟܠܶܐ ܠܳܟ̥ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܡܶܢܺܝ، 17ܒܶܪܳܟ̥ܳܐ ܓ݄ܡܒܰܪܰܟ̥ܢܳܟ̥، ܘܬܶܙܺܝܕܳܐ ܟܡܰܙ݄ܕ ܐ̱ܢܳܐ ܗ̄ܽܘ ܙܰܪܥܰܝܕ̥ܳܟ̥، ܐܟ̥ ܕܰܟّܽܘ̇ܟܒ̥̈ܶܐ ܕܺܗ̄ܝ ܫܡܰܝܳܐ، ܘ݄ܐܟ̥ ܕܽܗ̄ܘ ܚܳܠܳܐ ܕܥܰܠ ܣܰܦ̊ܬ̥ܶܗ ܕܽܗ̄ܘ ܝܰܡܳܐ. ܘܽܗ̄ܘ ܙܰܪܥܰܝܕ̥ܳܟ̥ ܓܝܳܪ݄ܬ̥ ܗ̄ܰܢ ܐܰܪ̈ܥܳܬ̥ܳܐ ܕܰܒܥܶܠܕ̈ܒܳܒܰܝܕ̥ܶܗ. 18ܘܒܽܗ̄ܘ ܙܰܪܥܰܝܕ̥ܳܟ̥ ܓܡܺܝܒܰܪܟ̥ܺܝ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ، ܥܰܠ ܕܫܰܡܺܝܥܰܬ ܠܩܳܠܺܝ.“ 19ܘܕܰܥ݄ܪ ܐܰܒܪܳܗܳܡ ܠܓܰܒ ܗ̄ܰܓܪ̈ܶܝܥܰܝܕ̥ܶܗ. ܘܩܰܝܺܝܡܺܝ ܘܰܐܙّ݄ܢ ܥܰܡ ܚܕ̥ܳܕ̥̈ܶܐ ܠܒܺܪܫܒܰܥ. ܘܝܰܬܽܒ̥ ܐܰܒܪܳܗܳܡ ܒܒܺܪܫܒܰܥ.
20ܘܗܰܘܺܝ ܡܶܢ̱ ܒ݄ܬ̥݄ܪ ܗ̄ܰܡّܰܐܡܪ̈ܰܢܺܝ، ܘܡܰܚܘܶܐ ܠܰܐܒܪܳܗܳܡ ܘܐܡ݄ܪّܰܗ ܠܶܗ: ”ܟܰܐܠܰܗ ܡܶܠܟܰܐ ܣܬܶܝ ܡܰܘܠܰܕ ܠܰܗ ܐܰܒܢ̈ܶܐ ܠܢܳܚܽܘܪ ܐܰܚܽܘܢܳܟ̥: 21ܥܽܘܨ ܗ̄ܽܘ ܒܽܘܟ̥ܪܰܝܕ̥ܶܗ، ܘܒܽܘܙ ܗ̄ܽܘ ܐܰܚܽܘܢܰܝܕ̥ܶܗ، ܘ݄ܩܡܽܘܐܶܝܠ ܗ̄ܽܘ ܒܰܒܳܐ ܕܳܐܪܳܡ. 22ܘܟܳܣܳܪ ܘܚܰܙܽܘ ܘܦܰܠܪܰܫ ܘܝܰܪܠܰܦ ܘ݄ܒܬ̥ܽܘܐܶܝܠ.“ 23ܘ݄ܒܬ̥ܽܘܐܶܝܠ ܡܰܘܠܰܕ ܠܶܗ ܪܰܦܩܳܐ. ܗ̄ܰܬܡܰܢܝܰܢܺܝ ܡܰܘܠܰܕ ܠܰܗ ܡܶܠܟܰܐ ܠܢܳܚܽܘܪ ܗ̄ܽܘ ܐܰܚܽܘܢܳܐ ܕܰܐܒܪܳܗܳܡ. 24ܘܺܗ̄ܝ ܓܪܰܥܬܰܝܕ̥ܶܗ ܐ݄ܫܡܰܗ ܪܽܘܡܳܐ. ܘܗܺܝّܰܗ ܣܬܶܝ ܡܰܘܠܰܕ ܠܰܗ ܛܳܒܳܚ ܘܓܳܚܳܡ ܘܬܳܚܳܫ ܘܡܳܥܟܳܐ.
Valið núna:
ܣܶܦܪܳܐ ܕ݄ܒܪܺܝܬ̥ܳܐ 22: ܟܬܒܐ
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 22
22
1ܘܗܰܘܺܝ ܡܶܢ̱ ܒ݄ܬ̥݄ܪ ܗ̄ܰܡّܰܐܡܪ̈ܰܢܺܝ، ܐܰܠܳܗܳܐ ܡܢܰܣܶܐ ܠܶܗ ܠܰܐܒܪܳܗܳܡ ܘܐܡ݄ܪ ܠܶܗ ܠܶܗ: ”ܐܰܒܪܳܗܳܡ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“ 2ܘܐܡ݄ܪ ܠܶܗ ܠܶܗ: ”ܡܘ̇ܕ ܠܽܗ̄ܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܕܟܳܪܳܚܡܰܬ، ܐܺܝܣܚܳܩ، ܘܙܳܠܳܟ̥ ܠܺܗ̄ܝ ܐܰܪܥܳܐ ܕܰܗ̄ܢ ܐܳܡܽܘܪ̈ܳܝܶܐ، ܘܡܰܣܠܶܩܶܗ ܬܰܡܳܐ ܥܠܳܬ̥ܳܐ (ܩܽܘܪܒܳܢܳܐ) ܥܰܠ ܚܰܕ̱ ܡܰܢ̱ ܛّܽܘܪ̈ܳܢܶܐ ܕܳܐܡܰܪ ܐ̱ܢܳܐ ܠܳܟ̥.“ 3ܘ݄ܒܨܰܦܪܳܐ ܩܶܕܰܡܬܳܐ ܩܰܝ݄ܡ ܐܰܒܪܳܗܳܡ، ܘܡܰܛܥܰܢ ܠܶܗ ܥܰܠ ܗ̄ܽܘ ܚܡܳܪܰܝܕ̥ܶܗ، ܘܡ݄ܕ ܠܶܗ ܠܰܬܪܶܝ ܓܪ̈ܶܝܥܰܝܕ̥ܶܗ ܐܰܥܡܶܗ ܘܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ. ܘ݄ܩܛ݄ܥ ܠܶܗ ܩܰܝܣ̈ܶܐ ܠܺܗ̄ܝ ܥܠܳܬ̥ܳܐ. ܘܩܰܝ݄ܡ ܐܰܙّܶܗ ܠܽܗ̄ܘ ܐܰܬ̥ܪܳܐ ܕܐܡ݄ܪ ܠܶܗ ܠܶܗ ܐܰܠܳܗܳܐ. 4ܘܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܡܰܥܠܶܐ ܠܶܗ ܐܰܒܪܳܗܳܡ ܥܰܝܢ̈ܳܬ̥ܶܗ ܘ݄ܚܙܶܐ ܠܶܗ ܗ̄ܽܘ ܐܰܬ̥ܪܰܘܳܐ ܡܶܢ̱ ܪܽܘܚܩܳܐ. 5ܘܐܡ݄ܪ ܠܶܗ ܠܰܓܪ̈ܶܝܥܰܝܕ̥ܶܗ: ”ܦܽܘܫܽܘ ܗܰܪܟܶܐ ܓܰܒ ܗ̄ܽܘ ܚܡܳܪܳܐ، ܘܳܐܢܳܐ ܘܽܗ̄ܘ ܛܰܠܝܳܐ ܓܕ݄ܐܙّܰܢ ܗ݄ܠ ܬܰܡܳܐ ܗܳܐ، ܓܣܳܓ̥ܕܺܝܢܰܐ ܘ݄ܓܕܳܥܪܺܝܢܰܐ ܠܣܺܝܕܰܝܟ̥ܽܘ.“ 6ܘܡ݄ܕ ܠܶܗ ܐܰܒܪܳܗܳܡ ܩܰܝܣ̈ܶܐ ܠܺܗ̄ܝ ܥܠܳܬ̥ܳܐ ܘܡܰܛܥܢܺܝ ܠܶܗ ܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ، ܘܡ݄ܕ ܠܶܗ ܒܺܐܝܕ̥ܶܗ ܢܽܘܪܳܐ ܘ݄ܣܟܺܝܢܳܐ. ܘܰܐܙّ݄ܢ ܗ̄ܰܬܪܶܝ ܥܰܡ ܚܕ̥ܳܕ̥̈ܶܐ. 7ܘܐܡ݄ܪ ܠܶܗ ܐܺܝܣܚܳܩ ܠܰܐܒܪܳܗܳܡ ܗ̄ܽܘ ܒܰܒܳܐ: ”ܒܰܒܳܐ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ ܐܰܒܪܺܝ.“ ܘܐܡ݄ܪ ܠܶܗ ܠܶܗ: ”ܟܰܐܠܰܗ ܗ̄ܺܝ ܢܽܘܪܳܐ ܘܰܩّܰܝܣ̈ܶܐ، ܐܰܝܟܳܐ ܝܳܐ ܗ̄ܽܘ ܦܰܪܳܐ ܠܺܗ̄ܝ ܥܠܳܬ̥ܳܐ؟“ 8ܘܐܡ݄ܪ ܠܶܗ ܐܰܒܪܳܗܳܡ: ”ܐܰܠܳܗܳܐ ܓܚܳܙܶܐ ܠܶܗ ܦܰܪܳܐ ܠܺܗ̄ܝ ܥܠܳܬ̥ܳܐ، ܝܰܐ ܐܰܒܪܺܝ.“ ܘܰܐܙّ݄ܢ ܗ̄ܰܬܪܶܝ ܥܰܡ ܚܕ̥ܳܕ̥̈ܶܐ.
9ܘܰܐܬ̥݄ܢ ܠܽܗ̄ܘ ܐܰܬ̥ܪܳܐ ܕܐܡ݄ܪ ܠܶܗ ܠܶܗ ܐܰܠܳܗܳܐ. ܘ݄ܒܢܶܐ ܠܶܗ ܬܰܡܳܐ ܐܰܒܪܳܗܳܡ ܡܰܕ̥݄ܒܚܳܐ. ܘܡܰܚ݄ܬ ܠܶܗ ܗ̄ܰܩّܰܝܣ̈ܶܐ ܘܡܰܐܣ݄ܪ ܠܶܗ ܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ. ܘܡܰܚ݄ܬ ܠܶܗ ܥܰܠ ܗ̄ܽܘ ܡܰܕ̥݄ܒܚܳܐ ܠܰܠܥ݄ܠ ܡܰܢ̱ ܩّܰܝܣ̈ܶܐ. 10ܘ݄ܦܫ݄ܛ ܠܶܗ ܐܰܒܪܳܗܳܡ ܐܺܝܕ̥ܶܗ، ܘܡ݄ܕ ܠܶܗ ܗ̄ܺܝ ܣܟܺܝܢܳܐ ܕܢܳܚ݄ܪ ܗ̄ܽܘ ܐܰܒܪܳܐ. 11ܘܽܗ̄ܘ ܡܰܠܰܐܟ̥ܳܐ ܕܰܐܠܳܗܳܐ ܡܺܗ̄ܝ ܫܡܰܝܳܐ ܩܪܶܐ ܠܶܗ ܐܰܥܠܶܗ، ܘܐܡ݄ܪ ܠܶܗ: ”ܐܰܒܪܳܗܳܡ ܐܰܒܪܳܗܳܡ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“ 12ܘܐܡ݄ܪ ܠܶܗ ܠܶܗ: ”ܠܳܐ ܡܰܘܫܛܰܬ ܐܺܝܕ̥ܳܟ̥ ܥܰܠ ܗ̄ܽܘ ܛܰܠܝܳܐ، ܘܠܳܐ ܣܰܝܡܰܬ ܠܶܗ ܡܶܕܶܐ، ܥܰܠ ܕ݄ܐܥܕܳܐ ܡܰܘܕ̥ܰܥ ܠܳܟ̥ ܕܙܰܝܳܥܳܐ ܗܰܬ ܕܰܐܠܳܗܳܐ، ܕܠܳܐ ܡܰܟܠܶܐ ܠܳܟ̥ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܡܶܢܺܝ.“ 13ܘܡܰܥܠܶܐ ܠܶܗ ܐܰܒܪܳܗܳܡ ܥܰܝܢ̈ܳܬ̥ܶܗ ܘ݄ܚܙܶܐ ܠܶܗ ܟܰܐܠܶܗ ܟܰܒܫܳܐ ܚܰܕ̱ ܡܰܐܣܪܳܐ ܒܦܰܓܳܐ ܕܺܐܝܠܳܢܳܐ ܒܩܰܪ̈ܢܰܝܕ̥ܶܗ. ܘܰܐܙّܶܗ ܐܰܒܪܳܗܳܡ ܘܡ݄ܕ ܠܶܗ ܠܽܗ̄ܘ ܟܰܒܫܳܐ ܘܡܰܣܠܰܩ ܠܶܗ ܥܠܳܬ̥ܳܐ ܡܶܢ̱ ܚܠܳܦ ܕܽܗ̄ܘ ܐܰܒܪܰܝܕ̥ܶܗ. 14ܘ݄ܩܪܶܐ ܠܶܗ ܐܰܒܪܳܗܳܡ ܐ݄ܫܡܰܗ ܕܽܗ̄ܘ ܐܰܬ̥ܪܰܘܳܐ: ”ܡܳܪܝܳܐ ܟܚܳܙܶܐ.“ ܘܗ݄ܠ ܠܰܐܕܝܰܘܡܰܐ ܐܡܺܝܪ ܒܽܗ̄ܘ ܛܽܘܪܰܢܳܐ ܡܳܪܝܳܐ ܟܚܳܙܶܐ. 15ܘ݄ܩܪܶܐ ܠܶܗ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ ܠܰܐܒܪܳܗܳܡ ܠܺܗ̄ܝ ܢܰܩܠܐ ܕܰܬّܰܪܬܶܝ ܡܺܗ̄ܝ ܫܡܰܝܳܐ، 16ܘܐܡ݄ܪ ܠܶܗ: ”ܐܶܒܺܝ ܝܺܡܶܐ ܠܺܝ، ܟܳܐܡ݄ܪ ܡܳܪܝܳܐ، ܡܶܢ̱ ܚܠܳܦ ܕܣ݄ܡ ܠܳܟ̥ ܗ̄ܽܘ ܡܶܕܰܢܳܐ، ܘܠܳܐ ܡܰܟܠܶܐ ܠܳܟ̥ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܡܶܢܺܝ، 17ܒܶܪܳܟ̥ܳܐ ܓ݄ܡܒܰܪܰܟ̥ܢܳܟ̥، ܘܬܶܙܺܝܕܳܐ ܟܡܰܙ݄ܕ ܐ̱ܢܳܐ ܗ̄ܽܘ ܙܰܪܥܰܝܕ̥ܳܟ̥، ܐܟ̥ ܕܰܟّܽܘ̇ܟܒ̥̈ܶܐ ܕܺܗ̄ܝ ܫܡܰܝܳܐ، ܘ݄ܐܟ̥ ܕܽܗ̄ܘ ܚܳܠܳܐ ܕܥܰܠ ܣܰܦ̊ܬ̥ܶܗ ܕܽܗ̄ܘ ܝܰܡܳܐ. ܘܽܗ̄ܘ ܙܰܪܥܰܝܕ̥ܳܟ̥ ܓܝܳܪ݄ܬ̥ ܗ̄ܰܢ ܐܰܪ̈ܥܳܬ̥ܳܐ ܕܰܒܥܶܠܕ̈ܒܳܒܰܝܕ̥ܶܗ. 18ܘܒܽܗ̄ܘ ܙܰܪܥܰܝܕ̥ܳܟ̥ ܓܡܺܝܒܰܪܟ̥ܺܝ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ، ܥܰܠ ܕܫܰܡܺܝܥܰܬ ܠܩܳܠܺܝ.“ 19ܘܕܰܥ݄ܪ ܐܰܒܪܳܗܳܡ ܠܓܰܒ ܗ̄ܰܓܪ̈ܶܝܥܰܝܕ̥ܶܗ. ܘܩܰܝܺܝܡܺܝ ܘܰܐܙّ݄ܢ ܥܰܡ ܚܕ̥ܳܕ̥̈ܶܐ ܠܒܺܪܫܒܰܥ. ܘܝܰܬܽܒ̥ ܐܰܒܪܳܗܳܡ ܒܒܺܪܫܒܰܥ.
20ܘܗܰܘܺܝ ܡܶܢ̱ ܒ݄ܬ̥݄ܪ ܗ̄ܰܡّܰܐܡܪ̈ܰܢܺܝ، ܘܡܰܚܘܶܐ ܠܰܐܒܪܳܗܳܡ ܘܐܡ݄ܪّܰܗ ܠܶܗ: ”ܟܰܐܠܰܗ ܡܶܠܟܰܐ ܣܬܶܝ ܡܰܘܠܰܕ ܠܰܗ ܐܰܒܢ̈ܶܐ ܠܢܳܚܽܘܪ ܐܰܚܽܘܢܳܟ̥: 21ܥܽܘܨ ܗ̄ܽܘ ܒܽܘܟ̥ܪܰܝܕ̥ܶܗ، ܘܒܽܘܙ ܗ̄ܽܘ ܐܰܚܽܘܢܰܝܕ̥ܶܗ، ܘ݄ܩܡܽܘܐܶܝܠ ܗ̄ܽܘ ܒܰܒܳܐ ܕܳܐܪܳܡ. 22ܘܟܳܣܳܪ ܘܚܰܙܽܘ ܘܦܰܠܪܰܫ ܘܝܰܪܠܰܦ ܘ݄ܒܬ̥ܽܘܐܶܝܠ.“ 23ܘ݄ܒܬ̥ܽܘܐܶܝܠ ܡܰܘܠܰܕ ܠܶܗ ܪܰܦܩܳܐ. ܗ̄ܰܬܡܰܢܝܰܢܺܝ ܡܰܘܠܰܕ ܠܰܗ ܡܶܠܟܰܐ ܠܢܳܚܽܘܪ ܗ̄ܽܘ ܐܰܚܽܘܢܳܐ ܕܰܐܒܪܳܗܳܡ. 24ܘܺܗ̄ܝ ܓܪܰܥܬܰܝܕ̥ܶܗ ܐ݄ܫܡܰܗ ܪܽܘܡܳܐ. ܘܗܺܝّܰܗ ܣܬܶܝ ܡܰܘܠܰܕ ܠܰܗ ܛܳܒܳܚ ܘܓܳܚܳܡ ܘܬܳܚܳܫ ܘܡܳܥܟܳܐ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation