ܣܶܦܪܳܐ ܕ݄ܒܪܺܝܬ̥ܳܐ 2
2
1ܘܟܰܡܺܝܠܺܝ ܗ̄ܰܫܡܰܝ̈ܶܐ ܘܺܗ̄ܝ ܐܰܪܥܳܐ ܘܟܽܘܠܶܗ ܗ̄ܽܘ ܚܰܝܠܰܬّ̥ܶܗ. 2ܘ݄ܡܟܰܡܶܠ ܠܶܗ ܐܰܠܳܗܳܐ ܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ ܗ̄ܰܥܒܳܕ̥̈ܶܐ ܕܣܺܝܡܺܝ ܠܶܗ. ܘ݄ܬ̥ܢܺܝܚ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܡܶܢ̱ ܟܽܘܠّܶܗ ܗ̄ܰܥܒܳܕ̥̈ܶܐ ܕܣܺܝܡܺܝ ܠܶܗ. 3ܘ݄ܡܒܰܪܰܟ̥ ܠܶܗ ܐܰܠܳܗܳܐ ܠܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܘ݄ܡܩܰܕܰܫ ܠܶܗ، ܥܰܠ ܕܶܐܒܶܗ ܬ̥ܢܺܝܚ ܡܶܢ̱ ܟܽܘܠّܶܗ ܗ̄ܰܥܒܳܕ̥̈ܶܐ ܕ݄ܒܪܶܐ ܠܶܗ ܐܰܠܳܗܳܐ.
4ܗܰܢܳܐ ܝܳܐ ܗ̄ܽܘ ܪܺܝܫܳܐ ܕ݄ܒܪܺܝܬ̥ܳܐ ܕܺܗ̄ܝ ܫܡܰܝܳܐ ܘܕܺܗ̄ܝ ܐܰܪܥܳܐ ܗ̄ܺܝ ܢܰܩܠܐ ܕܰܗ̄ܘ݄ܢ، ܒܽܗ̄ܘ ܝܰܘܡܳܐ ܕܣ݄ܡ ܠܶܗ ܡܳܪܝܳܐ ܐܰܠܳܗܳܐ ܗ̄ܺܝ ܫܡܰܝܳܐ ܘܺܗ̄ܝ ܐܰܪܥܳܐ. 5ܘܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܺܗ̄ܝ ܚܰܩܠܳܐ ܗܶܫ ܠܰܐ ܗ̄ܘ݄ܢ ܗ̄ܘܰܘ̱ ܒܺܗ̄ܝ ܐܰܪܥܳܐ. ܘܟܽܘܠܶܗ ܗ̄ܽܘ ܓܶܠܳܐ ܕܺܗ̄ܝ ܚܰܩܠܳܐ ܗܶܫ ܠܳܐ ܝܰܥܺܝ ܗ̄ܘܰܐ ܡܺܐܝܕ̥ܶܗ ܕܠܳܐ ܡܰܢܚܰܬ ܗ̄ܘܰܝ ܠܶܗ ܡܳܪܝܳܐ ܐܰܠܳܗܳܐ ܡܰܛܪܳܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ. ܘܢܳܫܳܐ (ܐܳܕ̥ܳܡ) ܠܰܝ̱ܬ ܗ̄ܘܰܐ ܕܦܳܠ݄ܚ ܒܺܗ̄ܝ ܐܰܪܥܳܐ. 6ܘ݄ܡܥܺܝܢܳܐ ܣܳܠܰܩ ܗ̄ܘܰܐ ܡܺܗ̄ܝ ܐܰܪܥܳܐ ܘܡܰܫܬܶܐ ܗ̄ܘܰܐ ܠܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ. 7ܘ݄ܓܒ̥ܺܝܠ ܠܶܗ ܡܳܪܝܳܐ ܐܰܠܳܗܳܐ ܠܳܐܕ̥ܳܡ ܥܰܦܪܳܐ ܡܽܗ̄ܘ ܥܰܦܪܳܐ ܣܶܡܳܩܳܐ. ܘ݄ܢܦ݄ܚ ܠܶܗ ܒܦܳܬ̥ܶܗ ܢܫܰܡܬܳܐ ܕܰܚّܰܝ̈ܶܐ ܘܗܰܘܺܝ ܐܳܕ̥ܳܡ ܢܰܦܫܳܐ ܚܰܝܬ̥ܳܐ.
8ܘ݄ܢܨܽܒ̥ ܠܶܗ ܡܳܪܝܳܐ ܐܰܠܳܗܳܐ ܦܰܪܕܰܝܣܳܐ ܒ݄ܥܕܶܢ، ܡܶܢ̱ ܡܶܩ݄ܕ̱ܡ. ܘܡܰܚ݄ܬ ܠܶܗ ܬܰܡܳܐ ܠܳܐܕ̥ܳܡ ܕ݄ܓܒ̥ܺܝܠ ܠܶܗ. 9ܘܡܰܘܥܶܐ ܠܶܗ ܡܳܪܝܳܐ ܐܰܠܳܗܳܐ ܡܺܗ̄ܝ ܐܰܪܥܳܐ ܟܘ̇ܠ ܐܺܝܠܳܢܳܐ ܕܟ݄ܬ ܝܳܐ ܫܰܦܺܝܪܳܐ ܠܽܗ̄ܘ ܚܙܳܝܳܐ ܘܛܳܒ̥ܳܐ ܠܽܗ̄ܘ ܡܽܐܘܟܠܳܐ. ܘܽܗ̄ܘ ܐܺܝܠܳܢܳܐ ܕܰܚّܰܝ̈ܶܐ ܒܦܰܠܓܶܗ ܕܽܗ̄ܘ ܦܰܪܕܰܝܣܳܐ، ܘܽܗ̄ܘ ܐܺܝܠܳܢܳܐ ܕܺܗ̄ܝ ܝܕ̥ܰܥܬ̥ܳܐ ܕܺܗ̄ܝ ܛܰܒ̥ܬܳܐ ܘܕܺܗ̄ܝ ܒܺܝܫܬܳܐ. 10ܘܢܰܗܪܳܐ ܢܳܦܰܩ ܗ̄ܘܰܐ ܡܶܢ̱ ܥܕܶܢ ܕܡܰܫܬܶܐ ܠܽܗ̄ܘ ܦܰܪܕܰܝܣܳܐ، ܘܡܶܢ̱ ܬܰܡܳܐ ܡ݄ܦܪ݄ܫ ܗ̄ܘܰܐ ܠܰܐܪܒܥܳܐ ܪ̈ܺܝܫܶܐ: 11ܐ݄ܫܡܶܗ ܕܚܰܕ̱ ܦܺܝܫܽܘܢ، ܗܰܘܳܐ ܕܟ݄ܐܙّܶܗ ܚܶܕ̥ܳܪ ܟܽܘܠܰܗ ܗ̄ܺܝ ܐܰܪܥܳܐ ܕ݄ܚܘܺܝܠܳܐ ܕܬܰܡܳܐ ܝܳܐ ܗ̄ܽܘ ܕܰܗܒ̥ܳܐ. 12ܘܽܗ̄ܘ ܕܰܗܒ̥ܳܐ ܕܺܗ̄ܝ ܐܰܪܥܰܝܳܐ ܛܳܒ̥ܳܐ ܝܳܐ، ܬܰܡܳܐ ܟܺܝܬ ܒܶܪ̈ܽܘܠܶܐ ܘܟܶܐܦ̈ܶܐ ܕܒܶܪܽܘܠܳܐ. 13ܘ݄ܐܫܡܶܗ ܕܽܗ̄ܘ ܢܰܗܪܳܐ ܕܰܬܪܶܝ ܓܺܝܚܽܘܢ ܝܳܐ، ܗܰܘܳܐ ܕܟ݄ܐܙّܶܗ ܚܶܕ̥ܳܪ ܟܽܘܠܰܗ ܗ̄ܺܝ ܐܰܪܥܳܐ ܕܟܽܘܫ. 14ܘ݄ܐܫܡܶܗ ܕܽܗ̄ܘ ܢܰܗܪܳܐ ܕܰܬܠܳܬ̥ܳܐ ܕܶܩܠܰܬ̥ ܝܳܐ، ܗܰܘܳܐ ܕܟ݄ܐܙّܶܗ ܠܰܐܦ ܐܳܬ̥ܽܘܪ. ܘܽܗ̄ܘ ܢܰܗܪܳܐ ܕܰܗ̄ܢ ܐܰܪܒܥܳܐ ܦܪܳܬ̥ ܝܳܐ.
15ܘܡ݄ܕ ܠܶܗ ܡܳܪܝܳܐ ܐܰܠܳܗܳܐ ܠܳܐܕ̥ܳܡ، ܘܡܰܚ݄ܬ ܠܶܗ ܒܽܗ̄ܘ ܦܰܪܕܰܝܣܳܐ ܕ݄ܥܕܶܢ ܕܦܳܠܰܚ ܠܶܗ ܘܢܳܛܰܪ ܠܶܗ. 16ܘܡܳܪܝܳܐ ܐܰܠܳܗܳܐ ܗܽܒ̥ ܠܶܗ ܦܽܘܩܕܳܢܳܐ ܠܳܐܕ̥ܳܡ ܘܐܡ݄ܪ ܠܶܗ ܠܶܗ: ”ܡܶܢ̱ ܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܒܽܗ̄ܘ ܦܰܪܕܰܝܣܳܐ ܡܽܐܘܟܠܳܐ ܓܕܳܐܟ̥ܠܰܬ، 17ܘܡܽܗ̄ܘ ܐܺܝܠܳܢܳܐ ܕܺܗ̄ܝ ܝܺܕ̥ܰܥܬ̥ܳܐ ܕܺܗ̄ܝ ܛܰܒ̥ܬܳܐ ܘܕܺܗ̄ܝ ܒܺܝܫܬܳܐ ܠܳܐ ܐܟ̥ܠܰܬ ܡܶܢܶܗ. ܡܺܐܝܕ̥ܶܗ ܕܒܽܗ̄ܘ ܝܰܘܡܳܐ ܕܳܐܟ̥ܠܰܬ ܡܶܢܶܗ ܡܰܘܬܳܐ ܓܡܰܝܬ̥ܰܬ.“
18ܘܡܳܪܝܳܐ ܐܰܠܳܗܳܐ ܐܡ݄ܪ ܠܶܗ: ”ܠܰܝ̱ܬ ܝܳܐ ܫܰܦܺܝܪܳܐ ܕܦܳܝ݄ܫ ܐܳܕ̥ܳܡ ܒܶܠܚܽܘܕ̥ܶܗ، ܓܣܳܝܰܡ ܐ̱ܢܳܐ ܠܶܗ ܡܥܰܕܪܳܢܳܐ ܐܟ̥ܳܬ̥ܶܗ.“ 19ܘ݄ܓܒ̥ܺܝܠ ܠܶܗ ܡܳܪܝܳܐ ܐܰܠܳܗܳܐ ܡܺܗ̄ܝ ܐܰܪܥܳܐ ܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܽܗ̄ܘ ܡܰܕ̥݄ܒܪܳܐ، ܘܟܽܘܠܶܗ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ. ܘܡܰܡܛܺܝ ܠܶܗ ܠܓܰܒ ܐܳܕ̥ܳܡ ܕܚܳܙܶܐ ܡ݄ܢ ܓܩܳܪܰܠّܶܗ. ܘ݄ܠܟܘ̇ܠ ܢܰܦܫܳܐ ܚܰܝܬ̥ܳܐ ܕ݄ܩܪܶܐ ܠܶܗ ܐܳܕ̥ܳܡ ܗܰܘܳܐ ܝܳܐ ܐ݄ܫܡܰܗ. 20ܘ݄ܩܪܶܐ ܠܶܗ ܐܳܕ̥ܳܡ ܐ݄ܫܡܳܢ̈ܶܐ ܠܟܽܘܠܶܗ ܗ̄ܽܘ ܒܥܺܝܪܳܐ، ܘ݄ܠܟܽܘܠܶܗ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ، ܘ݄ܠܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܺܗ̄ܝ ܐܰܪܥܳܐ. ܘܠܳܐܕ̥ܳܡ ܠܳܐ ܚܙܶܐ ܡܥܰܕܪܳܢܳܐ ܐܶܠܶܗ ܐܟ̥ܳܬ̥ܶܗ. 21ܘ݄ܡܚܰܠܰܩ ܠܶܗ ܡܳܪܝܳܐ ܐܰܠܳܗܳܐ ܫܰܢܬ̥ܳܐ ܥܰܡܽܘܩܬܳܐ ܥܰܠ ܐܳܕ̥ܳܡ ܘܕܰܡ݄ܟ̥. ܘܡ݄ܕ ܠܶܗ ܚܕ̥ܳܐ ܡܰܗ̄ܢ ܐܰܠܥ̈ܰܝܕ̥ܶܗ، ܘ݄ܡܠܶܐ ܠܶܗ ܒܰܣܪܳܐ ܒܕܽܘܟܬ̥ܰܗ. 22ܘܡܰܪܟܰܒ̥ ܠܶܗ ܡܳܪܝܳܐ ܐܰܠܳܗܳܐ ܗ̄ܺܝ ܐܰܠܥܳܐ ܕܡ݄ܕ ܠܶܗ ܡܶܢ̱ ܐܳܕ̥ܳܡ (ܘܣ݄ܡ ܠܶܗ ܡܶܢܰܗ) ܐܰܢ̱ܬ̥ܬܳܐ، ܘܡܰܝܬ݄ܝܳܐ ܠܶܗ ܠܳܐܕ̥ܳܡ. 23ܘܐܡ݄ܪ ܠܶܗ ܐܳܕ̥ܳܡ: ”ܐ݄ܥܕܳܐ، ܓܰܪܡܳܐ ܡܰܢ̱ ܓّܰܪ̈ܡܰܝܕ̥ܺܝ ܘܒܰܣܪܳܐ ܡܽܗ̄ܘ ܒܰܣܪܰܝܕ̥ܺܝ ܝܳܐ. ܗܰܬ̥ܶܐ ܓܡ݄ܩܪܳܝܳܐ ܐܰܢ̱ܬ̥ܬܳܐ، ܥܰܠ ܕܡܶܢ̱ ܓܰܒ̥ܪܳܐ ܡܺܝܕܳܐ.“ 24ܡܰܗ̄ܘܟ̥ܰܐ ܓܛܳܪܶܐ ܗ̄ܽܘ ܓܰܒ̥ܪܳܐ ܠܽܗ̄ܘ ܒܰܒܳܐ ܘܠܺܗ̄ܝ ܐܶܡܳܐ ܘ݄ܓܡܳܛܶܐ ܠܺܗ̄ܝ ܐܰܢ̱ܬ̥ܬܰܝܕ̥ܶܗ، ܘ݄ܓܕܳܗ̄ܘ݄ܢ ܗ̄ܰܬܪܶܝ ܚܰܕ̱ ܢܳܫܳܐ. 25ܘܰܬܪܰܝّܶܗ ܥܰܪ̈ܛܶܠܳܝܶܐ ܗ̄ܘܰܝܢܶܝ، ܐܳܕ̥ܳܡ ܘܺܗ̄ܝ ܐܰܢ̱ܬ̥ܬܳܐ، ܘܠܳܐ ܡܺܝܢܰܟܦܺܝ ܗ̄ܘܰܘ̱.
Valið núna:
ܣܶܦܪܳܐ ܕ݄ܒܪܺܝܬ̥ܳܐ 2: ܟܬܒܐ
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 2
2
1ܘܟܰܡܺܝܠܺܝ ܗ̄ܰܫܡܰܝ̈ܶܐ ܘܺܗ̄ܝ ܐܰܪܥܳܐ ܘܟܽܘܠܶܗ ܗ̄ܽܘ ܚܰܝܠܰܬّ̥ܶܗ. 2ܘ݄ܡܟܰܡܶܠ ܠܶܗ ܐܰܠܳܗܳܐ ܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ ܗ̄ܰܥܒܳܕ̥̈ܶܐ ܕܣܺܝܡܺܝ ܠܶܗ. ܘ݄ܬ̥ܢܺܝܚ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܡܶܢ̱ ܟܽܘܠّܶܗ ܗ̄ܰܥܒܳܕ̥̈ܶܐ ܕܣܺܝܡܺܝ ܠܶܗ. 3ܘ݄ܡܒܰܪܰܟ̥ ܠܶܗ ܐܰܠܳܗܳܐ ܠܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܘ݄ܡܩܰܕܰܫ ܠܶܗ، ܥܰܠ ܕܶܐܒܶܗ ܬ̥ܢܺܝܚ ܡܶܢ̱ ܟܽܘܠّܶܗ ܗ̄ܰܥܒܳܕ̥̈ܶܐ ܕ݄ܒܪܶܐ ܠܶܗ ܐܰܠܳܗܳܐ.
4ܗܰܢܳܐ ܝܳܐ ܗ̄ܽܘ ܪܺܝܫܳܐ ܕ݄ܒܪܺܝܬ̥ܳܐ ܕܺܗ̄ܝ ܫܡܰܝܳܐ ܘܕܺܗ̄ܝ ܐܰܪܥܳܐ ܗ̄ܺܝ ܢܰܩܠܐ ܕܰܗ̄ܘ݄ܢ، ܒܽܗ̄ܘ ܝܰܘܡܳܐ ܕܣ݄ܡ ܠܶܗ ܡܳܪܝܳܐ ܐܰܠܳܗܳܐ ܗ̄ܺܝ ܫܡܰܝܳܐ ܘܺܗ̄ܝ ܐܰܪܥܳܐ. 5ܘܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܺܗ̄ܝ ܚܰܩܠܳܐ ܗܶܫ ܠܰܐ ܗ̄ܘ݄ܢ ܗ̄ܘܰܘ̱ ܒܺܗ̄ܝ ܐܰܪܥܳܐ. ܘܟܽܘܠܶܗ ܗ̄ܽܘ ܓܶܠܳܐ ܕܺܗ̄ܝ ܚܰܩܠܳܐ ܗܶܫ ܠܳܐ ܝܰܥܺܝ ܗ̄ܘܰܐ ܡܺܐܝܕ̥ܶܗ ܕܠܳܐ ܡܰܢܚܰܬ ܗ̄ܘܰܝ ܠܶܗ ܡܳܪܝܳܐ ܐܰܠܳܗܳܐ ܡܰܛܪܳܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ. ܘܢܳܫܳܐ (ܐܳܕ̥ܳܡ) ܠܰܝ̱ܬ ܗ̄ܘܰܐ ܕܦܳܠ݄ܚ ܒܺܗ̄ܝ ܐܰܪܥܳܐ. 6ܘ݄ܡܥܺܝܢܳܐ ܣܳܠܰܩ ܗ̄ܘܰܐ ܡܺܗ̄ܝ ܐܰܪܥܳܐ ܘܡܰܫܬܶܐ ܗ̄ܘܰܐ ܠܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ. 7ܘ݄ܓܒ̥ܺܝܠ ܠܶܗ ܡܳܪܝܳܐ ܐܰܠܳܗܳܐ ܠܳܐܕ̥ܳܡ ܥܰܦܪܳܐ ܡܽܗ̄ܘ ܥܰܦܪܳܐ ܣܶܡܳܩܳܐ. ܘ݄ܢܦ݄ܚ ܠܶܗ ܒܦܳܬ̥ܶܗ ܢܫܰܡܬܳܐ ܕܰܚّܰܝ̈ܶܐ ܘܗܰܘܺܝ ܐܳܕ̥ܳܡ ܢܰܦܫܳܐ ܚܰܝܬ̥ܳܐ.
8ܘ݄ܢܨܽܒ̥ ܠܶܗ ܡܳܪܝܳܐ ܐܰܠܳܗܳܐ ܦܰܪܕܰܝܣܳܐ ܒ݄ܥܕܶܢ، ܡܶܢ̱ ܡܶܩ݄ܕ̱ܡ. ܘܡܰܚ݄ܬ ܠܶܗ ܬܰܡܳܐ ܠܳܐܕ̥ܳܡ ܕ݄ܓܒ̥ܺܝܠ ܠܶܗ. 9ܘܡܰܘܥܶܐ ܠܶܗ ܡܳܪܝܳܐ ܐܰܠܳܗܳܐ ܡܺܗ̄ܝ ܐܰܪܥܳܐ ܟܘ̇ܠ ܐܺܝܠܳܢܳܐ ܕܟ݄ܬ ܝܳܐ ܫܰܦܺܝܪܳܐ ܠܽܗ̄ܘ ܚܙܳܝܳܐ ܘܛܳܒ̥ܳܐ ܠܽܗ̄ܘ ܡܽܐܘܟܠܳܐ. ܘܽܗ̄ܘ ܐܺܝܠܳܢܳܐ ܕܰܚّܰܝ̈ܶܐ ܒܦܰܠܓܶܗ ܕܽܗ̄ܘ ܦܰܪܕܰܝܣܳܐ، ܘܽܗ̄ܘ ܐܺܝܠܳܢܳܐ ܕܺܗ̄ܝ ܝܕ̥ܰܥܬ̥ܳܐ ܕܺܗ̄ܝ ܛܰܒ̥ܬܳܐ ܘܕܺܗ̄ܝ ܒܺܝܫܬܳܐ. 10ܘܢܰܗܪܳܐ ܢܳܦܰܩ ܗ̄ܘܰܐ ܡܶܢ̱ ܥܕܶܢ ܕܡܰܫܬܶܐ ܠܽܗ̄ܘ ܦܰܪܕܰܝܣܳܐ، ܘܡܶܢ̱ ܬܰܡܳܐ ܡ݄ܦܪ݄ܫ ܗ̄ܘܰܐ ܠܰܐܪܒܥܳܐ ܪ̈ܺܝܫܶܐ: 11ܐ݄ܫܡܶܗ ܕܚܰܕ̱ ܦܺܝܫܽܘܢ، ܗܰܘܳܐ ܕܟ݄ܐܙّܶܗ ܚܶܕ̥ܳܪ ܟܽܘܠܰܗ ܗ̄ܺܝ ܐܰܪܥܳܐ ܕ݄ܚܘܺܝܠܳܐ ܕܬܰܡܳܐ ܝܳܐ ܗ̄ܽܘ ܕܰܗܒ̥ܳܐ. 12ܘܽܗ̄ܘ ܕܰܗܒ̥ܳܐ ܕܺܗ̄ܝ ܐܰܪܥܰܝܳܐ ܛܳܒ̥ܳܐ ܝܳܐ، ܬܰܡܳܐ ܟܺܝܬ ܒܶܪ̈ܽܘܠܶܐ ܘܟܶܐܦ̈ܶܐ ܕܒܶܪܽܘܠܳܐ. 13ܘ݄ܐܫܡܶܗ ܕܽܗ̄ܘ ܢܰܗܪܳܐ ܕܰܬܪܶܝ ܓܺܝܚܽܘܢ ܝܳܐ، ܗܰܘܳܐ ܕܟ݄ܐܙّܶܗ ܚܶܕ̥ܳܪ ܟܽܘܠܰܗ ܗ̄ܺܝ ܐܰܪܥܳܐ ܕܟܽܘܫ. 14ܘ݄ܐܫܡܶܗ ܕܽܗ̄ܘ ܢܰܗܪܳܐ ܕܰܬܠܳܬ̥ܳܐ ܕܶܩܠܰܬ̥ ܝܳܐ، ܗܰܘܳܐ ܕܟ݄ܐܙّܶܗ ܠܰܐܦ ܐܳܬ̥ܽܘܪ. ܘܽܗ̄ܘ ܢܰܗܪܳܐ ܕܰܗ̄ܢ ܐܰܪܒܥܳܐ ܦܪܳܬ̥ ܝܳܐ.
15ܘܡ݄ܕ ܠܶܗ ܡܳܪܝܳܐ ܐܰܠܳܗܳܐ ܠܳܐܕ̥ܳܡ، ܘܡܰܚ݄ܬ ܠܶܗ ܒܽܗ̄ܘ ܦܰܪܕܰܝܣܳܐ ܕ݄ܥܕܶܢ ܕܦܳܠܰܚ ܠܶܗ ܘܢܳܛܰܪ ܠܶܗ. 16ܘܡܳܪܝܳܐ ܐܰܠܳܗܳܐ ܗܽܒ̥ ܠܶܗ ܦܽܘܩܕܳܢܳܐ ܠܳܐܕ̥ܳܡ ܘܐܡ݄ܪ ܠܶܗ ܠܶܗ: ”ܡܶܢ̱ ܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܒܽܗ̄ܘ ܦܰܪܕܰܝܣܳܐ ܡܽܐܘܟܠܳܐ ܓܕܳܐܟ̥ܠܰܬ، 17ܘܡܽܗ̄ܘ ܐܺܝܠܳܢܳܐ ܕܺܗ̄ܝ ܝܺܕ̥ܰܥܬ̥ܳܐ ܕܺܗ̄ܝ ܛܰܒ̥ܬܳܐ ܘܕܺܗ̄ܝ ܒܺܝܫܬܳܐ ܠܳܐ ܐܟ̥ܠܰܬ ܡܶܢܶܗ. ܡܺܐܝܕ̥ܶܗ ܕܒܽܗ̄ܘ ܝܰܘܡܳܐ ܕܳܐܟ̥ܠܰܬ ܡܶܢܶܗ ܡܰܘܬܳܐ ܓܡܰܝܬ̥ܰܬ.“
18ܘܡܳܪܝܳܐ ܐܰܠܳܗܳܐ ܐܡ݄ܪ ܠܶܗ: ”ܠܰܝ̱ܬ ܝܳܐ ܫܰܦܺܝܪܳܐ ܕܦܳܝ݄ܫ ܐܳܕ̥ܳܡ ܒܶܠܚܽܘܕ̥ܶܗ، ܓܣܳܝܰܡ ܐ̱ܢܳܐ ܠܶܗ ܡܥܰܕܪܳܢܳܐ ܐܟ̥ܳܬ̥ܶܗ.“ 19ܘ݄ܓܒ̥ܺܝܠ ܠܶܗ ܡܳܪܝܳܐ ܐܰܠܳܗܳܐ ܡܺܗ̄ܝ ܐܰܪܥܳܐ ܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܽܗ̄ܘ ܡܰܕ̥݄ܒܪܳܐ، ܘܟܽܘܠܶܗ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ. ܘܡܰܡܛܺܝ ܠܶܗ ܠܓܰܒ ܐܳܕ̥ܳܡ ܕܚܳܙܶܐ ܡ݄ܢ ܓܩܳܪܰܠّܶܗ. ܘ݄ܠܟܘ̇ܠ ܢܰܦܫܳܐ ܚܰܝܬ̥ܳܐ ܕ݄ܩܪܶܐ ܠܶܗ ܐܳܕ̥ܳܡ ܗܰܘܳܐ ܝܳܐ ܐ݄ܫܡܰܗ. 20ܘ݄ܩܪܶܐ ܠܶܗ ܐܳܕ̥ܳܡ ܐ݄ܫܡܳܢ̈ܶܐ ܠܟܽܘܠܶܗ ܗ̄ܽܘ ܒܥܺܝܪܳܐ، ܘ݄ܠܟܽܘܠܶܗ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ، ܘ݄ܠܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܺܗ̄ܝ ܐܰܪܥܳܐ. ܘܠܳܐܕ̥ܳܡ ܠܳܐ ܚܙܶܐ ܡܥܰܕܪܳܢܳܐ ܐܶܠܶܗ ܐܟ̥ܳܬ̥ܶܗ. 21ܘ݄ܡܚܰܠܰܩ ܠܶܗ ܡܳܪܝܳܐ ܐܰܠܳܗܳܐ ܫܰܢܬ̥ܳܐ ܥܰܡܽܘܩܬܳܐ ܥܰܠ ܐܳܕ̥ܳܡ ܘܕܰܡ݄ܟ̥. ܘܡ݄ܕ ܠܶܗ ܚܕ̥ܳܐ ܡܰܗ̄ܢ ܐܰܠܥ̈ܰܝܕ̥ܶܗ، ܘ݄ܡܠܶܐ ܠܶܗ ܒܰܣܪܳܐ ܒܕܽܘܟܬ̥ܰܗ. 22ܘܡܰܪܟܰܒ̥ ܠܶܗ ܡܳܪܝܳܐ ܐܰܠܳܗܳܐ ܗ̄ܺܝ ܐܰܠܥܳܐ ܕܡ݄ܕ ܠܶܗ ܡܶܢ̱ ܐܳܕ̥ܳܡ (ܘܣ݄ܡ ܠܶܗ ܡܶܢܰܗ) ܐܰܢ̱ܬ̥ܬܳܐ، ܘܡܰܝܬ݄ܝܳܐ ܠܶܗ ܠܳܐܕ̥ܳܡ. 23ܘܐܡ݄ܪ ܠܶܗ ܐܳܕ̥ܳܡ: ”ܐ݄ܥܕܳܐ، ܓܰܪܡܳܐ ܡܰܢ̱ ܓّܰܪ̈ܡܰܝܕ̥ܺܝ ܘܒܰܣܪܳܐ ܡܽܗ̄ܘ ܒܰܣܪܰܝܕ̥ܺܝ ܝܳܐ. ܗܰܬ̥ܶܐ ܓܡ݄ܩܪܳܝܳܐ ܐܰܢ̱ܬ̥ܬܳܐ، ܥܰܠ ܕܡܶܢ̱ ܓܰܒ̥ܪܳܐ ܡܺܝܕܳܐ.“ 24ܡܰܗ̄ܘܟ̥ܰܐ ܓܛܳܪܶܐ ܗ̄ܽܘ ܓܰܒ̥ܪܳܐ ܠܽܗ̄ܘ ܒܰܒܳܐ ܘܠܺܗ̄ܝ ܐܶܡܳܐ ܘ݄ܓܡܳܛܶܐ ܠܺܗ̄ܝ ܐܰܢ̱ܬ̥ܬܰܝܕ̥ܶܗ، ܘ݄ܓܕܳܗ̄ܘ݄ܢ ܗ̄ܰܬܪܶܝ ܚܰܕ̱ ܢܳܫܳܐ. 25ܘܰܬܪܰܝّܶܗ ܥܰܪ̈ܛܶܠܳܝܶܐ ܗ̄ܘܰܝܢܶܝ، ܐܳܕ̥ܳܡ ܘܺܗ̄ܝ ܐܰܢ̱ܬ̥ܬܳܐ، ܘܠܳܐ ܡܺܝܢܰܟܦܺܝ ܗ̄ܘܰܘ̱.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation