San Mateo 27
27
Jesusta pusharkakuna romano apu Pilatoma
(Mr 15.1; Lc 23.1-2; Jn 18.28-32)
1Ña pakarishpan tutamanta, tukuy saserdotekunapa apunkuna, tukuy Israel runakunata kamachik runakunawa suhuk yuyayllawa kwintarkakuna Jesusta wañuchinankunapa. 2Chaypiña watashpankuna aparkakuna romano apu Poncio Pilatoma.
Judaska wañurka
(Lc 22.47-53; Jn 18.2-11; Mt 27.3-5; Mr 14.43-45)
3Jesusta wañuchichinankunapa pushahushkankunata Judaska rikushpan yuyarirka payta apichichishpan mana alita rurashkanta. Chayrayku llakirishpan kutichikrirka kimsa chunka apishkan kullkita chay saserdotekunapa apunkunata, chaymanta rukukunatapas.
4Chaypi rimarka: “Uchata rurashkani apichishpayni mana uchayu runata”. Paykunaka aynirkakuna: “Ñukanchiraykuka mana imananchu. ¡Chayka kanpa uchaykimi!”
5Chaypi Judaska chay kullkita wichurka Yaya Diospa wasinpi, chaywasha llukshishpan kunkanpi watarishpa saltashpan wañurka.
6Chay saserdote apukunaka apishpankuna chay kullkita rimarkakuna: “Kay kullkika shuk runata wañuchinapa apichishkanrayku apishka kullkimi. Chayrayku mana alichu churananchipa ofrendapi.” 7Alita kwintashkankuna washa, rantirkakuna chay mankata rurakpa allpanta, chaypi panpanankunapa karumanta runakunata. 8Chayrayku kunankama chay allpapa shutinka kiparishka “Yawar Allpa”. 9Chasna paktarirka ñawpa profeta Jeremiaspa rimashkanka: “Apirkakuna chay kimsa chunka kullkita, chay tupu chanitami churarkakuna Israel runakunaka. 10Chay kullkiwa rantirkakuna chay mankata rurakpa allpanta, imashnami Yaya Dioska kamachiwarka”.
Pilatoka tapurka Jesusta
(Mr 15.2-5; Lc 23.3-5; Jn 18.33-38)
11Jesuska shayahurka atun apupa puntanpi, chaypi Pilatoka tapurka: ¿Kanchu kanki Judiukunapa atun apuka? Jesuska aynirka: “Kanmi rimashkanki”.
12Chay saserdotekunapa apunkuna, Israelkunapa kamachik rukunkuna achka millaypakunata paymanta rimahushkankunapipas Jesuska chunllalla uyarayarka.
13Chaypiña Pilatoka Jesusta tapurka: “¿Manachu uyanki maytukuy imakunamantata kanta uchachihunkuna?”
14Jesuska nima shuk shimita aynirkachu; chayrayku chay apuka kiparirka mancharishka.
Jesuska ña kamachirshka karka wañunanpa
(Mr 15.6-20; Lc 23.13-25; Jn 18.38; 19.16)
15Karan fiestapi chay atun apuka kacharipayarka shuk karselpi kahukta, maykantachari llaktaka munapayan chayta. 16Chay uras tiyarka shuk runa karselpi yapa riksirishka, shutinka karka Barrabás. 17Chaypiña Pilatoka tantarishpan chay runakunata tapurka: “¿Pitata munankichi kacharinaynipa: Barrabastachu, mana kashpaka Jesustachu, maykantami rimanahun Kristu?” 18Pilatoka yacharka paykuna apichishkankunata chiknishpankuna. 19Apu Pilatoka kamachinan tiyarinanpi tiyahushkanpi paypa warmin kacharka runanta rimak rinanpa: “Ama nima imata ruraychu chay ali runata. Pay rantimi manchaypata muskushkani” nishpa.
20Chay saserdotekunapa apunkunaka chaymanta chay rukukunapas yuyachishpa rimarkakuna chay runakunata tapunankunapa Barrabasta kacharinankunapa, Jesustaña wañuchinankunapa.
21Chaypiña chay apuka tapurka: “¿Kay ishkaymanta maykantata munankichi kacharinaynipa?” Paykunaka rimarkakuna: “¡Barrabasta kacharichiy!”
22Apu Pilatoka paykunata tapurka: “¿Imatata rurasha kay Jesuswa, maykantami rimankichi Kristu?” Tukuy rimarkakuna: ¡Kruspi klabashpa wañuchichiy!
23Apu Pilatoka paykunata rimarka: “¿Ima millaypatataya rurashka?”
Chaypi paykunaka ashwan sinchita kaparishpa rimarkakuna: “¡Kruspi klabashpa wañuchiychi!”
24Chay runakunaka yapa piñarishpa kaparishpankuna apu Pilatoka mana nima imata atipashpan, ashwan kaparihushpankuna, yakuta apishpan, makinta mayllarka runakunapa rikushkanpi, chaypi rimarka: “Kankuna yachankichi, ñukaka manami uchayuchu kasha kay runapa wañushkanmanta”.
25Tukuy llakta aynirkakuna: “¡Kay runapa wañushkan ranti, ñukanchi wawanchikunapas pagashunchi wañuywa!”
26Chaypiña Pilatoka Barrabasta kacharichirka. Jesustaña asutichirka. Chaywasha kamachirka kruspi klabashpa wañuchinankunapa.
27Chaypiña suntalukunaka Jesusta pusharkakuna apu Pilatopa wasinma. Chaypi tukuy suntalu masinkunata tantachirkakuna. 28Chaywasha llatanachirkakuna. Chaymanta awanpi churachirkakuna shuk puka llachapata. 29Umanpi churarkakuna shuk llawtu kashamanta awarishkata, kuskan parti makinpi apichirkakuna shuk kaspita; chaypiña kunkurirkakuna paypa puntanpi, asichishpa rimarkakuna: “¡Kawsachun, Judiukunapa apun!”
30Chaypiña payta tyukarkakuna chaymanta shuk kaspiwa waktarkakuna umanpi. 31Chasna pukllachishkankunawasha chay puka churarinata llatanachishpankuna pay kikinpa churarinantaña churachirkakuna. Chaymanta payta pusharkakuna shuk kruspi klabashpa wañuchinankunapa.
Jesusta kruspi klabashpa wañuchirkakuna
(Mr 15.21-41; Lc 23.26-49; Jn 19.17-30)
32Jesusta pushahushkankunapi kruspi klabashpa wañuchinankunapa, shuk runa Simón shutiyuta tinkurkakuna. Chay Simonka karka Sirene llaktamanta. Suntalukunaka payta kamachirkakuna Jesuspa krusninta markananpa. 33Chaypi paktarkakuna Gólgota shutiyupi, Gólgota rimanayan “Wañushkakunapa uman luma”, 34Chaypiña upyachinayarkakuna aya wikiwa chapurishka vinuta. Jesuska kamashkan washa, mana upyanayarkachu.
35Klavashkankuna washa kruspi, swirtinkunata kamarkakuna pishi llachapanta apanka nishpa. Chaywa paktarirka ñawpa profetapa rimashkanka: “Chawpinakurkakuna churarinaynita, chay churarinaynipi swirtinkunata surkurkakuna”. 36Chaywasha tiyarirkakuna kuyranankunapa. 37Uman awapi churarkakuna shuk killkarishkata imaraykumi wañuhun: “KAYMI KAN JESÚS, JUDIUKUNAPA APUN”.
38Paywa pakta klavarkakuna kruspi ishkay shuwakunata, shukta kuskan parti shuktaka llukin parti. 39Chayta pasahukkunaka millaypata rimashpa, umankunata kuyuchishpa rimarkakuna:
40—Kanmi rimashkanki Yaya Diospa atun wasinta urmachishpayki kimsa punchapi kutikashka ruranaykita. Kunanka kan kikinta kishpichiriy. Yaya Diospa Wawan kashpaykika chay krusmanta uraykumuy, nishpa.
41Chasnallatata, payta asichirkakuna saserdotekunapa apunkuna, Moisespa killkashkanta yachachikkunapas, fariseokunapas, chaymanta rukukunapas. Rimarkakuna kasna:
42“Kishpichishka shukkunata, paykikintaka mana atipanchu kishpichirinata. Israel runakunapa atun apun kashpanka kay krusmanta uraykumuchun. Chaypira kirishunchi payta. 43Payka Yaya Diospimi sinchikurin, kunanka Yaya Dios kishpichichu, pay munashpanka. Payka rimarkami: ‘Ñuka kanimi Diospa wawan’ nishpa”.
44Chaymantapas asichishpa millaypata rimarkakuna chay ishkay klavarishka kruspi paywa pakta kahukuna.
Jesuska wañurka
(Mr 15.33-41; Lc 23.44-49; Jn 19.28-30)
45Chawpi punchamanta pacha kimsa urakama amsa tuta tukurka tukuy allpapi. 46Ña kimsa uraka kuchuyahushpan, Jesuska sinchita kaparirshpan rimarka: “Elí, Elí, ¿Lema sabaktani?”, Chayka ninayan, “Yayayni Dios, yayayni Dios ¿Imaraykutaya sapallaynita sakiwashkanki?”.
47Maykankunami chaypi kahurkakuna, kaparishkanta uyashpankuna chaypi kahukkunaka rimarkakuna: “Eliastami kayahu”.
48Chaypiña shuk paykunamanta kallpashpa rirka utkuta apak rinanpa. Chayta shuk suni kaspi puntapi watashpan agru vinupi ukuchishpan Jesuspa shiminpi tupachirka upyananpa. 49Shukkunaka rimarkakuna: “Sakiy, aku rikushu Eliaska shamunkachu payta kishpichinanpa”.
50Chaypina kutikashka Jesuska sinchita kaparirka. Chasna kaparishpa wañurka. 51Chasnallapi Yaya Diospa wasinpi rakta llachapaka likirirka chawpinpi pitikta, awamanta pacha ukukama; allpaka sinchita kuyurirka, rumisapa urkukunapas partirirkakuna. 52Wañushkakunapa taparishkan uchkukunaka paskarirkakuna. Achka Yaya Diosta sumakta kirik wañushka runakunaka kawsarirkakuna. 53Jesús kawsarishkan washa, chay wañushka runakunaka llukshishpankuna panparishka kashkankunamanta rirkakuna santu llaktama, maypimi rikurikrirkakuna achka runakunata.
54Allpa sinchita kuyurihushkanta, tukuy imakuna pasashkanta rikushpan, chay kapitanka Jesusta kuyrak suntalunkunawa pakta yapa mancharishpankuna rimarkakuna: “¡Shutipami kay runaka Yaya Diospa Wawan kashka!” Nishpa.
55Achka warmikuna, Galileamanta pacha Jesusta katirkakuna yanapanankunapa, paykunaka chaypi kahurkakuna rikushpa karumantalla. 56Chay warmikunamanta kahurka, Magdalamanta Maria, Santiagopa Josepa maman Maria, Sebedeopa wawankunapa mamanpas.
Jesuspa aychanta urku uchkupi churashpa taparkakuna
(Mr 15.42-47; Lc 23.50-56; Jn 19.38-42)
57Ña tutayaushpanña, shuk achka kullkiyu runa Arimateamanta José shutiyu rirka. Paypas karka Jesuspa disipulun. 58Rirka kwintanapa Pilatowa tapunanpa Jesuspa aychanta. Pilatoka kamachirka kunankunapa. 59Joseka apishpan Jesuspa aychanta, pillurka suk yura mushu llachapawa. 60Chay washa aparkakuna shuk mushu allarishka urku auchkupi churashpa tapanankunapa. Chay uchkuta Joseka rurachirka pay kikinpa ranatishkan allpapi. Jasuspa aychanta chay uchkupi churashkankuna washa atun rumiwa taparkakuna. Chaypi sakirkakuna. 61Magdalamanta María shuk Mariawa kiparirkakuna tiyashpa uchku punkupi.
Suntalukunaka Jesuspa aychan churay tukushka uchku punkuta kuyrarkakuna
62Kayantima, karka israel runakunapa samanankuna puncha. Chay puncha saserdotekunapa apunkuna, fariseokunapas tantarikrirkakuna Pilatowa 63Chaypi rimarkakuna: —Apu, ñukanchi yuyarishkanchi, kawsahushpanra, chay llullachik runaka rimarka: “Kimsa punchamantami kawsarisha”.
64Chayrayku, kachay kuyrakrinankunapa chay kimsa puncha paktarinankama; disipulunkunami tutapi rishpankuna apankakuna aychanta, chay washa rimankakuna llaktata: “¡Kawsarishkami wañushkanmanta!” Chasna kay washa llullashkankunaka kama ashwan sinchi chay puntiru llullashkankunamanta.
65Chaypiña Pilatoka paykunata aynirka: “Chaykaya suntalukunaka, riychi, kuyrakriychi imashnami kankuna yachankichi kuyranata”.
66Chaypiña paykunaka rirkakuna chasna kuyrarkakuna chay uchku punkuta sumakta tapashpa. Chaymantapas churarkakuna suntalukunata kuyranankunapa.
Valið núna:
San Mateo 27: QUP_B
Áherslumerki
Deildu
Afrita
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 27
27
Jesusta pusharkakuna romano apu Pilatoma
(Mr 15.1; Lc 23.1-2; Jn 18.28-32)
1Ña pakarishpan tutamanta, tukuy saserdotekunapa apunkuna, tukuy Israel runakunata kamachik runakunawa suhuk yuyayllawa kwintarkakuna Jesusta wañuchinankunapa. 2Chaypiña watashpankuna aparkakuna romano apu Poncio Pilatoma.
Judaska wañurka
(Lc 22.47-53; Jn 18.2-11; Mt 27.3-5; Mr 14.43-45)
3Jesusta wañuchichinankunapa pushahushkankunata Judaska rikushpan yuyarirka payta apichichishpan mana alita rurashkanta. Chayrayku llakirishpan kutichikrirka kimsa chunka apishkan kullkita chay saserdotekunapa apunkunata, chaymanta rukukunatapas.
4Chaypi rimarka: “Uchata rurashkani apichishpayni mana uchayu runata”. Paykunaka aynirkakuna: “Ñukanchiraykuka mana imananchu. ¡Chayka kanpa uchaykimi!”
5Chaypi Judaska chay kullkita wichurka Yaya Diospa wasinpi, chaywasha llukshishpan kunkanpi watarishpa saltashpan wañurka.
6Chay saserdote apukunaka apishpankuna chay kullkita rimarkakuna: “Kay kullkika shuk runata wañuchinapa apichishkanrayku apishka kullkimi. Chayrayku mana alichu churananchipa ofrendapi.” 7Alita kwintashkankuna washa, rantirkakuna chay mankata rurakpa allpanta, chaypi panpanankunapa karumanta runakunata. 8Chayrayku kunankama chay allpapa shutinka kiparishka “Yawar Allpa”. 9Chasna paktarirka ñawpa profeta Jeremiaspa rimashkanka: “Apirkakuna chay kimsa chunka kullkita, chay tupu chanitami churarkakuna Israel runakunaka. 10Chay kullkiwa rantirkakuna chay mankata rurakpa allpanta, imashnami Yaya Dioska kamachiwarka”.
Pilatoka tapurka Jesusta
(Mr 15.2-5; Lc 23.3-5; Jn 18.33-38)
11Jesuska shayahurka atun apupa puntanpi, chaypi Pilatoka tapurka: ¿Kanchu kanki Judiukunapa atun apuka? Jesuska aynirka: “Kanmi rimashkanki”.
12Chay saserdotekunapa apunkuna, Israelkunapa kamachik rukunkuna achka millaypakunata paymanta rimahushkankunapipas Jesuska chunllalla uyarayarka.
13Chaypiña Pilatoka Jesusta tapurka: “¿Manachu uyanki maytukuy imakunamantata kanta uchachihunkuna?”
14Jesuska nima shuk shimita aynirkachu; chayrayku chay apuka kiparirka mancharishka.
Jesuska ña kamachirshka karka wañunanpa
(Mr 15.6-20; Lc 23.13-25; Jn 18.38; 19.16)
15Karan fiestapi chay atun apuka kacharipayarka shuk karselpi kahukta, maykantachari llaktaka munapayan chayta. 16Chay uras tiyarka shuk runa karselpi yapa riksirishka, shutinka karka Barrabás. 17Chaypiña Pilatoka tantarishpan chay runakunata tapurka: “¿Pitata munankichi kacharinaynipa: Barrabastachu, mana kashpaka Jesustachu, maykantami rimanahun Kristu?” 18Pilatoka yacharka paykuna apichishkankunata chiknishpankuna. 19Apu Pilatoka kamachinan tiyarinanpi tiyahushkanpi paypa warmin kacharka runanta rimak rinanpa: “Ama nima imata ruraychu chay ali runata. Pay rantimi manchaypata muskushkani” nishpa.
20Chay saserdotekunapa apunkunaka chaymanta chay rukukunapas yuyachishpa rimarkakuna chay runakunata tapunankunapa Barrabasta kacharinankunapa, Jesustaña wañuchinankunapa.
21Chaypiña chay apuka tapurka: “¿Kay ishkaymanta maykantata munankichi kacharinaynipa?” Paykunaka rimarkakuna: “¡Barrabasta kacharichiy!”
22Apu Pilatoka paykunata tapurka: “¿Imatata rurasha kay Jesuswa, maykantami rimankichi Kristu?” Tukuy rimarkakuna: ¡Kruspi klabashpa wañuchichiy!
23Apu Pilatoka paykunata rimarka: “¿Ima millaypatataya rurashka?”
Chaypi paykunaka ashwan sinchita kaparishpa rimarkakuna: “¡Kruspi klabashpa wañuchiychi!”
24Chay runakunaka yapa piñarishpa kaparishpankuna apu Pilatoka mana nima imata atipashpan, ashwan kaparihushpankuna, yakuta apishpan, makinta mayllarka runakunapa rikushkanpi, chaypi rimarka: “Kankuna yachankichi, ñukaka manami uchayuchu kasha kay runapa wañushkanmanta”.
25Tukuy llakta aynirkakuna: “¡Kay runapa wañushkan ranti, ñukanchi wawanchikunapas pagashunchi wañuywa!”
26Chaypiña Pilatoka Barrabasta kacharichirka. Jesustaña asutichirka. Chaywasha kamachirka kruspi klabashpa wañuchinankunapa.
27Chaypiña suntalukunaka Jesusta pusharkakuna apu Pilatopa wasinma. Chaypi tukuy suntalu masinkunata tantachirkakuna. 28Chaywasha llatanachirkakuna. Chaymanta awanpi churachirkakuna shuk puka llachapata. 29Umanpi churarkakuna shuk llawtu kashamanta awarishkata, kuskan parti makinpi apichirkakuna shuk kaspita; chaypiña kunkurirkakuna paypa puntanpi, asichishpa rimarkakuna: “¡Kawsachun, Judiukunapa apun!”
30Chaypiña payta tyukarkakuna chaymanta shuk kaspiwa waktarkakuna umanpi. 31Chasna pukllachishkankunawasha chay puka churarinata llatanachishpankuna pay kikinpa churarinantaña churachirkakuna. Chaymanta payta pusharkakuna shuk kruspi klabashpa wañuchinankunapa.
Jesusta kruspi klabashpa wañuchirkakuna
(Mr 15.21-41; Lc 23.26-49; Jn 19.17-30)
32Jesusta pushahushkankunapi kruspi klabashpa wañuchinankunapa, shuk runa Simón shutiyuta tinkurkakuna. Chay Simonka karka Sirene llaktamanta. Suntalukunaka payta kamachirkakuna Jesuspa krusninta markananpa. 33Chaypi paktarkakuna Gólgota shutiyupi, Gólgota rimanayan “Wañushkakunapa uman luma”, 34Chaypiña upyachinayarkakuna aya wikiwa chapurishka vinuta. Jesuska kamashkan washa, mana upyanayarkachu.
35Klavashkankuna washa kruspi, swirtinkunata kamarkakuna pishi llachapanta apanka nishpa. Chaywa paktarirka ñawpa profetapa rimashkanka: “Chawpinakurkakuna churarinaynita, chay churarinaynipi swirtinkunata surkurkakuna”. 36Chaywasha tiyarirkakuna kuyranankunapa. 37Uman awapi churarkakuna shuk killkarishkata imaraykumi wañuhun: “KAYMI KAN JESÚS, JUDIUKUNAPA APUN”.
38Paywa pakta klavarkakuna kruspi ishkay shuwakunata, shukta kuskan parti shuktaka llukin parti. 39Chayta pasahukkunaka millaypata rimashpa, umankunata kuyuchishpa rimarkakuna:
40—Kanmi rimashkanki Yaya Diospa atun wasinta urmachishpayki kimsa punchapi kutikashka ruranaykita. Kunanka kan kikinta kishpichiriy. Yaya Diospa Wawan kashpaykika chay krusmanta uraykumuy, nishpa.
41Chasnallatata, payta asichirkakuna saserdotekunapa apunkuna, Moisespa killkashkanta yachachikkunapas, fariseokunapas, chaymanta rukukunapas. Rimarkakuna kasna:
42“Kishpichishka shukkunata, paykikintaka mana atipanchu kishpichirinata. Israel runakunapa atun apun kashpanka kay krusmanta uraykumuchun. Chaypira kirishunchi payta. 43Payka Yaya Diospimi sinchikurin, kunanka Yaya Dios kishpichichu, pay munashpanka. Payka rimarkami: ‘Ñuka kanimi Diospa wawan’ nishpa”.
44Chaymantapas asichishpa millaypata rimarkakuna chay ishkay klavarishka kruspi paywa pakta kahukuna.
Jesuska wañurka
(Mr 15.33-41; Lc 23.44-49; Jn 19.28-30)
45Chawpi punchamanta pacha kimsa urakama amsa tuta tukurka tukuy allpapi. 46Ña kimsa uraka kuchuyahushpan, Jesuska sinchita kaparirshpan rimarka: “Elí, Elí, ¿Lema sabaktani?”, Chayka ninayan, “Yayayni Dios, yayayni Dios ¿Imaraykutaya sapallaynita sakiwashkanki?”.
47Maykankunami chaypi kahurkakuna, kaparishkanta uyashpankuna chaypi kahukkunaka rimarkakuna: “Eliastami kayahu”.
48Chaypiña shuk paykunamanta kallpashpa rirka utkuta apak rinanpa. Chayta shuk suni kaspi puntapi watashpan agru vinupi ukuchishpan Jesuspa shiminpi tupachirka upyananpa. 49Shukkunaka rimarkakuna: “Sakiy, aku rikushu Eliaska shamunkachu payta kishpichinanpa”.
50Chaypina kutikashka Jesuska sinchita kaparirka. Chasna kaparishpa wañurka. 51Chasnallapi Yaya Diospa wasinpi rakta llachapaka likirirka chawpinpi pitikta, awamanta pacha ukukama; allpaka sinchita kuyurirka, rumisapa urkukunapas partirirkakuna. 52Wañushkakunapa taparishkan uchkukunaka paskarirkakuna. Achka Yaya Diosta sumakta kirik wañushka runakunaka kawsarirkakuna. 53Jesús kawsarishkan washa, chay wañushka runakunaka llukshishpankuna panparishka kashkankunamanta rirkakuna santu llaktama, maypimi rikurikrirkakuna achka runakunata.
54Allpa sinchita kuyurihushkanta, tukuy imakuna pasashkanta rikushpan, chay kapitanka Jesusta kuyrak suntalunkunawa pakta yapa mancharishpankuna rimarkakuna: “¡Shutipami kay runaka Yaya Diospa Wawan kashka!” Nishpa.
55Achka warmikuna, Galileamanta pacha Jesusta katirkakuna yanapanankunapa, paykunaka chaypi kahurkakuna rikushpa karumantalla. 56Chay warmikunamanta kahurka, Magdalamanta Maria, Santiagopa Josepa maman Maria, Sebedeopa wawankunapa mamanpas.
Jesuspa aychanta urku uchkupi churashpa taparkakuna
(Mr 15.42-47; Lc 23.50-56; Jn 19.38-42)
57Ña tutayaushpanña, shuk achka kullkiyu runa Arimateamanta José shutiyu rirka. Paypas karka Jesuspa disipulun. 58Rirka kwintanapa Pilatowa tapunanpa Jesuspa aychanta. Pilatoka kamachirka kunankunapa. 59Joseka apishpan Jesuspa aychanta, pillurka suk yura mushu llachapawa. 60Chay washa aparkakuna shuk mushu allarishka urku auchkupi churashpa tapanankunapa. Chay uchkuta Joseka rurachirka pay kikinpa ranatishkan allpapi. Jasuspa aychanta chay uchkupi churashkankuna washa atun rumiwa taparkakuna. Chaypi sakirkakuna. 61Magdalamanta María shuk Mariawa kiparirkakuna tiyashpa uchku punkupi.
Suntalukunaka Jesuspa aychan churay tukushka uchku punkuta kuyrarkakuna
62Kayantima, karka israel runakunapa samanankuna puncha. Chay puncha saserdotekunapa apunkuna, fariseokunapas tantarikrirkakuna Pilatowa 63Chaypi rimarkakuna: —Apu, ñukanchi yuyarishkanchi, kawsahushpanra, chay llullachik runaka rimarka: “Kimsa punchamantami kawsarisha”.
64Chayrayku, kachay kuyrakrinankunapa chay kimsa puncha paktarinankama; disipulunkunami tutapi rishpankuna apankakuna aychanta, chay washa rimankakuna llaktata: “¡Kawsarishkami wañushkanmanta!” Chasna kay washa llullashkankunaka kama ashwan sinchi chay puntiru llullashkankunamanta.
65Chaypiña Pilatoka paykunata aynirka: “Chaykaya suntalukunaka, riychi, kuyrakriychi imashnami kankuna yachankichi kuyranata”.
66Chaypiña paykunaka rirkakuna chasna kuyrarkakuna chay uchku punkuta sumakta tapashpa. Chaymantapas churarkakuna suntalukunata kuyranankunapa.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2025 AIDIA
© 2025 Seed Company