Málúkus 11
11
Yésus mépikin Yelúsalɛm
(Mat 21.1-11; Lúk 19.28-40; Isŋ 12.12-16)
1Ne Yésus no popíónyí pɛ́ɛ́yɛ́ mɛɛlɛ́ pákany mekúye ne Yelúsalɛm, ɛ́ mɛɛŋɛ́l mɔ́ kitɔŋ kí Pɛtifasé na kí Petaní, kiáyí kí ɔkɛ́l ú Poolifié, Yésuse waatɔ́m popíónyí pɛ́ɛ́yɛ́ páandɛ́, 2wɔ́ kɔ́ɔ́p ɛ́ɛ́: «Ánupɔ́ ɔ́ kitɔŋ kinyɛɛ́ káánɔ́ ó pusíó. Núɛl nupíken, núkítikenyi muɔ́nɔ́ u apaŋapipiɛ asúúkán, mɔɔnd mapásɛ utimákát á wɔ. Núsulun, núŋólin na wɔ.» 3Índɛ mɔɔnd sionúówun ɛ́ɛ́: «Kiákɛ́ nusulunené pulúk pukáánɛ́? ónuondínyí ɛ́ɛ́: Ɔkɔ́n unyɛ́ insaná na wɔ, woókondonyi wɔ́ yá yáákɛ yáákɛ.» 4Pááyɔɔk, péékítikenyi muɔ́nɔ́ u apaŋapipiɛ asuúkán kɔ́ ɔɔ́nd á masia mé nipíkinín, wɔ́ etényí kí iŋilí. Péésulun wɔ. 5Pɛɛnd pómotí, pámaápá kɔ́ɔk, ɛ́pi kɔ́ɔ́p ɛ́ɛ́: «Kiákɛ́ nusulunené muɔ́nɔ́ u apaŋapipiɛ ukáánɛ́?» 6Póóndinyi pɔ́ yá aná Yésus mɔɔ́yitɛn pɔ, pááyap pɔ. 7Póókoólin Yésuse nɔ muɔ́nɔ́ u apaŋapipiɛ. Páátála muɔ́nɔ́ u apaŋapipiɛ indífɔnɔ́ é kilind, Yésuse waapúlɔk á wɔ. 8Pɛɛnd kutek pɛnɛ indífɔnɔ́ síɔ́p kí iŋilí, pólotí ákan tukasikás ó kukóli wɔ. 9Pómoófoókón ne epé pɔ́mɔɔ́ŋɔn ákanɛn Yésuse tupékpék, pɔ́ɔ́yɔ ɛ́ɛ́: «Oosána#11.9 Oosána: anakáánɛ punyɛ́ ɛ́ɛ́ Ɛnyɛ́ Támbák tusóti.! Peseé ne ewú woólone ɛ́ kisiɛ́n kí ɔkɔ́n! 10Peseé ne pufuŋ púóloné, púnyɛɛ́ asɛ pufuŋ pú si ɔ́kúnɛ́ waasɔ́ Tafíite! Ɛ́nyɛɛ́ piluŋaluŋa piim pínyɛɛ́ mɛnɛ́mɛnɛ́ɛ ómukosi Támbákɛ́ɛ no tukokó tú Oosána é níít!» 11Waámán Yelúsalɛmɛ, weepíkin á kitamb kí Támbák, waapísúmbɔ́n. Aná kuɔ́m maápá kumámaná ɛsɛnd, waám waayɔɔk Petaní nɛɛyɛ́ na Pápáátánapaándiɛ.
Yésus mɔ́nyɔmɔ́ pufikié
(Mat 21.18-19)
12Kuépeli, Yésus mɛɛlɛ́ úkaámán Petaní, ɔlɔŋ no popíónyí pɛ́ɛ́yɛ́, insaná yɛɛtikɛn wɔ. 13Woombin eŋís wɛɛ́n putɛ́ pápílanɛ́ ɛ́ɛ́ pufikié, putɔsɔ́. Waayɔɔk ó kuoyoósín emenyí ukóóki pusamɔ́. Umɛɛlɛ́ ne kupisíítin púu mekúye, tɛ ɛ́ɛ́ úkóóki pusamɔ́ á putɛ́, yá piány na piány kɔ́ɔ́m, á kiákí ɛ́ɛ́ kisikɛl kíɛ́yɛ́ kí kuómo mapá kimany kitiasíám. 14Wɔ́ é pufikié pukáánɛ́ ɛ́ɛ́: «Mɔɔnd tiányandá anyá púáwɔ pusamɔ́ tɛ puɔ́s!» Popíónyí pɛ́ɛ́yɛ́ pítɔ́likɔn.
Yésus másán nionyí á kitamb kí Támbák
(Mat 21.10-17; Lúk 19.45-48; Isŋ 2.13-16)
15Ne Yésus no popíónyí pɛ́ɛ́yɛ́ pányaám Yelúsalɛm. Yésuse weepíkin kɔ́ ɔɔ́nd ú kitamb kí Támbák woond á kukúúŋa ne petúúsí no poóndí kɔ́ ɔɔ́nd ú kitamb. Upelikenenyi petépéle pé peséndí muenyí, nɔ ɔnyɔ́l yé petúúsí tukɔlɔɔ́mbɔ, 16utiátapán ɛ́ɛ́ mɔɔnd pítúúkɛn puandá úsɛ́l ɔɔ́nd ú kitamb na pɔ. 17Woónyonyi pɔ, wɔɔyɔn pɔ́ ɛ́ɛ́: «Mekélíe má Támbák tipá mɔ́ɔyɔ ɛ́ɛ́: Kians kíámɛ ányípá kiansi kí imbísókólí ó pusíó pú pitɔŋ piim á? panɔ́ kɔk nunyɛ peéyésí kíi embík ú peépi.» 18Niɔy niányaámɛ́n pafunɔ́fɔn pɔɔkɔ́n ne pemenyípikotí, póond á kuamba iŋilí ɛ́ɛ́ pɔ́ɔ́nɛn pɔ́ Yésuse. Á kiákí ɛ́ɛ́ pámapá petííne wɔ, ɛ́ɛ́ iŋónyítónyí síɛ́yɛ́ mapá síálan embul. 19Kuɔ́m mɛɛlɛ́ kúsɛ́ndɛn, ne Yésus no popíónyí pɛ́ɛ́yɛ́ páátɔk Yelúsalɛm.
Pufikié mákɔt. No pipíóndínyí ɔtɛ́m ni imbísókólí
(Mat 21.20-22)
20Ne Yésus no popíónyí pɛ́ɛ́yɛ́ mɛɛlɛ́ pásitápúkan kiɛmɛ́ɛm, pɛ́kɛɛ́n pufikié pukáánɛ pukútán káá ni iŋaŋá. 21Píɛlɛ wapítáákɛt, wɔ́ é Yésus ɛ́ɛ́: «Oŋónyóonyi, yoósini, pufikié ɔ́nyínyɔmɔ́ kanyɛ pukútán káá ni iŋaŋá.» 22Wɔ́ kɔ́ɔ́p ɛ́ɛ́: «Ónupíóndónyí itɛ́m na Támbák. 23Yɔɔ́nuɔ́yɔn kémuémue ɛ́ɛ́ índɛ mɔɔnd siɛl kɔ́ ɔkɛ́l ewe ɛ́ɛ́: Pálɛ́k akáánɛ́, píómbín ká asaá, índɛ utipá waákan imfɛ́lɔ kɛ́ɛ́yi kɔ́ ɔtɛ́m, upíóndonyi ɔtɛ́m na Támbákɛ́ɛ epú umɔ́nyɔɔyɛ́t Piɛl, mɔɔnd ukáánɛ ɛ́kɛɛ́nɛn puandá pukáánɛ́ mɛ́piɛ́lɛ́. 24Kúúkɔ́ inuɔ́yɔɔnɛ́ ɛ́ɛ́: Puandá kitikit nuɔŋɔnɛ́ ni imbísókólí, ónupíóndónyí ɔtɛ́m na Támbákɛ́ɛ nukanyɛ na pɔ́, kɔ́ɔ́kɔ́ɔ nukɛɛ́nyɛ́n pɔ. 25Aká núményitélimit ɛ́ɛ́ núpísókolonyi, índɛ nunyɛ pɔpíɔ́ndíkɔ́n mɔɔnd, ánuyapɛ́n wɔ́ á pifal píɛ́yɛ́ ɛ́ɛ́ Síí waanɔ́ unyɛɛ́ mɛnɛ́mɛnɛ́ɛ núyapɛn kɛ́kɛ́yɛ́ á piánɔ́.» [26#11.26 Tipá e piénsi pɔmɔɔŋɔ ni imbɔk. ]
Naánɛ́ pukaaka pu Yésus ólinoné?
(Mat 21.23-27; Lúk 20.1-8)
27Ne Yésus no popíónyí pɛ́ɛ́yɛ́ póond Yelúsalɛm. Kɔ́ ɔɔ́nd ú kitamb, Yésus ááp woól woond, woól woond; pafunɔ́fɔn pɔɔkɔ́n, pemenyípikotí nɔ pɔkɔ́n pɔ́ kitɔŋ péépísíítin wɔ. 28Pɔ kɛ́ɛ́yɛ́ ɛ́ɛ́: «Á pukaaka púány ɛlɛnɛ́ maandá eme? Ɛ́nyɛ́ɛ wáányikufá pukaaka ɛ́ kuɛlɛ mɔ?» 29Woondinyi pɔ́ ɛ́ɛ́: «Yamɛ iŋówúnin eye táŋ imoómi inuówone, onuŋondinyi maná inuɔ́yitɛn kɔɔ́mɔ pukaaka íŋólinoné. 30Ɛ́nyɛ́ umaátɔ́m Isáaŋɛ ɛ́ɛ́ útuenin, Támbákɛ́ɛ éé pɛɛnd pé kúúsí? Ónuŋondinyi!» 31Póond á kuanuna pɔ́ɔ nɔ pɔ́ɔ, pɛ́ɛlɛɛ́: Índɛ tusiondinyi ɛ́ɛ́: «Támbákɛ́ɛ, ukaná kuɔyɛt ɛ́ɛ́: Kiákɛ́ kɔk numɛɛ́l nutiátáp mekélíe mí Isáaŋ? 32Tuóndínyi kɔk ɛ́ɛ́: Pɛɛnd á?» Ilópi yɔ́ɔ́p kaná atúnyɛ́ɛn. Pɔ́mɔɔyɔ́ anakáánɛ́ á kíakí ɛ́ɛ́ pémetííné kiɔ́p kí pɛɛnd kímɔɔ́kɔ́lɔn Isáaŋɛ asɛ eŋémímekélíe má Támbák u kémuémue. 33Pɔ́ kuondinyi Yésuse ɛ́ɛ́: «Tutipá tumenyen.» wɔ́ kɔ́ɔ́p ɛ́ɛ́: «Iŋú kákáámɛ, indipá inúɔ́yɔn á pukaaka púányí yɛɛlɛnɛ́ maandá eme.»
Valið núna:
Málúkus 11: yav
Áherslumerki
Deildu
Afrita
Want to have your highlights saved across all your devices? Sign up or sign in
© 2026, CABTAL
Málúkus 11
11
Yésus mépikin Yelúsalɛm
(Mat 21.1-11; Lúk 19.28-40; Isŋ 12.12-16)
1Ne Yésus no popíónyí pɛ́ɛ́yɛ́ mɛɛlɛ́ pákany mekúye ne Yelúsalɛm, ɛ́ mɛɛŋɛ́l mɔ́ kitɔŋ kí Pɛtifasé na kí Petaní, kiáyí kí ɔkɛ́l ú Poolifié, Yésuse waatɔ́m popíónyí pɛ́ɛ́yɛ́ páandɛ́, 2wɔ́ kɔ́ɔ́p ɛ́ɛ́: «Ánupɔ́ ɔ́ kitɔŋ kinyɛɛ́ káánɔ́ ó pusíó. Núɛl nupíken, núkítikenyi muɔ́nɔ́ u apaŋapipiɛ asúúkán, mɔɔnd mapásɛ utimákát á wɔ. Núsulun, núŋólin na wɔ.» 3Índɛ mɔɔnd sionúówun ɛ́ɛ́: «Kiákɛ́ nusulunené pulúk pukáánɛ́? ónuondínyí ɛ́ɛ́: Ɔkɔ́n unyɛ́ insaná na wɔ, woókondonyi wɔ́ yá yáákɛ yáákɛ.» 4Pááyɔɔk, péékítikenyi muɔ́nɔ́ u apaŋapipiɛ asuúkán kɔ́ ɔɔ́nd á masia mé nipíkinín, wɔ́ etényí kí iŋilí. Péésulun wɔ. 5Pɛɛnd pómotí, pámaápá kɔ́ɔk, ɛ́pi kɔ́ɔ́p ɛ́ɛ́: «Kiákɛ́ nusulunené muɔ́nɔ́ u apaŋapipiɛ ukáánɛ́?» 6Póóndinyi pɔ́ yá aná Yésus mɔɔ́yitɛn pɔ, pááyap pɔ. 7Póókoólin Yésuse nɔ muɔ́nɔ́ u apaŋapipiɛ. Páátála muɔ́nɔ́ u apaŋapipiɛ indífɔnɔ́ é kilind, Yésuse waapúlɔk á wɔ. 8Pɛɛnd kutek pɛnɛ indífɔnɔ́ síɔ́p kí iŋilí, pólotí ákan tukasikás ó kukóli wɔ. 9Pómoófoókón ne epé pɔ́mɔɔ́ŋɔn ákanɛn Yésuse tupékpék, pɔ́ɔ́yɔ ɛ́ɛ́: «Oosána#11.9 Oosána: anakáánɛ punyɛ́ ɛ́ɛ́ Ɛnyɛ́ Támbák tusóti.! Peseé ne ewú woólone ɛ́ kisiɛ́n kí ɔkɔ́n! 10Peseé ne pufuŋ púóloné, púnyɛɛ́ asɛ pufuŋ pú si ɔ́kúnɛ́ waasɔ́ Tafíite! Ɛ́nyɛɛ́ piluŋaluŋa piim pínyɛɛ́ mɛnɛ́mɛnɛ́ɛ ómukosi Támbákɛ́ɛ no tukokó tú Oosána é níít!» 11Waámán Yelúsalɛmɛ, weepíkin á kitamb kí Támbák, waapísúmbɔ́n. Aná kuɔ́m maápá kumámaná ɛsɛnd, waám waayɔɔk Petaní nɛɛyɛ́ na Pápáátánapaándiɛ.
Yésus mɔ́nyɔmɔ́ pufikié
(Mat 21.18-19)
12Kuépeli, Yésus mɛɛlɛ́ úkaámán Petaní, ɔlɔŋ no popíónyí pɛ́ɛ́yɛ́, insaná yɛɛtikɛn wɔ. 13Woombin eŋís wɛɛ́n putɛ́ pápílanɛ́ ɛ́ɛ́ pufikié, putɔsɔ́. Waayɔɔk ó kuoyoósín emenyí ukóóki pusamɔ́. Umɛɛlɛ́ ne kupisíítin púu mekúye, tɛ ɛ́ɛ́ úkóóki pusamɔ́ á putɛ́, yá piány na piány kɔ́ɔ́m, á kiákí ɛ́ɛ́ kisikɛl kíɛ́yɛ́ kí kuómo mapá kimany kitiasíám. 14Wɔ́ é pufikié pukáánɛ́ ɛ́ɛ́: «Mɔɔnd tiányandá anyá púáwɔ pusamɔ́ tɛ puɔ́s!» Popíónyí pɛ́ɛ́yɛ́ pítɔ́likɔn.
Yésus másán nionyí á kitamb kí Támbák
(Mat 21.10-17; Lúk 19.45-48; Isŋ 2.13-16)
15Ne Yésus no popíónyí pɛ́ɛ́yɛ́ pányaám Yelúsalɛm. Yésuse weepíkin kɔ́ ɔɔ́nd ú kitamb kí Támbák woond á kukúúŋa ne petúúsí no poóndí kɔ́ ɔɔ́nd ú kitamb. Upelikenenyi petépéle pé peséndí muenyí, nɔ ɔnyɔ́l yé petúúsí tukɔlɔɔ́mbɔ, 16utiátapán ɛ́ɛ́ mɔɔnd pítúúkɛn puandá úsɛ́l ɔɔ́nd ú kitamb na pɔ. 17Woónyonyi pɔ, wɔɔyɔn pɔ́ ɛ́ɛ́: «Mekélíe má Támbák tipá mɔ́ɔyɔ ɛ́ɛ́: Kians kíámɛ ányípá kiansi kí imbísókólí ó pusíó pú pitɔŋ piim á? panɔ́ kɔk nunyɛ peéyésí kíi embík ú peépi.» 18Niɔy niányaámɛ́n pafunɔ́fɔn pɔɔkɔ́n ne pemenyípikotí, póond á kuamba iŋilí ɛ́ɛ́ pɔ́ɔ́nɛn pɔ́ Yésuse. Á kiákí ɛ́ɛ́ pámapá petííne wɔ, ɛ́ɛ́ iŋónyítónyí síɛ́yɛ́ mapá síálan embul. 19Kuɔ́m mɛɛlɛ́ kúsɛ́ndɛn, ne Yésus no popíónyí pɛ́ɛ́yɛ́ páátɔk Yelúsalɛm.
Pufikié mákɔt. No pipíóndínyí ɔtɛ́m ni imbísókólí
(Mat 21.20-22)
20Ne Yésus no popíónyí pɛ́ɛ́yɛ́ mɛɛlɛ́ pásitápúkan kiɛmɛ́ɛm, pɛ́kɛɛ́n pufikié pukáánɛ pukútán káá ni iŋaŋá. 21Píɛlɛ wapítáákɛt, wɔ́ é Yésus ɛ́ɛ́: «Oŋónyóonyi, yoósini, pufikié ɔ́nyínyɔmɔ́ kanyɛ pukútán káá ni iŋaŋá.» 22Wɔ́ kɔ́ɔ́p ɛ́ɛ́: «Ónupíóndónyí itɛ́m na Támbák. 23Yɔɔ́nuɔ́yɔn kémuémue ɛ́ɛ́ índɛ mɔɔnd siɛl kɔ́ ɔkɛ́l ewe ɛ́ɛ́: Pálɛ́k akáánɛ́, píómbín ká asaá, índɛ utipá waákan imfɛ́lɔ kɛ́ɛ́yi kɔ́ ɔtɛ́m, upíóndonyi ɔtɛ́m na Támbákɛ́ɛ epú umɔ́nyɔɔyɛ́t Piɛl, mɔɔnd ukáánɛ ɛ́kɛɛ́nɛn puandá pukáánɛ́ mɛ́piɛ́lɛ́. 24Kúúkɔ́ inuɔ́yɔɔnɛ́ ɛ́ɛ́: Puandá kitikit nuɔŋɔnɛ́ ni imbísókólí, ónupíóndónyí ɔtɛ́m na Támbákɛ́ɛ nukanyɛ na pɔ́, kɔ́ɔ́kɔ́ɔ nukɛɛ́nyɛ́n pɔ. 25Aká núményitélimit ɛ́ɛ́ núpísókolonyi, índɛ nunyɛ pɔpíɔ́ndíkɔ́n mɔɔnd, ánuyapɛ́n wɔ́ á pifal píɛ́yɛ́ ɛ́ɛ́ Síí waanɔ́ unyɛɛ́ mɛnɛ́mɛnɛ́ɛ núyapɛn kɛ́kɛ́yɛ́ á piánɔ́.» [26#11.26 Tipá e piénsi pɔmɔɔŋɔ ni imbɔk. ]
Naánɛ́ pukaaka pu Yésus ólinoné?
(Mat 21.23-27; Lúk 20.1-8)
27Ne Yésus no popíónyí pɛ́ɛ́yɛ́ póond Yelúsalɛm. Kɔ́ ɔɔ́nd ú kitamb, Yésus ááp woól woond, woól woond; pafunɔ́fɔn pɔɔkɔ́n, pemenyípikotí nɔ pɔkɔ́n pɔ́ kitɔŋ péépísíítin wɔ. 28Pɔ kɛ́ɛ́yɛ́ ɛ́ɛ́: «Á pukaaka púány ɛlɛnɛ́ maandá eme? Ɛ́nyɛ́ɛ wáányikufá pukaaka ɛ́ kuɛlɛ mɔ?» 29Woondinyi pɔ́ ɛ́ɛ́: «Yamɛ iŋówúnin eye táŋ imoómi inuówone, onuŋondinyi maná inuɔ́yitɛn kɔɔ́mɔ pukaaka íŋólinoné. 30Ɛ́nyɛ́ umaátɔ́m Isáaŋɛ ɛ́ɛ́ útuenin, Támbákɛ́ɛ éé pɛɛnd pé kúúsí? Ónuŋondinyi!» 31Póond á kuanuna pɔ́ɔ nɔ pɔ́ɔ, pɛ́ɛlɛɛ́: Índɛ tusiondinyi ɛ́ɛ́: «Támbákɛ́ɛ, ukaná kuɔyɛt ɛ́ɛ́: Kiákɛ́ kɔk numɛɛ́l nutiátáp mekélíe mí Isáaŋ? 32Tuóndínyi kɔk ɛ́ɛ́: Pɛɛnd á?» Ilópi yɔ́ɔ́p kaná atúnyɛ́ɛn. Pɔ́mɔɔyɔ́ anakáánɛ́ á kíakí ɛ́ɛ́ pémetííné kiɔ́p kí pɛɛnd kímɔɔ́kɔ́lɔn Isáaŋɛ asɛ eŋémímekélíe má Támbák u kémuémue. 33Pɔ́ kuondinyi Yésuse ɛ́ɛ́: «Tutipá tumenyen.» wɔ́ kɔ́ɔ́p ɛ́ɛ́: «Iŋú kákáámɛ, indipá inúɔ́yɔn á pukaaka púányí yɛɛlɛnɛ́ maandá eme.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2026, CABTAL