Matié Moónyi mɔ́túɔkɔnɔkɔnɛ́ɛ ɔ́ kuɔ́p ɔmbɔp ú Matié
Moónyi mɔ́túɔkɔnɔkɔnɛ́ɛ ɔ́ kuɔ́p ɔmbɔp ú Matié
Kalatɛ ewe ɔ́kɔɔŋɔ nikála niikɔ́si á níínsúá: Weétíínyenyi Yésuse asi Kilíise ewú peemímekélíe má Támbák maák indan: wɔ́ andíkɛ́k efuŋ wɔɔkɔ́n é nisípi ni Tafit, ewú umaápá efuŋ wɔɔkɔn u insúá é nisípi ní Pɛyúútɛn. Matié mɔɔ́ŋɔ́ kálatɛ ewe ɛ́ɛ́ útítikin Pɛyúútɛn ɛ́ɛ́ pémenyi insɔ́m yi indámb eyí Yésus moól asi etúkún, ne efuŋ. Maná insɔ́m yi indámb eye nyɛ andíkɛ́k ó pusíó pú pɛɛnd kitikit. Á kuamaná kú kálatɛ; Yésuse wɔɔyitɛn popíónyí pɛ́ɛ́yɛ́ ɛ́ɛ́ páyuukan kɔɔ́mɔ kitikit pápíine wɔ́ popíónyí ké ekúli yé kúúsí Mat 28.19. Mɔɔnd umɔɔ́ŋɔ́ kálatɛ ewe asi Matié, mapá etúúsí lemfúe upípílan andíkɛ́k ɛ́ɛ́ lefi Mlk 2.14. Yésuse waapilikɛn wɔ́ ɛ́ɛ́ úpá omoómíe u popíónyí páát na páandɛ́ Mat 9.9.
Umatɔ́m pɔ́ɔ é kélém asi petúúmí. Matié metúm kálatɛ wɛ́ɛ́yɛ́ nɔ ɔmbɔp úmaákandá pesíí pɔkúnɛ́ pé Yésus, é kutíínyi ninyɔ́lí níɛ́yɛ́ ɛ́ kikɛtɛ́kɛtɛ́ɛ kí nisípi ní Pɛyúútɛn: Wɔɔ́kɔɔyɔ nupíén nú Yésus, ni iŋónyítónyí sí popíónyí pɛ́ɛ́yɛ́, ne pisey píɛ́yɛ́, nikú níɛ́yɛ́ ó kolóse na kuám kúɛ́yɛ́ á pilɔ́ŋ. Kuman kú kálatɛ éétíínyenyi epú popíónyí pé Yésuse mɛɛ́síkɛ́ɛ́nɛ́n kusíen kúɛ́lɛ́ no pusíó.
Áherslumerki
Deildu
Afrita
Want to have your highlights saved across all your devices? Sign up or sign in
© 2026, CABTAL