Mata 28
28
Zhinha Yesu a jiɓ
(Mrk 16.1-8; Luk 24.1-11; Yhw 20.1, 11-18)
1A diwzha vah ta nəp ataa Yahuda aagi, dəmas a kwaf, biŋ tə pish tanaka a mbirha səku, Mariyama ndə Magdala abə Mariyama minja aa taha a sar jiɓ. 2Azha a tsutsa, hayak a kanaana a guɗaŋ, ara ndə a ɗa, matəf Bizlaf ma dagal a kandaha a wəzəm a wəzlaf, a ndaha tuŋgul a tuŋgul mabaleleŋ bəza, azha, ka a ndza tə ka a heɗe. 3Zlikusəm tə, a ɓal andza sasən manavan, rəkuts tə aagi tizlizli andza gwagumay. 4Mahəbar jiɓ aagi, ara ŋzliŋ akas, aa kanaana, aa tabəw ta andza həji ma bazl ta aagi. 5Ama matəf leŋ a ji zlap, a zlapatana a wali watsa, iŋgaya: «Huni naanas. Sa kasən ci, huni gas Yesu, ala ndə aa dar ka ata mpi ma gəzlaŋgarak. 6A ɗi akas, tazhina tə a bəza a jiɓ, andza ndə a zlap. Huni ndaha a taŋzə la wan tə. 7Azha ci, huni vas nda, huni ghalatana a magəli tə aagi, “Yesu tazhina tə a bəza a jiɓ a taba həji ma bazl ta aagi, anawatsə a katehahuni a Galili, a tsutsa abə huni anda a gəra.” Tsakwa ana ma ndə sa kaghalahuni.» 8Kahkah wali watsa aagi tsaa kanda ta a bəza a ma jiɓ, ŋzliŋ a kadzata, zhana aagi abə bay ɓas a ꞌunəf ta. Azha dəba aagi ashi a ghalatana Ma wiyə ma təwah a magəli ataa Yesu aagi. 9Azha, a tsutsa a tsutsa, Yesu, peteŋ taa tə aska aagi lima abə təmta, azha dəba a azlapatana, iŋgaya: «Sa kazlapzahuni!» iy. Wali watsa aagi, kərəɗ aa kərəɗha abəra, azha kaw aa mbəla ŋgas tə ka, gəliɓ aa gəliɓ ta ka atama tə aska a həmənə. 10Azha, Yesu zlap a zlapatana, iŋgaya: «Ŋzliŋ a dzahunis. Huni nda ghalatana a zlina aagi manda a Galili, a tsutsa abə aagi agəraka,» iy.
Zlap ataa suji ma həbar jiɓ aagi
11Tiɗa ndə wali watsa aagi ata təf kwagwa, tsaw həji ndiɓi aagi a taba suji ma həbar jiɓ watsa aagi zhinha a hayak ma dzamadzam, dəba aagi aghalatana a magulakwakw maɗal kwakus aagi ana səkən ma pew tiwtiw. 12Magulakwakw maɗal kwakus aagi abə həji ma shif shif ma ndza aha hayak aagi, dzam aa dzam, a diwzha aa riy ma ta bəza, pa aa vəlanə bay dala a suji. 13Azha aa zlapatana, aagi iŋgaya «Huni zlap ya: “ Magəli ataa ala watsa aagi, aa taha abə zaɗə, aa taŋhil zlikusəm tə bəza tiɗa ndə ni tawan cini,” huniy. 14Kwa andza ma tə ma gwar tə a zləm ataa ala ma ndza aha hayak, ni ma kanda a ghalanə ma ma pew, ŋzliŋ a ɗiw a dzahuni səku, ni arehahuni bəza ara yaka,» aagiy. 15Leŋ suji aagi ji dala, dəba aagi aɗalə andza ma ndə aa ghalatana. Ikwa azha, zlap watsa, taɓizh tə a taba həji ma ndza a hayak Yahudiya aagi gwar akacihwa.
Yesu taghalatana ha tə a magəli tə aagi
(Mrk 16.14-18; Luk 24.36-49; Yhw 20.19-23; Zlh 1.6-8)
16Magəli ma wam aha ŋtaguleŋ aagi tsaa kanda a hayak Galili, a dawən ndə Yesu a ghalatana ka, aagi alima a tsutsa. 17Ndə aa gəra Yesu, dəba aagi agəliɓ atama tə. Ama, ndiɓi aagi kaŋga ŋkwaɓ. 18Yesu kərəɗ a kərəɗha ara təmta, zlap a zlapatana, iŋgaya: «Dagal ma ndza a wəzəm a wəzlaf abə ma ndza a ɗi ata hayak tiwtiw tavəlaya a ra naka. 19Huni nda azha, a ŋge a manahayak tiwtiw, huni bəw həji aagi ka tiwtiw, aa maɗa magəli naka aagi, huni ɗalatana batem ata zləm Vava, ata zləm Mbə abə zləm Miɗ ma ghwaɗeɗe, 20azha huni sərəkatana səkən aska aagi a ɗal zlən abə ma ma dzawadzaw ndə sa ghalahuni ka. Anaka, sa ndza abə huni kala vah a gwar ata kəɗaŋ manahayak,» iy.
Valið núna:
Mata 28: GOU
Áherslumerki
Deildu
Afrita
Want to have your highlights saved across all your devices? Sign up or sign in
Mata 28
28
Zhinha Yesu a jiɓ
(Mrk 16.1-8; Luk 24.1-11; Yhw 20.1, 11-18)
1A diwzha vah ta nəp ataa Yahuda aagi, dəmas a kwaf, biŋ tə pish tanaka a mbirha səku, Mariyama ndə Magdala abə Mariyama minja aa taha a sar jiɓ. 2Azha a tsutsa, hayak a kanaana a guɗaŋ, ara ndə a ɗa, matəf Bizlaf ma dagal a kandaha a wəzəm a wəzlaf, a ndaha tuŋgul a tuŋgul mabaleleŋ bəza, azha, ka a ndza tə ka a heɗe. 3Zlikusəm tə, a ɓal andza sasən manavan, rəkuts tə aagi tizlizli andza gwagumay. 4Mahəbar jiɓ aagi, ara ŋzliŋ akas, aa kanaana, aa tabəw ta andza həji ma bazl ta aagi. 5Ama matəf leŋ a ji zlap, a zlapatana a wali watsa, iŋgaya: «Huni naanas. Sa kasən ci, huni gas Yesu, ala ndə aa dar ka ata mpi ma gəzlaŋgarak. 6A ɗi akas, tazhina tə a bəza a jiɓ, andza ndə a zlap. Huni ndaha a taŋzə la wan tə. 7Azha ci, huni vas nda, huni ghalatana a magəli tə aagi, “Yesu tazhina tə a bəza a jiɓ a taba həji ma bazl ta aagi, anawatsə a katehahuni a Galili, a tsutsa abə huni anda a gəra.” Tsakwa ana ma ndə sa kaghalahuni.» 8Kahkah wali watsa aagi tsaa kanda ta a bəza a ma jiɓ, ŋzliŋ a kadzata, zhana aagi abə bay ɓas a ꞌunəf ta. Azha dəba aagi ashi a ghalatana Ma wiyə ma təwah a magəli ataa Yesu aagi. 9Azha, a tsutsa a tsutsa, Yesu, peteŋ taa tə aska aagi lima abə təmta, azha dəba a azlapatana, iŋgaya: «Sa kazlapzahuni!» iy. Wali watsa aagi, kərəɗ aa kərəɗha abəra, azha kaw aa mbəla ŋgas tə ka, gəliɓ aa gəliɓ ta ka atama tə aska a həmənə. 10Azha, Yesu zlap a zlapatana, iŋgaya: «Ŋzliŋ a dzahunis. Huni nda ghalatana a zlina aagi manda a Galili, a tsutsa abə aagi agəraka,» iy.
Zlap ataa suji ma həbar jiɓ aagi
11Tiɗa ndə wali watsa aagi ata təf kwagwa, tsaw həji ndiɓi aagi a taba suji ma həbar jiɓ watsa aagi zhinha a hayak ma dzamadzam, dəba aagi aghalatana a magulakwakw maɗal kwakus aagi ana səkən ma pew tiwtiw. 12Magulakwakw maɗal kwakus aagi abə həji ma shif shif ma ndza aha hayak aagi, dzam aa dzam, a diwzha aa riy ma ta bəza, pa aa vəlanə bay dala a suji. 13Azha aa zlapatana, aagi iŋgaya «Huni zlap ya: “ Magəli ataa ala watsa aagi, aa taha abə zaɗə, aa taŋhil zlikusəm tə bəza tiɗa ndə ni tawan cini,” huniy. 14Kwa andza ma tə ma gwar tə a zləm ataa ala ma ndza aha hayak, ni ma kanda a ghalanə ma ma pew, ŋzliŋ a ɗiw a dzahuni səku, ni arehahuni bəza ara yaka,» aagiy. 15Leŋ suji aagi ji dala, dəba aagi aɗalə andza ma ndə aa ghalatana. Ikwa azha, zlap watsa, taɓizh tə a taba həji ma ndza a hayak Yahudiya aagi gwar akacihwa.
Yesu taghalatana ha tə a magəli tə aagi
(Mrk 16.14-18; Luk 24.36-49; Yhw 20.19-23; Zlh 1.6-8)
16Magəli ma wam aha ŋtaguleŋ aagi tsaa kanda a hayak Galili, a dawən ndə Yesu a ghalatana ka, aagi alima a tsutsa. 17Ndə aa gəra Yesu, dəba aagi agəliɓ atama tə. Ama, ndiɓi aagi kaŋga ŋkwaɓ. 18Yesu kərəɗ a kərəɗha ara təmta, zlap a zlapatana, iŋgaya: «Dagal ma ndza a wəzəm a wəzlaf abə ma ndza a ɗi ata hayak tiwtiw tavəlaya a ra naka. 19Huni nda azha, a ŋge a manahayak tiwtiw, huni bəw həji aagi ka tiwtiw, aa maɗa magəli naka aagi, huni ɗalatana batem ata zləm Vava, ata zləm Mbə abə zləm Miɗ ma ghwaɗeɗe, 20azha huni sərəkatana səkən aska aagi a ɗal zlən abə ma ma dzawadzaw ndə sa ghalahuni ka. Anaka, sa ndza abə huni kala vah a gwar ata kəɗaŋ manahayak,» iy.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in