Mata 19
19
Sərək ma ataa Yesu ata gam wala
(Mrk 10.1-12; Luk 16.18)
1Ndə Yesu a kəɗaŋ zlap tə watsa aagi bəza ya, tsaa kandaa tə a bəza a Galili, a anda tə a hayak Yahudiya, ma ndza a bəzaha aha ma zlazlər Urdun. 2Ŋgaɓa həji aagi kasəbarə, a tsutsa a reh həji dawər ta aagi. 3Farisa ndiɓi aagi kərəɗ aa kərəɗha aska a slənzə Yesu abə sleŋanə kilŋga, dəba aagi aɗiwzə, aagi iŋgaya: «Təf aka ara ala a gam wala tə aara kwa ata gəy ma ma ndza a vatəy vəw?» aagiy. 4Yesu zhin a zhinatana, iŋgaya: «Huni tayazə ya, ata diw tə, Bizlaf tabaha mawəl ka abə walaaka wəra? 5Azha a diwzha, iŋgaya: Sha ana ndə mawəl a ambasl cin aka abə mamən aska a nda a dzəv abə wala tə, təmta gbak gbak aagi abəw ta, zlikusəm ŋtaguleŋ. 6Azha, aa tazhin a ɗa həji ma gbak aagis, ama zlikusəm ŋtaɗ. Azha, mawəl a ɗiw a pəreh səkən ndə Bizlaf a dzəv aka səku.» 7Farisa aagi dəba aagi aɗiwzə, aagi iŋgaya: «Mbara Musa a ghal ka a mawəl, a vəlanə ɗerewal ta ɓizh ha a wala tə, andza aa tamay a ɓizh ta, ara veme?» 8Yesu zhin a zhinatana, iŋgaya: «Musa a pəlahuni təf a gam wali kuni aagi, dawna ndə ꞌunəf kuni, a ɗa mgbaŋmgbaŋ. Ama, ata diw tə, a ndza ikwas. 9Sa kazlapahuni: Andza ala tagam wala tə aara, tagwar a ɗa wala piw səku, dəba a adaaɓa wala minja, mazheref ana ndə ala watsa a ɗalə.»
Ji kusəm abə ndza a dalaɗ
10Magəli tə aagi zlap aa zlapanə, aagi iŋgaya: «Andza a ndza ikwa ana ndza tiw mawəl abə wala tə, kat ji ha akas,» aagiy. 11Yesu zhin a zhinatana, iŋgaya: «Həji aagi tiwtiw, aa kaaɗa kula a lamzə zlap watsə səku, ama səy həji ndə Bizlaf a vəlatana bəza a zlima aagi,» iy. 12«Həji ndiɓi aagi kaji ha akas, mbəwa ta, aa ɗa feŋtew aagi. Ataa ndiɓi aagi, həji aagi talaya, ndiɓi aagi wəruk, aa ndza andza həji ma laala aagi dawna la ndza bay ma ndza a wəzəm a wəzlaf. Ala ma teete a zlima ma watsə, mazlima.»
Tiw Yesu abə wəzhi ma fashiɗ aagi
(Mrk 10.13-16; Luk 18.15-17)
13Azha, həji ndiɓi aagi, dəba aagi adaanə wəzhi ma fashiɗ aagi a Yesu, aska a tsa ra aha təmta abə taratana ha. Ama, magəli tə aagi, dəba aagi agulak həji watsa aagi. 14Azha, Yesu zlap a zlap, iŋgaya: «Huni mbasl wəzhi ma fashiɗ aagi ka, aa mandaha ara sa, huni takatas, ara ndə a ɗa, la ndza bay ma ndza a wəzəm, a ndzatana a həji ma ndza andza təmta aagi,» iy. 15Azha a diwzha, ndə a tsa ra aha təmta, tsaa kanda tə a bəza a tsutsa.
Magəla ma ŋtsəɓaŋtsəɓ
(Mrk 10.17-31; Luk 18.18-30)
16Ala minja tsaw a ndaha ara Yesu, ɗiw a ɗiwzə, iŋgaya: «Masərək ma ŋtan, səkən ma ŋtan ndə sa kaɗalə abə sa lima miɗ ma ŋkula kəɗaŋ veme?» iy. 17Yesu zlap a zlapanə, iŋgaya: «Hwa ɗiwzaka ata səkən ma ŋtan ava? Ala ŋtaguleŋ tiw ana ma ŋtan. Andza hwa kamay a nda a miɗ ma ŋkula a kəɗaŋ meni, səy hwa njin ma ma dzawadzaw aagi a heɗe a heɗe,» iy. 18«Ma ndza, a vatəy aagi?» a ɗiwzə Yesu. Yesu zhin a zhinanə, iŋgaya: «Ara hwa a dza ala, ara hwa a ɗal mazheref, ara hwa a zla gaɗaɗaŋ ata ala, ara hwa a ŋhil. 19Hawanə a cihw abə matsuh, azha hwa may ala andza ndə hwa kamay ha kwa,» iy. 20Magəla watsa, i kəsha, iŋgaya: «Səkən watsə tiwtiw, sa tanjinata bəza a heɗe a heɗe, ma zhin a finaka a ɗal zhana veme?» iy. 21Yesu i kəsha iŋgaya: «Andza hwa kaɗiw a ɗa, ala ma kəliy səkən watsa a heɗe a heɗe, nda, hwa ber səkən ma ndza a ra kwa bəza tiwtiw, azha hwa vəlanə dala tə a həji titikw aagi, hwa alima ŋtsəɓ ma ndza a wəzəm a wəzlaf. A diwzha tə, ndaha azha, səbaraka,» iy. 22Ama, ndə magəla watsa a zlima zlap watsə, tsaa kanda tə abə ꞌunəf, ara ndə a ɗa, səkən a ɗa dagala ara.
23Yesu zlap a zlapatana a magəli tə aagi, iŋgaya: «Ayəw, sa zlapahuni, a ɗa ŋter, a aɗa ndəlndəl a həji ma ŋtsəɓaŋtsəɓ aagi nda a Bay ma ndza a wəzəm a wəzlaf. 24Azha, sa zlapahuni zhana wəruk: galaɓa, ŋgaluba ma ŋtəɗɓa a wəli batal kahkah aha ala ma ŋtsəɓaŋtsəɓ ma kanda a la ndza bay Bizlaf.» 25Ndə magəli Yesu aagi zlima zlap watsa aagi, hak aa ghərəŋ ta, dəba aagi azlap: «Andza ikwa ya, ma kaareh tə mbara vaya?» aagiy. 26Yesu tizh a sarzata azha, zlap a zlapatana, iŋgaya: «Səkən ma ŋkula ɗal ara həji aagi ci, ama ara Bizlaf, tiwtiw ci, ɗal tə kefkef.»
27Azha, Piyer leŋ a ji zlap, iŋgaya: «Tehzə! Ni tambasl səkən cini aagi ka tiwtiw, a səbarahu. A pew abə ni mbara azha avaŋga?» 28Yesu zlap a zlapatana, iŋgaya: «Sa zlapahuni, a ɗa ŋter, vah ndə Mbə həji ma dəgnak a kaandza ata la ndza bay ma ndza abə sləf ma ndza a wəzəm a wəzlaf, ndə səkən aagi tiwtiw aa kaabəw ta a wiyə, huni ma səbaraka watsə aagi, huni andza a tsutsa yəm, ata la ndza bay ma wam aha gbak, a zla guma ataa ndəɓ həji ma wam aha gbak ataa hayak Isərayila aagi. 29Azha, tiwtiw, həji ma ma mbasl jak ta ka, zliŋgin ta aagi, hildimi mamən ta aagi, cin, mamən tə, wəzhi ta aagi abə la ndiri ta aagi ka, aska sa, aagi alima dəy aha ma ndza ara təmta, zhana aagi alima miɗ ma ŋkula kəɗaŋ. 30Ama, vərəm ana həji mampər aagi akacihwa, aagi aɗa mba abə ma a diwzha, ama həji ma ndza abə ma a diwzha akacihwa aagi, aagi aɗa həji mampər aagi atama.»
Valið núna:
Mata 19: GOU
Áherslumerki
Deildu
Afrita
Want to have your highlights saved across all your devices? Sign up or sign in
Mata 19
19
Sərək ma ataa Yesu ata gam wala
(Mrk 10.1-12; Luk 16.18)
1Ndə Yesu a kəɗaŋ zlap tə watsa aagi bəza ya, tsaa kandaa tə a bəza a Galili, a anda tə a hayak Yahudiya, ma ndza a bəzaha aha ma zlazlər Urdun. 2Ŋgaɓa həji aagi kasəbarə, a tsutsa a reh həji dawər ta aagi. 3Farisa ndiɓi aagi kərəɗ aa kərəɗha aska a slənzə Yesu abə sleŋanə kilŋga, dəba aagi aɗiwzə, aagi iŋgaya: «Təf aka ara ala a gam wala tə aara kwa ata gəy ma ma ndza a vatəy vəw?» aagiy. 4Yesu zhin a zhinatana, iŋgaya: «Huni tayazə ya, ata diw tə, Bizlaf tabaha mawəl ka abə walaaka wəra? 5Azha a diwzha, iŋgaya: Sha ana ndə mawəl a ambasl cin aka abə mamən aska a nda a dzəv abə wala tə, təmta gbak gbak aagi abəw ta, zlikusəm ŋtaguleŋ. 6Azha, aa tazhin a ɗa həji ma gbak aagis, ama zlikusəm ŋtaɗ. Azha, mawəl a ɗiw a pəreh səkən ndə Bizlaf a dzəv aka səku.» 7Farisa aagi dəba aagi aɗiwzə, aagi iŋgaya: «Mbara Musa a ghal ka a mawəl, a vəlanə ɗerewal ta ɓizh ha a wala tə, andza aa tamay a ɓizh ta, ara veme?» 8Yesu zhin a zhinatana, iŋgaya: «Musa a pəlahuni təf a gam wali kuni aagi, dawna ndə ꞌunəf kuni, a ɗa mgbaŋmgbaŋ. Ama, ata diw tə, a ndza ikwas. 9Sa kazlapahuni: Andza ala tagam wala tə aara, tagwar a ɗa wala piw səku, dəba a adaaɓa wala minja, mazheref ana ndə ala watsa a ɗalə.»
Ji kusəm abə ndza a dalaɗ
10Magəli tə aagi zlap aa zlapanə, aagi iŋgaya: «Andza a ndza ikwa ana ndza tiw mawəl abə wala tə, kat ji ha akas,» aagiy. 11Yesu zhin a zhinatana, iŋgaya: «Həji aagi tiwtiw, aa kaaɗa kula a lamzə zlap watsə səku, ama səy həji ndə Bizlaf a vəlatana bəza a zlima aagi,» iy. 12«Həji ndiɓi aagi kaji ha akas, mbəwa ta, aa ɗa feŋtew aagi. Ataa ndiɓi aagi, həji aagi talaya, ndiɓi aagi wəruk, aa ndza andza həji ma laala aagi dawna la ndza bay ma ndza a wəzəm a wəzlaf. Ala ma teete a zlima ma watsə, mazlima.»
Tiw Yesu abə wəzhi ma fashiɗ aagi
(Mrk 10.13-16; Luk 18.15-17)
13Azha, həji ndiɓi aagi, dəba aagi adaanə wəzhi ma fashiɗ aagi a Yesu, aska a tsa ra aha təmta abə taratana ha. Ama, magəli tə aagi, dəba aagi agulak həji watsa aagi. 14Azha, Yesu zlap a zlap, iŋgaya: «Huni mbasl wəzhi ma fashiɗ aagi ka, aa mandaha ara sa, huni takatas, ara ndə a ɗa, la ndza bay ma ndza a wəzəm, a ndzatana a həji ma ndza andza təmta aagi,» iy. 15Azha a diwzha, ndə a tsa ra aha təmta, tsaa kanda tə a bəza a tsutsa.
Magəla ma ŋtsəɓaŋtsəɓ
(Mrk 10.17-31; Luk 18.18-30)
16Ala minja tsaw a ndaha ara Yesu, ɗiw a ɗiwzə, iŋgaya: «Masərək ma ŋtan, səkən ma ŋtan ndə sa kaɗalə abə sa lima miɗ ma ŋkula kəɗaŋ veme?» iy. 17Yesu zlap a zlapanə, iŋgaya: «Hwa ɗiwzaka ata səkən ma ŋtan ava? Ala ŋtaguleŋ tiw ana ma ŋtan. Andza hwa kamay a nda a miɗ ma ŋkula a kəɗaŋ meni, səy hwa njin ma ma dzawadzaw aagi a heɗe a heɗe,» iy. 18«Ma ndza, a vatəy aagi?» a ɗiwzə Yesu. Yesu zhin a zhinanə, iŋgaya: «Ara hwa a dza ala, ara hwa a ɗal mazheref, ara hwa a zla gaɗaɗaŋ ata ala, ara hwa a ŋhil. 19Hawanə a cihw abə matsuh, azha hwa may ala andza ndə hwa kamay ha kwa,» iy. 20Magəla watsa, i kəsha, iŋgaya: «Səkən watsə tiwtiw, sa tanjinata bəza a heɗe a heɗe, ma zhin a finaka a ɗal zhana veme?» iy. 21Yesu i kəsha iŋgaya: «Andza hwa kaɗiw a ɗa, ala ma kəliy səkən watsa a heɗe a heɗe, nda, hwa ber səkən ma ndza a ra kwa bəza tiwtiw, azha hwa vəlanə dala tə a həji titikw aagi, hwa alima ŋtsəɓ ma ndza a wəzəm a wəzlaf. A diwzha tə, ndaha azha, səbaraka,» iy. 22Ama, ndə magəla watsa a zlima zlap watsə, tsaa kanda tə abə ꞌunəf, ara ndə a ɗa, səkən a ɗa dagala ara.
23Yesu zlap a zlapatana a magəli tə aagi, iŋgaya: «Ayəw, sa zlapahuni, a ɗa ŋter, a aɗa ndəlndəl a həji ma ŋtsəɓaŋtsəɓ aagi nda a Bay ma ndza a wəzəm a wəzlaf. 24Azha, sa zlapahuni zhana wəruk: galaɓa, ŋgaluba ma ŋtəɗɓa a wəli batal kahkah aha ala ma ŋtsəɓaŋtsəɓ ma kanda a la ndza bay Bizlaf.» 25Ndə magəli Yesu aagi zlima zlap watsa aagi, hak aa ghərəŋ ta, dəba aagi azlap: «Andza ikwa ya, ma kaareh tə mbara vaya?» aagiy. 26Yesu tizh a sarzata azha, zlap a zlapatana, iŋgaya: «Səkən ma ŋkula ɗal ara həji aagi ci, ama ara Bizlaf, tiwtiw ci, ɗal tə kefkef.»
27Azha, Piyer leŋ a ji zlap, iŋgaya: «Tehzə! Ni tambasl səkən cini aagi ka tiwtiw, a səbarahu. A pew abə ni mbara azha avaŋga?» 28Yesu zlap a zlapatana, iŋgaya: «Sa zlapahuni, a ɗa ŋter, vah ndə Mbə həji ma dəgnak a kaandza ata la ndza bay ma ndza abə sləf ma ndza a wəzəm a wəzlaf, ndə səkən aagi tiwtiw aa kaabəw ta a wiyə, huni ma səbaraka watsə aagi, huni andza a tsutsa yəm, ata la ndza bay ma wam aha gbak, a zla guma ataa ndəɓ həji ma wam aha gbak ataa hayak Isərayila aagi. 29Azha, tiwtiw, həji ma ma mbasl jak ta ka, zliŋgin ta aagi, hildimi mamən ta aagi, cin, mamən tə, wəzhi ta aagi abə la ndiri ta aagi ka, aska sa, aagi alima dəy aha ma ndza ara təmta, zhana aagi alima miɗ ma ŋkula kəɗaŋ. 30Ama, vərəm ana həji mampər aagi akacihwa, aagi aɗa mba abə ma a diwzha, ama həji ma ndza abə ma a diwzha akacihwa aagi, aagi aɗa həji mampər aagi atama.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in