Mata 9
9
Yesu a rehza ɗala ma halɓaya aza
1Yesu a tev ŋ kwambawal, a zen ŋ zlaŋha ŋtele aza, a zenha aza ŋ uzam anta. 2A təwse ca, əy tewene ɗala ma halɓaya ata lawan anta. Aya, maa Yesu a gəre maa əy lamza aza ŋ unaf tata ana ɗala ma kula ŋ rehza heje ma halɓaya wese aza ca, a zlepene, a ŋgaya: «Mba naka, mbal unaf aka, gay ŋkwa ege əy képeleye aza.» 3Aya, maa maghwal ma maŋkanaŋkan ege, əy zləme ma ŋghe wese ca, əy ulakza, əy zlap ŋ taba tata, əy ŋgaya: «Heje ŋghe ca, a kazlap ma ma kadak səkwaw ata Gazlavay!» 4Cemey, Yesu a kasan ledeŋ ŋkwaɓ tata, aya a ɗawzata, a ŋgaya: «Hune deŋ ŋkwaɓ ma kadak səkwaw ana ebe ŋghe ca, ŋ vay? 5Sa kula ŋ zlap aza: “Gay ŋkwa ege əy képeleye aza”, akwaw ca, “Gwarzam, nda.” Ŋ taba zlap ŋghe ege ca, ma maa a kenelekey aza ndeɓndeɓ ŋ zlap ca, ma vekey? 6Cemey, sa ɗaw ca, hune san ka, Mba Ɗala, mbəy a ɓarɓar ma ata pelzetene gay mala hejəye ma ŋ manhayak ege aka.» A təwse ca, a zlepene ŋ heje ma halɓaya wese, a ŋgaya: «Gwarzam, ŋta lawan ŋkwa, nda a wata!» 7A təwse ca, heje wese perce a gwarzam, tel a nda anta a wata. 8Cemey, maa hejəye əy gəre səkan malaha ana ebe ŋghe ca, əy kálalak tata, aya, əy həmanza Gazlavay mavəday, kéveletene ɓarɓar anta ana ebe ŋghe ŋ hejəye dakənak ege.
Yesu a yaɓa Mata ŋ səbaraw
9Yesu a gwarzam aka a təwse, tel a nda anta. Maa a kanda ata taf ca, a gəre heje wende aka, zlam anta Mata, kénjeye ŋ ujek ma ata cak budaw. Aya, a zlepene, a ŋgaya: «Səberekey.» A təwse ca, perce a gwarzam, a səbaraw. 10A dəwze anta, Yesu a kazam uda a madarlaŋw anta ege a wata Mata. Hejəye macak budaw ege vəram leŋ hejəye mala gay ege, əy ndaha, əy zam uda anta ŋ la anta, tata tewtew. 11Maa Farəysa ege, əy gəreta əy kazam uda ŋ la anta wese ca, əy ɗawzata madarlaŋw anta ege, əy ŋgaya: «Bay ŋkune a zam uda ŋ la anta a macak budaw ege leŋ hejəye mala gay ege ca, ŋ vay?» 12A təwse ca, Yesu a zləme zlap tata, a zenzetene a ŋgaya: «Hejəye ma werwer ege ca, ma tata a ɗala maval menjevek ca, askwaw, səy hejəye ma kadawar ege. 13Hune nda, hune mpam ma maɓahaɓah ŋ zlap ŋghe ege: “Sa ɗaw ca, ŋ la hahar, səkwaw ca, səkan mafatafat səkwaw.” Mavəday, sa ndaha ca, ŋ yata hejəye ma kala səkan a heɗe a heɗe ege səkwaw, cemey, hejəye ma kala gay ege.»
Laɗaw ata lala sumay
14Aya, madarlaŋw Yuhana maban hejəye a yam baptəysma ege, əy ndaha mbermber ara Yesu, əy zlepene, əy ŋgaya: «Nene, zlaɓa Farəysa ege ca, nene kala sumay ata vah vedəye. Cemey, a madarlaŋw ŋkwa ege ca, əy kala sumay askwaw ca, ŋ vay.» 15A təwse ca, Yesu a zenetene a laslaŋgal ma a ŋgaya: «Hejəye mayaya ege ŋ gwaygwaya laca dəma ca, əy kula aza ŋ jejekw mada mawal dəma mbəy ara tata vaw? Kaw askwaw! Cemey, vah a nandaha, əy neŋtetene mawal dəma aza, aya, ata vah anta ca, əy nala sumay. 16Kaw ɗala a katay rəgwac mavava a maslaga mewe ca, askwaw, mavəday maslaga mewe a nenjew la matayatay wese aza, a naslah anta day zeney. 17A nja ana mbe yam, ɗala a keɗeɗe mavaw ma tak ŋ na ŋ gajak mavava ca, askwaw. Mada ɗala a ɗeɗe mavaw ma tak ŋ na ŋ gajak mavava ege ca, gajak anta ege, əy naɓərahw tata, aya mavaw a nazah anta. Cemey, əy ɗeɗe mavaw ca, ŋ gajak mewe ege, mavaw a naja kadak kadak ŋ tata, kaw əy kanaɓərahw askwaw.»
Yesu a rehza wala ma kabatha mbambaz leŋ a gwarzamaza hal madakal sawje ege aza ata lamac
18Maa Yesu a keghwelzetene ma ŋghe ege wese aza ca, ɗala madakal wende aka, a ndaha gəruɓ a gəleɓene aka a tama anta, aya, a zlepene a ŋgaya: «Həla naka kámac anta na na ŋgha, cemey, mbahw, ndaha, ca ra ŋkwa a heɗe, a nereh.» 19A təwse ca, perce, Yesu a gwarzam, a səbaraw, zlaɓa madarlaŋw anta ege.
20Cemey, wala wende a təwse aka, va wam aha gbak, mbəy werwer askwaw, a kabatha mbambaz. Wala anta a zenha mbermber a dəwze Yesu, a ca ra anta ata mazlam rəgwac anta. 21A zlap ŋ ha anta, a ŋgaya: «Kaw sa kélem ŋ caɓa ra naka ata rəgwac anta gagaha ca, sa nereh.»
22Aya, Yesu a bawha tama, a sarza, a zlepene, a ŋgaya: «Hal naka, mbal unaf aka, lalam ŋkwa kérehzahwaw aza.» A təwse a təwse, wala wese reh a reh anta. 23Aya, maa Yesu a hwas a wata ɗala madakal wese ca, a gəreta mambaz talgway ege, əy kásla aza ŋ jeɓza haldəma wese ŋ jeɓ, hejəye əy kaŋga lahan mambaza, aya, a zlepetene a ŋgaya: 24«Hune kes aza ete ŋghe, həla ŋgha ca, kámac askwaw, a kawan.» Cemey, hejəye anta ege əy bas a heɗe. 25Maa əy kágamata hejəye aza a bəza ca, Yesu a dam ŋ ujek, a mbal ra haldəma wese, aya, hal wese, perce a gwarzam. 26Aya, labara anta, a ŋtez ŋ uzam anta tewtew.
Yesu a rehzata ulaf ege aza gbak
27Maa Yesu a gwarzam anta a təwse ca, ulaf ege gbak, əy kasəbaraw, əy keɗefene ma ra a mazlazlay, əy ŋgaya: «Mbahw, Mba Dawuda, senzene hahar may!» 28Maa a dam anta ŋ ujek ca, ulaf ege wese əy ndaha mbermber ara mbe, aya, Yesu a ɗawzata a ŋgaya: «Hune kálamza aza ŋ unaf ege ca, sa kula ŋ rehzahune aza vaw?» A təwse ca, əy zenene, əy ŋgaya: «Ayaw, Bay Madakal.» 29Aya, Yesu a ca ra anta ata nje tata ege, a zlap a ŋgaya: «Mala ana maa hune kélemzekey aza.» 30A təwse a təwse, nje tata ege zlar əy zlar tata. A dəwze anta ca, Yesu a ŋgazata ka, a zlepetene, a ŋgaya: «Hune slaka kadak kadak! Kaw ɗala teŋguleŋ a ɗaw ŋ san səkan maa sa lahune ŋghe anta səkwaw.» 31Cemey, tata ca, əy damaha dam a bəza ende ŋghe ca, əy kaghwalza səkan maa Yesu a letene wese ŋ uzam anta tewtew.
Yesu a rehza ɓaɓa aza
32Maa ulaf ege wese əy damha aza ca, əy dene ɓaɓa wende aka, zəwet malula kámbalza. 33Yesu a gam zəwet malula wese aza, aya, a təwse a təwse, ɓaɓa wese a mar ŋ zlap. Hejəye tewtew əy kédeŋ ŋkwaɓ dakala ata səkan ma la ŋgha anta, aya, əy zlap, əy ŋgaya: «Kaw heje kégəre səkan ma da ebe ŋghe kála ŋ hayak Əysərayəyla ca, askwaw!» 34Cemey, Farəysa ege, əy zlap, əy ŋgaya: «Ara bay zəwet malula ma velene ɓarɓar ŋ gamata zəwet malula ege aza.»
Yesu a san hahar ata hejəye
35Yesu a katawar uzam ege leŋ ŋ kəva uzam ege. A kasasərakzata hejəye ŋ ujek ma ata rak Gazlavay mala Yahudu ege, a keghwelzetene Ma Mewe ma Taŋtaŋ mala lazam Bay Gazlavay. A kerehzata hejəye ma kadawar ege leŋ hejəye ma halɓaya ege aza tewtew. 36Maa Yesu a gəreta hejəye ca, a san hahar ata tata dakala, mavəday hejəye ŋghe anta ege ca, əy káŋtəɓal tata, kusam tata a kapal zeney səkwaw, əy nja ana ŋtəməye maa mba njəwen asa tata askwaw. 37Aya, a zlepetene ŋ madarlaŋw anta ege, a ŋgaya: «Səkan kála ŋ la dakala, cemey, mepet səkan ege parham. 38Hune jene mbahw ŋ heje la anta malaɓata hejəye ŋ pet səkan anta zeney.»
Valið núna:
Mata 9: BHS
Áherslumerki
Deildu
Afrita
Want to have your highlights saved across all your devices? Sign up or sign in
© 2025 CABTAL
Mata 9
9
Yesu a rehza ɗala ma halɓaya aza
1Yesu a tev ŋ kwambawal, a zen ŋ zlaŋha ŋtele aza, a zenha aza ŋ uzam anta. 2A təwse ca, əy tewene ɗala ma halɓaya ata lawan anta. Aya, maa Yesu a gəre maa əy lamza aza ŋ unaf tata ana ɗala ma kula ŋ rehza heje ma halɓaya wese aza ca, a zlepene, a ŋgaya: «Mba naka, mbal unaf aka, gay ŋkwa ege əy képeleye aza.» 3Aya, maa maghwal ma maŋkanaŋkan ege, əy zləme ma ŋghe wese ca, əy ulakza, əy zlap ŋ taba tata, əy ŋgaya: «Heje ŋghe ca, a kazlap ma ma kadak səkwaw ata Gazlavay!» 4Cemey, Yesu a kasan ledeŋ ŋkwaɓ tata, aya a ɗawzata, a ŋgaya: «Hune deŋ ŋkwaɓ ma kadak səkwaw ana ebe ŋghe ca, ŋ vay? 5Sa kula ŋ zlap aza: “Gay ŋkwa ege əy képeleye aza”, akwaw ca, “Gwarzam, nda.” Ŋ taba zlap ŋghe ege ca, ma maa a kenelekey aza ndeɓndeɓ ŋ zlap ca, ma vekey? 6Cemey, sa ɗaw ca, hune san ka, Mba Ɗala, mbəy a ɓarɓar ma ata pelzetene gay mala hejəye ma ŋ manhayak ege aka.» A təwse ca, a zlepene ŋ heje ma halɓaya wese, a ŋgaya: «Gwarzam, ŋta lawan ŋkwa, nda a wata!» 7A təwse ca, heje wese perce a gwarzam, tel a nda anta a wata. 8Cemey, maa hejəye əy gəre səkan malaha ana ebe ŋghe ca, əy kálalak tata, aya, əy həmanza Gazlavay mavəday, kéveletene ɓarɓar anta ana ebe ŋghe ŋ hejəye dakənak ege.
Yesu a yaɓa Mata ŋ səbaraw
9Yesu a gwarzam aka a təwse, tel a nda anta. Maa a kanda ata taf ca, a gəre heje wende aka, zlam anta Mata, kénjeye ŋ ujek ma ata cak budaw. Aya, a zlepene, a ŋgaya: «Səberekey.» A təwse ca, perce a gwarzam, a səbaraw. 10A dəwze anta, Yesu a kazam uda a madarlaŋw anta ege a wata Mata. Hejəye macak budaw ege vəram leŋ hejəye mala gay ege, əy ndaha, əy zam uda anta ŋ la anta, tata tewtew. 11Maa Farəysa ege, əy gəreta əy kazam uda ŋ la anta wese ca, əy ɗawzata madarlaŋw anta ege, əy ŋgaya: «Bay ŋkune a zam uda ŋ la anta a macak budaw ege leŋ hejəye mala gay ege ca, ŋ vay?» 12A təwse ca, Yesu a zləme zlap tata, a zenzetene a ŋgaya: «Hejəye ma werwer ege ca, ma tata a ɗala maval menjevek ca, askwaw, səy hejəye ma kadawar ege. 13Hune nda, hune mpam ma maɓahaɓah ŋ zlap ŋghe ege: “Sa ɗaw ca, ŋ la hahar, səkwaw ca, səkan mafatafat səkwaw.” Mavəday, sa ndaha ca, ŋ yata hejəye ma kala səkan a heɗe a heɗe ege səkwaw, cemey, hejəye ma kala gay ege.»
Laɗaw ata lala sumay
14Aya, madarlaŋw Yuhana maban hejəye a yam baptəysma ege, əy ndaha mbermber ara Yesu, əy zlepene, əy ŋgaya: «Nene, zlaɓa Farəysa ege ca, nene kala sumay ata vah vedəye. Cemey, a madarlaŋw ŋkwa ege ca, əy kala sumay askwaw ca, ŋ vay.» 15A təwse ca, Yesu a zenetene a laslaŋgal ma a ŋgaya: «Hejəye mayaya ege ŋ gwaygwaya laca dəma ca, əy kula aza ŋ jejekw mada mawal dəma mbəy ara tata vaw? Kaw askwaw! Cemey, vah a nandaha, əy neŋtetene mawal dəma aza, aya, ata vah anta ca, əy nala sumay. 16Kaw ɗala a katay rəgwac mavava a maslaga mewe ca, askwaw, mavəday maslaga mewe a nenjew la matayatay wese aza, a naslah anta day zeney. 17A nja ana mbe yam, ɗala a keɗeɗe mavaw ma tak ŋ na ŋ gajak mavava ca, askwaw. Mada ɗala a ɗeɗe mavaw ma tak ŋ na ŋ gajak mavava ege ca, gajak anta ege, əy naɓərahw tata, aya mavaw a nazah anta. Cemey, əy ɗeɗe mavaw ca, ŋ gajak mewe ege, mavaw a naja kadak kadak ŋ tata, kaw əy kanaɓərahw askwaw.»
Yesu a rehza wala ma kabatha mbambaz leŋ a gwarzamaza hal madakal sawje ege aza ata lamac
18Maa Yesu a keghwelzetene ma ŋghe ege wese aza ca, ɗala madakal wende aka, a ndaha gəruɓ a gəleɓene aka a tama anta, aya, a zlepene a ŋgaya: «Həla naka kámac anta na na ŋgha, cemey, mbahw, ndaha, ca ra ŋkwa a heɗe, a nereh.» 19A təwse ca, perce, Yesu a gwarzam, a səbaraw, zlaɓa madarlaŋw anta ege.
20Cemey, wala wende a təwse aka, va wam aha gbak, mbəy werwer askwaw, a kabatha mbambaz. Wala anta a zenha mbermber a dəwze Yesu, a ca ra anta ata mazlam rəgwac anta. 21A zlap ŋ ha anta, a ŋgaya: «Kaw sa kélem ŋ caɓa ra naka ata rəgwac anta gagaha ca, sa nereh.»
22Aya, Yesu a bawha tama, a sarza, a zlepene, a ŋgaya: «Hal naka, mbal unaf aka, lalam ŋkwa kérehzahwaw aza.» A təwse a təwse, wala wese reh a reh anta. 23Aya, maa Yesu a hwas a wata ɗala madakal wese ca, a gəreta mambaz talgway ege, əy kásla aza ŋ jeɓza haldəma wese ŋ jeɓ, hejəye əy kaŋga lahan mambaza, aya, a zlepetene a ŋgaya: 24«Hune kes aza ete ŋghe, həla ŋgha ca, kámac askwaw, a kawan.» Cemey, hejəye anta ege əy bas a heɗe. 25Maa əy kágamata hejəye aza a bəza ca, Yesu a dam ŋ ujek, a mbal ra haldəma wese, aya, hal wese, perce a gwarzam. 26Aya, labara anta, a ŋtez ŋ uzam anta tewtew.
Yesu a rehzata ulaf ege aza gbak
27Maa Yesu a gwarzam anta a təwse ca, ulaf ege gbak, əy kasəbaraw, əy keɗefene ma ra a mazlazlay, əy ŋgaya: «Mbahw, Mba Dawuda, senzene hahar may!» 28Maa a dam anta ŋ ujek ca, ulaf ege wese əy ndaha mbermber ara mbe, aya, Yesu a ɗawzata a ŋgaya: «Hune kálamza aza ŋ unaf ege ca, sa kula ŋ rehzahune aza vaw?» A təwse ca, əy zenene, əy ŋgaya: «Ayaw, Bay Madakal.» 29Aya, Yesu a ca ra anta ata nje tata ege, a zlap a ŋgaya: «Mala ana maa hune kélemzekey aza.» 30A təwse a təwse, nje tata ege zlar əy zlar tata. A dəwze anta ca, Yesu a ŋgazata ka, a zlepetene, a ŋgaya: «Hune slaka kadak kadak! Kaw ɗala teŋguleŋ a ɗaw ŋ san səkan maa sa lahune ŋghe anta səkwaw.» 31Cemey, tata ca, əy damaha dam a bəza ende ŋghe ca, əy kaghwalza səkan maa Yesu a letene wese ŋ uzam anta tewtew.
Yesu a rehza ɓaɓa aza
32Maa ulaf ege wese əy damha aza ca, əy dene ɓaɓa wende aka, zəwet malula kámbalza. 33Yesu a gam zəwet malula wese aza, aya, a təwse a təwse, ɓaɓa wese a mar ŋ zlap. Hejəye tewtew əy kédeŋ ŋkwaɓ dakala ata səkan ma la ŋgha anta, aya, əy zlap, əy ŋgaya: «Kaw heje kégəre səkan ma da ebe ŋghe kála ŋ hayak Əysərayəyla ca, askwaw!» 34Cemey, Farəysa ege, əy zlap, əy ŋgaya: «Ara bay zəwet malula ma velene ɓarɓar ŋ gamata zəwet malula ege aza.»
Yesu a san hahar ata hejəye
35Yesu a katawar uzam ege leŋ ŋ kəva uzam ege. A kasasərakzata hejəye ŋ ujek ma ata rak Gazlavay mala Yahudu ege, a keghwelzetene Ma Mewe ma Taŋtaŋ mala lazam Bay Gazlavay. A kerehzata hejəye ma kadawar ege leŋ hejəye ma halɓaya ege aza tewtew. 36Maa Yesu a gəreta hejəye ca, a san hahar ata tata dakala, mavəday hejəye ŋghe anta ege ca, əy káŋtəɓal tata, kusam tata a kapal zeney səkwaw, əy nja ana ŋtəməye maa mba njəwen asa tata askwaw. 37Aya, a zlepetene ŋ madarlaŋw anta ege, a ŋgaya: «Səkan kála ŋ la dakala, cemey, mepet səkan ege parham. 38Hune jene mbahw ŋ heje la anta malaɓata hejəye ŋ pet səkan anta zeney.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2025 CABTAL