Mateo 21
21
Kungwina kokuzunda muJelusalema
(Mako 11:1-11; Luka 19:28-40; Joni 12:12-19)
1Pabakati baba pelyo neJelusalema, akale bakaswika kuguta lyeBhetifaji, lipo pedunhu lyamaOlivi, pakalepo Jesu wakatuma balayijwa babili, 2eti kwabali, “Indani munsha ulolingana namwi, mowana idonki lilosungililwa, lili nomwana walyo, muasupule, muabuze kwandili. 3Kana pelina uchalebeleka namwi chimwe chinhu, moti, ‘She unoada,’ akale iye unoatumija pakalepo.”
4Yechi chakatikana kuti kuzhajikijwe zwakalebwa nompolofeti, eti,
5“Ibuja, mwananhukajana weZiyoni,
Ilinga, She uwo ukumuzha kwauli,
Akazwininipisa, ekatanha idonki,
eli pezhulu pomwana wedonki.”
6Balayijwa bakenda akale bakanota sokulaywa kwabo naJesu, 7bakabuza idonki nomwana walyo, akale bakawala ishashiko jabo pezhulu pawo, akagala pezhulu pajo. 8Bunji bwebunga bwakawala ishashiko jabo mungwagwa, bamwe bakatema inhabi jemiti bakawala mungwagwa beuntambula. 9Akale ibunga lyakabekwenda lili mbeli kukwe nelyakabeli mushule lilye bakabeshomeja, beti, “Hosana kuMwananhulumyana waDavidi! Ulokombolelwa iye unozha muzina lyaTezi! Hosana upezhuluzhulu!”
10Akale paakangwina muguta igulwana lyeJelusalema, kwakaba nokukovongeka, beti, “Ndiani yoyu”
11Ibunga lyakashandula liti, “Yoyu ndiJesu umpolofeti unova kuguta lyeNazaleta yokuGalili.”
Jesu unonda kuTempeli
(Mako 11:15-19; Luka 19:45-48; Joni 2:13-22)
12Akale Jesu wakangwina mutempeli, akabatata bose bashambaji nabatengi mutempeli, akale akapindimula zwitala zwabatengesi bemali, nezwibhula zwaabo bakabeshambaja inkwilimba. 13Wakati kwabali, “Zwilokwalwa kuwhi, ‘Ingumba yangu inooshobwa kuwhi ingumba yokunamata, koga imwi mumuita chifuko chabapambi.”
14Mapofu namakosha bakezha kwaali mutempeli, akabachilisa. 15Koga batebuji bakulwana nabakwali bomulawo, pabakabona zwinhu zwinoshamisa zwaakabeta, akale nabana beshomeja mutempeli beti, “Hosana kuMwananhulumyana waDavidi!” Bakabipilwa, 16bakati kwaali, “Uzwiwhile na zwibamuleba nabana yaba?”
Jesu wakati kwabali, “Eya, amujanu mwabala na kuti, ‘Mumilomo yabana batukutuku nabacheche mwakabhisa lukujo lulopelela?”
17Akale paakabasiya, wakabhuda muguta igulwana, akenda kuguta lyeBhetani ndiko kwaakanolala.
Jesu Unofhizha Unkuyu
(Mako 11:12-14,20-24)
18Zhingwanangwana, ebwilila kuguta igulwana, wakawha zhala. 19Akale paakabona unkuyu wakabeli pelyo nenzila, wakenda kwauli koga aajakawana chinhu, kuzhe kwamazhani chete. Wakati kwauli, “Usizwale unchelo akale!” Unkuyu wakahwihwinyala pakalepo.
20Bazwibona yezwi balayijwa bakachenama kasa, bakati, “Unkuyu wahwihwimala chini pakalepo?”
21Akale Jesu wakabashandula eti, “Chokomende, ndinoti kwamuli, kana mulinokudimbwa musinokahajika, moota zwinopinda zwandata pankuyu, munooti kudunhu yeli, ‘Nyukuka, uposelwe mugungwa, akale zwinootikana. 22Neebo chose chamuchakumbila mukunamata mudimbwa, mochipiwa.
Umbhuzo Pezhulu Pesimba lyaJesu
(Mako 11:27-33; Luka 20:1-8)
23Jesu paakangwina mutempeli, batebuji bakulwana nabatungamili babanhu bakonzhila elikumulayija, bakati, “Yezwi zwawumuta umuzwita nesimba lipi, akale ndiani wakakupa isimba yeli?”
24Jesu wakabashandula, eti, “Namibo ndomubhuza umbhuzo mungondishandula, namibo ndomubuja kuti yezwi ndimuzwita nesimba lyani. 25Umbhabhatizo waJoni wakava kupi? Wakava kudenga kana wakava kubanhu?”
Bakakakabajana boga boga, beti, “Tingoti, ‘kudenga, unoti kwatili, ‘Mwakalekelani kudimbwa kwaali?’ 26Koga tingoti, kubanhu, totya ibunga lyabanhu, nokuti bose banoti Joni wakabeli umpolofeti.” 27Sezwo bakonshandula Jesu beti, “Atitoziba.”
Akale iye wakati kwabali, “Neebo anditomubuja kuti yezwi zwinhu ndozwita nesimba lipi.”
Unkwejaniso Wabanabanhulumyana Babili
28“Moyeyani? Unhulume waluba nabana banhulumyana babili, wakenda kuna wokutanga akati, ‘Mwananhulumyana wangu, inda unoshinga muminda wonzhambi nasi.’ 29Wakashandula eti, ‘Anditonda,’ koga mushule wakazwifija akenda. 30Akale akenda kunowabili, akaleba zwimwempela. Akale mwananhulumyana wakashandula, eti, Ndonda, Tezi,’ asi aajakenda. 31Pabubili bwabo ndiani wakata kuda kwatate babe”
Bakati kwaali, “Wotanga.”
Jesu akati kwabali, “Chokomende ndoti kwamuli, batelesi namavemu bakumumutangijila kungwina mubushe bwaMwali. 32Joni wakezha kunamwi munzila yobululami, amujakadimbwa kwaali, koga batelesi namavemu bakadimbwa kwaali, akale kojoba mwakazwibona yezwi, azwijakamuta kuti mushanduke mudimbwe kuna iye.”
Unkwejaniso Wabalochenekeswa muMinda wonzhambi
(Mako 12:1-12; Luka 20:9-19)
33“Iwhani umwe unkwejaniso. Pakabelina mweni wominda wakalima unda wonzhambi, akabyala mizhambi akashosha uminda wose, akacha idizwa lyokuswinila, akabaka bushozhi, akachenekesa bamwe balimi, iye akenda kuna imwe inyika. 34Unshaji wokuvuna wasendela, wakatuma bashingi babe kubalimi kunotola unchelo uwe, 35balimi bakabhata bashingi babe, umwe bakondoba, umwe bakombulaya, akale umwe bakompubula namabwe. 36Akale wakatuma bamwe bashingi, banji kupinda bokutanga, akale bakatiwa zwimwempela. 37Mushule mezwi wakatuma mwananhulumyana uwe kunaibo eti, ‘Banondemekeja mwananhulumyana wangu.’ 38Koga, bachenekwi pabakombona mwananhulumyana, bakati belebeleka chabochabo, ‘Yoyu ndiye undyifuma, izhani tiumbulaye, titole ishabo yiye.’ 39Bakontola, bakonkuluntila kuzhe kominda wonzhambi, bakombulaya.”
40“Paachabuya mweni wominda wonzhambi, unoobatani bachenekwi yabo”
41Batebuji bakulwana nabatungamili bakonshandula beti, “Unoobabulaya nenzila inolwaja banhu babi yabo, etikochenekesa unda wonzhambi kunabamwe bachenekwi bachompa michelo nomwaka wayo.”
42Jesu wakati kwabali, “Amujanu mwabala na mumakwalo machena kuti,
“Ilyo ibhango lyakalambwa nababaki
Ndilyo lyaba imhandalukokola lwengumba,
Yezwi zwakatiwa naTezi,
Akale zwinochenamisa mumesho edu”
43“Nokudalo ndomubuja kuti, mootolelwa bushe bwaMwali, akale bunoopiwa luji luchoozwala michelo yayo. 44Akale iye unowila pezhulu peli ibwe unoovunauka ebe tupanzitupanzi, koga lingowila pezhulu ponhu linoompwanyaula.”#21:44 Jimwe iwhalo jechiGiliki jantolo ajina indima yeyi
45Batebuji bakulwana nabaFalisi pabakawha mikwejaniso yiye, bakaziba kuti ukumuleba ibo. 46Koga pabakakweja kuti bonsunge, bakatya mabunga abanhu, nokuti bakabontola sompolofeti.
Valið núna:
Mateo 21: LTP
Áherslumerki
Deildu
Afrita
Want to have your highlights saved across all your devices? Sign up or sign in
The word for The World International
Mateo 21
21
Kungwina kokuzunda muJelusalema
(Mako 11:1-11; Luka 19:28-40; Joni 12:12-19)
1Pabakati baba pelyo neJelusalema, akale bakaswika kuguta lyeBhetifaji, lipo pedunhu lyamaOlivi, pakalepo Jesu wakatuma balayijwa babili, 2eti kwabali, “Indani munsha ulolingana namwi, mowana idonki lilosungililwa, lili nomwana walyo, muasupule, muabuze kwandili. 3Kana pelina uchalebeleka namwi chimwe chinhu, moti, ‘She unoada,’ akale iye unoatumija pakalepo.”
4Yechi chakatikana kuti kuzhajikijwe zwakalebwa nompolofeti, eti,
5“Ibuja, mwananhukajana weZiyoni,
Ilinga, She uwo ukumuzha kwauli,
Akazwininipisa, ekatanha idonki,
eli pezhulu pomwana wedonki.”
6Balayijwa bakenda akale bakanota sokulaywa kwabo naJesu, 7bakabuza idonki nomwana walyo, akale bakawala ishashiko jabo pezhulu pawo, akagala pezhulu pajo. 8Bunji bwebunga bwakawala ishashiko jabo mungwagwa, bamwe bakatema inhabi jemiti bakawala mungwagwa beuntambula. 9Akale ibunga lyakabekwenda lili mbeli kukwe nelyakabeli mushule lilye bakabeshomeja, beti, “Hosana kuMwananhulumyana waDavidi! Ulokombolelwa iye unozha muzina lyaTezi! Hosana upezhuluzhulu!”
10Akale paakangwina muguta igulwana lyeJelusalema, kwakaba nokukovongeka, beti, “Ndiani yoyu”
11Ibunga lyakashandula liti, “Yoyu ndiJesu umpolofeti unova kuguta lyeNazaleta yokuGalili.”
Jesu unonda kuTempeli
(Mako 11:15-19; Luka 19:45-48; Joni 2:13-22)
12Akale Jesu wakangwina mutempeli, akabatata bose bashambaji nabatengi mutempeli, akale akapindimula zwitala zwabatengesi bemali, nezwibhula zwaabo bakabeshambaja inkwilimba. 13Wakati kwabali, “Zwilokwalwa kuwhi, ‘Ingumba yangu inooshobwa kuwhi ingumba yokunamata, koga imwi mumuita chifuko chabapambi.”
14Mapofu namakosha bakezha kwaali mutempeli, akabachilisa. 15Koga batebuji bakulwana nabakwali bomulawo, pabakabona zwinhu zwinoshamisa zwaakabeta, akale nabana beshomeja mutempeli beti, “Hosana kuMwananhulumyana waDavidi!” Bakabipilwa, 16bakati kwaali, “Uzwiwhile na zwibamuleba nabana yaba?”
Jesu wakati kwabali, “Eya, amujanu mwabala na kuti, ‘Mumilomo yabana batukutuku nabacheche mwakabhisa lukujo lulopelela?”
17Akale paakabasiya, wakabhuda muguta igulwana, akenda kuguta lyeBhetani ndiko kwaakanolala.
Jesu Unofhizha Unkuyu
(Mako 11:12-14,20-24)
18Zhingwanangwana, ebwilila kuguta igulwana, wakawha zhala. 19Akale paakabona unkuyu wakabeli pelyo nenzila, wakenda kwauli koga aajakawana chinhu, kuzhe kwamazhani chete. Wakati kwauli, “Usizwale unchelo akale!” Unkuyu wakahwihwinyala pakalepo.
20Bazwibona yezwi balayijwa bakachenama kasa, bakati, “Unkuyu wahwihwimala chini pakalepo?”
21Akale Jesu wakabashandula eti, “Chokomende, ndinoti kwamuli, kana mulinokudimbwa musinokahajika, moota zwinopinda zwandata pankuyu, munooti kudunhu yeli, ‘Nyukuka, uposelwe mugungwa, akale zwinootikana. 22Neebo chose chamuchakumbila mukunamata mudimbwa, mochipiwa.
Umbhuzo Pezhulu Pesimba lyaJesu
(Mako 11:27-33; Luka 20:1-8)
23Jesu paakangwina mutempeli, batebuji bakulwana nabatungamili babanhu bakonzhila elikumulayija, bakati, “Yezwi zwawumuta umuzwita nesimba lipi, akale ndiani wakakupa isimba yeli?”
24Jesu wakabashandula, eti, “Namibo ndomubhuza umbhuzo mungondishandula, namibo ndomubuja kuti yezwi ndimuzwita nesimba lyani. 25Umbhabhatizo waJoni wakava kupi? Wakava kudenga kana wakava kubanhu?”
Bakakakabajana boga boga, beti, “Tingoti, ‘kudenga, unoti kwatili, ‘Mwakalekelani kudimbwa kwaali?’ 26Koga tingoti, kubanhu, totya ibunga lyabanhu, nokuti bose banoti Joni wakabeli umpolofeti.” 27Sezwo bakonshandula Jesu beti, “Atitoziba.”
Akale iye wakati kwabali, “Neebo anditomubuja kuti yezwi zwinhu ndozwita nesimba lipi.”
Unkwejaniso Wabanabanhulumyana Babili
28“Moyeyani? Unhulume waluba nabana banhulumyana babili, wakenda kuna wokutanga akati, ‘Mwananhulumyana wangu, inda unoshinga muminda wonzhambi nasi.’ 29Wakashandula eti, ‘Anditonda,’ koga mushule wakazwifija akenda. 30Akale akenda kunowabili, akaleba zwimwempela. Akale mwananhulumyana wakashandula, eti, Ndonda, Tezi,’ asi aajakenda. 31Pabubili bwabo ndiani wakata kuda kwatate babe”
Bakati kwaali, “Wotanga.”
Jesu akati kwabali, “Chokomende ndoti kwamuli, batelesi namavemu bakumumutangijila kungwina mubushe bwaMwali. 32Joni wakezha kunamwi munzila yobululami, amujakadimbwa kwaali, koga batelesi namavemu bakadimbwa kwaali, akale kojoba mwakazwibona yezwi, azwijakamuta kuti mushanduke mudimbwe kuna iye.”
Unkwejaniso Wabalochenekeswa muMinda wonzhambi
(Mako 12:1-12; Luka 20:9-19)
33“Iwhani umwe unkwejaniso. Pakabelina mweni wominda wakalima unda wonzhambi, akabyala mizhambi akashosha uminda wose, akacha idizwa lyokuswinila, akabaka bushozhi, akachenekesa bamwe balimi, iye akenda kuna imwe inyika. 34Unshaji wokuvuna wasendela, wakatuma bashingi babe kubalimi kunotola unchelo uwe, 35balimi bakabhata bashingi babe, umwe bakondoba, umwe bakombulaya, akale umwe bakompubula namabwe. 36Akale wakatuma bamwe bashingi, banji kupinda bokutanga, akale bakatiwa zwimwempela. 37Mushule mezwi wakatuma mwananhulumyana uwe kunaibo eti, ‘Banondemekeja mwananhulumyana wangu.’ 38Koga, bachenekwi pabakombona mwananhulumyana, bakati belebeleka chabochabo, ‘Yoyu ndiye undyifuma, izhani tiumbulaye, titole ishabo yiye.’ 39Bakontola, bakonkuluntila kuzhe kominda wonzhambi, bakombulaya.”
40“Paachabuya mweni wominda wonzhambi, unoobatani bachenekwi yabo”
41Batebuji bakulwana nabatungamili bakonshandula beti, “Unoobabulaya nenzila inolwaja banhu babi yabo, etikochenekesa unda wonzhambi kunabamwe bachenekwi bachompa michelo nomwaka wayo.”
42Jesu wakati kwabali, “Amujanu mwabala na mumakwalo machena kuti,
“Ilyo ibhango lyakalambwa nababaki
Ndilyo lyaba imhandalukokola lwengumba,
Yezwi zwakatiwa naTezi,
Akale zwinochenamisa mumesho edu”
43“Nokudalo ndomubuja kuti, mootolelwa bushe bwaMwali, akale bunoopiwa luji luchoozwala michelo yayo. 44Akale iye unowila pezhulu peli ibwe unoovunauka ebe tupanzitupanzi, koga lingowila pezhulu ponhu linoompwanyaula.”#21:44 Jimwe iwhalo jechiGiliki jantolo ajina indima yeyi
45Batebuji bakulwana nabaFalisi pabakawha mikwejaniso yiye, bakaziba kuti ukumuleba ibo. 46Koga pabakakweja kuti bonsunge, bakatya mabunga abanhu, nokuti bakabontola sompolofeti.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The word for The World International