མེ་ཐིའུ 16

ཞིང་ཁམས་ཀྱི་རྟགས་མཚན་ཞུ་མེ་ལ་སྐོར་ནས།

(མཱརཀ 8:11-13; ལུཀ 12:54-56)

1ཕ་རུ་ཤི་པ་དང་ ས་དུ་ཀི་པ#16:1 ས་དུ་ཀི་པ ཚབ་སྲིད་ནས་ཆོས་ལུགས་ཀྱི་དབང་བསྒྱུར་གྱི་མི་ཆ་ཡི་ ཡེ་དི་གི་མི་སྡེ་ནང།་ཆེ་ན་ ཡེ་ཤུ་བཞུགས་བཅར་ཇི་ ཁྱི་ཐུགས་ཚོད་བལྟ་མེ་ལ་དོན་ན ཆོང་ངེ་ངད་ ཞིང་ཁམས་རྟགས་མཚན་ཐེ་བཏོན་གནང་ང་ཡི་ཞུཝ་ད། 2ཡེ་ཤུ་གིས་ ཤུ་ཡི་ལ་ཁ་ཡི་ད་ནེ་ གནམ་བྱིན་དུ་ག་ཡི་ས་མཐོངམ་ད་ ཡོན་པ་གནམ་ཤེས་བཀའ་ཅིན་ནག་ད་བུ་ཇི་སླབ། 3ཆོད་ནས་ངར་ཇི་གནམ་པུད་མ་ ནག་སར་མཐོངམ་ད་ ཡོད་ད་སུམ་ཡེ་ར་གེ་ན་བུ་ཇི་སླབ་ཡོན་ ཡོད་ནང་གནམ་བལྟ་ཇི་ ཞ་ཟུང་མི་ནང་སླབ་ཆུགས་ ཆ་ཡི་བུ་མ་ དུས་ཚོད་བྱོང་མེ་ལ་རྟགས་མཚན་དོན་དག་ཆ་ཡི་ ཡོད་ཀྱི་རྩ་ལས་ར་སླབ་མི་ཚུགས། 4མི་རབས་ངན་པ་ དམ་ཚིག་མ་སྲུང་ཁན་ཆ་ཡི་ ཡོད་ང་ནས་རྟགས་མཆན་ཆོང་ན་ང་ཡི་བུ་ཇི་སླབ་ཏ་ཡོན་ད་ ཆ་ཡི་བུ་མ་ལུང་སྟོན་པ་ ཡོ་ན་ཁྱི་ར་ ཨོ་སོ་མི་རབས་ཀྱི་དོན་ན་རྟགས་ཡོན་ ཆོད་ནས་རྟགས་མཚན་གཞན་མི་ཁྱི་གི་དོན་ན་བཏོན་མི་བྱིན་བུ་ཇི་ གསུངས་ན་ ཡེ་ཤུ་གི་ཁྱིད་ན་བཞག་སྟེ་བྱོང་ག་ཡི་ན།

ཕ་རུ་ཤི་པ་དང་ ས་དུ་ཀི་པ་གི་བུལ་དོག།

5བོད་མཚོ་ཀིམ་ཇི་ཐི་ལོ་གོ་ཁར་མ་ སློབ་མ་གི་བཅོ་ཐམ་འབག་ཇི་ བརྫེད་པ་ཡོན་ད། 6ཡེ་ཤུ་གི་སློབ་མ་ནང་ ཁྱི་སེམས་དྲན་པ་ཆོང་ཇི་ ཕ་རུ་ཤི་པ་དང་ ས་དུ་ཀི་པི་གི་ཕབས་ ཆོད་ནས་རིགཔ་བསྒྱིམ་ཉེ་ལེ་བུ་ཇི་གསུང་མ།

7སློབ་མ་བོ་ར་ཐེ་གི་ཐེ་ནང་ ཁྱི་འོ་སོར་གསུང་ཁན་ཆ་ཡི་ ངད་བཅོ་ཐམ་ཁོར་མེ་ལ་བརྫེད་ཇི་ བྱིག་པ་ཡོན་ད་བུ་ཇི་ཞུ་ན།

8ཡེ་ཤུ་གི་བོ་ཡི་ཁན་ལ་མཁྱེན་ཇི་ དབའི་ ཁྱེད་དད་པ་ཆིང་ཀུ་ལ་ཆ་ཡི་ ཡོད་རང་གི་བར་དོ་ ཞ་ཡོ་བཅོ་ཐམ་གྱི་ལོ་རྒྱུས་སླབ་ཏ་ཡ། 9ཡོན་ཇི་ད་རུ་ཡ་ ཧ་མ་དགོ་ཡ་ བཅོ་ཐམ་ལེབ་ཡ་ང་ མི་སྟོང་ཕྲག་ཡ་ང་བུལ་བྱི་ ཡོད་ཇི་ལྷག་པ་ཁོམ་པ་ ཨག་པོ་དུ་ས་ཡི་ ཡོན་ཇི་སེམས་ན་མུ་ཡི་ཡ།#མ་ཐི 14:17-21 10#མ་ཐི 15:34-38ད་རུང་ང་ཡི་བཅོ་ཐམ་ཡབ་ཉིས་ མི་སྟོང་ཕྲག་བླེ་ལུ་བུ་ཇི་ སག་པ་ཁོམ་པ་ཨ་པོ་བསྡུ་ས་ཡི་ ཡོད་ཇི་མི་གར་ད་ཡ། 11ང་ཡི་ཡོན་དོ་བཅོ་ཐམ་གི་སྐོར་ནས་ སླབ་ད་མིན་བུ་ཇི་ ཡོན་ཇི་ཞ་བུ་ཇི་ཤེསཔ་སྨོ་ ད་རུང་ང་ཡི་སླབ་ད་ ཕ་རུ་ཤི་པ་དང་ ས་དུ་ཀི་པ་གི་ ཕབས་ ཆོད་ནས་རིག་པ་བསྒྱིམ་ཇི་ཉེ་ལེ་གསུངས་ན།

12ཆོད་ནས་སློབ་མ་གི་ ཡེ་ཤུ་གི་བཅོ་ཐམ་ནང་ བླུག་ཁན་ལ་ཕབས་སྐོར་ནས་གསུངསམ་མེན་པར་ ཕ་རུ་ཤི་པ་དང་ ས་དུ་ཀི་པ་ཚུ་གི་ཆོང་མེ་ལ་མི་ཁྲོས་ཚུ་ནས་ རིག་པ་བསྒྱིམ་བྱི་ ཉེ་ལེ་གསུངསམ་ཡོན ཁྱི་གིས་ཤེས་ན།

པེ་ཏྲོ་གིས་ཡེ་ཤུ་འདི་ཁིརཱིས་ཡོན་བུ་ཇི་ཞུ་བའི་སྐོར་ནས།

(མཱརཀ 8:27-30; ལུཀ 9:18-21)

13ཡེ་ཤུ་ཁྲོམ་ ཀེ་ས་རི་ཡ་ ཕི་ལི་པི་བུ་ཇི་མི་ནང་ བྱོན་བྱི་ ཁྱི་རང་གི་སློབ་མ་ཚུ་ན་ མི་ཆ་ཡི་གི་ མི་བུ་ས་ ཞ་ཡོན་བུ་ཇི་ སླབ་སྨོ་ཟེར་དྲི་བ་གསུངས་ན།

14ཁྱི་ལན་ཆར་ཇི་ ཕེ་དེ་གི་ཁྲུས་གསོལ་བྱོན་མེ་ལ་ ཡོ་ཧ་ནཱན་ ཕེ་དེ་གི་ལུང་སྟོན་པ་ ཨེ་ལི་ཡ་ ཕེ་དེ་གི་ ལུང་སྟོན་པ་ ཡེ་རེ་མི་ཡ་ ཡང་ན་ན་རོ་གི་ལུང་སྟོན་པ་ཚུ་གྲལ་ཁ་ནས་ཐེ་ཡོན་ད་བུ་ཇི་ སླབ་ན་བུ་ཇི་ཞུ་ན།

15ཆ་ཡི་བུ་མ་དཝ་ ཡེ་ཤུ་གི་ ཡོད་ཀྱི་བུ་ནང་ནས་ ངད་ཨ་ཡོ་ བུ་ཇི་གསུངས་ན།

16ཆར་ཇི་ལན་ན་ སི་མཱོན་པེ་ཏྲོ་གིས་ ཆོ་གསོན་པོའི་དཀོན་མཆོག་གི་སྲས་ དང་ ཁིརཱིས་ཡོན་ད་བུ་ཇི་ཞུ་ན།

17ཆར་ཇི་ལན་ན་ ཡི་ཤུ་གི་ ཡོ་ན་གྱི་བུ་ སི་མཱོན་ ཡོད་བྱིན་རླབས་ཅན་ཡོན་ ཞ་བོ་བུ་ནང་ནས་ ཨོ་ས་ཆ་ཡི་མི་ནེ་མིན་ ཆ་ཡི་བུ་མ་ ཞིང་ཁམས་ཞུ་ཁན་ ང་དོ་ཡབ་ཀྱི་ ཡོད་དོ་ཆོང་གནང་པའི་ཡོན། 18ང་ཡི་ཡོད་དོ་དོན་ལ་ར་སླབ་ཏ་ཡོན་ ཡོད་ཀྱི་མིང་ པེ་ཏྲོ་ཡོན་ ཨོ་སོ་ གོར་དེ་གུ་ ང་ཡི་གི་ཆོས་ཚོགས་བརྐྱབ་མེ་ལ་ཡོན་ ཆོད་ནས་ཆོས་ཚོགས་རྒྱལ་ཁ་ནང་ཉང་ གཤིན་ཡུལ་གྱིས་རྒྱབ་འགལ་བུ་ར་མི་ཚུགས། 19ཆོད་ནས་ང་ཡེ་ ཞིང་ཁམས་རྒྱལ་སྲིད་ཆ་ཡེ་ལྡེ་མིག་དེ་ ཡོད་དོ་ སྤྲོད་ཡོན་ ཡོད་འཛམ་བུ་གླིང་ནང་ཞ་རང་བསྡམ་སང་ ཆ་ཡང་ཡརཝ་ཞིང་ཁམས་ལུ་བསྡམ་མེ་ལ་ཡོན་ ཆོད་ནས་ཡོད་འཛམ་གླིང་ནང་ཇ་རང་ཁྱི་སང་ ཆ་ཡི་ཡརཝ་ཞིང་ཁམས་ནང་ཡང་ འཁྱོལ་མེ་ལ་ཡོན་བུ་ཇི་གསུངས་ཆ་ནས།

20ཡེ་ཤུ་གི་སློབ་མ་ནང་ ངད་ཁིརཱིས་ཡོན་བུ་ཇི་ ཡོད་ ཨ་ཡི་དོ་ཡང་མ་སླབ་ག་ཡི་བུ་ཇི་ བཀའ་དམ་དྲགས་གནང་ན།

ཡེ་ཤུ་གི་ཁྱི་ན་བཀྲོང་མེ་ལ་བུ་ཇི་ ལུང་བསྟན་གསུངས་པའི་སྐོར།

(མཱརཀ 8:31; ལུཀ 9:22-27)

21ཡེ་ཤུ་གི་དེའི་ཚེ་ནས་འགོ་བཙུགས་ཇི་ ཁྱི་སློབ་མ་ནང་ བོད་ར་ནང་ཞ་བྱུང་མེ་ལ་ཡོན་ནམ་བུ་ཇི་ཆོང་གནང་ན་ ཁྱི་ཆོར་ ང་ ཡེ་རུ་ཤ་ལེམ་ནང་ག་ཡི་ཇི་ མི་དམངས་ཀྱི་རྒན་ཤོས་ནས་ བླ་ཆེན་ཚུ་ ཆོད་ནས་བཀའ་ཁྲིམས་ཀྱི་སློབ་དཔོན་ཚུ་གི་ཡག་གོ་ སྡུག་བསྔལ་གནམ་མེད་ས་མེད་མྱོང་ཇི་ བོའི་ ངད་བསུད་ར་ ཆོད་ནས་ཉན་གསུམ་པ་ན་ གསོན་པོ་ཡང་མ་ལ་ཡོན་བུ་ཇི་ གསུངས་བཞུགས་པའི་སྐབས་ན།

22པེ་ཏྲོ་ཡེ་ཤུ་ན་སོ་སོ་སྦེ་ཞུ་ཇི་ གཙོ་བོ་ལགས་ ཆོ་ན་ཨར་པ་ཡང་བྱུང་མ་ཏེ་བུ་ཇི་ བཀའ་སློབ་གནང་ར།

23ཡེ་ཤུ་གི་ཞལ་ཚུར་ པེ་ཏྲོ་ཁ་ཐུག་བསྒོར་ཇི་ ཨ་ཁའི་ བདུད་ སེ་ཏཱན་ ཡོད་ང་སྡོད་ས་ནས་ཐུར་ག་ལེ་ ཡོད་ང་དོ་བར་ཆད་རྐྱབ་ད་ ཡོད་མནོ་བསམ་དཀོན་མཆོག་ཁ་ཐུག་མིན་ད་ མིའི་ཁ་ཐུག་གོ་ཡོན་ད་ བུ་ཇི་གསུངས་ན།

24ཆོད་ནས་ཡེ་ཤུ་གི་སློབ་མ་ནང་ ཨ་ཡི་རང་བུ་སང་ ང་ཡི་སློབ་མ་བུ་ཇི་ར་གོ་ནང་ནས་ མི་ཆ་ཡི་ཨིན་ཅི་མིན་ཅི་ རང་དོན་སྤངས་ཆ་ནང་ནས་ ཁྱི་ར་ཁྲམ་ཤིང་འབག་ཇི་ ང་ཡི་བྱུ་ཉོག་ཅི་ར་དགོ། 25ཞ་བོ་བུ་ནང་ནས་ ཨ་ཡི་རང་བུ་སང་ རང་གི་མི་ཚེ་ཕངས་ནང་ནས་ ཆར་ཇི་འཕྲོ་བརླག་བླེད་པ་ཡོན་ ཆ་ཡི་བུ་མ་ ཨ་ཡི་ར་བུ་སང་ རང་གི་མི་ཚེ་ཆ་ཡི་ ང་ཡི་དོན་ན་བློས་བླེད་ནང་ནས་ ཆར་ཇི་མི་ཚེ་ངོ་མ་ ཉང་། 26ཨ་ཏོར་ཏི་བུ་ཇི་ མི་ཐེ་གིས་འཛམ་བུ་གླིང་གི་དབང་ཚད་ད་ས་ང་ཉང་ས་ར་ རང་གི་མི་ཚེ་ཆ་ཡི་ འཕྲོ་བརླག་པླེད་ནང་ནས་ ཆེ་ན་ཁེ་སང་ཞ་ན་ཡོ་ མི་ཚེ་ཆ་ཡི་ཨ་ཏོར་ཉང་མེ་ལ་ཡོ། 27ཞ་བོ་བུ་ནང་ནས་ མིའི་བུ་ཆ་ཡི་ ཡབ་ཀྱི་གཟི་བརྫིད་ནང་ ཕོ་ཉ་ཐེ་ནང་ཀ་ར་ནས་བྱོན་མ་ མི་ནང་བོ་ར་རང་སོ་སོ་བུ་འརན་ལ་ ཡས་ནང་འཁྲིལ་ཇི་ གསོལ་རས་གནང་མེ་ལ་ཡོན། 28ང་ཡི་ཡོད་དོ་དོན་ལ་ར་སླབ་ཏ་ཡོན་ ད་ར་ཆོ་ནང་ཡང་ཉེ་ཁན་ལ་ག་ཡི་ནས་ ཕེ་དེ་གི་ མིའི་བུ་ཆ་ཡི་ཞིང་ཁམས་ཀྱི་རྒྱལ་སྲིད་སྐྱོང་མེ་ལ་ར་ས་མ་མཐོང་པར་ མི་ཤི་ཟེར་གསུངས་ན།

Valið núna:

མེ་ཐིའུ 16: NBT

Áherslumerki

Deildu

Afrita