Ichedendik 24
24
Isaak ọttạra Rẹbẹka
1K'okpe kw'uwa Abraham kk'ọtạma mororo, icho sẹ ibạra isaabh, wa Ọvaar Ubinọkpaabyi kk-ẹ udia k'ukhira kwidede. 2Wa Abraham obeni ocho kw'atọhmnạng p'ẹchọhmfhạr ọttạra udik kwidede kw'ode kwẹ bẹ́, “Ge ọbọhk kwọ k'ntaak saam isekhisek. 3Amma nnoru bẹ́, achekhi k'eche ch'Ọvaar Ubinọkpaabyi, kw'ode Ubinọkpaabyi kw'ẹrạng ọttạra isek bẹ́, ọma ikwanạng k'aminava p'Kenaan, p'nnukhu bẹ abẹ maa, mátạkha anạng nnwa kwaam. 4Okhenka, sọhng k'ẹkhạma chaam, k'anạng paam oyeni, ata atạkha ikwanạng anạng nnwa kwaam, Isaak.”
5Ọtọhmnạng nwọ ọbạbh-ẹ bẹ́, “Ode ikwanạng nwọ nạnóchera bẹ́, ọtwạn abamẹ ukwuna ma isek nna mo? N'ode bẹ́, n'abạra ntima nnwa kwọ mkpa nnạm k'ofhon kw'ammaan o?”
6Abraham oben-ẹ bẹ́, “Mma o. Nạngẹ yạyom ayom bẹ́, atim nnwa kwaam akpa nnạm mạma o. 7Ọvaar Ubinọkpaabyi, kw'ode Ubinọkpaabyi kw'ẹrạng, kw'utim-m ubina k'ẹchọhmfhạr ch'otte kwaam, ọttạra k'ọmmaana-fhon kwaam. Ọkpaakh-m udik, ọbạra ochekhi ọnạng-m oben bẹ́, Amma m'nnạng iva p'iva pọ isisek nna. Ema m'ọtọhm itọhmọ sẹ, s'm'itibh-ọ eden ch'm'asenga, ọfha atạkha ikwanạng mạma anạng nnwa kwaam. 8De ikwanạng nwọ nạnóchera bẹ́, ọtwạn abọ ukwuna, songa bẹ́, kk'annaanga k'echekha nja chaam. Okhenka, nnwa kwaam kátima akpa nnạm kạkha o.” 9Mạnna wọ, ọtọhmnạng nwọ oge ọbọhk kwẹ k'ntaak s'aro kwẹ, Abraham, ochekhi bẹ́, ẹma m'usi oche kw'aro kwẹ obeni.
10Ma wọ ọtọhmnạng nwọ ọtạk akamẹl jobh p'aro kwẹ, ọbạra ọtạkha ekpo-jibha k'ukhira k'ukhira k'aro kwẹ, ọnạna akamẹl mbọ. Ubina osenga ofona k'Aram-Naharayim, osenga ukpira k'ofhon kw'uwa Nahọr urukhu. 11Ukwu ukpira ma ẹchọhkha, k'okpe kw'ipanạng n'ata akhaabha asi, ma wọ utim akamẹl mbọ okwokha ọyọhng ma isipe ch'ining k'ofhon ọkhaan-ọkhaan.
12Ma wọ, n'ose njọhm oben bẹ́, “O Ọvaar Ubinọkpaabyi, Ubinọkpaabyi kw'aro kwaam, Abraham, si-m nkhaama ọyọbh ma iwu ch'chemma, abạra asi ọphyaam anạng aro kwaam, Abraham. 13Kker e, amma mbe ma isipe nja ọkhaan-ọkhaan ch'aminava p'ofhon ngwa n'akwu akhaabha asi. 14Tte akwẹ ode bẹ́, de mbeni uminanwa wạnọ bẹ́, ‘Totokhạn, mekh-m asi k'isijọ chọ ngwo,’ oben-m bẹ́, ‘Gwo, ọfha mbạra nnạng akamẹl pọ,’ tte ode bẹ́, ẹma wọ kw'kk'atekha anạng ọtọhmnạng kwọ Isaak. Ma wọ, m'nsonga bẹ́, kk'ọphyaam asia anạng aro kwaam.”
15Bạrasẹ n'okker njọhm sạse, Rẹbẹka uyin kạkha, isijọ achẹ kha nkkaang. Ẹma wa ode uminanwa kw'Bẹtuẹl kw'ode ujunungnwa kw'Milka ọmaanẹ ọnạng Nahọr, kw'ode nnwọkka kw'Abraham. 16Uminanwa nwọ ọkhankẹ ujibh iminava. Ibyi s'ujunung tạm nósonga. Mạnna wọ wa ọsạk k'isipe, utima isijọ ọkhaabha asi tạrr achẹ ifu, utima uvura.
17Ma wọ, ọtọhmnạng kw'Abraham udwuk ọta okhebha Rẹbẹka oben-ẹ bẹ́, “Totokhạn, mekh-m asiva k'isijọ chọ, ngwo.”
18Rẹbẹka oben-ẹ bẹ́, “Aro kwaam, tạkha asi gwo.” Ọsạkha isijọ k'ẹbhạr-k'ẹbhạr utima k'mbọhk, ọnạng-ẹ asi ogwo.
19Masẹ kk'ẹ asi ọnạnga ogwo o, n'oben-ẹ bẹ́, “Amma m'mgba nkhaabha nnạng akamẹl pọ, agwo tạrr ebenga bẹ.” 20Ma wọ, udwuk ọta owona asi k'ọttọhk f'nten n'igwo asi, ọkpa nnạm k'isipe ọta ọkhaabha ọnạng akamẹl pẹ, apyẹ egwo tạrr ebenga bẹ. 21Ma wọ, ọtọhmnạng umyi bẹ tọọhng, n'oge-ẹ utum mororo, ọfha ose de ode bẹ, Ọvaar Ubinọkpaabyi kk'ẹ uwujibh ọnạnga k'osenga kw'ọta.
22Masẹ akamẹl kk'asi agwua phyibh, ọtọhmnạng nwọ ọtạkha ẹbaanga ch'gol ch'isung, ch'adọhbh pẹ akpir adọhbh p'beka wạnọ, ọbạra ọtạkha ọmaan ọfa p'gol p'mbọhk, p'adọhbh pẹ akpir adọhbh p'ashẹkẹl jobh. 23Ọbạbh-ẹ bẹ́, “Anẹ wọ ofhon-ọ? Totokhạn kpaakh-m, ibyiyimasẹ ining kha ọchọhm kw'atte, s'amma ọttạra anạng paam m'anyima ma irungu yeri?”
24Rẹbẹka ubhin-ẹ bẹ́, “Amma nde nnwa kw'Bẹtuẹl, kw'Milka ọmaanẹ ọnạng Nahọr.” 25Ọbạra oben bẹ́, “Amạna ankhaam uchiattọhk k'ọsaabh, fa nten sọ m'ichi, ọttạra ibyiyimasẹ s'abạnga m'ayima ma irungu.”
26Ma wọ ọtọhmnạng nwọ utwung echo, ọnạng Ọvaar Ubinọkpaabyi ikpukpobha, 27oben bẹ́, “Ẹtọhnga ede ch'Ọvaar Ubinọkpaabyi, kw'ode Ubinọkpaabyi kw'aro kwaam, Abraham. Ẹma kk'aro kwaam ọphyaam pfẹ f'udik ọkka ọnạnga. Node amma, Ọvaar Ubinọkpaabyi kk'aam ma osenga ngwa bẹ bẹẹm, ọnwa k'ọchọhm kw'anạng p'aro kwaam.”
28Wa uminanwa nwọ ọrạbhọ ọta ọkpaak ẹchọhmfhạr ch'ọkka idik nnọ. 29Wa Rẹbẹka ọkhaam nnwọkka kw'ujunung kw'okpen Laban, kw'udwuk ọta okhebha ọtọhmnạng nwọ k'isipe. 30Oche ngwọ kw'ose ẹbaanga ch'isung, ọttạra ọmaan f'nnwọkka oge k'mbọhk, ukwu ọttạra k'idik s'ọbhaang s'Rẹbẹka ọkpaakhẹ otena k'ujunung nwọ, n'ubin ọta okhebha ọtọhmnạng nwọ s'obe ọttạra akamẹl ọbaanga isipe. 31Oben bẹ́, “Kwu e, ọma kw'Ọvaar Ubinọkpaabyi kk'udia, ode yạn kw'atim abe ma o? Kwu amfona, khiri k'ibyi ndia nchokh-ọ, ọttạra ibyi s'akamẹl pọ m'ayima.”
32Ma wọ, ọtọhmnạng nwọ ọtwạnọ abẹ ofona k'ọchọhm, abẹ achaarẹ akamẹl ntọhkha, abạra anạng bẹ uchiattọhk, abẹ anạng ọtọhmnạng nwọ ọttạra anạng p'atwạnọ abẹ asi, p'abẹ m'atima akpobhu mfhok sabẹ. 33Ma o, abẹ aber bẹ uchiattọhk, okhenka, ọtọhmnạng nwọ ọbẹ́, “Amma ọttọhk mạ́nchi tạrr mkpaak bạnga udik kw'nseng akwẹ nkwu.” Laban oben-ẹ bẹ́, “ọma Kpaak mạna.”
34Ma wọ, obeni bẹ́, Amma nde ọtọhmnạng kw'Abraham. 35Ọvaar Ubinọkpaabyi kk'aro kwaam udia mororo, kk'ujibhada-nạng udia. Kk'ẹ arạkhạmaan, ọttạra mmaam, ọttạra asilva, ọttạra agol, ọttạra atọhmnạng p'ajunung ọttạra p'ipanạng, ọttạra akamẹl, ọttạra nyạnyaang ọnạnga. 36Sara kw'ode ikwanạng kw'aro kwaam, kk'ẹ ujunungnwa ọmaana k'atạm. Aro kwaam k'ẹkhaama chẹ phyibh ọbọhk utia ọnạng nnwa nwọ. 37Aro kwaam usim ntạkha echekha, oben-m bẹ́, ‘Nạngẹ ikwanạng k'aminava p'anạng p'Kenaan p'nnukhu bẹ abẹ maa, atạk anạng nnwa kwaam. 38Okhenka, sọhng k'efona ch'otte kwaam, k'anạng paam, ata atạkha ikwanạng anạng nnwa kwaam.’
39“Ma wọ, mbạbhọ aro kwaam bẹ́, ‘Ode ikwanạng nwọ nạn ochera bẹ, ọtwạn abamẹ ukwuna mo?’
40“Aro kwaam ubhin-m bẹ́, ‘Ọvaar Ubinọkpaabyi kw'amma n'mkpobha k'eden ọkkachẹ, m'ọtọhm itọhmọ sẹ, itim-ọ eden, ibạra inạng-ọ uwujibh k'osenga kwọ, ọfha asenga ma atạkha ikwanạng k'efona ch'otte kwaam, k'anạng paam, anạng nnwa kwaam. 41Ode afon k'ẹnạmma chaam, echekha kọ mẹ́vạkha, s'ọbạra ode bẹ, abẹ náchera anạng-ọ uminanwa nwọ, echekha njọ kọ mẹ́vạkha e.’
42“Masẹ mkpir ma k'isipe nja chemma, mbeni bẹ́, O Ọvaar Ubinọkpaabyi, kw'ode Ubinọkpaabyi kw'aro kwaam Abraham, de ode ẹkka chọ, totokhạn, nạng-m uwujibh ma osenga ngwa kw'kk'nkwua ma o. 43Kkeri oche kw'mbe ma isipe ọkhaan-ọkhaan, de uminanwa ukwu bẹ, ukwu ọkhaabha asi, nkwu mben-ẹ bẹ́, “otokhạn, mekh-m asi k'isijọ chọ ngwo,” 44de oben-m bẹ́, “Gwo, mbạra nkhaabha nnạng akamẹl,” tte ẹma ode uminanwa nwọma kw'Ọvaar Ubinọkpaabyi kk'otekha ọnạng nnwa kw'aro kwaam. 45Brasẹ nkera njọhm sạse k'ettem chaam, Rẹbẹka uyin kha, isijọ ạchẹ kha nkkaang, ọsạkha k'isipe ọta ọkhaabha asi. Ma wọ, mben-ẹ bẹ́, Totokhạn, mekh-m asi ngwo.
46“Onemi eden ọsạkha isijọ ch'ọnạn k'ẹkaang, oben-m bẹ́, ‘Gwo, mbạra nkhaabha nnạng akamẹl pọ.’ Ma wọ, amma ngwo asi, ọbạra ọkhaabha ọnạng akamẹl.
47“Nkwu mbạbh-ẹ bẹ́, Anẹ wọ ofhon-ọ?
“Ubhina bẹ́, Amma nde nnwa kw'Bẹtuẹl, kw'Nahọr ofonu k'ntaak s'Milka.
“Ma wọ, nge-ẹ ẹbaanga k'isung, mbạra nge-ẹ imaan k'ọbọhk. 48Amma o, ntwunga echo mkpobha Ọvaar Ubinọkpaabyi, kw'ode Ubinọkpaabyi kw'aro kwaam, Abraham, kw'kk'aam eden utima k'eden ọkkachẹ tạrr nkwu ntạkha nnwa mfhona kw'nnwọkka kw'aro kwaam, nnạng nnwa kwẹ k'ọbada. 49Ma o, de asi ọphyaam f'udik ọkka anạng aro kwaam, kpaakh-m; de nạnásia, kpaak-m, ọfha nsonga oche kw'm'nsi.”
50Laban ọttạra Bẹtuẹl abhina bẹ́, “Masẹ idik nna phyibh ibin k'Ọvaar Ubinọkpaabyi, amạna mba udik gwạnọ-gwạnọ kánkhaam kw'm'amkpaak k'eden chidede. 51Kkeri Rẹbẹka ma, tima abẹ sọhng, tte ode ikwanạng kw'nnwa kw'aro kwọ, oche kw'Ọvaar Ubinọkpaabyi kk'obena.”
52Masẹ ọtọhmnạng kw'Abraham ọbhaang udik kw'abẹ akpaakhẹ, utwunga echo k'isisek, ọnạng Ọvaar Ubinọkpaabyi ikpukpobha. 53Ma wọ, ọtọhmnạng nwọ orengi ẹnya-kpo p'gol ọttạra p'silva, ukwu ọttạra k'ọvạra k'ukhira-k'ukhira, ọnạng Rẹbẹka. Ọbạra ọtạkha ekpo py'epe akpokha ọnạng nnwọkka kw'ujunung, ọttạra ọkka kw'Rẹbẹka. 54Ma wọ, ẹma ọttạra anạng p'atwạnọ abẹ achi ọttọhk, agwo atwuk, abẹ abạra ayima ma.
Masẹ abẹ aphyạbh k'ekpebha, n'obeni bẹ́, “Atọhm-m mmạna ntor aro kwaam.”
55Okhenka, nnwọkka kw'Rẹbẹka ọttạra ọkka n'abhin bẹ́, “Tte Rẹbẹka uninga mạna abẹ masẹ ọttọhk f'iwu jobh, brasẹ abạnga atwạn afona.”
56Okhenka, ọtọhmnạng nwọ ubhina bẹ bẹ́, “Totokhạn, tte ntor aro kwaam. Abạnga kaam kávạkha achok, s'Ọvaar Ubinọkpaabyi kk'aam uwujibh ọnạnga. Atọhm-m mmạna ntor aro kwaam.”
57Ma wọ, abẹ abhin-ẹ bẹ́, “Tte anyeri Rẹbẹka oyeni ambạbh-ẹ k'anse.” 58Ma wọ, abẹ ayeri Rẹbẹka abạbh-ẹ bẹ́, “Ọma sạm ọdaakh-ọ bẹ, atwạn ujunung nwa abẹ afona o?”
Ubhina bẹ́, “Uwe e, amma ọdạkh-m mạma e.”
59Ma wọ, abẹ ata arik nnwọkka Rẹbẹka k'eden, ọttạra ọrạrạkha kwẹ, ọttạra ọtọhmnạng kw'Abraham, ọttạra anạng p'atwạnọ abẹ. 60Abẹ abạra ayọbh Rẹbẹka itta, aben-ẹ bẹ́,
“Nwọkka kwamạna o, tte ọmaan ujibh-ọ, amaan k'ọsaabh
k'nnọhna k'nnọhna ibhik-asong;
Tte iva p'iva pọ akwu atạkha
ifhon s'awawunanạng pabẹ.”
61Ma wọ, Rẹbẹka ọttạra aminava p'arukhu abẹ, ado ifor avura akamẹl pabẹ, atwạn ọtọhmnạng kw'Abraham abẹ afona. Ma wọ, ọtọhmnạng nwọ ọtạk Rẹbẹka utima ofona.
62Wa Isaak kw'urukhu k'Nẹgẹv kk'ubina k'Beer-Lahai-Roi ukwuna. 63Wa k'ẹchọhkhawu jạnẹ, Isaak osengi ofona k'owonu bẹ, ọta ọtạkha ufhum. Masẹ udir ichen okkeri k'ororo, ose s'akamẹl n'akwu. 64Rẹbẹka ọbạra ubina ichen okkeri k'ororo ose Isaak, ma wọ ọsạk k'kamẹl kwẹ, 65ọbạbh ọtọhmnạng bẹ́, “Bạng ujunung wọ ma kw'n'ukwu otor mạna kạkha?”
Ọtọhmnạng nwọ ubhina bẹ́, “Aro kwaam wọ e.” Ma o, Rẹbẹka ọtạkha ọphyọhng kwẹ ububha k'ititikha sẹ.
66Ma wọ, ọtọhmnạng nwọ ọkpaakhẹ Isaak idik s'kkusia bẹ, phyibh. 67Ma wọ, Isaak utim-ẹ ọnwạ k'ikkira s'ọkka kwẹ, Sara. Rẹbẹka n'ode ikwanạng kw'Isaak, Isaak ọkhọhkha Rẹbẹka idạdaakha, utima ma ofokhu ẹmoyeni nttem k'obo kw'ọkka kwẹ.
Valið núna:
Ichedendik 24: mfn-x-os
Áherslumerki
Deildu
Afrita
Want to have your highlights saved across all your devices? Sign up or sign in
©️2025 West Africa Christian Mission
Ichedendik 24
24
Isaak ọttạra Rẹbẹka
1K'okpe kw'uwa Abraham kk'ọtạma mororo, icho sẹ ibạra isaabh, wa Ọvaar Ubinọkpaabyi kk-ẹ udia k'ukhira kwidede. 2Wa Abraham obeni ocho kw'atọhmnạng p'ẹchọhmfhạr ọttạra udik kwidede kw'ode kwẹ bẹ́, “Ge ọbọhk kwọ k'ntaak saam isekhisek. 3Amma nnoru bẹ́, achekhi k'eche ch'Ọvaar Ubinọkpaabyi, kw'ode Ubinọkpaabyi kw'ẹrạng ọttạra isek bẹ́, ọma ikwanạng k'aminava p'Kenaan, p'nnukhu bẹ abẹ maa, mátạkha anạng nnwa kwaam. 4Okhenka, sọhng k'ẹkhạma chaam, k'anạng paam oyeni, ata atạkha ikwanạng anạng nnwa kwaam, Isaak.”
5Ọtọhmnạng nwọ ọbạbh-ẹ bẹ́, “Ode ikwanạng nwọ nạnóchera bẹ́, ọtwạn abamẹ ukwuna ma isek nna mo? N'ode bẹ́, n'abạra ntima nnwa kwọ mkpa nnạm k'ofhon kw'ammaan o?”
6Abraham oben-ẹ bẹ́, “Mma o. Nạngẹ yạyom ayom bẹ́, atim nnwa kwaam akpa nnạm mạma o. 7Ọvaar Ubinọkpaabyi, kw'ode Ubinọkpaabyi kw'ẹrạng, kw'utim-m ubina k'ẹchọhmfhạr ch'otte kwaam, ọttạra k'ọmmaana-fhon kwaam. Ọkpaakh-m udik, ọbạra ochekhi ọnạng-m oben bẹ́, Amma m'nnạng iva p'iva pọ isisek nna. Ema m'ọtọhm itọhmọ sẹ, s'm'itibh-ọ eden ch'm'asenga, ọfha atạkha ikwanạng mạma anạng nnwa kwaam. 8De ikwanạng nwọ nạnóchera bẹ́, ọtwạn abọ ukwuna, songa bẹ́, kk'annaanga k'echekha nja chaam. Okhenka, nnwa kwaam kátima akpa nnạm kạkha o.” 9Mạnna wọ, ọtọhmnạng nwọ oge ọbọhk kwẹ k'ntaak s'aro kwẹ, Abraham, ochekhi bẹ́, ẹma m'usi oche kw'aro kwẹ obeni.
10Ma wọ ọtọhmnạng nwọ ọtạk akamẹl jobh p'aro kwẹ, ọbạra ọtạkha ekpo-jibha k'ukhira k'ukhira k'aro kwẹ, ọnạna akamẹl mbọ. Ubina osenga ofona k'Aram-Naharayim, osenga ukpira k'ofhon kw'uwa Nahọr urukhu. 11Ukwu ukpira ma ẹchọhkha, k'okpe kw'ipanạng n'ata akhaabha asi, ma wọ utim akamẹl mbọ okwokha ọyọhng ma isipe ch'ining k'ofhon ọkhaan-ọkhaan.
12Ma wọ, n'ose njọhm oben bẹ́, “O Ọvaar Ubinọkpaabyi, Ubinọkpaabyi kw'aro kwaam, Abraham, si-m nkhaama ọyọbh ma iwu ch'chemma, abạra asi ọphyaam anạng aro kwaam, Abraham. 13Kker e, amma mbe ma isipe nja ọkhaan-ọkhaan ch'aminava p'ofhon ngwa n'akwu akhaabha asi. 14Tte akwẹ ode bẹ́, de mbeni uminanwa wạnọ bẹ́, ‘Totokhạn, mekh-m asi k'isijọ chọ ngwo,’ oben-m bẹ́, ‘Gwo, ọfha mbạra nnạng akamẹl pọ,’ tte ode bẹ́, ẹma wọ kw'kk'atekha anạng ọtọhmnạng kwọ Isaak. Ma wọ, m'nsonga bẹ́, kk'ọphyaam asia anạng aro kwaam.”
15Bạrasẹ n'okker njọhm sạse, Rẹbẹka uyin kạkha, isijọ achẹ kha nkkaang. Ẹma wa ode uminanwa kw'Bẹtuẹl kw'ode ujunungnwa kw'Milka ọmaanẹ ọnạng Nahọr, kw'ode nnwọkka kw'Abraham. 16Uminanwa nwọ ọkhankẹ ujibh iminava. Ibyi s'ujunung tạm nósonga. Mạnna wọ wa ọsạk k'isipe, utima isijọ ọkhaabha asi tạrr achẹ ifu, utima uvura.
17Ma wọ, ọtọhmnạng kw'Abraham udwuk ọta okhebha Rẹbẹka oben-ẹ bẹ́, “Totokhạn, mekh-m asiva k'isijọ chọ, ngwo.”
18Rẹbẹka oben-ẹ bẹ́, “Aro kwaam, tạkha asi gwo.” Ọsạkha isijọ k'ẹbhạr-k'ẹbhạr utima k'mbọhk, ọnạng-ẹ asi ogwo.
19Masẹ kk'ẹ asi ọnạnga ogwo o, n'oben-ẹ bẹ́, “Amma m'mgba nkhaabha nnạng akamẹl pọ, agwo tạrr ebenga bẹ.” 20Ma wọ, udwuk ọta owona asi k'ọttọhk f'nten n'igwo asi, ọkpa nnạm k'isipe ọta ọkhaabha ọnạng akamẹl pẹ, apyẹ egwo tạrr ebenga bẹ. 21Ma wọ, ọtọhmnạng umyi bẹ tọọhng, n'oge-ẹ utum mororo, ọfha ose de ode bẹ, Ọvaar Ubinọkpaabyi kk'ẹ uwujibh ọnạnga k'osenga kw'ọta.
22Masẹ akamẹl kk'asi agwua phyibh, ọtọhmnạng nwọ ọtạkha ẹbaanga ch'gol ch'isung, ch'adọhbh pẹ akpir adọhbh p'beka wạnọ, ọbạra ọtạkha ọmaan ọfa p'gol p'mbọhk, p'adọhbh pẹ akpir adọhbh p'ashẹkẹl jobh. 23Ọbạbh-ẹ bẹ́, “Anẹ wọ ofhon-ọ? Totokhạn kpaakh-m, ibyiyimasẹ ining kha ọchọhm kw'atte, s'amma ọttạra anạng paam m'anyima ma irungu yeri?”
24Rẹbẹka ubhin-ẹ bẹ́, “Amma nde nnwa kw'Bẹtuẹl, kw'Milka ọmaanẹ ọnạng Nahọr.” 25Ọbạra oben bẹ́, “Amạna ankhaam uchiattọhk k'ọsaabh, fa nten sọ m'ichi, ọttạra ibyiyimasẹ s'abạnga m'ayima ma irungu.”
26Ma wọ ọtọhmnạng nwọ utwung echo, ọnạng Ọvaar Ubinọkpaabyi ikpukpobha, 27oben bẹ́, “Ẹtọhnga ede ch'Ọvaar Ubinọkpaabyi, kw'ode Ubinọkpaabyi kw'aro kwaam, Abraham. Ẹma kk'aro kwaam ọphyaam pfẹ f'udik ọkka ọnạnga. Node amma, Ọvaar Ubinọkpaabyi kk'aam ma osenga ngwa bẹ bẹẹm, ọnwa k'ọchọhm kw'anạng p'aro kwaam.”
28Wa uminanwa nwọ ọrạbhọ ọta ọkpaak ẹchọhmfhạr ch'ọkka idik nnọ. 29Wa Rẹbẹka ọkhaam nnwọkka kw'ujunung kw'okpen Laban, kw'udwuk ọta okhebha ọtọhmnạng nwọ k'isipe. 30Oche ngwọ kw'ose ẹbaanga ch'isung, ọttạra ọmaan f'nnwọkka oge k'mbọhk, ukwu ọttạra k'idik s'ọbhaang s'Rẹbẹka ọkpaakhẹ otena k'ujunung nwọ, n'ubin ọta okhebha ọtọhmnạng nwọ s'obe ọttạra akamẹl ọbaanga isipe. 31Oben bẹ́, “Kwu e, ọma kw'Ọvaar Ubinọkpaabyi kk'udia, ode yạn kw'atim abe ma o? Kwu amfona, khiri k'ibyi ndia nchokh-ọ, ọttạra ibyi s'akamẹl pọ m'ayima.”
32Ma wọ, ọtọhmnạng nwọ ọtwạnọ abẹ ofona k'ọchọhm, abẹ achaarẹ akamẹl ntọhkha, abạra anạng bẹ uchiattọhk, abẹ anạng ọtọhmnạng nwọ ọttạra anạng p'atwạnọ abẹ asi, p'abẹ m'atima akpobhu mfhok sabẹ. 33Ma o, abẹ aber bẹ uchiattọhk, okhenka, ọtọhmnạng nwọ ọbẹ́, “Amma ọttọhk mạ́nchi tạrr mkpaak bạnga udik kw'nseng akwẹ nkwu.” Laban oben-ẹ bẹ́, “ọma Kpaak mạna.”
34Ma wọ, obeni bẹ́, Amma nde ọtọhmnạng kw'Abraham. 35Ọvaar Ubinọkpaabyi kk'aro kwaam udia mororo, kk'ujibhada-nạng udia. Kk'ẹ arạkhạmaan, ọttạra mmaam, ọttạra asilva, ọttạra agol, ọttạra atọhmnạng p'ajunung ọttạra p'ipanạng, ọttạra akamẹl, ọttạra nyạnyaang ọnạnga. 36Sara kw'ode ikwanạng kw'aro kwaam, kk'ẹ ujunungnwa ọmaana k'atạm. Aro kwaam k'ẹkhaama chẹ phyibh ọbọhk utia ọnạng nnwa nwọ. 37Aro kwaam usim ntạkha echekha, oben-m bẹ́, ‘Nạngẹ ikwanạng k'aminava p'anạng p'Kenaan p'nnukhu bẹ abẹ maa, atạk anạng nnwa kwaam. 38Okhenka, sọhng k'efona ch'otte kwaam, k'anạng paam, ata atạkha ikwanạng anạng nnwa kwaam.’
39“Ma wọ, mbạbhọ aro kwaam bẹ́, ‘Ode ikwanạng nwọ nạn ochera bẹ, ọtwạn abamẹ ukwuna mo?’
40“Aro kwaam ubhin-m bẹ́, ‘Ọvaar Ubinọkpaabyi kw'amma n'mkpobha k'eden ọkkachẹ, m'ọtọhm itọhmọ sẹ, itim-ọ eden, ibạra inạng-ọ uwujibh k'osenga kwọ, ọfha asenga ma atạkha ikwanạng k'efona ch'otte kwaam, k'anạng paam, anạng nnwa kwaam. 41Ode afon k'ẹnạmma chaam, echekha kọ mẹ́vạkha, s'ọbạra ode bẹ, abẹ náchera anạng-ọ uminanwa nwọ, echekha njọ kọ mẹ́vạkha e.’
42“Masẹ mkpir ma k'isipe nja chemma, mbeni bẹ́, O Ọvaar Ubinọkpaabyi, kw'ode Ubinọkpaabyi kw'aro kwaam Abraham, de ode ẹkka chọ, totokhạn, nạng-m uwujibh ma osenga ngwa kw'kk'nkwua ma o. 43Kkeri oche kw'mbe ma isipe ọkhaan-ọkhaan, de uminanwa ukwu bẹ, ukwu ọkhaabha asi, nkwu mben-ẹ bẹ́, “otokhạn, mekh-m asi k'isijọ chọ ngwo,” 44de oben-m bẹ́, “Gwo, mbạra nkhaabha nnạng akamẹl,” tte ẹma ode uminanwa nwọma kw'Ọvaar Ubinọkpaabyi kk'otekha ọnạng nnwa kw'aro kwaam. 45Brasẹ nkera njọhm sạse k'ettem chaam, Rẹbẹka uyin kha, isijọ ạchẹ kha nkkaang, ọsạkha k'isipe ọta ọkhaabha asi. Ma wọ, mben-ẹ bẹ́, Totokhạn, mekh-m asi ngwo.
46“Onemi eden ọsạkha isijọ ch'ọnạn k'ẹkaang, oben-m bẹ́, ‘Gwo, mbạra nkhaabha nnạng akamẹl pọ.’ Ma wọ, amma ngwo asi, ọbạra ọkhaabha ọnạng akamẹl.
47“Nkwu mbạbh-ẹ bẹ́, Anẹ wọ ofhon-ọ?
“Ubhina bẹ́, Amma nde nnwa kw'Bẹtuẹl, kw'Nahọr ofonu k'ntaak s'Milka.
“Ma wọ, nge-ẹ ẹbaanga k'isung, mbạra nge-ẹ imaan k'ọbọhk. 48Amma o, ntwunga echo mkpobha Ọvaar Ubinọkpaabyi, kw'ode Ubinọkpaabyi kw'aro kwaam, Abraham, kw'kk'aam eden utima k'eden ọkkachẹ tạrr nkwu ntạkha nnwa mfhona kw'nnwọkka kw'aro kwaam, nnạng nnwa kwẹ k'ọbada. 49Ma o, de asi ọphyaam f'udik ọkka anạng aro kwaam, kpaakh-m; de nạnásia, kpaak-m, ọfha nsonga oche kw'm'nsi.”
50Laban ọttạra Bẹtuẹl abhina bẹ́, “Masẹ idik nna phyibh ibin k'Ọvaar Ubinọkpaabyi, amạna mba udik gwạnọ-gwạnọ kánkhaam kw'm'amkpaak k'eden chidede. 51Kkeri Rẹbẹka ma, tima abẹ sọhng, tte ode ikwanạng kw'nnwa kw'aro kwọ, oche kw'Ọvaar Ubinọkpaabyi kk'obena.”
52Masẹ ọtọhmnạng kw'Abraham ọbhaang udik kw'abẹ akpaakhẹ, utwunga echo k'isisek, ọnạng Ọvaar Ubinọkpaabyi ikpukpobha. 53Ma wọ, ọtọhmnạng nwọ orengi ẹnya-kpo p'gol ọttạra p'silva, ukwu ọttạra k'ọvạra k'ukhira-k'ukhira, ọnạng Rẹbẹka. Ọbạra ọtạkha ekpo py'epe akpokha ọnạng nnwọkka kw'ujunung, ọttạra ọkka kw'Rẹbẹka. 54Ma wọ, ẹma ọttạra anạng p'atwạnọ abẹ achi ọttọhk, agwo atwuk, abẹ abạra ayima ma.
Masẹ abẹ aphyạbh k'ekpebha, n'obeni bẹ́, “Atọhm-m mmạna ntor aro kwaam.”
55Okhenka, nnwọkka kw'Rẹbẹka ọttạra ọkka n'abhin bẹ́, “Tte Rẹbẹka uninga mạna abẹ masẹ ọttọhk f'iwu jobh, brasẹ abạnga atwạn afona.”
56Okhenka, ọtọhmnạng nwọ ubhina bẹ bẹ́, “Totokhạn, tte ntor aro kwaam. Abạnga kaam kávạkha achok, s'Ọvaar Ubinọkpaabyi kk'aam uwujibh ọnạnga. Atọhm-m mmạna ntor aro kwaam.”
57Ma wọ, abẹ abhin-ẹ bẹ́, “Tte anyeri Rẹbẹka oyeni ambạbh-ẹ k'anse.” 58Ma wọ, abẹ ayeri Rẹbẹka abạbh-ẹ bẹ́, “Ọma sạm ọdaakh-ọ bẹ, atwạn ujunung nwa abẹ afona o?”
Ubhina bẹ́, “Uwe e, amma ọdạkh-m mạma e.”
59Ma wọ, abẹ ata arik nnwọkka Rẹbẹka k'eden, ọttạra ọrạrạkha kwẹ, ọttạra ọtọhmnạng kw'Abraham, ọttạra anạng p'atwạnọ abẹ. 60Abẹ abạra ayọbh Rẹbẹka itta, aben-ẹ bẹ́,
“Nwọkka kwamạna o, tte ọmaan ujibh-ọ, amaan k'ọsaabh
k'nnọhna k'nnọhna ibhik-asong;
Tte iva p'iva pọ akwu atạkha
ifhon s'awawunanạng pabẹ.”
61Ma wọ, Rẹbẹka ọttạra aminava p'arukhu abẹ, ado ifor avura akamẹl pabẹ, atwạn ọtọhmnạng kw'Abraham abẹ afona. Ma wọ, ọtọhmnạng nwọ ọtạk Rẹbẹka utima ofona.
62Wa Isaak kw'urukhu k'Nẹgẹv kk'ubina k'Beer-Lahai-Roi ukwuna. 63Wa k'ẹchọhkhawu jạnẹ, Isaak osengi ofona k'owonu bẹ, ọta ọtạkha ufhum. Masẹ udir ichen okkeri k'ororo, ose s'akamẹl n'akwu. 64Rẹbẹka ọbạra ubina ichen okkeri k'ororo ose Isaak, ma wọ ọsạk k'kamẹl kwẹ, 65ọbạbh ọtọhmnạng bẹ́, “Bạng ujunung wọ ma kw'n'ukwu otor mạna kạkha?”
Ọtọhmnạng nwọ ubhina bẹ́, “Aro kwaam wọ e.” Ma o, Rẹbẹka ọtạkha ọphyọhng kwẹ ububha k'ititikha sẹ.
66Ma wọ, ọtọhmnạng nwọ ọkpaakhẹ Isaak idik s'kkusia bẹ, phyibh. 67Ma wọ, Isaak utim-ẹ ọnwạ k'ikkira s'ọkka kwẹ, Sara. Rẹbẹka n'ode ikwanạng kw'Isaak, Isaak ọkhọhkha Rẹbẹka idạdaakha, utima ma ofokhu ẹmoyeni nttem k'obo kw'ọkka kwẹ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
©️2025 West Africa Christian Mission