Mateo 7
7
Mokhavatengemeke vaange
Luka 6:37,38,41,42
1“Mokhavatengeke vaange, ili nanyu Matuunda akhiije khovatengemekha. 2Kho nguno molatengemekhwa kete venaa mokhovatengemekha vaange, ne njaanga yenaa mokhovapimela vaange, ayeyoo Matuunda alatengemekela. 3Kho kee owine kesanje kedo kenaa kepwale mo liso la moyakhoo, ila okhakhokuuna kepata kenaa kepwale mo liso lakhoo? 4Khanke nokhowola mbi khomowela moyakhoo kete, ‘Wochaa kesanje kedo kenaa kepwale mo liso lakhoo,’ okho ogwegwe mwenee otite kepata mo liso lakhoo? 5Mon'yaa ogwegwe, wochaa kepata kenaa mo liso lakhoo, apenee olakowola khowona visoga no kholewoocha kesanje kedo kenaa kepwale kho moyakhoo.
6“Mokhajipele embwa vento venaa vya Matuunda, ili vakhiije vageloke no khovalemeekha onywenywe. Ninga mokhajijutele ngolowe vento va mpia nkolo, mbe molanoja gechoo, valajesambanga.”
Maligi khougela khomoloomba Matuunda
Luka 11:9-13
7“Molombagi Matuunda nanoyo alavapela, pogagi nanyu molapata, khowagi odi nanyu moladigolelwa molyango. 8Kho nguno kela muntu yunaa kholombaa, khopelwaa, no yunaa khopogaa, khopataa, no yunaa khokowa odi, khodigolelwa. 9Mbi, khole yeyensi movamoonga venyu yunaa a daada, yunaa mwanaakwe alamolomba mokate, alamopela ibwee? 10Ao mbe alamolomba nshe, alamopela njokha? 11Mbe onywenywe vanaa molevanoja mabe, momanyile khovapeela vana venyu vento visoga. Mbi, Daada yenyu yunaa apwale khochanya khotopo avapele masoga vensi vanaa vakhomoloomba.
12“Gechoo chechensi kenaa mokhopooga monojelwee ne vantu, avivyoo nanyu moganogaje khwawe, geeke avyenee venaa ekhopaala njaanga ya Musa ne maligi ga valooti va Matuunda.
Molyango mopinye
Luka 13:24
13“Ingelagi khwa khokelela molyango gonaa mopinye. Kho nguno njela yenaa ipetile kho magayo a ngaji, no molyango wa khwingelela omoo a mogaji, khanke vantu vanaa vakhokela kho njela eyoo a vinki. 14Ila njela yenaa kekhokenkha mo opanga a mpinye, ne molyango wa khwingelela omoo a mopinye, ne vantu vanaa vaemanyile njela eyoo a vatiiti.
Ipeke ne viligi vyakwe
Luka 6:43,44
15“Mwikhalage miso ne valooti va opepi. Kho nguno ituungo lenaa vakhwija khwenyu, vakhwinoja vapolo kete nkholo, ila momeoyo jawe a vakhakha kete mapoge. 16Molavatembola khwa manoji gawe. Vantu akhavakhoyawa mbwewee kho mapeke ga miyaa ao khoyawa viligi vya ntondwa kho mbegele. 17Ipeke isoga olela viligi visoga, ne ipeke ibe olela viligi vibe. 18Ipeke isoga khotopo lelele viligi vibe, ne ipeke ibe khotopo lelele viligi visoga. 19Kela ipeke lenaa lekhalela viligi visoga, odumolwa no khosumbwa mo moto. 20Gechoo, molavatembola valooti va opepi, kho nguno ya manoji gawe.
Nkhavamanya onywenywe
Luka 13:25-27
21“Nkha kela muntu yunaa khombwelaa, ‘Mwene, Mwene,’ alaingela kho owami wa khochanya pa Matuunda. Ila muntu yunaa khonojaa egoo ganaa Daada yaane yunaa apwale khochanya agatogilwe, oyoo amwenee alaingela omoo. 22Vinki valanembwela nsiko eyoo ya tengemeki, ‘Mwene, Mwene. Khwa lina lakhoo alekhwawopala okhombe wa Matuunda, ne khwa lina lakhoo alekhwapumya mademi no khonoja matuntumu minki.’ 23Epoo apenee ndavawela, ‘Alenkhavamanya onywenywe, wokhagi paulongolo waane onywenywe vanoja mabe.’
Vajeengi vawele va nyoomba
Luka 6:47-49
24“Gechoo, kela muntu yunaa khotegelelya mpola jaane no khojeloonda, khwipyanaa no muntu wa masala, yunaa ajengagaa nyoomba yakwe kho ipampaa. 25Nsiko yemwii, mbula nkolo yaleyandya khotoonya, lweje jijola meje pelema, ne ipuuta ikhakha alelapuuta no khoesunkha nyoomba yakwe. Ila nyoomba yakwe aleikhagwa, kho nguno mosingi gwakwe alegojengilwe pachanya ya mogaamba.
26“Ila muntu yeyensi yunaa khotegelaa maligi gaane ne akhakhogalondaa, oyoo khwipyana no muntu moleele yunaa ajengagaa nyoomba yakwe pachanya ya oloongo. 27Mbula panaa aleyandyaa khotoonya, lweje jalejijola meje pelema, ipuuta ikhakha lapuuta no khoesunkha nyoomba yakwe, apaponye nyoomba yakwe aleyagwaa, no khounenkhana.”
Olaala wa Yesu
28Yesu panaa aleamalya khopaala mpola ejoo, madale ga vantu galegakumya modugo maligi gakwe. 29Kho nguno angile akhakholigaa kete valaangi vawe va njaanga ja Musa kete venaa vakholiga, ila angile akholiga kete muntu yunaa atite olaala.
Valið núna:
Mateo 7: NTKIBL2025
Áherslumerki
Deildu
Afrita
Want to have your highlights saved across all your devices? Sign up or sign in
The New Testament in Kimbu @The Word for The World International and Kimbu Language translation, 2025. All rights reserved.
Mateo 7
7
Mokhavatengemeke vaange
Luka 6:37,38,41,42
1“Mokhavatengeke vaange, ili nanyu Matuunda akhiije khovatengemekha. 2Kho nguno molatengemekhwa kete venaa mokhovatengemekha vaange, ne njaanga yenaa mokhovapimela vaange, ayeyoo Matuunda alatengemekela. 3Kho kee owine kesanje kedo kenaa kepwale mo liso la moyakhoo, ila okhakhokuuna kepata kenaa kepwale mo liso lakhoo? 4Khanke nokhowola mbi khomowela moyakhoo kete, ‘Wochaa kesanje kedo kenaa kepwale mo liso lakhoo,’ okho ogwegwe mwenee otite kepata mo liso lakhoo? 5Mon'yaa ogwegwe, wochaa kepata kenaa mo liso lakhoo, apenee olakowola khowona visoga no kholewoocha kesanje kedo kenaa kepwale kho moyakhoo.
6“Mokhajipele embwa vento venaa vya Matuunda, ili vakhiije vageloke no khovalemeekha onywenywe. Ninga mokhajijutele ngolowe vento va mpia nkolo, mbe molanoja gechoo, valajesambanga.”
Maligi khougela khomoloomba Matuunda
Luka 11:9-13
7“Molombagi Matuunda nanoyo alavapela, pogagi nanyu molapata, khowagi odi nanyu moladigolelwa molyango. 8Kho nguno kela muntu yunaa kholombaa, khopelwaa, no yunaa khopogaa, khopataa, no yunaa khokowa odi, khodigolelwa. 9Mbi, khole yeyensi movamoonga venyu yunaa a daada, yunaa mwanaakwe alamolomba mokate, alamopela ibwee? 10Ao mbe alamolomba nshe, alamopela njokha? 11Mbe onywenywe vanaa molevanoja mabe, momanyile khovapeela vana venyu vento visoga. Mbi, Daada yenyu yunaa apwale khochanya khotopo avapele masoga vensi vanaa vakhomoloomba.
12“Gechoo chechensi kenaa mokhopooga monojelwee ne vantu, avivyoo nanyu moganogaje khwawe, geeke avyenee venaa ekhopaala njaanga ya Musa ne maligi ga valooti va Matuunda.
Molyango mopinye
Luka 13:24
13“Ingelagi khwa khokelela molyango gonaa mopinye. Kho nguno njela yenaa ipetile kho magayo a ngaji, no molyango wa khwingelela omoo a mogaji, khanke vantu vanaa vakhokela kho njela eyoo a vinki. 14Ila njela yenaa kekhokenkha mo opanga a mpinye, ne molyango wa khwingelela omoo a mopinye, ne vantu vanaa vaemanyile njela eyoo a vatiiti.
Ipeke ne viligi vyakwe
Luka 6:43,44
15“Mwikhalage miso ne valooti va opepi. Kho nguno ituungo lenaa vakhwija khwenyu, vakhwinoja vapolo kete nkholo, ila momeoyo jawe a vakhakha kete mapoge. 16Molavatembola khwa manoji gawe. Vantu akhavakhoyawa mbwewee kho mapeke ga miyaa ao khoyawa viligi vya ntondwa kho mbegele. 17Ipeke isoga olela viligi visoga, ne ipeke ibe olela viligi vibe. 18Ipeke isoga khotopo lelele viligi vibe, ne ipeke ibe khotopo lelele viligi visoga. 19Kela ipeke lenaa lekhalela viligi visoga, odumolwa no khosumbwa mo moto. 20Gechoo, molavatembola valooti va opepi, kho nguno ya manoji gawe.
Nkhavamanya onywenywe
Luka 13:25-27
21“Nkha kela muntu yunaa khombwelaa, ‘Mwene, Mwene,’ alaingela kho owami wa khochanya pa Matuunda. Ila muntu yunaa khonojaa egoo ganaa Daada yaane yunaa apwale khochanya agatogilwe, oyoo amwenee alaingela omoo. 22Vinki valanembwela nsiko eyoo ya tengemeki, ‘Mwene, Mwene. Khwa lina lakhoo alekhwawopala okhombe wa Matuunda, ne khwa lina lakhoo alekhwapumya mademi no khonoja matuntumu minki.’ 23Epoo apenee ndavawela, ‘Alenkhavamanya onywenywe, wokhagi paulongolo waane onywenywe vanoja mabe.’
Vajeengi vawele va nyoomba
Luka 6:47-49
24“Gechoo, kela muntu yunaa khotegelelya mpola jaane no khojeloonda, khwipyanaa no muntu wa masala, yunaa ajengagaa nyoomba yakwe kho ipampaa. 25Nsiko yemwii, mbula nkolo yaleyandya khotoonya, lweje jijola meje pelema, ne ipuuta ikhakha alelapuuta no khoesunkha nyoomba yakwe. Ila nyoomba yakwe aleikhagwa, kho nguno mosingi gwakwe alegojengilwe pachanya ya mogaamba.
26“Ila muntu yeyensi yunaa khotegelaa maligi gaane ne akhakhogalondaa, oyoo khwipyana no muntu moleele yunaa ajengagaa nyoomba yakwe pachanya ya oloongo. 27Mbula panaa aleyandyaa khotoonya, lweje jalejijola meje pelema, ipuuta ikhakha lapuuta no khoesunkha nyoomba yakwe, apaponye nyoomba yakwe aleyagwaa, no khounenkhana.”
Olaala wa Yesu
28Yesu panaa aleamalya khopaala mpola ejoo, madale ga vantu galegakumya modugo maligi gakwe. 29Kho nguno angile akhakholigaa kete valaangi vawe va njaanga ja Musa kete venaa vakholiga, ila angile akholiga kete muntu yunaa atite olaala.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The New Testament in Kimbu @The Word for The World International and Kimbu Language translation, 2025. All rights reserved.