Mateo 11
11
Vakhombe vanaa valevatomwa khopuma khwa Yohana Mobatiji
Luka 7:18-35
1Yesu panaa aleamalya khovapeela malagelelyo vahemba vakwe ikomi ne vawele, akawokhaa epoo, akapeta kho mahala gaange ga Galilaya kholiga ne khovatengela vantu.
2Yohana Mobatiji, panaa angile atungagwa mo khandulunge, aleategelaa egoo ganaa Kilisto angile akhonoja. Apenee akavatoma vahemba vakwe vapete khwa Yesu. 3Vakamowolye, “Mbi ogwegwe amwenee Kilisto oyoo yunaa oliija, ao tomolinde yoonge?”
4Yesu akavaweela, “Tuwagi mokamoweele Yohana mpola jensi jenaa mokhotegeela no khogawona. 5Mokamoweele geeke, vatulu vakhokuuna, ne vatewe vakhogeenda, ne ewa malimwa vakhoponaga, ne vankiwa vakhotegeela, ne vachi vakhofufokha, ne vapeena vakhotengelwa Mpola Nsoga ya Matuunda. 6Atite otogwi muntu yunaa akhakhonsita onene.”
7Vahemba va Yohana panaa angile vawokhaga, Yesu andya khogaweela madale ga vantu mpola ja Yohana. Akavaweela kete, “Alemwapeta pipalangwa khokuuna chanuu? Mbi, alemwapeta khokuuna isanje lenaa lekhoyunganywa ne ipuuta? Khotopo, alemokhapeta khokuuna egoo, 8Gechoo, alemwapeta khokuuna chanuu? Mbi, alemwapeta khomokuuna muntu yunaa angile alyalilee mwenda mosoga ja bei nkolo? Khotopo, vantu vanaa vakholyaala myenda ja bei nkolo, vakhwikhala kho nyoomba ja kewami. 9Gechoo, alemwapeta khokuuna chanuu? Mbi alemwapeta khomokuuna molooti? Avyenee, ila nkhovaweela kete, Yohana angile molaala khokela molooti. 10No oyoo amwenee yunaa Maandekho ga Matuunda, Matuunda aleapalaa, ‘Ndamotoma mokhombe waane akholongole ili akhonogelelye njela.’ 11Nkhovaweela khapanga, vantu vensi vanaa valelagwa paliwelelo, khotopo muntu molaala ninga yomwi yunaa khomokelaa Yohana Mobatiji. Ninga gechoo, muntu yunaa a modo modugo kho owami wa pachanya khwa Matuunda, amwenee molaala khokela Yohana. 12Mpuma nsiko jenaa Yohana Mobatiji angile khotengaa mpakha leelo eye, owami wa khochanya pa Matuunda okhokholangwa khwa ngulu, ne vantu vanaa vatite ngulu vakhogema khowosukha khwa ngulu. 13Kho nguno vetabu vyensi vya valooti ne njaanga ja Matuunda jenaa aleapelwaa Musa, mpakha ituungo la Yohana Mobatiji, alejapalela mpola jenaa jelapumela nsiko eje. 14Gechoo, mbe mokhowogoomba okhombe wa valooti ne njaanga ja Matuunda jenaa aleapelwaa Musa, gombagi kete Yohana amwenee Elia, oyoo yunaa valooti angile vakhopaala kete aliija. 15Owa matwi ga khotegeela, ategeele.
16“Ila negopyanekelye ne chanuu, vantu va keleli eke? Vipyanile ne vana vanaa vakhwikhala kho lwande yenaa vantu vakhogola no khogolya vento, vakhovetaa vayawe ne khovaweela, 17‘Alekhwavakowela ntuntu, ila alemokhigeya. Alekhweemba nyeembo ja kelelo, ila alemokhakota.’ 18Kho nguno Yohana Mobatiji aleiija, akatuunga kholya ninga khon'gweela divai, nanevo vakapaala, ‘Oyo atite idemi.’ 19Mwana wa Muntu aleiija, akholya no khon'gweela divai, nanevo vakapalaa, ‘Kunagi, oyoo a modobo no mokholwee, a molaasi wa vakungan'ya khodi ne vanojaa mabe.’ Ila masala ga Matuunda yaleyalageelwa kete a nsoga khopumana ne manoji gakwe.”
Mahala ga vantu vanaa vakhavakhomogoomba Yesu
Luka 10:13-15
20Papenee Yesu aleandya khovakhakela vantu va mahala ganaa galegakhonoja matuntumu minki, kho nguno vantu va okho valevakhagelokha no khogalekha mabe gawe. Akapalaa, 21Molakewona onywee vantu va Kolazini ne va Betisaida. Kete matuntumu ganaa galeganojekha khwenyu angaganojeke kho mahala ga Tilo ne Sidoni, vantu va mahala egoo anga amba vagalokhaga no kholekha mabe gawe khwa kholyaala myenda ja magunela no khwipakha mawu, kholageela kete vakhosaaya khwa mabe gawe. 22Ninga gechoo nkhovaweela, nsiko ya itengemekho onywenywe molapelwa itengekho ikolo khokela itengemekho yenaa valapelwa vantu va Tilo ne Sidoni. 23No onywenywe vantu va Kapelanaumu, mokhoheewa kete Matuunda alavatantya mpakha khochanya khwakwe? Khotopo, Matuunda alavatelemola mpakha momoto gonaa gokhalimaga nsiko jensi patokhola odugo. Kho nguno matuntumu ganaa alenaganoja khwenyu angaganojeke kho ihala la Sodoma, ihala eloo angaamba lepwale mpakha leelo. 24Gechoo nkhovaweela, kho nsiko ya itengemekho, onywenywe molatengemekhwa vikhamu khokela vantu va Sodoma.
Mwiije khwaane mosuupe
Luka 10:21,22
25Kho ituungo eloo Yesu aleapalaa, Nkhokhosongela Daada, yunaa okhwimelela khochanya ne pa liwelelo, kho nguno wavaswekhaga mpola eje vantu va vamasala ne vamanyi, ila wavalagelaga ega vantu vanaa vatokhola masala ne vanaa nkha vamanyi. 26Avyenee Daada, egoo gensi gapumelaga kete venaa otogilwe.
27Papenee Yesu akavaweela vantu kete, “Daada yaane anipelaga vento vyensi. Khotopo muntu yunaa amomanyile Mwana, ila Daada mwenee aleemwi. Khanke khotopo muntu yunaa amomanyile Daada, ila Mwana mwenee aleemwi, no muntu yeyensi yunaa Mwana atogilwe khomolageela Daada khwakwe.
28“Mwiije khwaane vensi vanaa mokhogaya no khokhatala khwa khokepola meligo metembu, nane ndavasupya. 29Nogaji egoo ganaa nkhovaliga khonoja. Tegelelaji okhombe waane, no khwiliga khopuma khwaane ganaa ga khapanga, onene a mosoga, ninga nkhankhwinoja khowa molaala, apenee molaawa no wikhalo mosoga. 30Khotopo niije nevawele monoje mpola jenaa nkhamu, ninga khotopo niije nevawele mokepole meligo metembu ja khovakonya.”
Valið núna:
Mateo 11: NTKIBL2025
Áherslumerki
Deildu
Afrita
Want to have your highlights saved across all your devices? Sign up or sign in
The New Testament in Kimbu @The Word for The World International and Kimbu Language translation, 2025. All rights reserved.
Mateo 11
11
Vakhombe vanaa valevatomwa khopuma khwa Yohana Mobatiji
Luka 7:18-35
1Yesu panaa aleamalya khovapeela malagelelyo vahemba vakwe ikomi ne vawele, akawokhaa epoo, akapeta kho mahala gaange ga Galilaya kholiga ne khovatengela vantu.
2Yohana Mobatiji, panaa angile atungagwa mo khandulunge, aleategelaa egoo ganaa Kilisto angile akhonoja. Apenee akavatoma vahemba vakwe vapete khwa Yesu. 3Vakamowolye, “Mbi ogwegwe amwenee Kilisto oyoo yunaa oliija, ao tomolinde yoonge?”
4Yesu akavaweela, “Tuwagi mokamoweele Yohana mpola jensi jenaa mokhotegeela no khogawona. 5Mokamoweele geeke, vatulu vakhokuuna, ne vatewe vakhogeenda, ne ewa malimwa vakhoponaga, ne vankiwa vakhotegeela, ne vachi vakhofufokha, ne vapeena vakhotengelwa Mpola Nsoga ya Matuunda. 6Atite otogwi muntu yunaa akhakhonsita onene.”
7Vahemba va Yohana panaa angile vawokhaga, Yesu andya khogaweela madale ga vantu mpola ja Yohana. Akavaweela kete, “Alemwapeta pipalangwa khokuuna chanuu? Mbi, alemwapeta khokuuna isanje lenaa lekhoyunganywa ne ipuuta? Khotopo, alemokhapeta khokuuna egoo, 8Gechoo, alemwapeta khokuuna chanuu? Mbi, alemwapeta khomokuuna muntu yunaa angile alyalilee mwenda mosoga ja bei nkolo? Khotopo, vantu vanaa vakholyaala myenda ja bei nkolo, vakhwikhala kho nyoomba ja kewami. 9Gechoo, alemwapeta khokuuna chanuu? Mbi alemwapeta khomokuuna molooti? Avyenee, ila nkhovaweela kete, Yohana angile molaala khokela molooti. 10No oyoo amwenee yunaa Maandekho ga Matuunda, Matuunda aleapalaa, ‘Ndamotoma mokhombe waane akholongole ili akhonogelelye njela.’ 11Nkhovaweela khapanga, vantu vensi vanaa valelagwa paliwelelo, khotopo muntu molaala ninga yomwi yunaa khomokelaa Yohana Mobatiji. Ninga gechoo, muntu yunaa a modo modugo kho owami wa pachanya khwa Matuunda, amwenee molaala khokela Yohana. 12Mpuma nsiko jenaa Yohana Mobatiji angile khotengaa mpakha leelo eye, owami wa khochanya pa Matuunda okhokholangwa khwa ngulu, ne vantu vanaa vatite ngulu vakhogema khowosukha khwa ngulu. 13Kho nguno vetabu vyensi vya valooti ne njaanga ja Matuunda jenaa aleapelwaa Musa, mpakha ituungo la Yohana Mobatiji, alejapalela mpola jenaa jelapumela nsiko eje. 14Gechoo, mbe mokhowogoomba okhombe wa valooti ne njaanga ja Matuunda jenaa aleapelwaa Musa, gombagi kete Yohana amwenee Elia, oyoo yunaa valooti angile vakhopaala kete aliija. 15Owa matwi ga khotegeela, ategeele.
16“Ila negopyanekelye ne chanuu, vantu va keleli eke? Vipyanile ne vana vanaa vakhwikhala kho lwande yenaa vantu vakhogola no khogolya vento, vakhovetaa vayawe ne khovaweela, 17‘Alekhwavakowela ntuntu, ila alemokhigeya. Alekhweemba nyeembo ja kelelo, ila alemokhakota.’ 18Kho nguno Yohana Mobatiji aleiija, akatuunga kholya ninga khon'gweela divai, nanevo vakapaala, ‘Oyo atite idemi.’ 19Mwana wa Muntu aleiija, akholya no khon'gweela divai, nanevo vakapalaa, ‘Kunagi, oyoo a modobo no mokholwee, a molaasi wa vakungan'ya khodi ne vanojaa mabe.’ Ila masala ga Matuunda yaleyalageelwa kete a nsoga khopumana ne manoji gakwe.”
Mahala ga vantu vanaa vakhavakhomogoomba Yesu
Luka 10:13-15
20Papenee Yesu aleandya khovakhakela vantu va mahala ganaa galegakhonoja matuntumu minki, kho nguno vantu va okho valevakhagelokha no khogalekha mabe gawe. Akapalaa, 21Molakewona onywee vantu va Kolazini ne va Betisaida. Kete matuntumu ganaa galeganojekha khwenyu angaganojeke kho mahala ga Tilo ne Sidoni, vantu va mahala egoo anga amba vagalokhaga no kholekha mabe gawe khwa kholyaala myenda ja magunela no khwipakha mawu, kholageela kete vakhosaaya khwa mabe gawe. 22Ninga gechoo nkhovaweela, nsiko ya itengemekho onywenywe molapelwa itengekho ikolo khokela itengemekho yenaa valapelwa vantu va Tilo ne Sidoni. 23No onywenywe vantu va Kapelanaumu, mokhoheewa kete Matuunda alavatantya mpakha khochanya khwakwe? Khotopo, Matuunda alavatelemola mpakha momoto gonaa gokhalimaga nsiko jensi patokhola odugo. Kho nguno matuntumu ganaa alenaganoja khwenyu angaganojeke kho ihala la Sodoma, ihala eloo angaamba lepwale mpakha leelo. 24Gechoo nkhovaweela, kho nsiko ya itengemekho, onywenywe molatengemekhwa vikhamu khokela vantu va Sodoma.
Mwiije khwaane mosuupe
Luka 10:21,22
25Kho ituungo eloo Yesu aleapalaa, Nkhokhosongela Daada, yunaa okhwimelela khochanya ne pa liwelelo, kho nguno wavaswekhaga mpola eje vantu va vamasala ne vamanyi, ila wavalagelaga ega vantu vanaa vatokhola masala ne vanaa nkha vamanyi. 26Avyenee Daada, egoo gensi gapumelaga kete venaa otogilwe.
27Papenee Yesu akavaweela vantu kete, “Daada yaane anipelaga vento vyensi. Khotopo muntu yunaa amomanyile Mwana, ila Daada mwenee aleemwi. Khanke khotopo muntu yunaa amomanyile Daada, ila Mwana mwenee aleemwi, no muntu yeyensi yunaa Mwana atogilwe khomolageela Daada khwakwe.
28“Mwiije khwaane vensi vanaa mokhogaya no khokhatala khwa khokepola meligo metembu, nane ndavasupya. 29Nogaji egoo ganaa nkhovaliga khonoja. Tegelelaji okhombe waane, no khwiliga khopuma khwaane ganaa ga khapanga, onene a mosoga, ninga nkhankhwinoja khowa molaala, apenee molaawa no wikhalo mosoga. 30Khotopo niije nevawele monoje mpola jenaa nkhamu, ninga khotopo niije nevawele mokepole meligo metembu ja khovakonya.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The New Testament in Kimbu @The Word for The World International and Kimbu Language translation, 2025. All rights reserved.