Marukwus 4
4
Ɓəsisi nyabyeyi nya
1Njesnu Yeisu wa ya nyawu ma ń nuwna-znudna əgbe. Deeji ń kwo ɓə yezhi n shegwnu wo nyi, kwo ɓə mwabəgyé, kwa zhni wo wa lodna n əya nuwnanya, waa sase dna n kwo tu n nuwna-znudna. Aza vnyanya ɓə ma lo ncei n nuwnagbe. 2Wa wunya n mwabəgyé n aɓəsisii, jesnu dna n əwo nyawu wa gna: 3“Fye knatnubwa! Fwanuyi ɓə gbmiya lo wo bye əwo nyabye. 4Shi wo ɓəə lo woi she nyabye, adəho ɓa kaya zhi lo ncei ń zokwo, alú ɓa ɓe ɓa kwu ɓa gyi. 5Adəho ɓa kaya kpe ń apmatala aba ń kwo to ɓə n amwii kpe n mwa m. Ɓa pa n pyeepye ntuge, amwii to ɓə loloi m. 6Ama she nyipyei ɓə kpeɓe əkwo wowo kwa zhni ɓa kwu ɓwaa, ntuge ɓa to ɓə n agbegyei sassayii m. 7Nyabye dəho kwa kaya fyi ń aknawui, aknawui ɓa mwa ɓaa kwo gyice, ntulonu anyanunui to ɓə ma atukwo m. 8Dudulonu nyabye dəho kwa kaya fyi ń əknyi manai. Kwa pa, kwa mwa, jesnu kwa ma atukwo, kwa fyiawye, adəho shiita, adəho shiitnanyi, adəho tagyi she a ɓə bye.”
9Nlonu Yeisu wa gna, “Zahozahoyi ń wo n atnubwai lo, akpəge wo wo.”
10She wo ɓə gnyi əwo gbmanyi, əwo amwutuyi Awoceaba ɓədo n azajei ń ɓa ɓə kwnusnu n woi, ɓa nya wo əɓo ntu aɓəsisi ye ɓo. 11Wa gna ɓa, “A kwu aɓo aɓwuɓwui Shekwoyi əbemi nya ga fye. Ama n aza yi aba n ɓa zhi n əshebemi əbmyi nyi, a da ɓa ɓəhoɓəhoi n aɓəsisii nu 12nabai,
“ ‘Ɓa ɓá gwodu ɓai gyewye ama ɓa taa ɓwa kwo awyega m kpeekpe,
jesnu ɓa ɓá gwodu ɓai wo ama ɓa ta kpé əkwo gənyi m kpeekpe;
ntolonu m, ɓa ɓá myi ɓa pmyiɓe jesnu a zo ɓa abwi!’ ”
13Nlonu Yeisu wa gna ɓa, “Fye too ɓwa ɓəsisi ye awyega m? To, fye ɓa ɓwa ɓəsisi dəhodəhoi awyega n wunanu a? 14Fwanuyi bye ɓədagbma nu. 15Azaho ń wulo ngye nyabye nu n kwo ɓə zhi lo ncei ń zokwo, aba n a bye ɓədagbma dna nyi. She ɓa ze n kwo wowoi, Shetam wa ɓe wa kwnu ɓədagbma n a ɓə bye fyi ń ɓa nyi. 16Azaje, ngye nyabye n a ɓə bye kpe n apmatala, ɓa wo ɓədagbma jesnu n əsagbmanyii ɓa gwo kwo n agbmadai. 17Ama shikwonyi ɓa to n agbegyei lo m, ɓa ta mwasa m. She azhnìgye kwo awyesnugbegye ɓo ɓe ntu ɓədagbma ɓo, ɓaa pye n myiyai. 18Dudulonu azaje, ngye nyabye ń a ɓə bye kwo fyi ń aknawui nu nyi, ɓa wo ɓədagbma; 19ama aɓəsa anyìgyi ye nya, n nyaɓwa akwocedna nyai ɓədo n anyapwawo anyaaje anyai, ɓa lo ɓe jesnu ɓaa ɓədagbma gyice, ɓa zhni to kwa ga gyigyi m. 20Azaje ngye nyabye n a ɓə bye kwo fyi n əknyi manai nyi, ɓa wo ɓədagbma, ɓa gwo kwo, jesnu ɓa ga gyigyi; adəho shiita, adəho shiitnanyi, adəho tagyi aɓwa bəgyé shi a ɓə bye kwo.”
Pyitila tu n əkwo kwnuyi
21Wa gna ɓa, “Fye wna pyitila əná fyaa kwo kwnu papa nu, kwo fyaa kwo ya dna n gədo snuta a? N əkwoɓwi, fye ta tu kwo n əkwo kwnuyi nu m? 22Ntuge nyahonyahoi n kwo ɓwushi lo, kwo shi ai gbmi kwo wu n əbmyi nu, jesnu nyahonyahoi n kwo pwuanya shi lo, kwo shi ai kpe kwo anya ya nu. 23Ndəi ngye əza n atnubwai lo wa wo, akpəge wo wo.”
24Wa gwodu, “Zhni ɓənubwo pəceye əɓo n fya wo. Nyamwinya n fya zhni apma ncei, əkwo nu n a ɓə mwu ga fye ncei; kwo n dudu ɓo. 25Zahozahoyi n wo ncei lo, a ɓə la ɓə wo; zahozahoyi ń wo to ncei lo m, kwo ədo ń wo ncei lo, a ɓə la kwo gwo wo.”
Ɓəsisi nyabye mwamwai nya
26Njesnu wa gna, “Shekwoyi əbemi n wu lo nlai nu. Əza ɓə she nyabye zhi n əknyi. 27Nyipyei n sukwoi, kwo woi wnagye kwo woi kwnu-agyewyi nu, nyabye pa, jesnu kwoi mwa, kwo shikwonyi wo ta kpe she kwo zhnizhni m. 28Əknyi n əkwohnii nu zhni əwyi kwa pa: kpmisnuyi əwyignai, nlonu kwa ma tukwo, nlonu əwyi byegye kwa kwokwo gyi n wyizhni. 29Əsa n shewyi ze n ɓyiɓyii, wa tu ɓa lumizhegye, ntuge afwanyakwu əsa kwo la si.”
Ɓəsisi musta byegye nya
30Njesnu wa gna, “Yi ɓa gna nge Shekwoyi əbemi wulo n wunanu a, kwo knyi ɓəsisii pya nu, n yi ɓa zhni apma ncei, ya wu she kwo lo a? 31Kwo wulo ngye musta byegye nu, n kwo nu du n gbàgbà n anyabye vnyanya dna n anyì. 32Dudulonu əsa ń a bye kwo ncei, kwo mwa kwaa zè əkna shnuwna duduyi n aɓwala yaakwoi, alui ɓwa aba ɓai yakpe ɓai snu ofnu.”
33N aɓəsisi ajei nu nlai, n Yeisu ɓə da əɓəgbma ga ɓa, she ɓa ɓə ɓa myi ɓa ɓwa awyega. 34Wo to ɓə da ɓəhoɓəhoi n ɓai ntna apmazhni n ɓəsisi m. Ama she wo cegnyi n kwnusnu n əwo amwutuyii, wa wu ɓa ɓəhoɓəhoi awyega.
Yeisu wo la agbmaase nazhi
35N əwyi yii, she wyeshe ɓə la she, wa gna əwo amwutuyi, “Yii piyalo əkpma dəyi” 36Shi wo ɓə fa deeji zhi n avnu, ɓa la wo, shi wo ɓə ɓwagnyi nyi, ɓa lo wo dna n əya n kwnusnu n əɓahnii. Aya nunwanya aje ce ɓə kwnusnu n woi. 37Əse kaláda kwa laka gnyi, jesnu nuwna-adokwo ɓa shefyi n əya nuwnanya, kwo ɓə ɓwace ceewyi nu kwa shni. 38Yeisu ɓə dna n əya avnu woi wnagye tu n agyewna aba. Amwutuyi ɓa kwnu wo agyewyiya ɓa gna wo, “Nyawuyi, ho ta gye əho anuwna lo n ya ɓwunuwna m?”
39Wa laka gnyiagnyi, wa gnaknyi əse jesnu wa gna nuwna-adokwo, “Fye kwu cepyi!” Nlonu əse kwaa wnagnyi jesnu abaayi vnyanya ɓa cegnyi pyipyipyi.
40Wa gna əwo amwutuyi, “Knyiyi nu zhni fyei wodna nsnu nlai a? Nya nsaiye fye too du fye ɓwa gaiciyanunui m?”
41Ədna yaakwo kwa wo ɓa jesnu ɓa nya aje aɓo, “Nyika nu gnyi n əwoi a? Kwo əse n nuwna-adokwoi ɓa vyi əwo ɓəgbetu lo!”
Valið núna:
Marukwus 4: OGNB
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Marukwus 4
4
Ɓəsisi nyabyeyi nya
1Njesnu Yeisu wa ya nyawu ma ń nuwna-znudna əgbe. Deeji ń kwo ɓə yezhi n shegwnu wo nyi, kwo ɓə mwabəgyé, kwa zhni wo wa lodna n əya nuwnanya, waa sase dna n kwo tu n nuwna-znudna. Aza vnyanya ɓə ma lo ncei n nuwnagbe. 2Wa wunya n mwabəgyé n aɓəsisii, jesnu dna n əwo nyawu wa gna: 3“Fye knatnubwa! Fwanuyi ɓə gbmiya lo wo bye əwo nyabye. 4Shi wo ɓəə lo woi she nyabye, adəho ɓa kaya zhi lo ncei ń zokwo, alú ɓa ɓe ɓa kwu ɓa gyi. 5Adəho ɓa kaya kpe ń apmatala aba ń kwo to ɓə n amwii kpe n mwa m. Ɓa pa n pyeepye ntuge, amwii to ɓə loloi m. 6Ama she nyipyei ɓə kpeɓe əkwo wowo kwa zhni ɓa kwu ɓwaa, ntuge ɓa to ɓə n agbegyei sassayii m. 7Nyabye dəho kwa kaya fyi ń aknawui, aknawui ɓa mwa ɓaa kwo gyice, ntulonu anyanunui to ɓə ma atukwo m. 8Dudulonu nyabye dəho kwa kaya fyi ń əknyi manai. Kwa pa, kwa mwa, jesnu kwa ma atukwo, kwa fyiawye, adəho shiita, adəho shiitnanyi, adəho tagyi she a ɓə bye.”
9Nlonu Yeisu wa gna, “Zahozahoyi ń wo n atnubwai lo, akpəge wo wo.”
10She wo ɓə gnyi əwo gbmanyi, əwo amwutuyi Awoceaba ɓədo n azajei ń ɓa ɓə kwnusnu n woi, ɓa nya wo əɓo ntu aɓəsisi ye ɓo. 11Wa gna ɓa, “A kwu aɓo aɓwuɓwui Shekwoyi əbemi nya ga fye. Ama n aza yi aba n ɓa zhi n əshebemi əbmyi nyi, a da ɓa ɓəhoɓəhoi n aɓəsisii nu 12nabai,
“ ‘Ɓa ɓá gwodu ɓai gyewye ama ɓa taa ɓwa kwo awyega m kpeekpe,
jesnu ɓa ɓá gwodu ɓai wo ama ɓa ta kpé əkwo gənyi m kpeekpe;
ntolonu m, ɓa ɓá myi ɓa pmyiɓe jesnu a zo ɓa abwi!’ ”
13Nlonu Yeisu wa gna ɓa, “Fye too ɓwa ɓəsisi ye awyega m? To, fye ɓa ɓwa ɓəsisi dəhodəhoi awyega n wunanu a? 14Fwanuyi bye ɓədagbma nu. 15Azaho ń wulo ngye nyabye nu n kwo ɓə zhi lo ncei ń zokwo, aba n a bye ɓədagbma dna nyi. She ɓa ze n kwo wowoi, Shetam wa ɓe wa kwnu ɓədagbma n a ɓə bye fyi ń ɓa nyi. 16Azaje, ngye nyabye n a ɓə bye kpe n apmatala, ɓa wo ɓədagbma jesnu n əsagbmanyii ɓa gwo kwo n agbmadai. 17Ama shikwonyi ɓa to n agbegyei lo m, ɓa ta mwasa m. She azhnìgye kwo awyesnugbegye ɓo ɓe ntu ɓədagbma ɓo, ɓaa pye n myiyai. 18Dudulonu azaje, ngye nyabye ń a ɓə bye kwo fyi ń aknawui nu nyi, ɓa wo ɓədagbma; 19ama aɓəsa anyìgyi ye nya, n nyaɓwa akwocedna nyai ɓədo n anyapwawo anyaaje anyai, ɓa lo ɓe jesnu ɓaa ɓədagbma gyice, ɓa zhni to kwa ga gyigyi m. 20Azaje ngye nyabye n a ɓə bye kwo fyi n əknyi manai nyi, ɓa wo ɓədagbma, ɓa gwo kwo, jesnu ɓa ga gyigyi; adəho shiita, adəho shiitnanyi, adəho tagyi aɓwa bəgyé shi a ɓə bye kwo.”
Pyitila tu n əkwo kwnuyi
21Wa gna ɓa, “Fye wna pyitila əná fyaa kwo kwnu papa nu, kwo fyaa kwo ya dna n gədo snuta a? N əkwoɓwi, fye ta tu kwo n əkwo kwnuyi nu m? 22Ntuge nyahonyahoi n kwo ɓwushi lo, kwo shi ai gbmi kwo wu n əbmyi nu, jesnu nyahonyahoi n kwo pwuanya shi lo, kwo shi ai kpe kwo anya ya nu. 23Ndəi ngye əza n atnubwai lo wa wo, akpəge wo wo.”
24Wa gwodu, “Zhni ɓənubwo pəceye əɓo n fya wo. Nyamwinya n fya zhni apma ncei, əkwo nu n a ɓə mwu ga fye ncei; kwo n dudu ɓo. 25Zahozahoyi n wo ncei lo, a ɓə la ɓə wo; zahozahoyi ń wo to ncei lo m, kwo ədo ń wo ncei lo, a ɓə la kwo gwo wo.”
Ɓəsisi nyabye mwamwai nya
26Njesnu wa gna, “Shekwoyi əbemi n wu lo nlai nu. Əza ɓə she nyabye zhi n əknyi. 27Nyipyei n sukwoi, kwo woi wnagye kwo woi kwnu-agyewyi nu, nyabye pa, jesnu kwoi mwa, kwo shikwonyi wo ta kpe she kwo zhnizhni m. 28Əknyi n əkwohnii nu zhni əwyi kwa pa: kpmisnuyi əwyignai, nlonu kwa ma tukwo, nlonu əwyi byegye kwa kwokwo gyi n wyizhni. 29Əsa n shewyi ze n ɓyiɓyii, wa tu ɓa lumizhegye, ntuge afwanyakwu əsa kwo la si.”
Ɓəsisi musta byegye nya
30Njesnu wa gna, “Yi ɓa gna nge Shekwoyi əbemi wulo n wunanu a, kwo knyi ɓəsisii pya nu, n yi ɓa zhni apma ncei, ya wu she kwo lo a? 31Kwo wulo ngye musta byegye nu, n kwo nu du n gbàgbà n anyabye vnyanya dna n anyì. 32Dudulonu əsa ń a bye kwo ncei, kwo mwa kwaa zè əkna shnuwna duduyi n aɓwala yaakwoi, alui ɓwa aba ɓai yakpe ɓai snu ofnu.”
33N aɓəsisi ajei nu nlai, n Yeisu ɓə da əɓəgbma ga ɓa, she ɓa ɓə ɓa myi ɓa ɓwa awyega. 34Wo to ɓə da ɓəhoɓəhoi n ɓai ntna apmazhni n ɓəsisi m. Ama she wo cegnyi n kwnusnu n əwo amwutuyii, wa wu ɓa ɓəhoɓəhoi awyega.
Yeisu wo la agbmaase nazhi
35N əwyi yii, she wyeshe ɓə la she, wa gna əwo amwutuyi, “Yii piyalo əkpma dəyi” 36Shi wo ɓə fa deeji zhi n avnu, ɓa la wo, shi wo ɓə ɓwagnyi nyi, ɓa lo wo dna n əya n kwnusnu n əɓahnii. Aya nunwanya aje ce ɓə kwnusnu n woi. 37Əse kaláda kwa laka gnyi, jesnu nuwna-adokwo ɓa shefyi n əya nuwnanya, kwo ɓə ɓwace ceewyi nu kwa shni. 38Yeisu ɓə dna n əya avnu woi wnagye tu n agyewna aba. Amwutuyi ɓa kwnu wo agyewyiya ɓa gna wo, “Nyawuyi, ho ta gye əho anuwna lo n ya ɓwunuwna m?”
39Wa laka gnyiagnyi, wa gnaknyi əse jesnu wa gna nuwna-adokwo, “Fye kwu cepyi!” Nlonu əse kwaa wnagnyi jesnu abaayi vnyanya ɓa cegnyi pyipyipyi.
40Wa gna əwo amwutuyi, “Knyiyi nu zhni fyei wodna nsnu nlai a? Nya nsaiye fye too du fye ɓwa gaiciyanunui m?”
41Ədna yaakwo kwa wo ɓa jesnu ɓa nya aje aɓo, “Nyika nu gnyi n əwoi a? Kwo əse n nuwna-adokwoi ɓa vyi əwo ɓəgbetu lo!”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.