Marukwus 15
15
Yeisu gnyi n Byilatusu abye
1N labmilabmii, apirisiti atukwoda n abyedai n owa anyawuyii ɓədo n atukwodai vnyanya, ɓa kwu aɓo kwuaje. Ntulonu ɓa pa Yeisu, ɓa gbmiya lo n woi jesnu ɓa wo taya ga Byilatusu.
2Byilatusu wa nya wo, “Əho nu zhni Ayahudiyi əsu?”
Yeisu wa dnaɓəgbe, “Ho kwu da lonu.”
3Apirisiti tukwoda ɓa kpe wo aɓo n mwa bəgyé. 4Ntulonu Byilatusu wa je wo əɓo nya, “Ho ta dnaɓəgbe lo nu m? Gye aɓo bəgyé n ɓa zhi ɓai da kpe n əho tukwo nyi.”
5Ama Yeisu to wa dudu wa dnaɓəgbe m, əɓo yi kwa wo Byilatusu.
6N əsayii, kwo ɓə zhni kwnunu ɓo nu, n awyefna sa azhni a lo zhalu da ya əza n ɓa knyi. 7Əza ai yi wo Barabas ɓə dna n zhalu n kwnusnu n aza afasayii n ɓa ɓə wu əza ń gbuzui əsa. 8Deeji kwa ɓe kwa nya Byilatusu nge, wo zhni əɓo ga ɓa n wo shni amida woi zhni nyi.
9Byilatusu wa nyaɓo, “Fye ncei pma ma lo ya ga fye Ayahudiyi əsu nu?” 10Woi kpe nge shewo nu ɓə zhni apirisiti tukwoda ɓaa Yeisu taya ga wo. 11Ama apirisiti atukwoda ɓa fyi deeji bwugba aɓwaya, nge ɓa ɓəwyi, nabai Byilatusu wa lo Barabas ya ga ɓa toge Yeisu m.
12Byilatusu wa nyaɓo, “Knyiyi nu n mi ɓa zhni, nsayi, n əza yei n fye yi nge Ayahudiyi əsu nyi a?”
13Ɓa ɓəwyi, “A la wo znudu!”
14Byilatusu wa nyaɓo, “Ntu n knyiɓei a? Knyi ɓəgalai nu n wo kwu zhni a?”
Ama ɓa ɓəwyi əɓa vnyanya n əgbei latu, ɓa gna, “A la wo znudu!”
15Wo ɓə ncei pma wa zhni əɓo n kwo dá deeji, Byilatusu waa Barabas loya ga ɓa. Wa zhni aa Yeisu ɓyeya, jesnu wa ta wo ya ga ɓa, aa wo znudu.
Akwnuyi kpe Yeisu agyè
16Akwnuyi ɓa la Yeisu lo ncei dna n galukwo (əkwo nu gyi nge, owada bwokwnu) jesnu ɓa yi akwnuyi okwu zhi vnyanya. 17Ɓa kwu aje bmyinabmyina kpe wo, nlonu ɓa pmyi aknawui fnunyi nya ɓaa kwo kwnu wo. 18Jesnu ɓa ya ɓai yi wo, “Haamwasa, Ayahudiyi əsu!” 19Ɓa lu wo ń tukwo n bwusii ɓai bmakpe-bmakpe jesnu ɓa knyiaknyi kpe wo. Ɓa knyiakwokwo zhi ɓai ɓyi wo gna agyèkpe nya. 20Njesnu she ɓa ɓə kwu pwo wo agyèkpe ɓo, ɓa kpma wo əje-kpadalai ya, ɓa kpe wo əwohni aje. Nlonu ɓa lo n woi ə la wo znudu.
Yeisu znuznudu
21Əzaho woi gbmi n Sireni, ai yi wo Sima, Alekzanda dada ɓədo n Rufusii, wo ɓə duya n səpai woi wna zokwo nu woi zhi aba, jesnu ɓa tu wo znudu n akalái. 22Ɓa ɓe n Yeisui n aba n a yi kwo nge Gwolgwota (n əkwo nu gyi “aba n atukwobwe zhi”). 23Nsayi ɓa ga wo anamnuwna n gbmiaje n myirii, ama to wa ye kwo sni ɓo m. 24Nlonu ɓaa wo znudu. Ɓa gna əwo aje, ɓa she əba ɓa gye ədo n zahozahoyi ɓa ɓwa.
25Snukna ciwagbmanyi nu n labmii n ɓa ɓə znu wo du. 26Ɓa ka ənya kpe n əwo znudu əshe, əɓo n ɓa ɓə ncei tu nge wo ɓə zhni nyi, əkwo nu ɓə nyi:
Ayahudiyi Əsu.
27Ɓa kwu akalákpeyi ngwnu-aba znudu kpe n kwnusnu n woi, gbmanyi n ma n əwo ɓwaizhe jesnu gbmanyi n ma n əwo ɓwaipmi. [28Ntulonu Nyakagyigyiyi kwo kwu nu n kwo gna, “A ɓə n woi ba dna n kwnusnu n aleifyizhniyi.”] 29Aza yi n ɓa ɓə duya n səpai ɓa knyi wo akpmi, ɓai myi atukwo jesnu ɓai gna, “Gye! Əho n ho ɓa la Dagayipwuwa ya jesnu ha mi kwo dna n anyipyei ngwnu-ata nyi, 30kashi ɓe n znudu ha gnyi əhohni!” 31N ɓwasnu nlonu, apirisiti tukwoda ɓədo n owa anyawuyii ɓa kpe wo agyè, fyi ɓahniɓahni ɓai gna, “Wo ɓə la azaje gnyi, ama wo ta myilo n əwohni gnyi m! 32Akpəge Kirisiti ye, Aisrailayi əsu wo kashi shnizhi n znudu nsaiye, nabai n yi ɓa gyewye jesnu ya ga gaiciya.” Aza yi n a ɓə znu ɓa du n woi nyi, ɓa knyi wo akpmi cè.
Yeisu fyífyi
33N nyipyei atukwogwnui, wyegbma kwa ɓe kpe n əknyii vnyanya nya snukna ngwnu-ata nyipyei nya. 34Nlonu dna n snukna ngwnu-ata n nyipyei, Yeisu wa yì n bəgyei latu, “Eloi, Eloi, lama sabachthani?” (N əkwo nu gyi nge, “Əmi Shekwoyi, əmi Shekwoyi, knyiyi nu zhni honyi la mi ya a?”)
35She aza n ɓa ɓə wo vyivyiwyi zhi n ɓo, ɓə wo dəye, ɓa gna, “Fye knatnubwa, wo yi Iliya lo.”
36Əzaho wa bwusi, wa da sooso fyi n anamnuwna mamai, wa pa kwo gyi n bwusi, wa ga Yeisu nge wo sni. Wa gna, “Nsaiye fye fa wo. Yi kwu zhi ya gye ngye Iliya ɓa ɓe wa ka wo shi əknyi.”
37Ǹ əwyiɓe yaakwoi, Yeisu wa kpma əsnu ya.
38Əjesa n a ɓə ncei kna n Dagayipwuwa nyi, kwa gnajeya ngwnu-aba, ənya n kwo laka n əshe kwoi lo snuta.
39She bəzhetagyida, n wo ɓə gnyi n Yeisu abye nyi, wa kwu gye she Yeisu ɓə fyi, wa gna, “Ɓəhnihni, əza ye ɓə zhni Shekwoyi Nugwnu nu!”
40Anyikwoza ho ɓə zhi ɓai shiawye n tagnyi. N əɓa atasni Mariyamwu Magadalayi, Mariyamwu Jemyis nawyi əya n Yusufu nyai, ɓədo n Salomyii. 41Dna n Gəlili, anyikwoza ye nu ɓə vyi wo ɓai wna wo əɓo akna. Anyikwoza aje n ɓa ɓə kwnu Urishelima ɓe n woi nyi, ɓa ɓə zhi n ɓo ce.
Yeisu byibyi
42Nyipyei yi ɓə zhni aɓo aknawna nya nu (əkwo nu zhni nyipyei n kwo gyi ń Asibyiwyi abye). Ntucenu she wyeshe ɓə gnyi kwoi she, 43Yusufu Arimatiya, əza əwyekpewuyi n wo ɓə dna n abwokwnuda, əza n wo ɓə gnyi woi pmi Shekwoyi əbemi nu cè, wa ɓwa bwugbakala wa lo da Byilatusu wa nya Yeisu nayi ɓo. 44Ca wo Byilatusu shi wo ɓə wo nge Yeisu ɓəə la lu fyí. Wa tnu bəzhetagyida ɓo, wa nya wo ngye Yeisu la lu fyífyi nu. 45Shi wo ɓə wo n bəzhetagyida nge kwo lo nlonu nu, waa nayi ga Yusufu. 46Ntulonu Yusufu wa ɓe n aje luweluwei wa shni Yeisu nayi shi əknyi, waa kwo kpmidna n aje luweluwei, jesnu waa kwo ya dna n vnyigwo n a ɓə ncei nyi dna n kwuta nyi. Nlonu wa pmyi kwuta ma n vnyigwo əgbe. 47Mariyamwu Magadalayi n Mariyamwu Yusufu əyai ɓa kwu gye aba n a ɓə n woi yadna.
Valið núna:
Marukwus 15: OGNB
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Marukwus 15
15
Yeisu gnyi n Byilatusu abye
1N labmilabmii, apirisiti atukwoda n abyedai n owa anyawuyii ɓədo n atukwodai vnyanya, ɓa kwu aɓo kwuaje. Ntulonu ɓa pa Yeisu, ɓa gbmiya lo n woi jesnu ɓa wo taya ga Byilatusu.
2Byilatusu wa nya wo, “Əho nu zhni Ayahudiyi əsu?”
Yeisu wa dnaɓəgbe, “Ho kwu da lonu.”
3Apirisiti tukwoda ɓa kpe wo aɓo n mwa bəgyé. 4Ntulonu Byilatusu wa je wo əɓo nya, “Ho ta dnaɓəgbe lo nu m? Gye aɓo bəgyé n ɓa zhi ɓai da kpe n əho tukwo nyi.”
5Ama Yeisu to wa dudu wa dnaɓəgbe m, əɓo yi kwa wo Byilatusu.
6N əsayii, kwo ɓə zhni kwnunu ɓo nu, n awyefna sa azhni a lo zhalu da ya əza n ɓa knyi. 7Əza ai yi wo Barabas ɓə dna n zhalu n kwnusnu n aza afasayii n ɓa ɓə wu əza ń gbuzui əsa. 8Deeji kwa ɓe kwa nya Byilatusu nge, wo zhni əɓo ga ɓa n wo shni amida woi zhni nyi.
9Byilatusu wa nyaɓo, “Fye ncei pma ma lo ya ga fye Ayahudiyi əsu nu?” 10Woi kpe nge shewo nu ɓə zhni apirisiti tukwoda ɓaa Yeisu taya ga wo. 11Ama apirisiti atukwoda ɓa fyi deeji bwugba aɓwaya, nge ɓa ɓəwyi, nabai Byilatusu wa lo Barabas ya ga ɓa toge Yeisu m.
12Byilatusu wa nyaɓo, “Knyiyi nu n mi ɓa zhni, nsayi, n əza yei n fye yi nge Ayahudiyi əsu nyi a?”
13Ɓa ɓəwyi, “A la wo znudu!”
14Byilatusu wa nyaɓo, “Ntu n knyiɓei a? Knyi ɓəgalai nu n wo kwu zhni a?”
Ama ɓa ɓəwyi əɓa vnyanya n əgbei latu, ɓa gna, “A la wo znudu!”
15Wo ɓə ncei pma wa zhni əɓo n kwo dá deeji, Byilatusu waa Barabas loya ga ɓa. Wa zhni aa Yeisu ɓyeya, jesnu wa ta wo ya ga ɓa, aa wo znudu.
Akwnuyi kpe Yeisu agyè
16Akwnuyi ɓa la Yeisu lo ncei dna n galukwo (əkwo nu gyi nge, owada bwokwnu) jesnu ɓa yi akwnuyi okwu zhi vnyanya. 17Ɓa kwu aje bmyinabmyina kpe wo, nlonu ɓa pmyi aknawui fnunyi nya ɓaa kwo kwnu wo. 18Jesnu ɓa ya ɓai yi wo, “Haamwasa, Ayahudiyi əsu!” 19Ɓa lu wo ń tukwo n bwusii ɓai bmakpe-bmakpe jesnu ɓa knyiaknyi kpe wo. Ɓa knyiakwokwo zhi ɓai ɓyi wo gna agyèkpe nya. 20Njesnu she ɓa ɓə kwu pwo wo agyèkpe ɓo, ɓa kpma wo əje-kpadalai ya, ɓa kpe wo əwohni aje. Nlonu ɓa lo n woi ə la wo znudu.
Yeisu znuznudu
21Əzaho woi gbmi n Sireni, ai yi wo Sima, Alekzanda dada ɓədo n Rufusii, wo ɓə duya n səpai woi wna zokwo nu woi zhi aba, jesnu ɓa tu wo znudu n akalái. 22Ɓa ɓe n Yeisui n aba n a yi kwo nge Gwolgwota (n əkwo nu gyi “aba n atukwobwe zhi”). 23Nsayi ɓa ga wo anamnuwna n gbmiaje n myirii, ama to wa ye kwo sni ɓo m. 24Nlonu ɓaa wo znudu. Ɓa gna əwo aje, ɓa she əba ɓa gye ədo n zahozahoyi ɓa ɓwa.
25Snukna ciwagbmanyi nu n labmii n ɓa ɓə znu wo du. 26Ɓa ka ənya kpe n əwo znudu əshe, əɓo n ɓa ɓə ncei tu nge wo ɓə zhni nyi, əkwo nu ɓə nyi:
Ayahudiyi Əsu.
27Ɓa kwu akalákpeyi ngwnu-aba znudu kpe n kwnusnu n woi, gbmanyi n ma n əwo ɓwaizhe jesnu gbmanyi n ma n əwo ɓwaipmi. [28Ntulonu Nyakagyigyiyi kwo kwu nu n kwo gna, “A ɓə n woi ba dna n kwnusnu n aleifyizhniyi.”] 29Aza yi n ɓa ɓə duya n səpai ɓa knyi wo akpmi, ɓai myi atukwo jesnu ɓai gna, “Gye! Əho n ho ɓa la Dagayipwuwa ya jesnu ha mi kwo dna n anyipyei ngwnu-ata nyi, 30kashi ɓe n znudu ha gnyi əhohni!” 31N ɓwasnu nlonu, apirisiti tukwoda ɓədo n owa anyawuyii ɓa kpe wo agyè, fyi ɓahniɓahni ɓai gna, “Wo ɓə la azaje gnyi, ama wo ta myilo n əwohni gnyi m! 32Akpəge Kirisiti ye, Aisrailayi əsu wo kashi shnizhi n znudu nsaiye, nabai n yi ɓa gyewye jesnu ya ga gaiciya.” Aza yi n a ɓə znu ɓa du n woi nyi, ɓa knyi wo akpmi cè.
Yeisu fyífyi
33N nyipyei atukwogwnui, wyegbma kwa ɓe kpe n əknyii vnyanya nya snukna ngwnu-ata nyipyei nya. 34Nlonu dna n snukna ngwnu-ata n nyipyei, Yeisu wa yì n bəgyei latu, “Eloi, Eloi, lama sabachthani?” (N əkwo nu gyi nge, “Əmi Shekwoyi, əmi Shekwoyi, knyiyi nu zhni honyi la mi ya a?”)
35She aza n ɓa ɓə wo vyivyiwyi zhi n ɓo, ɓə wo dəye, ɓa gna, “Fye knatnubwa, wo yi Iliya lo.”
36Əzaho wa bwusi, wa da sooso fyi n anamnuwna mamai, wa pa kwo gyi n bwusi, wa ga Yeisu nge wo sni. Wa gna, “Nsaiye fye fa wo. Yi kwu zhi ya gye ngye Iliya ɓa ɓe wa ka wo shi əknyi.”
37Ǹ əwyiɓe yaakwoi, Yeisu wa kpma əsnu ya.
38Əjesa n a ɓə ncei kna n Dagayipwuwa nyi, kwa gnajeya ngwnu-aba, ənya n kwo laka n əshe kwoi lo snuta.
39She bəzhetagyida, n wo ɓə gnyi n Yeisu abye nyi, wa kwu gye she Yeisu ɓə fyi, wa gna, “Ɓəhnihni, əza ye ɓə zhni Shekwoyi Nugwnu nu!”
40Anyikwoza ho ɓə zhi ɓai shiawye n tagnyi. N əɓa atasni Mariyamwu Magadalayi, Mariyamwu Jemyis nawyi əya n Yusufu nyai, ɓədo n Salomyii. 41Dna n Gəlili, anyikwoza ye nu ɓə vyi wo ɓai wna wo əɓo akna. Anyikwoza aje n ɓa ɓə kwnu Urishelima ɓe n woi nyi, ɓa ɓə zhi n ɓo ce.
Yeisu byibyi
42Nyipyei yi ɓə zhni aɓo aknawna nya nu (əkwo nu zhni nyipyei n kwo gyi ń Asibyiwyi abye). Ntucenu she wyeshe ɓə gnyi kwoi she, 43Yusufu Arimatiya, əza əwyekpewuyi n wo ɓə dna n abwokwnuda, əza n wo ɓə gnyi woi pmi Shekwoyi əbemi nu cè, wa ɓwa bwugbakala wa lo da Byilatusu wa nya Yeisu nayi ɓo. 44Ca wo Byilatusu shi wo ɓə wo nge Yeisu ɓəə la lu fyí. Wa tnu bəzhetagyida ɓo, wa nya wo ngye Yeisu la lu fyífyi nu. 45Shi wo ɓə wo n bəzhetagyida nge kwo lo nlonu nu, waa nayi ga Yusufu. 46Ntulonu Yusufu wa ɓe n aje luweluwei wa shni Yeisu nayi shi əknyi, waa kwo kpmidna n aje luweluwei, jesnu waa kwo ya dna n vnyigwo n a ɓə ncei nyi dna n kwuta nyi. Nlonu wa pmyi kwuta ma n vnyigwo əgbe. 47Mariyamwu Magadalayi n Mariyamwu Yusufu əyai ɓa kwu gye aba n a ɓə n woi yadna.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.