Matiyu 23
23
Kwnukwnù ntu n kwocedna ɓo
1Nlonu Yeisu wa gna deeji ɓədo n əwo amwutuyii: 2“Owa anyawuyi n Afarisiyii ɓa sase kpe ń Mwusa shnikpegye nu. 3Ntulonu kwo zhni ɓəshishi nu fya zhni pəceye, fya zhni ɓəhoɓəhoi ń ɓa gna fye. Ama fye to zhni əɓo ń ɓa zhni nyi m, ntuge ɓa ta zhni əɓo nu ń ɓa wu kwo nyi m. 4Ɓa pa akaya adnagbmai ashnawoi kpe ń azaje aɓwapa, ama əɓahni ɓa ta ye ɓa la ɓwanyi wu ɓa ce kwo əɓwa m.
5“Ɓəhoɓəhoi ń ɓa zhni, ɓa zhni kwo nge aza ɓa gye kwo əwye nu: ɓa ka owaɓəda aya fyi ń əpa, ɓa kwu kwo wna ń nyikwnumi jesnu ɓa zhni əɓa ajekpegbe ń mwakpa; 6ɓa ye aseseba ayaakwo ń awyefnaba, jesnu aseseba dnagbmai ń Ayahudiyibwokwnu; 7ɓa ye gnaɓyi n mwamwagai ń adubayaakwo jesnu aza ɓa yi ɓa nge, ‘Rabyi.’
8“Ama əzaho to lo n əfye n a ɓa yi wo nge ‘Rabyi’ m, ntuge fye ń Nyawuyii ɓwasnu lo gbmanyi nu, jesnu əfye vnyanya fye zhni fyehnifyehni nu. 9Njesnu fye to yi zahozahoyi ń anyì nge, ‘dada’ m ntuge fye ń Dadai ɓwasnu lo gbmanyi nu; ń wo dna ń əshemi nyi. 10Kwo ge a yi fye nge aɓəgbegayi m, ntuge Ɓəgbegayi ɓwasnu lo gbmanyi nu, Kirisiti. 11Əza duduyi ń əfye atasni, wo ɓaa zè əfye tnutnuyi nu. 12Ntuge aza yi n ɓa mwa əɓahni tukwo nyi, a ɓə gbà ɓa, jesnu aza yi n ɓa gbà əɓahni tukwo nyi, a ɓə mwa ɓa.
Owii ngwnu-tnaaba kpe n owa anyawuyi n Afarisiyii
13“Owii ń əfye aba, owa anyawuyi ɓədo n Afarisiyii, əfye akwocednayi! Fye gwu əshebemi abwokwnumi ń aza awyeba. Əfye ń fyehni, fye too lofyi m, fye nyi ta fa azaje lo n ɓa ye ɓa lo nyi, nge ɓa lofyi m. [14Owii ń əfye aba, owa anyawuyi n Afarisiyii, əfye akwocednayi! Fye losa anyigbayi n əɓa pwuwa fyei gyi ɓa ɓwakwolo jesnu fyei zhniaduwa n mwakpa nabai fya pwu aza awyeba. Ntucenu a ɓə ga fye tata n du azaje nya.]
15“Owii ń əfye aba, owa anyawuyi ɓədo n Afarisiyii, əfye akwocednayi! Fye znazna n kpaayii lo əknyido jesnu fya piya n shikwo, nabai fya ɓwa abwuyeyi gbmanyi, shi fye la ɓwa, fya wo zè anápyi əɓyi n bmatu aɓwa aba ngye shi fye wu nyi.
16“Owii ń əfye aba, azokwowúyi awyebwayi! Fye gna, ‘N əzaho wa sí nyasi n Dagayipwuwai, kwo to zhni nyaho nu m; ama əzaho wa sí nyasi n zinali Dagayipwuwa nyai, wo la əwohni pa n nyasi yii.’ 17Əfye awyebwayi amama! Knyidei nu zhni duduyi lo a: zinali nu, kwo Dagayipwuwa, ń əkwo nu n zinalii zè gyigyiyi nyi a? 18Fye je gna, ‘Ngye əza wa sí nyasi n bəgədii, kwo to zhni nyaho nu m; ama əza n wa sí nyasi n nyagai ń kwo tu ń bəgədi nyi, wo papai lo n nyasi yii.’ 19Əfye awyebwayi! Knyidei nu gnadu lo a: nyaga nu, kwo bəgədi ń kwo zhni nyaga kwa zè gyigyiyi nyi a? 20Ntucenu, əza ń wa sí nyasi ń bəgədii, wo sí nyasi n əkwoi nu, jesnu n nyahonyahoii ń kwo tu lo ń əkwo. 21Njesnu əza n wa sí nyasi n Dagayipwuwai, wo sí nyasi n əzai nu ń wo dna n kwo nyi. 22Njesnu əza ń wa sí nyasi n əshemii, wo sí nyasi ń Shekwoyi əbeshnikpegyei nu ɓədo ń əza yii n wo sasetu ń kwo nyi.
23“Owii ń əfye aba, owa anyawuyi ɓədo n Afarisiyii, əfye akwocednayi! Fye ga zaka anyàgba nya: afnyitolo snidaí, dilli n kwumin nyai. Ama fye kwu aɓo gnadui owa nya ya: owafyecei, snusnugye n ɓəgbenui. Fye ɓə ɓa kwu kpmasnui nu zhni kpa, to fya ze akwokwoi amwi m. 24Əfye azokwowúyi awyebwayi! Fye gwo papala ya, ama fya myi lakwnumi.
25“Owii ń əfye aba, owa anyawuyi ɓədo n Afarisiyii, əfye akwocednayi! Fye zhna bwoɓyi ya n shnapa ɓyiyii n əbmyi, ama əkwo əmì n nunui lo n fnanai ɓədo n nayi aɓəyezhnii. 26Farisiyi wyebwayi! N kpmisnui, la bwoɓyi n shnapai zhnaya n əkwo əmì, nlonu ń əbmyi ɓaa gnyi n gyigyiyi ce.
27“Owii ń əfye aba, owa anyawuyi ɓədo n Afarisiyii! Əfye akwocednayi! Fye wulo ngye avnyigwo nu n ɓa n pyenti bwuibwuii pmya n bmyabmyai n əbmyi, ama ń əkwo əmi ń nunui n azafyí asnukwnui jesnu anya atnagyii dəhodəhoii. 28N ɓwasnu nlonu cè, fye wulo n əbmyi ngye aza aɓəfyeceyi nu ama ń əmi, fye nunui lo n kwocednai jesnu n əkpízhnii.
29“Owii ń əfye aba, owa anyawuyi ɓədo n Afarisiyii, əfye akwocednayi! Fye mi sheaɓəgwognayi avnyigwo, jesnu fya zhni aɓəfyeceyi avnyigwo aba. 30Njesnu fyei gna, ‘Yi ɓə gna ya gyianyì ń əyi azakwoyi əsa nu, yi to ɓə ɓa dnaɓwado n əɓai, n ɓa ze sheaɓəgwognayi ami ya nyi m.’ 31Ntulonu, fye gbmiɓo tu əfyehni nu, nge fye zhni aza yi ayawyi nu ń ɓa ɓə wu sheaɓəgwognayi nyi. 32Akpəge fye gwodu, fya zo əɓo ń əfye azakwoyi ɓə la ya nyi!
33“Əfye awa! Əfye agbezhi aɓyi! Fye ɓə pwó knyiznu owa nya n wunanu dna n anápyi a? 34Ntucenu mi tnu fye lo n sheaɓəgwognayii, jesnu n awyemwayi n anyawuyii. Azaho ń əɓa mi, fye ɓə kwú ɓa wu; jesnu fyei znu ɓa du; azaje fyei gyínaya fyi ń Ayahudiyibwokwnu jesnu fyei nya ɓa laɓa fyi n azhimi. 35Ntulonu aɓəfyeceyi ami vnyanya, ń a la zeya kpe ń əknyi nyi, ɓa ɓə zo kpe ń əfye nu, ənya ń kwo laka ń Habyila ɓəfyeceyi ami kwoi lo Zakariya Berekiya nugwnu ami, ń fye ɓə wu wo dna ń dagayipwuwa atasni n bəgədii nyi. 36Ɓəhnihni mi gna fye, aɓo ye vnyanya ɓə ɓe kpe ń cala ye nu.
37“Urishelima, Urishelima, əho ń ho wu sheaɓəgwognayi jesnu hoi she aza yi akwuta, ń a tnu ho ncei nyi, aɓwá aknyii nu ń mi yi əmihni ma ye əho aɓyi zhi n aba gbmanyi, shi pise ye əkwo aɓyi fyi n əkwo aɓwase nyi, ama ho ta ye lo m. 38Shiawye, a la əho pwuwa fa gnyi ho n gbəloii. 39Ntuge əmi nu gna fye, fye taa je mi wyegye m, sai əsa n fye ɓə gna, ‘Anabəlikada nu n əwoi n wo ɓe dna n Dagayi əye nyi.’ ”
Valið núna:
Matiyu 23: OGNB
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Matiyu 23
23
Kwnukwnù ntu n kwocedna ɓo
1Nlonu Yeisu wa gna deeji ɓədo n əwo amwutuyii: 2“Owa anyawuyi n Afarisiyii ɓa sase kpe ń Mwusa shnikpegye nu. 3Ntulonu kwo zhni ɓəshishi nu fya zhni pəceye, fya zhni ɓəhoɓəhoi ń ɓa gna fye. Ama fye to zhni əɓo ń ɓa zhni nyi m, ntuge ɓa ta zhni əɓo nu ń ɓa wu kwo nyi m. 4Ɓa pa akaya adnagbmai ashnawoi kpe ń azaje aɓwapa, ama əɓahni ɓa ta ye ɓa la ɓwanyi wu ɓa ce kwo əɓwa m.
5“Ɓəhoɓəhoi ń ɓa zhni, ɓa zhni kwo nge aza ɓa gye kwo əwye nu: ɓa ka owaɓəda aya fyi ń əpa, ɓa kwu kwo wna ń nyikwnumi jesnu ɓa zhni əɓa ajekpegbe ń mwakpa; 6ɓa ye aseseba ayaakwo ń awyefnaba, jesnu aseseba dnagbmai ń Ayahudiyibwokwnu; 7ɓa ye gnaɓyi n mwamwagai ń adubayaakwo jesnu aza ɓa yi ɓa nge, ‘Rabyi.’
8“Ama əzaho to lo n əfye n a ɓa yi wo nge ‘Rabyi’ m, ntuge fye ń Nyawuyii ɓwasnu lo gbmanyi nu, jesnu əfye vnyanya fye zhni fyehnifyehni nu. 9Njesnu fye to yi zahozahoyi ń anyì nge, ‘dada’ m ntuge fye ń Dadai ɓwasnu lo gbmanyi nu; ń wo dna ń əshemi nyi. 10Kwo ge a yi fye nge aɓəgbegayi m, ntuge Ɓəgbegayi ɓwasnu lo gbmanyi nu, Kirisiti. 11Əza duduyi ń əfye atasni, wo ɓaa zè əfye tnutnuyi nu. 12Ntuge aza yi n ɓa mwa əɓahni tukwo nyi, a ɓə gbà ɓa, jesnu aza yi n ɓa gbà əɓahni tukwo nyi, a ɓə mwa ɓa.
Owii ngwnu-tnaaba kpe n owa anyawuyi n Afarisiyii
13“Owii ń əfye aba, owa anyawuyi ɓədo n Afarisiyii, əfye akwocednayi! Fye gwu əshebemi abwokwnumi ń aza awyeba. Əfye ń fyehni, fye too lofyi m, fye nyi ta fa azaje lo n ɓa ye ɓa lo nyi, nge ɓa lofyi m. [14Owii ń əfye aba, owa anyawuyi n Afarisiyii, əfye akwocednayi! Fye losa anyigbayi n əɓa pwuwa fyei gyi ɓa ɓwakwolo jesnu fyei zhniaduwa n mwakpa nabai fya pwu aza awyeba. Ntucenu a ɓə ga fye tata n du azaje nya.]
15“Owii ń əfye aba, owa anyawuyi ɓədo n Afarisiyii, əfye akwocednayi! Fye znazna n kpaayii lo əknyido jesnu fya piya n shikwo, nabai fya ɓwa abwuyeyi gbmanyi, shi fye la ɓwa, fya wo zè anápyi əɓyi n bmatu aɓwa aba ngye shi fye wu nyi.
16“Owii ń əfye aba, azokwowúyi awyebwayi! Fye gna, ‘N əzaho wa sí nyasi n Dagayipwuwai, kwo to zhni nyaho nu m; ama əzaho wa sí nyasi n zinali Dagayipwuwa nyai, wo la əwohni pa n nyasi yii.’ 17Əfye awyebwayi amama! Knyidei nu zhni duduyi lo a: zinali nu, kwo Dagayipwuwa, ń əkwo nu n zinalii zè gyigyiyi nyi a? 18Fye je gna, ‘Ngye əza wa sí nyasi n bəgədii, kwo to zhni nyaho nu m; ama əza n wa sí nyasi n nyagai ń kwo tu ń bəgədi nyi, wo papai lo n nyasi yii.’ 19Əfye awyebwayi! Knyidei nu gnadu lo a: nyaga nu, kwo bəgədi ń kwo zhni nyaga kwa zè gyigyiyi nyi a? 20Ntucenu, əza ń wa sí nyasi ń bəgədii, wo sí nyasi n əkwoi nu, jesnu n nyahonyahoii ń kwo tu lo ń əkwo. 21Njesnu əza n wa sí nyasi n Dagayipwuwai, wo sí nyasi n əzai nu ń wo dna n kwo nyi. 22Njesnu əza ń wa sí nyasi n əshemii, wo sí nyasi ń Shekwoyi əbeshnikpegyei nu ɓədo ń əza yii n wo sasetu ń kwo nyi.
23“Owii ń əfye aba, owa anyawuyi ɓədo n Afarisiyii, əfye akwocednayi! Fye ga zaka anyàgba nya: afnyitolo snidaí, dilli n kwumin nyai. Ama fye kwu aɓo gnadui owa nya ya: owafyecei, snusnugye n ɓəgbenui. Fye ɓə ɓa kwu kpmasnui nu zhni kpa, to fya ze akwokwoi amwi m. 24Əfye azokwowúyi awyebwayi! Fye gwo papala ya, ama fya myi lakwnumi.
25“Owii ń əfye aba, owa anyawuyi ɓədo n Afarisiyii, əfye akwocednayi! Fye zhna bwoɓyi ya n shnapa ɓyiyii n əbmyi, ama əkwo əmì n nunui lo n fnanai ɓədo n nayi aɓəyezhnii. 26Farisiyi wyebwayi! N kpmisnui, la bwoɓyi n shnapai zhnaya n əkwo əmì, nlonu ń əbmyi ɓaa gnyi n gyigyiyi ce.
27“Owii ń əfye aba, owa anyawuyi ɓədo n Afarisiyii! Əfye akwocednayi! Fye wulo ngye avnyigwo nu n ɓa n pyenti bwuibwuii pmya n bmyabmyai n əbmyi, ama ń əkwo əmi ń nunui n azafyí asnukwnui jesnu anya atnagyii dəhodəhoii. 28N ɓwasnu nlonu cè, fye wulo n əbmyi ngye aza aɓəfyeceyi nu ama ń əmi, fye nunui lo n kwocednai jesnu n əkpízhnii.
29“Owii ń əfye aba, owa anyawuyi ɓədo n Afarisiyii, əfye akwocednayi! Fye mi sheaɓəgwognayi avnyigwo, jesnu fya zhni aɓəfyeceyi avnyigwo aba. 30Njesnu fyei gna, ‘Yi ɓə gna ya gyianyì ń əyi azakwoyi əsa nu, yi to ɓə ɓa dnaɓwado n əɓai, n ɓa ze sheaɓəgwognayi ami ya nyi m.’ 31Ntulonu, fye gbmiɓo tu əfyehni nu, nge fye zhni aza yi ayawyi nu ń ɓa ɓə wu sheaɓəgwognayi nyi. 32Akpəge fye gwodu, fya zo əɓo ń əfye azakwoyi ɓə la ya nyi!
33“Əfye awa! Əfye agbezhi aɓyi! Fye ɓə pwó knyiznu owa nya n wunanu dna n anápyi a? 34Ntucenu mi tnu fye lo n sheaɓəgwognayii, jesnu n awyemwayi n anyawuyii. Azaho ń əɓa mi, fye ɓə kwú ɓa wu; jesnu fyei znu ɓa du; azaje fyei gyínaya fyi ń Ayahudiyibwokwnu jesnu fyei nya ɓa laɓa fyi n azhimi. 35Ntulonu aɓəfyeceyi ami vnyanya, ń a la zeya kpe ń əknyi nyi, ɓa ɓə zo kpe ń əfye nu, ənya ń kwo laka ń Habyila ɓəfyeceyi ami kwoi lo Zakariya Berekiya nugwnu ami, ń fye ɓə wu wo dna ń dagayipwuwa atasni n bəgədii nyi. 36Ɓəhnihni mi gna fye, aɓo ye vnyanya ɓə ɓe kpe ń cala ye nu.
37“Urishelima, Urishelima, əho ń ho wu sheaɓəgwognayi jesnu hoi she aza yi akwuta, ń a tnu ho ncei nyi, aɓwá aknyii nu ń mi yi əmihni ma ye əho aɓyi zhi n aba gbmanyi, shi pise ye əkwo aɓyi fyi n əkwo aɓwase nyi, ama ho ta ye lo m. 38Shiawye, a la əho pwuwa fa gnyi ho n gbəloii. 39Ntuge əmi nu gna fye, fye taa je mi wyegye m, sai əsa n fye ɓə gna, ‘Anabəlikada nu n əwoi n wo ɓe dna n Dagayi əye nyi.’ ”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.