Luuka 2
2
Yeisu Mama
1Fyi ń anyipyei yii, Kaisa Agwotusu wa ga ɓəgbetu nge a bà aza ń Roma əknyi vnyanya. 2(Dəye nu ɓə zhni azaba kpmisnui əsa ń Kwurinus ɓə zhni gwomna tu n Siriya nyi.) 3Zahozahoyi wa jezelo əwo əzhi nabai wa lo aa ka əwo əye.
4Ntulonu Yusufu cè, wa fa Nazereti dna n Gəlili, wa gwnulo Baitalamyi ń Yahudiya əknyi ń Dawuda əzhi, ntuge wo ɓə gbmi ń əbyé yi nu. 5Wo ɓə lo əzhi yi aa ka əwo əye nu ɓədo n Mariyamwui ń a ɓə la wo dù, wa pamwula n woi nyi, jesnu əwo əɓyima sa ɓə la gá kwa si. 6Əsa ń ɓa ɓə fyi ncei n ɓo, əsa kwa si ń wo ɓa ma əɓyi. 7Wa ma əwo əɓyi kpmisnui, əɓyinugbai. Waa wo kpmidna n aje, wa wo ya dna ń anyakpa nyagyibwe, ntuge azhiɓeyi əgbe to ɓə ye nyi ntu n əɓa ɓo m.
8Njesnu aknyiknayi ɓə zhi ń zhabwi vyivyiwyi, ɓai gwu əɓa aknyi n sukwoi. 9Maləka Dagayi nya wa kpeya da ɓa, latu Dagayi nya kwa bmyana fyi ɓa n shegwnu, jesnu ədna kwa wo ɓa n mwa kwokwo. 10Ama maləka wa gna ɓa, “Fye to wodna m. Mi ɓe fye n anabagyi manai nu, n kwo ɓa ɓe n agbmada yaakwoi, n aza vnyanya aba. 11Nnaiye dna ń Dawuda əzhi, a la Gnyiyi ma ga fye; əwo nu zhni Kirisiti, Dagayi. 12Dəye nu ɓaa fye zhni əznù: Fye ɓə gye əɓyi n kpmidna ń aje n yadna ń anyakpa nyagyibwe.”
13N əsagbmanyii, deeji yaakwo əshemi nya ɓa kpmiyazhi n kwnusnu n amaləkai, ɓai ci Shekwoyi ɓai gna,
14“Latu zhni Shekwoyi nya nu dna n əshemi asnada duduyi,
n kasnu dna n əknyi bwugbafu ga aza yi ń ɓa kwu əwo bmyashi ɓwa nyi.”
15She amaləka ɓəə kwu ɓa fa zhi jesnu ɓai kwu lofyi ń əshemi, aknyiknayi ɓa gna aje, “Fye ɓe ya lo Baitalamyi yii gye əɓo ye ń kwo kwu zhni nyi, ədo ń Dagayi wo kwu əkwo əɓo gna yi nyi.”
16Ntulonu, ɓa kwuka lo wolowolo jesnu ɓa lo ɓa gye Mariyamwu n Yusufui, ɓədo n əɓyipwutui, ń a ɓə n woi yadna ń anyakpa nyagyibwe nyi. 17She ɓa ɓə kwu wo gyewye, ɓa ya anabagyi gnamyi ntu ɓəda ɓo ń a ɓəə kwu gna ɓa ntu əɓyi ye ɓo nyi. 18Aza vnyanya n ɓa ɓə wo əɓo ń aknyiknayi ɓə da nyi, ca wo ɓa. 19Ama Mariyamwu wa kwu aɓo ye vnyanya wnakna jesnu woi zhni ɓa nubwo fyi ń əwo ədu. 20Aknyiknayi ɓa jezezhi ɓai lá Shekwoyi tu jesnu ɓai ci wo, ntu aɓo vnyanya ɓo, ń ɓa ɓə kwu wo jesnu ɓai kwu gyewye nyi, n ɓwasnu shi a ɓə gna ɓa nyi.
21N nyipyei nyimwanyimwayii, she əsa ɓə la si a znu əɓyi ənya, a tu wo əye ge Yeisu, əye ń maləka ɓə ga tunyi, to ai la əwo nubwo nyi m.
Yeisu gaga dna n Dagayipwuwa
22She əɓa əbmyikwnu anyazhnazhna kwnunu əsa ɓə la si, ngye shi Mwusa owa ncei da, Yusufu n Mariyamwui, ɓa la wo lo ncei ń Urishelima, ɓa lo ɓəə dna wo ń Dagayi akwnu 23(ngye shi kwo kafyilo n Dagayi owa, “Əɓyinugbai kpmisnui dəhodəhoi a ɓaa wo knyignyi ga Dagayi”), 24jesnu a ga nyagbmi, ntuge a nu Dagayi owa n kwa gna: “Alukpe ngwnu-aba kwo alukwukwu ɓyii ngwnu-aba.”
25Nsayii, əzaho ɓə dna ń Urishelima ai yi wo ge Simyiyon, wo ɓə zhni ɓəfyeceyi nu jesnu n wyenyiyi ń Shekwoyi vyi. Wo ɓə gnyi woi pmi atnazhni Israila nya nu, jesnu Zafnu Gyigyiyi ɓə kwnusnu n woi. 26Zafnu Gyigyiyi ɓəə kwu gna wo nge wo taa fyí, to woi gye Dagayi Kirisiti əwye m. 27Zafnu wa to wo ədu əɓwa, kwa zhni wo wa lo Dagayipwuwa. She azamayi ɓə loɓe n Yeisui nabai ɓa nu əɓo n owa n cei znutu nyi, 28Simyiyon wa gwo wo shi ń əwo akwnu, wa ci Shekwoyi woi gna:
29“Dagayi Duduyi vnyanya,
shi ho ɓə lá ɓəgbeshi shi nyi, nsaiye kwu əho tnutnuyi gnami wa lo n bwugbafui.
30Ntuge əmi awye ɓa kwu əho gnyignyi gyewye,
31n ho kwu kwo zhni ń abye vnyanya awye nyi:
32bwuznagna ntu ɓəwyegye ɓo ga Abyedo jesnu ntu Israila əho aza latu ɓo.”
33Əɓo n a ɓə da tu ń əɓyi yi tukwo nyi; ca wo əɓyi dada n əwo əyai. 34Nlonu Simyiyon wa tu ɓa anabəlika wa gna Mariyamwu əwo əya: “Əɓyi ye ń wonyi, əwo ɓətukwo ge, wa zhni aza bəgyé ɓa myiya nu; azaho ɓa kwukazhi ń Israila, jesnu wo ɓaa zhni əznù nu, ń a ɓa daɓo tu n əkwo tukwo, 35nabai ń a ɓa kpmi adu bəgyé ɓənubwozhni ya wu. Jesnu əbeyaakwo ɓa fnyi əhohni wyewyeyi ce.”
36Njesnu sheɓəgwognayi ɓə dna n ɓo ce, Ana Pyenuwel nyigwnu, woi gbmi n Asha əbyé. Wo ɓəə la kwo dəidəi; wo ɓəi gyianyì n əwo əɓai aye tnaaba nu ɓwasnu dna n amwula, 37jesnu n dəye avnu, waa zhni nyigbayi nya aye shiinyimwanyimwa-ceanyi. Wo to ɓə gbmiya ń Dagayipwuwa m, ama wa ce woi ga Shekwoyi mwamwa ń sukwoi ń nyipyei n əgbewnai ɓədo n aduwazhnii. 38Wa laka ɓe da ɓa n əsayii, wa sa Shekwoyi ami, jesnu wa daɓo tu ń əɓyi yi tukwo ga aza vnyanya, n ɓa ɓə zhi ń əwyei tu n Urishelima shnashná əɓo nyi.
39She Yusufu n Mariyamwui ɓə kwu ɓəhoɓəhoi zozhni ngye shi Dagayi owa ncei znutu, ɓa jezelo Gəlili ɓa lo Nazereti əɓa əzhi. 40Nlonu əɓyi yi wa mwa waa kalá dna; wo ɓə nunui n wyemwai, jesnu shebmyashi Shekwoyi nya ɓə kpe n wo.
Ɓyinugbai nawyii Yeisu dna n Dagayipwuwa
41Əye dəhodəhoi əwo azamayi ɓə zhni ɓa lo Urishelima ntu Paska Awyefna ɓo. 42She wo ɓə kwu aye ɓwa awoceaba, ɓa lo awyefna n kwnusnu, ngye shi əɓa kwnunu nyi. 43Shi awyefna ɓə kwu zo fna, əsa ń əwo azamayi ɓə zhi ɓai jezelo apyi, ɓyinugbai nawyi Yeisu, waa kpedna ń Urishelima, ntna əɓa akpe. 44Əwo azamayi ɓa zhninubwo nge wo kwnusnu lo n ɓai nu, ɓa znazna nyipyei ɓwugyi. Nlonu ɓa ya wo znashni n əɓa azaje aba ɓədo n anugwnudoi. 45She ɓa to ɓə gye wo əwye m, ɓa jezelo Urishelima ɓa lo ɓəə zna wo shni. 46N anyipyei ngwnu-ata avnu, ɓa gye wo əwye dna ń Dagayipwuwa ashilagyí, n sase dna ń anyawuyi atasni, woi kna ɓa tnubwa jesnu woi nya ɓa aɓo. 47Zahozahoyi ń wo ɓə kwu əwo ɓəda wo, ce ɓə kwu wo wo ntu n əwo awyega ɓo ɓədo n əwo ɓəgbednai. 48She əwo azamayi ɓə gye wo əwye, ca wo ɓa. Əwo əya wa gna wo, “Nugwnu, knyiyi nu na zhni honyi zhni əɓo kpe yi n wu nlai a? Əho dada n mii, yi kwu laɓa yii zna ho shni n aɓəsai.”
49Wa nyaɓo, “Knyiyi nu ɓə zhni fyei zna mi shni a? Fye ta kpəlo ge kwo ɓə zhni ɓəshishi nu maa dna n əmi Dada pwuwa m?” 50Ama ɓa to ɓə ɓwa awyega əɓo n wo ɓə gnyi woi gna ɓa nyi m.
51Nlonu wa shnilo Nazereti n kwnusnu n ɓai jesnu wa vyi əɓa ɓəda. Ama əwo əya wa kwu aɓo ye vnyanya sofyi n əwo ədu. 52Jesnu Yeisu wa mwa dna n wyemwa, n nayii, n bmyashii n Shekwoyi aba ɓədo n azanyikwocii.
Valið núna:
Luuka 2: OGNB
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Luuka 2
2
Yeisu Mama
1Fyi ń anyipyei yii, Kaisa Agwotusu wa ga ɓəgbetu nge a bà aza ń Roma əknyi vnyanya. 2(Dəye nu ɓə zhni azaba kpmisnui əsa ń Kwurinus ɓə zhni gwomna tu n Siriya nyi.) 3Zahozahoyi wa jezelo əwo əzhi nabai wa lo aa ka əwo əye.
4Ntulonu Yusufu cè, wa fa Nazereti dna n Gəlili, wa gwnulo Baitalamyi ń Yahudiya əknyi ń Dawuda əzhi, ntuge wo ɓə gbmi ń əbyé yi nu. 5Wo ɓə lo əzhi yi aa ka əwo əye nu ɓədo n Mariyamwui ń a ɓə la wo dù, wa pamwula n woi nyi, jesnu əwo əɓyima sa ɓə la gá kwa si. 6Əsa ń ɓa ɓə fyi ncei n ɓo, əsa kwa si ń wo ɓa ma əɓyi. 7Wa ma əwo əɓyi kpmisnui, əɓyinugbai. Waa wo kpmidna n aje, wa wo ya dna ń anyakpa nyagyibwe, ntuge azhiɓeyi əgbe to ɓə ye nyi ntu n əɓa ɓo m.
8Njesnu aknyiknayi ɓə zhi ń zhabwi vyivyiwyi, ɓai gwu əɓa aknyi n sukwoi. 9Maləka Dagayi nya wa kpeya da ɓa, latu Dagayi nya kwa bmyana fyi ɓa n shegwnu, jesnu ədna kwa wo ɓa n mwa kwokwo. 10Ama maləka wa gna ɓa, “Fye to wodna m. Mi ɓe fye n anabagyi manai nu, n kwo ɓa ɓe n agbmada yaakwoi, n aza vnyanya aba. 11Nnaiye dna ń Dawuda əzhi, a la Gnyiyi ma ga fye; əwo nu zhni Kirisiti, Dagayi. 12Dəye nu ɓaa fye zhni əznù: Fye ɓə gye əɓyi n kpmidna ń aje n yadna ń anyakpa nyagyibwe.”
13N əsagbmanyii, deeji yaakwo əshemi nya ɓa kpmiyazhi n kwnusnu n amaləkai, ɓai ci Shekwoyi ɓai gna,
14“Latu zhni Shekwoyi nya nu dna n əshemi asnada duduyi,
n kasnu dna n əknyi bwugbafu ga aza yi ń ɓa kwu əwo bmyashi ɓwa nyi.”
15She amaləka ɓəə kwu ɓa fa zhi jesnu ɓai kwu lofyi ń əshemi, aknyiknayi ɓa gna aje, “Fye ɓe ya lo Baitalamyi yii gye əɓo ye ń kwo kwu zhni nyi, ədo ń Dagayi wo kwu əkwo əɓo gna yi nyi.”
16Ntulonu, ɓa kwuka lo wolowolo jesnu ɓa lo ɓa gye Mariyamwu n Yusufui, ɓədo n əɓyipwutui, ń a ɓə n woi yadna ń anyakpa nyagyibwe nyi. 17She ɓa ɓə kwu wo gyewye, ɓa ya anabagyi gnamyi ntu ɓəda ɓo ń a ɓəə kwu gna ɓa ntu əɓyi ye ɓo nyi. 18Aza vnyanya n ɓa ɓə wo əɓo ń aknyiknayi ɓə da nyi, ca wo ɓa. 19Ama Mariyamwu wa kwu aɓo ye vnyanya wnakna jesnu woi zhni ɓa nubwo fyi ń əwo ədu. 20Aknyiknayi ɓa jezezhi ɓai lá Shekwoyi tu jesnu ɓai ci wo, ntu aɓo vnyanya ɓo, ń ɓa ɓə kwu wo jesnu ɓai kwu gyewye nyi, n ɓwasnu shi a ɓə gna ɓa nyi.
21N nyipyei nyimwanyimwayii, she əsa ɓə la si a znu əɓyi ənya, a tu wo əye ge Yeisu, əye ń maləka ɓə ga tunyi, to ai la əwo nubwo nyi m.
Yeisu gaga dna n Dagayipwuwa
22She əɓa əbmyikwnu anyazhnazhna kwnunu əsa ɓə la si, ngye shi Mwusa owa ncei da, Yusufu n Mariyamwui, ɓa la wo lo ncei ń Urishelima, ɓa lo ɓəə dna wo ń Dagayi akwnu 23(ngye shi kwo kafyilo n Dagayi owa, “Əɓyinugbai kpmisnui dəhodəhoi a ɓaa wo knyignyi ga Dagayi”), 24jesnu a ga nyagbmi, ntuge a nu Dagayi owa n kwa gna: “Alukpe ngwnu-aba kwo alukwukwu ɓyii ngwnu-aba.”
25Nsayii, əzaho ɓə dna ń Urishelima ai yi wo ge Simyiyon, wo ɓə zhni ɓəfyeceyi nu jesnu n wyenyiyi ń Shekwoyi vyi. Wo ɓə gnyi woi pmi atnazhni Israila nya nu, jesnu Zafnu Gyigyiyi ɓə kwnusnu n woi. 26Zafnu Gyigyiyi ɓəə kwu gna wo nge wo taa fyí, to woi gye Dagayi Kirisiti əwye m. 27Zafnu wa to wo ədu əɓwa, kwa zhni wo wa lo Dagayipwuwa. She azamayi ɓə loɓe n Yeisui nabai ɓa nu əɓo n owa n cei znutu nyi, 28Simyiyon wa gwo wo shi ń əwo akwnu, wa ci Shekwoyi woi gna:
29“Dagayi Duduyi vnyanya,
shi ho ɓə lá ɓəgbeshi shi nyi, nsaiye kwu əho tnutnuyi gnami wa lo n bwugbafui.
30Ntuge əmi awye ɓa kwu əho gnyignyi gyewye,
31n ho kwu kwo zhni ń abye vnyanya awye nyi:
32bwuznagna ntu ɓəwyegye ɓo ga Abyedo jesnu ntu Israila əho aza latu ɓo.”
33Əɓo n a ɓə da tu ń əɓyi yi tukwo nyi; ca wo əɓyi dada n əwo əyai. 34Nlonu Simyiyon wa tu ɓa anabəlika wa gna Mariyamwu əwo əya: “Əɓyi ye ń wonyi, əwo ɓətukwo ge, wa zhni aza bəgyé ɓa myiya nu; azaho ɓa kwukazhi ń Israila, jesnu wo ɓaa zhni əznù nu, ń a ɓa daɓo tu n əkwo tukwo, 35nabai ń a ɓa kpmi adu bəgyé ɓənubwozhni ya wu. Jesnu əbeyaakwo ɓa fnyi əhohni wyewyeyi ce.”
36Njesnu sheɓəgwognayi ɓə dna n ɓo ce, Ana Pyenuwel nyigwnu, woi gbmi n Asha əbyé. Wo ɓəə la kwo dəidəi; wo ɓəi gyianyì n əwo əɓai aye tnaaba nu ɓwasnu dna n amwula, 37jesnu n dəye avnu, waa zhni nyigbayi nya aye shiinyimwanyimwa-ceanyi. Wo to ɓə gbmiya ń Dagayipwuwa m, ama wa ce woi ga Shekwoyi mwamwa ń sukwoi ń nyipyei n əgbewnai ɓədo n aduwazhnii. 38Wa laka ɓe da ɓa n əsayii, wa sa Shekwoyi ami, jesnu wa daɓo tu ń əɓyi yi tukwo ga aza vnyanya, n ɓa ɓə zhi ń əwyei tu n Urishelima shnashná əɓo nyi.
39She Yusufu n Mariyamwui ɓə kwu ɓəhoɓəhoi zozhni ngye shi Dagayi owa ncei znutu, ɓa jezelo Gəlili ɓa lo Nazereti əɓa əzhi. 40Nlonu əɓyi yi wa mwa waa kalá dna; wo ɓə nunui n wyemwai, jesnu shebmyashi Shekwoyi nya ɓə kpe n wo.
Ɓyinugbai nawyii Yeisu dna n Dagayipwuwa
41Əye dəhodəhoi əwo azamayi ɓə zhni ɓa lo Urishelima ntu Paska Awyefna ɓo. 42She wo ɓə kwu aye ɓwa awoceaba, ɓa lo awyefna n kwnusnu, ngye shi əɓa kwnunu nyi. 43Shi awyefna ɓə kwu zo fna, əsa ń əwo azamayi ɓə zhi ɓai jezelo apyi, ɓyinugbai nawyi Yeisu, waa kpedna ń Urishelima, ntna əɓa akpe. 44Əwo azamayi ɓa zhninubwo nge wo kwnusnu lo n ɓai nu, ɓa znazna nyipyei ɓwugyi. Nlonu ɓa ya wo znashni n əɓa azaje aba ɓədo n anugwnudoi. 45She ɓa to ɓə gye wo əwye m, ɓa jezelo Urishelima ɓa lo ɓəə zna wo shni. 46N anyipyei ngwnu-ata avnu, ɓa gye wo əwye dna ń Dagayipwuwa ashilagyí, n sase dna ń anyawuyi atasni, woi kna ɓa tnubwa jesnu woi nya ɓa aɓo. 47Zahozahoyi ń wo ɓə kwu əwo ɓəda wo, ce ɓə kwu wo wo ntu n əwo awyega ɓo ɓədo n əwo ɓəgbednai. 48She əwo azamayi ɓə gye wo əwye, ca wo ɓa. Əwo əya wa gna wo, “Nugwnu, knyiyi nu na zhni honyi zhni əɓo kpe yi n wu nlai a? Əho dada n mii, yi kwu laɓa yii zna ho shni n aɓəsai.”
49Wa nyaɓo, “Knyiyi nu ɓə zhni fyei zna mi shni a? Fye ta kpəlo ge kwo ɓə zhni ɓəshishi nu maa dna n əmi Dada pwuwa m?” 50Ama ɓa to ɓə ɓwa awyega əɓo n wo ɓə gnyi woi gna ɓa nyi m.
51Nlonu wa shnilo Nazereti n kwnusnu n ɓai jesnu wa vyi əɓa ɓəda. Ama əwo əya wa kwu aɓo ye vnyanya sofyi n əwo ədu. 52Jesnu Yeisu wa mwa dna n wyemwa, n nayii, n bmyashii n Shekwoyi aba ɓədo n azanyikwocii.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.